ಟ್ಯಾರೋ(ಭವಿಷ್ಯ ಹೇಳಲು ಬಳಸುವ ಇಸ್ಪೀಟೆಲೆಗಳ ಪ್ಯಾಕ್)

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ವಿಸ್ಕಾಂಟಿ-ಸ್ಫೋರ್ಝಾ ಟ್ಯಾರೋ ಪ್ಯಾಕ್. 15ನೆಯ ಶತಮಾನದ ಮೂಲ ಪ್ಯಾಕ್ ನಿಂದ ಕಳೆದುಹೋಗಿತ್ತೆನ್ನಲಾದ ಸೈತಾನ ಕಾರ್ಡ್ ನ 20ನೆಯ ಶತಮಾನದ ಆ ಕಾರ್ಡಿನ ನಕಲು ಕಾರ್ಡ್.

ಟ್ಯಾರೋ (ಮೊದಲಿಗೆ ಇದನ್ನು ಟ್ಯಾರೋಚಿ ,pronounced /ˈtæroʊ/, ಟ್ಯಾರಾಕ್ ಮತ್ತು ಅದೇ ವಿಧದ ಹೆಸರುಗಳಿಂದ ಗುರುತಿಸುತ್ತಿದ್ದರು) ಒಂದು ಕಾರ್ಡ್ ಗಳ ಕಟ್ಟು(ಸಾಮಾನ್ಯವಾಗಿ ಒಂದು ಕಟ್ಟಿನಲ್ಲಿ 78 ಕಾರ್ಡ್ ಗಳಿರುತ್ತವೆ); ಇದನ್ನು ಇಟಾಲಿಯನ್ ಟ್ಯಾರೋಚಿನಿ ಮತ್ತು ಫ್ರೆಂಚ್ ಟ್ಯಾರೋ ಆಟಗಳನ್ನಾಡಲು ಯೂರೋಪ್ ನ ಹಲವಾರು ಭಾಗಗಳಲ್ಲಿ ಹದಿನೈದನೆಯ ಶತಮಾನದ ಮಧ್ಯಭಾಗದಿಂದ ಬಳಸಲಾಗುತ್ತಿದೆ. 18ನೆಯ ಶತಮಾನದಿಂದ ಇಂದಿನವರೆಗೆ ಟ್ಯಾರೋಗಳನ್ನು ಆಧ್ಯಾತ್ಮವಾದಿಗಳು ಮತ್ತು ಭವಿಷ್ಯ ನುಡಿಯುವವರು ಕಣಿ ಹೇಳಲು, ಅಥವಾ ಆಧ್ಯಾತ್ಮಿಕ ಅಥವಾ ಮಾನಸಿಕ ಮಾರ್ಗಗಳನ್ನು ರೂಪಿಸಲು ಬಳಸುವುದು ವಾಡಿಕೆಯಲ್ಲಿದೆ.

ಬಳಕೆಯಲ್ಲಿರುವ ಇಸ್ಪೀಟ್ ಎಲೆಗಳಲ್ಲಿರುವಂತೆಯೇ ಟ್ಯಾರೋವಿನಲ್ಲೂ ನಾಲ್ಕು ವಿಧದ ಕಾರ್ಡುಗಳು (ಸ್ಯೂಟ್ ಗಳು) ಇವೆ. ಈ ನಾಲ್ಕೂ ಸ್ಯೂಟ್ ಗಳಲ್ಲಿ ಏಸ್ ನಿಂದ 10ರವರೆಗಿನ ಸಂಖ್ಯೆಯ ಪಿಪ್ ಕಾರ್ಡ್ ಗಳು ಮತ್ತು ನಾಲ್ಕು ಫೇಸ್ ಕಾರ್ಡುಗಳು ಇದ್ದು, ಒಟ್ಟು 14 ಕಾರ್ಡುಗಳಿರುತ್ತವೆ. ಇವಲ್ಲದೆ, ಟ್ಯಾರೋವಿನ ವಿಭಿನ್ನತೆಯೆಂದರೆ 21 ಕಾರ್ಡ್ ಗಳ ಪ್ರತ್ಯೇಕ ಟ್ರಂಪ್ ಸ್ಯೂಟ್ ಮತ್ತು ಫೂಲ್ ಎಂಬ ಒಂದು ಕಾರ್ಡ್ ಪ್ರತಿ ಪ್ಯಾಕ್ ನಲ್ಲಿರುತ್ತವೆ. ಆಟದ ರೀತಿಯನ್ನನುಸರಿಸಿ, ಫೂಲ್ ಪ್ರಮುಖ ಟ್ರಂಪ್ ಆಗಬಹುದು ಅಥವಾ ಕ್ರಮವನ್ನು ತಪ್ಪಿಸಲು ಬಳಸುವ ಕಾರ್ಡ್ ಆಗಿ ಬಳಸಲಾಗಬಹುದು.[೧]

ರಾಬೆಲಾಯ್ಸ್ ತಮ್ಮ ಗಾರ್ಗಾಂಟುವಾ ಎಂಡ್ ಪಾಂಟಾಗ್ರುಯೆಲ್ ನಲ್ಲಿ ಗಾರ್ಗಾಂಟುವಾ ಆಡುವ ಆಟಗಳಲ್ಲಿ ಒಂದರ ಹೆಸರು ಟಾರಾವ್ ಎಂದು ಬರೆದಿದ್ದಾರೆ;[೨] ಇದು ಪ್ರಾಯಶಃ ಆ ಹೆಸರಿನ ಫ್ರೆಂಚ್ ಮಾದರಿಯ ಪ್ರಾಥಮಿಕ ಖಚಿತಗೊಳಿಸುವಿಕೆಯಾಗಿದೆ. ಕಾರ್ಡ್ ಆಟಗಳನ್ನು ಆಡುವ ಸಲುವಾಗಿ ಯೂರೋಪ್ ನ ಬಹುತೇಕ ಜಾಗಗಳಲ್ಲಿ ಟ್ಯಾರೋ ಕಾರ್ಡ್ ಗಳನ್ನು ಬಳಸಲಾಗುತ್ತದೆ. ಇಂಗ್ಲಿಷ್ ಮಾತನಾಡುವ ದೇಶಗಳಲ್ಲಿ, ಈ ಆಟಗಳ ಪರಿಚಯವೇ ಇಲ್ಲದ ಜಾಗಗಳಲ್ಲಿ, ಟ್ಯಾರೋ ಕಾರ್ಡುಗಳನ್ನು ಪ್ರಮುಖವಾಗಿ ಭವಿಷ್ಯ ಹೇಳುವ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ.[೧][೩] ರಹಸ್ಯೋಪದೇಶಕರು ಪ್ಯಾಕ್ ನ ಟ್ರಂಪ್ ಕಾರ್ಡುಗಳು ಮತ್ತು ಫೂಲ್ ಅನ್ನು "ಮೇಜರ್ ಅರ್ಕಾನಾ" ಎಂದು ಕರೆಯುತ್ತಾರೆ ಮತ್ತು ಹತ್ತು ಪಿಪ್ ಗಳು ಮತ್ತು ನಾಲ್ಕು ಕೋರ್ಟ್ (ದರ್ಬಾರ್) ಕಾರ್ಡುಗಳನ್ನು ಮೈನರ್ ಅರ್ಕಾನಾ ಎಂದು ಕರೆಯುತ್ತಾರೆ. ಕೆಲವು ನಿಗೂಢವಿಷಯ ಲೇಖಕರು ಈ ಕಾರ್ಡುಗಳು ಪ್ರಾಚೀನ ಈಜಿಪ್ಟ್ ಅಥವಾ ಕಬ್ಬಾಲಾದ ಕಾಲದ್ದೆಂದು ಪತ್ತೆ ಹಚ್ಚಿರುವುದಾಗಿ ಹೇಳುವರಾದರೂ ತತ್ಸಂಬಂಧಿತ ಮೂಲಗಳ ಬಗ್ಗೆಯಾಗಲೀ, 18ನೆಯ ಶತಮಾನಕ್ಕೆ ಮುಂಚೆ ಟ್ಯಾರೋ ಕಾರ್ಡುಗಳು ಕಣಿ ಹೇಳಲು ಬಳಸಲ್ಪಡುತ್ತಿದ್ದವು ಎಂಬುದಕ್ಕಾಗಲೀ ಯಾವುದೇ ನಿಖರ ಪುರಾವೆಗಳು ದೊರೆತಿಲ್ಲ.[೧]

ಪರಿವಿಡಿ

ವ್ಯುತ್ಪತ್ತಿ ಶಾಸ್ತ್ರ[ಬದಲಾಯಿಸಿ]

ಇಂಗ್ಲಿಷ್ ಮತ್ತು ಫ್ರೆಂಚ್ ಪದವಾದ ಟ್ಯಾರೋ ಇಟಾಲಿಯನ್ ಪದವಾದ ಟ್ಯಾರೋಚಿ ಯ ಮೂಲದ್ದು, ಈ ಪದಕ್ಕೆ ಯಾವುದೇ ಮೂಲವಾಗಲೀ,ವ್ಯುತ್ಪತ್ತಿಯಾಗಲಿ ಇಲ್ಲ. ಒಂದು ಸಿದ್ಧಾಂತವು "ಟ್ಯಾರೋ" ಪದವನ್ನು ಉತ್ತರ ಇಟಲಿಯ ಪಾರ್ಮಾ ಬಳಿಯ ಟ್ಯಾರೋ ನದಿಯ ಹೆಸರಿಗೆ ತಳುಕು ಹಾಕುತ್ತದೆ; ಈ ಕ್ರೀಡೆಯ ಉಗಮವು ಉತ್ತರ ಇಟಲಿ, ಮಿಲಾನ್ ಅಥವಾ ಬೋಲೋನ್ಯಾಗಳಲ್ಲಿ ಆದಂತೆ ಭಾಸವಾಗುತ್ತದೆ.[೪] ಇತರ ಲೇಖಕರು ಈ ಪದವುಅರಾಬಿಕ್ ಪದವಾದ طرق ತುರುಕ್ , ಅರ್ಥಾತ್ 'ಹಾದಿಗಳು' ಇಂದ ಬಂದಿತೆನ್ನುತ್ತಾರೆ.[೫] ಹೀಗಿಲ್ಲದಿದ್ದಲ್ಲಿ, ಅದು ಅರಬ್ ಪದವಾದ ترك ತರಕ , ಅರ್ಥಾತ್'ಬಿಡುವುದು, ತ್ಯಜಿಸುವುದು, ಹೊರಹಾಕುವುದು, ಹಿಂದೆ ಬಿಡುವುದು' ಎಂಬುದರಿಂದಲೂ ಬಂದಿರಬಹುದು.[೬] . ಒಂದು ಫ್ರೆಂಚ್ ವ್ಯುತ್ಪತ್ತಿಯ ಪ್ರಕಾರ, ಇಟಾಲಿಯನ್ ಟ್ಯಾರೋಕ್ಕೋ ಅರಬ್ ಪದವಾದ طرح ತರ್ಹ್ ,[೭] ಅರ್ಥಾತ್ 'ತಿರಸ್ಕಾರ; ವ್ಯವಕಲನ, ಕಳೆಯುವಿಕೆ, ಸೋಡಿ' ಯಿಂದ ಬಂದಿದೆ.[೮]

ಇತಿಹಾಸ[ಬದಲಾಯಿಸಿ]

ಇಸ್ಪೀಟೆಲೆಗಳು 14 ನೇ ಶತಮಾನದ ಉತ್ತರಾರ್ಧದಲ್ಲಿ ಬಹುಶಃ ಈಜಿಫ್ಟ್ ನ ಮಾಮ್ಲಕ್ ನಿಂದ ಕತ್ತಿಗಳ, ಏಣಿ ಮೆಟ್ಟಿಲುಗಳ , ಬಟ್ಟಲುಗಳ ಮತ್ತು ನಾಣ್ಯಗಳ(ಬಿಲ್ಲೆಗಳು, ಮತ್ತು ಪಂಚಕೋನದ ಆಕೃತಿಗಳು ಎಂದೂ ಕೂಡ ಕರೆಯಲಾಗುತ್ತಿತ್ತು) ಚಿತ್ರವಿರುವ ಭವಿಷ್ಯ ಹೇಳಲು ಬಳಸುವ ಇಸ್ಪೀಟೆಲೆಗಳ ಕಟ್ಟಿನೊಂದಿಗೆ, ಮೊಟ್ಟ ಮೊದಲನೆಯ ಬಾರಿಗೆ ಯುರೋಪ್ ಅನ್ನು ಪ್ರವೇಶಿಸಿದವು. ಅಲ್ಲದೇ ಇವುಗಳನ್ನು ಇಟಾಲಿಯನ್, ಸ್ಪ್ಯಾನಿಷ್ ಮತ್ತು ಪೋರ್ಚುಗೀಸ್ ಸಾಂಪ್ರದಾಯಿಕ ಇಸ್ಪೀಟ್ ಕಟ್ಟುಗಳಲ್ಲಿ ಈಗಲೂ ಬಳಸಲಾಗುತ್ತದೆ.[೯] ಸ್ವಿಜರ್ಲೆಂಡ್ ನ ಬರ್ನ್ ನಗರದಲ್ಲಿ ಇದರ ಬಳಕೆಯನ್ನು 1367 ರಲ್ಲಿ ನಿಷೇಧಿಸಲಾಯಿತು. ಈ ನಿಷೇಧವೇ ದಾಖಲಿಸಲ್ಪಟ್ಟಿರುವ ಮೊದಲನೆಯ ಸಾಕ್ಷ್ಯವಾಗಿದೆ. ಯುರೋಪ್ ನಲ್ಲಿ ಇಸ್ಪೀಟೆಲೆಗಳ ವ್ಯಾಪಕವಾದ ಬಳಕೆ 1377 ನಂತರದ ದಿನಗಳಲ್ಲಿ ಕಂಡುಬಂದಿದೆ.[೧೦]

ಪ್ರಥಮವಾಗಿ ಬೆಳಕಿಗೆ ಬಂದ ಟ್ಯಾರೋ ಕಾರ್ಡುಗಳ ತಯಾರಿಕೆಯು 1430ರಿಂದ 1450ರ ಅವಧಿಯಲ್ಲಿ ಮಿಲಾನ್, ಫೆರಾರಾ ಗಳಲ್ಲಿ ಆಯಿತು ಮತ್ತು ಉತ್ತರ ಇಟಲಿಯ ಬೋಲೋನ್ಯಾದಲ್ಲಿ ತಯಾರಾದುದರಲ್ಲಿ ಹೆಚ್ಚುವರಿ ಟ್ರಂಪ್ ಕಾರ್ಡುಗಳಿದ್ದು ದೃಷ್ಟಾಂತಕ್ಕೆಂದು ಚಿತ್ರಗಳು ಇರುವಂತಹ ಕಾರ್ಡುಗಳನ್ನು ಸಾಮಾನ್ಯವಾದ ನಾಲ್ಕು-ಸ್ಯೂಟ್ ಗಳ ಪ್ಯಾಕ್ ಗೆ ಸೇರಿಸಲಾಯಿತು. ಈ ಹೊಸ ಪ್ಯಾಕ್ ಗಳನ್ನು ಮೊದಲಿಗೆ ಕಾರ್ಟ್ ಡಾ ಟ್ರೈಯಾಂಫಿ , ಟ್ರೈಯಂಫ್ ಕಾರ್ಡ್ ಗಳು ಎಂದು ಕರೆಯಲಾಗುತ್ತಿದ್ದವು, ಮತ್ತು ಹೆಚ್ಚುವರಿ ಕಾರ್ಡುಗಳನ್ನು ಸರಳವಾಗಿ ಟ್ರೈಯಾಂಫಿ ಎಂದು ಕರೆಯಲಾಗುತ್ತಿತ್ತು; ಇದೇ ಮುಂದೆ ಇಂಗ್ಲಿಷ್ ನಲ್ಲಿ "ಟ್ರಂಪ್ಸ್" ಎಂದು ಕರೆಯಲ್ಪಟ್ಟಿತು. ಕಾರ್ಟೆ ಡಾ ಟ್ರೈಯಾಂಫಿ ಯ ಇರುವಿಕೆಯ ಮೊದಲ ಸಾಹಿತ್ಯಿಕ ಪುರಾವೆಯು ಫೆರಾರಾದ ನ್ಯಾಯಾಲಯದ 1442ನೆಯ ಇಸವಿಯ ದಾಖಲೆಗಳಲ್ಲಿ ದೊರಕುತ್ತದೆ.[೧೧]

ಅತ್ಯಂತ ಪ್ರಾಚೀನವಾದ, ಇನ್ನೂ ಸುಸ್ಥಿತಿಯಲ್ಲಿರುವ ಟ್ಯಾರೋ ಕಾರ್ಡುಗಳೆಂದರೆ ಮಿಲಾನ್ ನ ರಾಜರಾದ ವಿಸ್ಕಾಂಟಿ-ಸ್ಫೋರ್ಝಾರ ಕುಟುಂಬಕ್ಕೆಂದು 15ನೆಯ ಶತಮಾನದ ಮಧ್ಯಭಾಗದಲ್ಲಿ ಹದಿನೈದು ಭಾಗಗಳಲ್ಲಿ ಚಿತ್ರಿಸಿದ ಟ್ಯಾರೋ ಪ್ಯಾಕ್ ನವು.[೧೨]

1540ರಷ್ಟು ಹಿಂದೆಯೇ ಆಡುವ ಕಾರ್ಡುಗಳನ್ನು ಬಳಸಿ ಜ್ಯೋತಿಷ್ಯ ಹೇಳುವುದು ಇದ್ದಿತೆಂಬುದನ್ನು ದ ಅರಾಕಲ್ಸ್ ಆಫ್ ಫ್ರ್ಯಾನ್ಸೆಸ್ಕೋ ಮಾರ್ಕೋಲಿನೋ ಡ ಫಾರ್ಲಿ ಯಿಂದ ತಿಳಿಯಬಹುದು; ಬಹಳ ಸರಳವಾದ ರೀತಿಯಲ್ಲಿ ಜ್ಯೋತಿಷ್ಯ ಹೇಳುವ ಕ್ರಮವಿದ್ದು, ಕಾರ್ಡುಗಳನ್ನು ಅನಿರ್ದಿಷ್ಟವಾಗಿ ದೇವೋತ್ತರ ನೀಡಲು ಆರಿಸಲಾಗುತ್ತಿತ್ತೇ ವಿನಹ ತಮ್ಮದೇ ಆದ ಅರ್ಥವನ್ನೇನೂ ಆ ಕಾರ್ಡುಗಳು ಹೊಂದಿರುತ್ತಿರಲಿಲ್ಲ. ಆದರೆ 1735ರ (ದ ಸ್ಕ್ವೇರ್ ಆಫ್ ಸೆವೆನ್ಸ್ ) ಮತ್ತು 1750ರ (ಪ್ರಟೆಸಿ ಕಾರ್ಟೋಮ್ಯಾನ್ಸರ್ ) ಹಸ್ತಪ್ರತಿಗಳು ಟ್ಯಾರೋ ಕಾರ್ಡುಗಳಿಗೆ ಮೂಲ ಭವಿಷ್ಯಾರ್ಥಗಳನ್ನು ದಾಖಲಿಸಿವೆ ಹಾಗೂ ಕಾರ್ಡುಗಳನ್ನು ಹರಡುವ ಕ್ರಮವನ್ನೂ ದಾಖಲಿಸಿವೆ.

ಜಿಯಾಕೋಮೋ ಕ್ಯಾಸಾನೋವಾ wrote 1765ರಲ್ಲಿ ತನ್ನ ರಷ್ಯಾದ ಪ್ರೇಯಸಿಯು ಆಗಾಗ್ಗೆ ಆಡುವ ಕಾರ್ಡುಗಳನ್ನು ಕಣಿ ಹೇಳಲು ಆಗಾಗ್ಗೆ ಬಳಸುತ್ತಿದ್ದಳು ಎಂದು ತಮ್ಮ ಡೈರಿಯಲ್ಲಿ ಬರೆದಿದ್ದರು .[೧೩]

ಪ್ರಥಮ ಪ್ಯಾಕ್ ಗಳು[ಬದಲಾಯಿಸಿ]

ಚಿತ್ರಸಹಿತ-ಕಾರ್ಡ್ ಗಳು ಪ್ಯಾಕ್ ಗಳ ಬಗ್ಗೆ ಮೊದಲ ಉಲ್ಲೇಖವನ್ನು ಪ್ರಾಯಶಃ 1418ರಿಂದ 1425ರ ಅವಧಿಯಲ್ಲಿ ಮಾರ್ಟಿಯಾನೋ ಡ ಟಾರ್ಟೋನಾಮಾಡಿದರು; 1418ರಲ್ಲಿ ಅವರು ಉಲ್ಲೇಖಿಸುವ ಚಿತ್ರಕಾರರಾದ ಮೈಕೆಲಿನೋ ಡ ಬೆಝೋಝೋ ಮಿಲಾನ್ ಗೆ ಹಿಂತಿರುಗಿದ್ದು ದಾಖಲಾಗಿರುವುದು ಮತ್ತು ಸ್ವತಃ ಮಾರ್ಟಿಯಾನೋ 1425ರಲ್ಲಿ ಮೃತರಾದದ್ದು ಈ ಕಾಲಘಟ್ಟದ ನಿರ್ಣಯಕ್ಕೆ ಸೂಚಿಗಳಾಗಿವೆ. ಅವರು 16 ಚಿತ್ರಗಳುಳ್ಳ ಕಾರ್ಡುಗಳ ಪ್ಯಾಕನ್ನು ವಿವರಿಸುತ್ತಾರೆ; ಅದರಲ್ಲಿ ಗ್ರೀಕ್ ದೇವತೆಗಳ ಚಿತ್ರಗಳಿವೆ. ಸ್ಯೂಟ್ ಗಳಲ್ಲಿ ನಾಲ್ಕು ವಿಧದ ಪಕ್ಷಿಗಳು ಇದ್ದು, ಸಾಮಾನ್ಯವಾದ ಸ್ಯೂಟ್ ಗಳು ಇದರಲ್ಲಿಲ್ಲ. ಆದರೆ 16 ಕಾರ್ಡುಗಳನ್ನು "ಟ್ರಂಪ್ ಗಳು" ಎಂದೇ ಪರಿಗಣಿಸಲಾಗಿದ್ದುದು ವಿದಿತ, ಏಕೆಂದರೆ, 25 ವರ್ಷಗಳ ನಂತರ, ಜ್ಯಾಕೋಪೋ ಆಂಟೋನಿಯೋ ಮಾರ್ಸೆಲೋ ಅವುಗಳನ್ನು ಲ್ಯೂಡಸ್ ಟ್ರೈಯಂಫೋರಂ , ಅಥವಾ "ಗೇಮ್ ಆಫ್ ಟ್ರಂಪ್ಸ್" ಎಂದು ಕರೆದರು.[೧೪]

ಮಾಮೂಲಿ ಪ್ಯಾಕ್ ಗಳಿಗೆ ಸೇರಿಸಲ್ಪಟ್ಟ ಕಾರ್ಡುಗಳ ಮೇಲಿನ ವಿಶೇಷ ಚಿತ್ರಣಗಳು ಆಧ್ಯಾತ್ಮಿಕ, ಸಾಮಾಜಿಕ, ಕಾವ್ಯಾತ್ಮಕ, ಖಗೋಳಶಾಸ್ತ್ರಸಂಬಂಧಿತ, ಮತ್ತು ಫೋಷಣಾ ಚಿಂತನೆಗಳನ್ನೂ, ರೋಮನ್/ಗ್ರೀಕ್/ಬ್ಯಾಬಿಲೋನಿಯನ್ ನಾಯಕರ ಚಿತ್ರಗಳನ್ನೂ, ಸೋಲಾ-ಬಸ್ಕಾ-ಟ್ಯಾರೋಚಿ (1491)[೧೫] ಯ ವಿಷಯದಲ್ಲಿರುವಂತೆ ಮತ್ತು 1461 ಮತ್ತು 1494ರ ನಡುವಣ, ಬರೆದ ದಿನಾಂಕ ತಿಳಿದಿರದ, ಬೋಯಿಯಾರ್ಡೋ ಟ್ಯಾರೋಚಿ ಕವನದಂತೆ ಹಲವಾರು ವಿಷಯಗಳನ್ನು ಬಿಂಬಿಸುತ್ತವೆ.[೧೬]

ಲೆ ಬೆಟೆಲ್ಯೂರ್: ಮಾರ್ಸೀಲೆಸ್ ನ ಟ್ಯಾರೋದಲ್ಲಿನ ದ ಜಗ್ಲರ್. ಈ ಕಾರ್ಡನ್ನು ಆಧುನಿಕ ಇಂಗ್ಲಿಷ್ ಭಾಷೆಯ ಟ್ಯಾರೋಗಳಲ್ಲಿ ಸಾಮಾನ್ಯವಾಗಿ ದ ಮೆಜಿಷಿಯನ್ ಎಂದು ಕರೆಯಲಾಗುತ್ತದೆ.

ಮಿಲಾನ್ ನ ಎರಡು ಆಡಬಳಸುವ ಕಾರ್ಡುಗಳ ಪ್ಯಾಕ್ ಗಳನ್ನು (ಬ್ರೆರಾ-ಬ್ರಾಂಬ್ರಿಲಾ ಮತ್ತು ಕ್ಯಾರಿ-ಯೇಲ್-ಟ್ಯಾರೋಚಿ)—ವಿದ್ಯಮಾನಭರಿತ, ಆದರೆ ವಿಭಜಿತ— 1440ರ ಆಸುಪಾಸಿನಲ್ಲಿ ತಯಾರಿಸಲಾಯಿತು.

1 ಜನವರಿ1441ರಿಂದ ಜುಲೈ 1442ರವರೆಗಿನ ಮೂರು ದಸ್ತಾವೇಜುಗಳಲ್ಲಿ, ಟ್ರೈಯಾನ್ಫಿ  ಎಂಬ ಪದವನ್ನು ಬಳಸಲಾಗಿದೆ.
ಜನವರಿ 1441ರ ದಸ್ತಾವೇಜು ವಿಶ್ವಾಸಾರ್ಹ ಆಕರವೆಂದು ಪರಿಗಣಿಸಲಾಗಿಲ್ಲ; ಆದರೆ, ಅದೇ ಚಿತ್ರಕಾರ, ಸ್ಯಾಗ್ರಮೋರೋ, ರನ್ನು ಅದೇ ಪೋಷಕರು, ಲಿಯೋನೆಲೋ ಡಿಯೆಸ್ಟೆ, 1442ರ ದಸ್ತಾವೇಜಿನಲ್ಲಿರುವಂತೆಯೇ, ನಿಯೋಜಿಸಿದ್ದರು.  1450ರಲ್ಲಿ ಈ ಆಟವು ಹೆಚ್ಚು ಪ್ರಾಮುಖ್ಯತೆ ಪಡೆಯಲಾರಂಭಿಸಿದಂತೆ ಕಂಡಿತು, ಇಟಲಿಯಲ್ಲಿನ ಜ್ಯೂಬಿಲಿ ವರ್ಷವಾದ ಈ ವರ್ಷದಲ್ಲಿ ಹಲವಾರು ಉತ್ಸವಗಳು ಜರುಗಿದವು ಮತ್ತು ಅನೇಕ ಯಾತ್ರಾರ್ಥಿಗಳು ಭೇಟಿಯಿತ್ತರು.

ಮೂರು 15ನೆಯ ಶತಮಾನದ ಮಧ್ಯಭಾಗದಲ್ಲಿನ ಜೊತೆಗಳು ವಿಸ್ಕಾಂಟಿ ಕುಟುಂಬದವರಿಗೆಂದು ಮಾಡಿಕೊಡಲ್ಪಟ್ಟವು.[೧೭] ಮೊದಲ ಪ್ಯಾಕ್, ಹಾಗೂ ಪ್ರಾಯಶಃ ಮಾದರಿ ಎಂದು ಮಾಡಿದ್ದು, ಕ್ಯಾರಿ-ಯೇಲ್ ಟ್ಯಾರೋ ಎಂದು ಕರೆಯಲ್ಪಡುತ್ತದೆ(ಅಥವಾ ವಿಸ್ಕಾಂಟಿ ಮೋಡ್ರೋನ್ ಟ್ಯಾರೋ) ಹಾಗೂ ಇದನ್ನು 1442ರಿಂದ 1447ರ ಅವಧಿಯಲ್ಲಿ ಫಿಲಿಪ್ಪೋ ಮಾರಿಯಾ ವಿಸ್ಕಾಂಟಿಗೆಂದು ಒಬ್ಬ ಅಜ್ಞಾತ ಕಲಾವಿದನು ಇದನ್ನು ಸೃಷ್ಠಿಸಿದನು.[೧೭] ಈ ಕಾರ್ಡುಗಳು (ಕೇವಲ 66) ಈಗ ಯು.ಎಸ್. ರಾಜ್ಯವಾದ ಕನೆಕ್ಟಿಕಟ್ ನ ಯೇಲ್ ವಿಶ್ವವಿದ್ಯಾಲಯದ ಬೀಯ್ನೆಕ್ಕೆ ಅಪರೂಪದ ಪುಸ್ತಕಗಳ ಗ್ರಂಥಾಲಯದಲ್ಲಿ ಕ್ಯಾರಿ ಕಲೆಕ್ಷನ್ ಎಂಬ ಸಂಗ್ರಹವಾಗಿ ಶೇಖರವಾಗಿವೆ. ಅತ್ಯಂತ ಖ್ಯಾತವಾದದ್ದನ್ನು 15ನೆಯ ಶತಮಾನದ ಮಧ್ಯಭಾಗದಲ್ಲಿ ಚಿತ್ರಿಸಲಾಯಿತು; ಡ್ಯೂಕ್ ಫಿಲಿಪ್ಪೋ ಮಾರಿಯಾರ ಮಗಳಾದ ಬಿಯಾಂಕಾ ಮಾರಿಯಾ ವಿಸ್ಕಾಂಟಿ ಹಾಗೂ ಆಕೆಯ ಪತಿ ಫ್ರ್ಯಾನ್ಸೆಸ್ಕೋ ಸ್ಫೋರ್ಝಾರ ಮುದದ ಉತ್ಸವಕ್ಕೆಂದು ಇದನ್ನು ಚಿತ್ರಿಸಲಾಯಿತು. ಈ ಕಾರ್ಡುಗಳನ್ನು ಪ್ರಾಯಶಃ ಬೋನಿಫೇಷಿಯೋ ಬೆಂಬೋ ಅಥವಾ ಫ್ರ್ಯಾನ್ಸೆಸ್ಕೋ ಝಾವತ್ತರಿ 1451ರಿಂದ 1453ರ ಅವಧಿಯಲ್ಲಿ ಚಿತ್ರಿಸಿರಬೇಕು.[೧೭]

ಮೂಲ ಕಾರ್ಡುಗಳ ಪೈಕಿ, 35 ದ ಮೋರ್ಗಾನ್ ಲೈಬ್ರರಿ & ಮ್ಯೂಸಿಯಂನಲ್ಲಿದೆ, 26 ಅಕಾಡೆಮಿಯ ಕರ್ರಾರದಲ್ಲಿವೆ, 13 ಕಾಸಾ ಕಾಲ್ಲಿಯೋನಿ[೧೭] ಯಲ್ಲಿವೆ ಮತ್ತು ಎರಡು, 'ಸೈತಾನ' ಮತ್ತು 'ಗೋಪುರ', ಕಳೆದುಹೋಗಿವೆ ಅಥವಾ ಮಾಡಿರಲೇ ಇಲ್ಲ.
ಈ "ವಿಸ್ಕಾಂಟಿ-ಸ್ಫೋರ್ಝಾ" ಪ್ಯಾಕ್, ವ್ಯಾಪಕವಾಗಿ ಮರು ಉತ್ಪಾದಿಸಲ್ಪಟ್ಟಿದ್ದು, ಆ ಕಾಲದ ಸಾಂಪ್ರದಾಯಿಕ ಪ್ರತಿಮಾಶಾಸ್ತ್ರವನ್ನು ಬಹಳಷ್ಟು ಮಟ್ಟಿಗೆ ಬಿಂಬಿಸುತ್ತದೆ.[೧೮]

ಕೈಯಾರೆ ಚಿತ್ರಿತ ಟ್ಯಾರೋ ಕಾರ್ಡುಗಳು ಮೇಲುವರ್ಗದ ಜನರಿಗೇ ಸೀಮಿತವಾಗಿದ್ದಿತು; 14ನೆಯ ಶತಮಾನದಲ್ಲಿ ಕಾರ್ಡುಗಳಲ್ಲಿರುವ ದುಷ್ಟತೆಗಳನ್ನು ನಿವಾರಿಸುವ ಹಲವು ಆಚರಣೆಗಳಲ್ಲಿ ಈ ಕಾರ್ಡುಗಳು ಕಂಡುಬಂದರೂ, ಟ್ಯಾರೋ ಪರಿಚಿತಗೊಂಡ ಪ್ರಾಥಮಿಕ ಹಂತದಲ್ಲಿ ಬಹುತೇಕ ಸರ್ಕಾರಗಳು ವಾಡಿಕೆಯಂತೆ ಟ್ಯಾರೋ ಕಾರ್ಡುಗಳ ಬಳಕೆಯನ್ನು ಖಂಡಿಸಲಿಲ್ಲ[ಸೂಕ್ತ ಉಲ್ಲೇಖನ ಬೇಕು]. ವಾಸ್ತವವಾಗಿ, ಕೆಲವು ಸರಹದ್ದುಗಳಲ್ಲಿ, ಆಡುವ ಕಾರ್ಡುಗಳನ್ನು ಕಾನೂನು ರೀತ್ಯಾ ಬಹಿಷ್ಕರಿಸಿದ ಸ್ಥಳಗಳಲ್ಲೂ ಟ್ಯಾರೋ ಕಾರ್ಡುಗಳಿಗೆ ವಿಶೇಷವಾದ ಅನುಮತಿ ಇದ್ದಿತು.

ಪ್ರಪ್ರಥಮ ಕಾರ್ಡುಗಳು ಹಸ್ತ-ಚಿತ್ರಿತವಾಗಿದ್ದುದರಿಂದ, ಆ ಕಾಲದಲ್ಲಿ ರಚಿತವಾದ ಪ್ಯಾಕ್ ಗಳ ಸಂಖ್ಯೆ ಬಹಳ ಕಡಿಮೆಯದ್ದೆಂದು ಆಲೋಚಿಸಲಾಗಿದೆ ಹಾಗೂ ಪ್ರಿಂಟಿಂಗ್ ಪ್ರೆಸ್ ನ ಸಂಶೋಧನೆಯ ನಂತರವೇ ಕಾರ್ಡುಗಳ ಸಗಟು ಉತ್ಪಾದನೆ ಸಾಧ್ಯವಾಯಿತು. ಫ್ರ್ಯಾನ್ಸ್ ನ ವಿವಿಧ ನಗರಗಳಲ್ಲಿ ಆ ಕಾಲದ ಕಾರ್ಡುಗಳು ಉಳಿದುಕೊಂಡಿದ್ದು, ಈ ಪ್ರಥಮವಾಗಿ ಮುದ್ರಿತವಾದ ಪ್ಯಾಕ್ ಗಳ ಪೈಕಿ ಬಹಳ ಜನಪ್ರಿಯವಾದ ಮಾದರಿಯೆಂದರೆ ಮಾರ್ಸೀಲೆಸ್ ಎಂಬ ದಕ್ಷಿಣದ ನಗರದಿಂದ ಉತ್ಪಾದಿತವಾದುದಾಗಿದ್ದು, ಆ ಕಾರ್ಡುಗಳ ಪ್ಯಾಕ್ ಗಳನ್ನು ಆ ಸ್ಥಳದ ಹೆಸರನ್ನು ಸೇರಿಸಿಕೊಂಡೇ ಟ್ಯಾರೋ ಡಿ ಮಾರ್ಸೀಲೆಸ್ ಎಂದೇ ಕರೆಯಲಾಗುತ್ತದೆ.[೧೯]

ಟ್ಯಾರೋ, ಟ್ಯಾರಾಕ್ ಮತ್ತು ಟ್ಯಾರೋಚಿ ಆಟಗಳು[ಬದಲಾಯಿಸಿ]

ಟ್ಯಾರೋ ಕಾರ್ಡ್ ಗಳ ಮೂಲ ಉದ್ದೇಶವು ಆಟ ಆಡುವುದಕ್ಕೆಂದೇ ಇದ್ದಿತು ಹಾಗೂ ಇದರ ಮೊದಲ ಮೂಲ ನಿಯಮಗಳು ಮಾರ್ಟಿಯಾನೋ ಡ ಟೋರ್ಟೋನಾರು 1425ನೆಯ ಇಸವಿಗೂ ಮುಂಚೆ ಬರೆದ ಹಸ್ತಪ್ರತಿಗಳಲ್ಲಿ ಗೋಚರಿಸಿವೆ.[೨೦] ಟ್ಯಾರೋ ಆಟವು ವಿವಿಧ ರೂಪಗಳಲ್ಲಿ ಪರಿಚಿತವಾಗಿದೆ (ಸಾಮಾನ್ಯವಾಗಿ ಸಾಂಸ್ಕೃತಿಕವಾಗಿ); (0}ಟ್ಯಾರೋಕೋದ ಬಗ್ಗೆ ಮೂಲ ನಿಯಮಗಳು ಮಾರ್ಟಿಯಾನೋ ಡ ಟೋರ್ಟೋನಾರು (1425ನೆಯ ಇಸವಿಗೂ ಮುಂಚೆ; ಅನುವಾದಿಸಿದ ಗದ್ಯ) ಹಸ್ತಪ್ರತಿಗಳಲ್ಲಿ ಗೋಚರಿಸಿವೆ, ಮತ್ತು ನಂತರದ ಉಲ್ಲೇಖಗಳು 1637ರಿಂದ ಗೋಚರಿಸುತ್ತವೆ.

ಇಟಲಿಯಲ್ಲಿ ಈ ಆಟವು ಹೆಚ್ಚು ಜನಪ್ರಿಯವಾಗಿಲ್ಲ; ಟೋರೋಕೋ ಬೋಲೋನ್ಯೀಸ್: ಆಟೋಸೆಂಟೋ ಎಂಬ ಆಟದ ಪ್ರಭೇದವೊಂದು ಇನ್ನೂ ಅಲ್ಲಿ ಉಳಿದಿದೆ ಹಾಗೂ ಪೈಡ್ ಮಾಂಟ್ ನಲ್ಲಿ ಇನ್ನೂ ಕೆಲವು ಆಟದ ಪ್ರಕಾರಗಳಿವೆ, ಆದರೆ ಇಟಲಿಯ ಹೊರಗೆ ಈ ಆಟಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕಂಡುಬರುತ್ತವೆ. The ತನ್ನ ಜನ್ಮಸ್ಥಾನವಾದ ಫ್ರ್ಯಾನ್ಸ್ ನಲ್ಲಿಫ್ರೆಂಚ್ ಟ್ಯಾರೋ ಬಹಳ ಜನಪ್ರಿಯವಾಗಿದೆ ಮತ್ತು ಪ್ರಾದೇಶಿಕ ಟ್ಯಾರೋ ಆಟಗಳಾದ ಟ್ಯಾರಾಕ್ ,ಟರೋಕ್ ,ಅಥವಾ ಟರೋಕ್ಕ್  ಗಳುಉ ಮಧ್ಯ ಯೂರೋಪ್ ನಲ್ಲಿ ವ್ಯಾಪಕವಾಗಿ ಆಡಲ್ಪಡುತ್ತವೆ.

ಐಸ್ ಹೌಸ್ ಆಟಗಳು ಎಂದೇ ಖ್ಯಾತವಾದ ಘೋಸ್ಟಿಕಾ ಮತ್ತು ಝಾರ್ಕಾನಾ ಗಳನ್ನು ಟ್ಯಾರೋ ಕಾರ್ಡುಗಳನ್ನು ಬಳಸಿ ಆಡುವರಾದರೂ, ಆ ಆಟಗಳು ರೂಢೀಗತ ಟ್ಯಾರೋ ಆಟಗಳಿಗೆ ಸಂಬಂಧಿತವಾದುವಲ್ಲ.

ಭವಿಷ್ಯ ನುಡಿಯುವ, ರಹಸ್ಯದ ಮತ್ತು ನಿಗೂಢತೆಯ ಟ್ಯಾರೋ[ಬದಲಾಯಿಸಿ]

ಟ್ಯಾರೋ ಕಾರ್ಡುಗಳು ನಂತರ ಆಧ್ಯಾತ್ಮ ಮತ್ತು ಜಾದುವಿನೊಡನೆಯೂ ತಳುಕುಹಾಕಿಕೊಂಡವು.[೨೧] 18ನೆಯ ಹಾಗೂ 19ನೆಯ ಶತಮಾನದವರೆಗೂ ಆಧ್ಯಾತ್ಮವಾದಿಗಳು, ರಹಸ್ಯೋಪದೇಶಕರು, ಗೋಪ್ಯ ಸಮಾಜದವರು ಮತ್ತು ಭವಿಷ್ಯ ನುಡಿಯುವವರು ಟ್ಯಾರೋ ಕಾರ್ಡುಗಳನ್ನು ಬಳಸುವುದು ವ್ಯಾಪಕವಾಗಿರಲಿಲ್ಲ. 1781ರಲ್ಲಿ ಧಾರ್ಮಿಕ ಸಂಕೇತಗಳು ಮತ್ತು ಆಧುನಿಕ ಜಗತ್ತಿನಲ್ಲಿ ಅವುಗಳ ಉಳಿವಿನ ವಿಷಯಗಳ ಬಗ್ಗೆ ಚಿಂತನೆಯನ್ನು ಹೊಂದಿದ್ದ ಲೆ ಮಾಂಡೆ ಪ್ರಿಮಿಟಿಫ್ ಎಂಬ ಪುಸ್ತಕವನ್ನ ಸ್ವಿಸ್ ಕ್ಲರ್ಜಿ ಮನುಷ್ಯನಾದ ಆಂಟೋಯಿನೆ ಕೋರ್ಟ್ ಡಿ ಗೆಬೆಲಿನ್ ಪ್ರಕಟಿಸಿದಾಗ ಈ ಪದ್ಧತಿಯು ಆರಂಭವಾಯಿತು. ಡಿ ಗೆಬೆಲಿನ್ ಮೊದಲಿಗೆ ಟ್ಯಾರೋ ಡಿ ಮಾರ್ಸೆಯಿಲೆ ಯ ಸಂಕೇತಗಳು ಐಸಿಸ್ ಮತ್ತು ಥೋತ್ ದೇವತೆಗಳ ನಿಗೂಢಗಳನ್ನು ಪ್ರತಿನಿಧಿಸುತ್ತವೆ ಎಂದು ಪ್ರತಿಪಾದಿಸಿದರು. ಅಲ್ಲದೆ "ಟ್ಯಾರೋ" ಎಂಬ ಪದವು ಈಜಿಪ್ಷಿಯನ್ ಪದಗಳಾದ ಟಾರ್ , ಅರ್ಥಾತ್ "ರಾಜಠೀವಿ" ಮತ್ತು "ರೋ " ಅರ್ಥಾತ್ "ಮಾರ್ಗ" ಎಂಬುದರ ಸಮಾಗಮವೆಂದೂ, ಟ್ಯಾರೋ ಎಂದರೆ ವಿವೇಕದತ್ತ ಒಯ್ಯುವ "ರಾಜಮಾರ್ಗ" ವೆಂದೂ ಗೆಬೆಲಿನ್ ಸಾರಿದರು. ಕಣಿ ಹೇಳಲು ಮೊದಲಿಗೆ ಈ ಕಾರ್ಡುಗಳನ್ನು ಬಳಸಿದವರಲ್ಲಿ ಒಂದು ಪಂಗಡವಾದ ರೋಮಾನೀಗಳು (ಜಿಪ್ಸಿಗಳು), ಈಜಿಪ್ಟ್ ನ ಪೂರ್ವಜರ ಸಂತತಿಯವರೆಂದೂ(ತನ್ಮೂಲಕ ಅವರ ಸಾಮಾನ್ಯ ಹೆಸರು; ಆ ಹೆಸರನ್ನು ಆ ವೇಳೆಗೆ ಯಾವುದೇ ಅಲೆಮಾರಿ ಪಂಗಡಕ್ಕೂ ಏಕವಿಧವಾಗಿ ಬಳಸುವುದು ಜನಪ್ರಿಯವಾಗಿದ್ದಾಗ್ಯೂ) ಮತ್ತು ಯೂರೋಪ್ ಗೆ ಈ ಕಾರ್ಡುಗಳನ್ನು ಪರಿಚಯಿಸಿದವರೆಂದೂ ಡಿ ಗೆಬೆಲಿನ್ ಪ್ರತಿಪಾದಿಸುತ್ತಾರೆ. ಡಿ ಗೆಬೆಲಿನ್ ಈ ಪ್ರಬಂಧವನ್ನು ಜೀನ್-ಫ್ರಾಂಕಾಯಿಸ್ ಚಾಂಪೋಲಿಯಾನ್ ಈಜಿಪ್ಷಿಯನ್ ಹೈರೋಗ್ಲಿಫ್ ಗಳ ಸಂಜ್ಞಾರಹಸ್ಯವನ್ನು ಬಿಡಿಸುವುದಕ್ಕೆ ಮುಂಚೆ ಬರೆದಿದ್ದರು; ಅಲ್ಲದೆ ರೋಸೆಟ್ಟಾ ಕಲ್ಲು ಸಂಶೋಧನೆಯ ಮುಂಚೆಯೇ ಇದನ್ನು ಬರೆಯಲಾಗಿತ್ತು; ಹಾಗೂ ನಂತರ ಈಜಿಪ್ಟೋಲಾಜಿಸ್ಟ್ ಗಳು ಡಿ ಗೆಬೆಲಿನ್ ರ ಮನಸೋ ಇಚ್ಛೆಯ ವ್ಯುತ್ಪತ್ತಿಗಳನ್ನು ಬೆಂಬಲಿಸುವಂತಹ ಯಾವುದೇ ಅಂಶಗಳನ್ನು ಈಜಿಪ್ಷಿಯನ್ ಭಾಷೆಯಲ್ಲಿ ಕಾಣಲಿಲ್ಲ. ವಸ್ತುಸ್ಥಿತಿ ಹೀಗಿದ್ದರೂ, ಟ್ಯಾರೋ ಕಾರ್ಡುಗಳನ್ನು ಈಜಿಪ್ಷಿಯನ್ ಬುಕ್ ಆಫ್ ಥಾತ್ ನೊಡನೆ ಹೊಂದಿಸಿ ನೋಡುವಂತಹುದು ಆಗಲೇ ಕಣಿಹೇಳುವ ಅಭ್ಯಾಸಗಳಲ್ಲಿ ದೃಢವಾಗಿ ಸ್ಥಾಪಿತವಾಗಿತ್ತು ಮತ್ತು ಆಧುನಿಕ ಅರ್ಬನ್ ಲೆಜೆಂಡ್ ನಲ್ಲಿ ಇಂದಿಗೂ ಮುಂದುವರಿದಿದೆ. ĒļĆččÁçėÈËĶĴŽǘŴŌŇÜŖ

ಇತರೆ ಉಪಯೋಗಗಳು[ಬದಲಾಯಿಸಿ]

ಸಾಹಿತ್ಯ[ಬದಲಾಯಿಸಿ]

16ನೆಯ ಶತಮಾನದಲ್ಲೇ "ಟ್ಯಾರೋಚಿ ಅಪ್ರೋಪ್ರಿಯೇಟಿ" ಎಂಬ ಪದ್ಯಗಳನ್ನು ಬರೆಯಲು ಟ್ಯಾರೋವನ್ನು ಬಳಸಲಾಗುತ್ತಿತ್ತು; ಈ ಪದ್ಯಗಳಲ್ಲಿ ದರ್ಬಾರಿನ ಸ್ತ್ರೀಯರು ಅಥವಾ ಖ್ಯಾತ ವ್ಯಕ್ತಿಗಳ ಪ್ರಶಂಸಾತ್ಮಕ ವರ್ಣನೆಗಳು ಇರುತ್ತಿದ್ದವು. ಆಧುನಿಕ ಸಾಹಿತ್ಯದಲ್ಲಿ, ಟ್ಯಾರೋ ಕೇಂದ್ರಿತವಾದ ಎರಡು ಉತ್ಕೃಷ್ಟವಾದ ಕಾದಂಬರಿಗಳೆಂದರೆ ದ ಗ್ರೇಟರ್ ಟ್ರಂಪ್ಸ್ (1932) ಎಂಬ ಚಾರ್ಲ್ಸ್ ವಿಲಿಯಮ್ಸ್ ರ ಪುಸ್ತಕ ಮತ್ತು ಇಲ್ ಕ್ಯಾಸ್ಟೆಲೋ ಡೆಯ್ ಡೆಸ್ಟಿನಿ ಇಂಕ್ರೋಸಿಯಾಟಿ (1969) (ಇಂಗ್ಲಿಷ್ ಅನುವಾದ: ದ ಕ್ಯಾಸಲ್ ಆಫ್ ಕ್ರಾಸ್ಡ್ ಡೆಸ್ಟಿನೀಸ್ [1979]) ಎಂಬ ಇಟಾಲೋ ಕ್ಯಾಲ್ವಿನೋ ಬರೆದ ಕೃತಿ. ಮೊದಲನೆಯದರಲ್ಲಿ, ಸ್ಪೇಸ್ ಮತ್ತು ಕಾಲದ ಮೂಲಕ ಹಾದುಹೋಗಲು, ವಸ್ತುಗಳನ್ನು ಸೃಷ್ಠಿಸಲು ಮತ್ತು ನೈಸರ್ಗಿಕವಾದ ಪ್ರಬಲ ಚಂಡಮಾರುತಗಳನ್ನು ಉಂಟುಮಾಡಲು ಪ್ರಮುಖ ಪಾತ್ರಧಾರಿಗಳು ಟ್ಯಾರೋವನ್ನು ಬಳಸುತ್ತಾರೆ. ಎರಡನೆಯದರಲ್ಲಿ, ಮಧ್ಯಕಾಲೀನ ಅವಧಿಯಲ್ಲಿ, ಒಂದು ಕೋಟೆಯಲ್ಲಿ ಭೇಟಿಯಾದ ಪ್ರಯಾಣಿಕರು ಅಕಾರಣವಾಗಿ ಮಾರಿನ ಶಕ್ತಿಯನ್ನು ಕಳೆದುಕೊಂಡುಬಿಡುತ್ತಾರೆ ಮತ್ತು ಒಂದು ಟ್ಯಾರೋ ಪ್ಯಾಕ್ ಬಳಸಿ ತಮ್ಮ ಕಥೆಗಳನ್ನು ವರ್ಣಿಸುತ್ತಾರೆ; ಈ ವರ್ಣನೆಯನ್ನು ವಿವರಣಕಾರನು ಪುನಃ ರಚಿಸುತ್ತಾನೆ ಹಾಗೂ ಹೀಗೆ ಮಾಡುವಾಗ ಸಂವಹನ ಕ್ರಮದ ಆಗುಹೋಗುಗಳ ಬಗ್ಗೆ, ವಿಧಿಯ ಬಗ್ಗೆ ಮತ್ತು ದಿನನಿತ್ಯದ ಬದುಕಿನಲ್ಲಿ ಅತೀಂದ್ರಿಯತೆಯ ಅಸ್ತಿತ್ವದ ಬಗ್ಗೆ ನಿವೇದಿಸುತ್ತಾನೆ.

ಟಿ.ಎಸ್. ಎಲಿಯಾಟ್ ರ ಆಧುನಿಕತೆಯ ಕವನವಾದ ದ ವೇಸ್ಟ್ ಲ್ಯಾಂಡ್ (1922)ನಲ್ಲಿ ಟ್ಯಾರೋಗಳು ಗೋಚರಿಸುತ್ತವೆ; "ದ ಬರಿಯಲ್ ಆಫ್ ದ ಡೆಡ್" ಎಂಬ ಮೊದಲ ಭಾಗದಲ್ಲಿನ ಪಾತ್ರಗಳಲ್ಲಿ ಒಂದಾದ ಮೇಡಂ ಸೋಸೋಸ್ಟ್ರಿಸ್ ಳ ಚಿತ್ರಣಕ್ಕೆ ಸಂಬಂಧಿತವಾಗಿ ಟ್ಯಾರೋಗಳ ಉಲ್ಲೇಖವಿದೆ. ಆ ಕವನದಲ್ಲಿ ಉಲ್ಲೇಖಿಸಿದ ಕೆಲವು ಕಾರ್ಡುಗಳು ನಿಜಕ್ಕೂ ಇವೆ (ನೇಣು ಹಾಕಲ್ಪಟ್ಟ ಮನುಷ್ಯ, ಚಕ್ರ), ಹಾಗೂ ಕೆಲವು ಎಲಿಯಾಟ್ ರ ಸೃಷ್ಠಿ.

ಟಾಮ್ ಡೀಯಿಟ್ಝ್ ರ 1991ರ ಕಾದಂಬರಿ ಸೋಲ್ ಸ್ಮಿತ್ ಆರಂಭವಾಗುವುದೇ ಒನ್ನ ಸೆರೆಮೆನೆಯಲ್ಲಿರುವ ವ್ಯಕ್ತಿಯು ತಾನು ರೇಡಿಯೋದಲ್ಲಿ ಕೇಳಿದ ಹಾಡುಗಳನ್ನೇ ತಾತ್ವಿಕ ಟ್ಯಾರೋ ಕಾರ್ಡ್ ಗಳಾಗಿ ಬಳಸಿ ತನ್ನದೇ ಮನದ ಓದುವಿಕೆಗಳನ್ನು ತನಗಾಗಿಯೇ ಸೃಷ್ಠಿಸಿಕೊಳ್ಳುವುದರ ಮೂಲಕ. 2007ರ ಕಾದಂಬರಿಯಾದ ಸೆಫಲ್ಕ್ರೆ ಎಂಬ ಬ್ರಿಟಿಷ್ ಲೇಖಕಿ ಕೇಟ್ ಮಾಸ್ ಬರೆದ ಪುಸ್ತಕದಲ್ಲಿ ಕಾಲ್ಪನಿಕ ಟ್ಯಾರೋ ಪ್ಯಾಕ್ ನ ವಿಷಯವಿದೆ. ಡಾರ್ಕ್ ಟವರ್ ಸರಣಿಯ ಖ್ಯಾತಿಯರಾಂಡಾಲ್ ಫ್ಲ್ಯಾಗ್ ಅಥವಾ ವಾಲ್ಟರ್ ಓಡಿಮ್ ತನ್ನ ಮೊದಲ ಪುಸ್ತಕದ ಕೊನೆಯ ಭಾಗದಲ್ಲಿ ರೋಲಾಂಡ್ ಮತ್ತು ಅವನ ಕಾ-ಟೆಟ್ ನ ಭವಿಷ್ಯವನ್ನು ಹೇಳಲು ಟ್ಯಾರೋ ಬಳಸುತ್ತಾರೆ. 2009ರ ಯುವ-ವಯಸ್ಕ ಕಾಲ್ಪನಿಕ ಕಾದಂಬರಿ ಆಂಡ್ರೋಮೆಡಾ ಕ್ಲೀಯ್ನ್ ಬಹಳವೇ ಟ್ರಾರೋ ಮೇಲೆ ಕೇಂದ್ರಿತವಾಗಿದೆ, ಅದರಲ್ಲೂ ರೈಡರ್-ವೇಯ್ಟ್-ಸ್ಮಿತ್ ಪ್ಯಾಕ್ ಮತ್ತು ಮ್ಯಾಜಿಕ್ಕ್ ಸಿದ್ಧಾಂತದ ಮೇಲೆ.

ಮನೋವಿಶ್ಲೇಷಣೆ[ಬದಲಾಯಿಸಿ]

ಟ್ಯಾರೋ ಸಾಂಕೇತಿಕ ವಿಷಯಗಳಿಗೆ ಮೊದಲು ಪ್ರಾಮುಖ್ಯತೆ ನೀಡಿದ ಮನೋವಿಶ್ಲೇಷಕರೆಂದರೆ ಕಾರ್ಲ್ ಜಂಗ್.[೨೨] ಅವರು ಟ್ಯಾರೋ ಕಾರ್ಡುಗಳು ಮಾದರಿಗಳನ್ನು ಪ್ರತಿನಿಧಿಸುತ್ತವೆಂದು ಪರಿಗಣಿಸಿದ್ದಿರಬೇಕು: ಎಲ್ಲಾ ವ್ಯಕ್ತಿಗಳ ಹಾಗೂ ಎಲ್ಲಾ ಸಂದರ್ಭಗಳ ಮೂಲ ಮಾದರಿಗಳು ಎಲ್ಲಾ ಮನುಷ್ಯರ ಸಮಗ್ರ ಸಂಕಲಿತ ಸುಷುಪ್ತಿಯಲ್ಲಿ ಹುದುಗಿರುವಂತಹುದು. ಮಾದರಿ ಸಿದ್ಧಾಂತವು ಹಲವಾರು ಮನೋವಿಶ್ಲೇಷಣೆಗಳಿಗೆ ಉಪಯುಕ್ತವಾಗುತ್ತದೆ. ಈ ವಿವಿಧ ಮಾದರಿಗಳನ್ನು ಪ್ರತಿ ವ್ಯಕ್ತಿಯ ಅಂತರ್ಗತದಲ್ಲಿ ಪ್ರತಿನಿಧಿಸುವಂತಹ ಈ ಕಾರ್ಡುಗಳನ್ನು ಬಳಸಿ, ವ್ಯಕ್ತಿಯನ್ನು ತಾವು 'ಯಾವುದರೊಡನೆ ಸಮೀಕರಿಸಿಕೊಳ್ಳುವರೋ' ಆ ಕಾರ್ಡನ್ನು ಆಯ್ದುಕೊಡಿರೆಂದು ಕೇಳಿ ಪಡೆಯುವ ಮೂಲಕ ಆ ವ್ಯಕ್ತಿಯ ಆತ್ಮ-ಜ್ಞಾನದ ಬಗ್ಗೆ ಅರಿತುಕೊಳ್ಳುವುದು ಸುಲಭವಾಗುತ್ತದೆ. ಅಂತೆಯೇ, ಪ್ರತಿ ಕಾರ್ಡಿಗೆ ಆರೋಪಿತವಾದ ಮಾದರಿ ಚಿಂತನೆಗಳ ರೀತಿಯಲ್ಲಿಯೇ ಕಲ್ಪನೆಗಳನ್ನು ಹರಿಬಿಟ್ಟು, ವ್ಯಕ್ತಿಯೂ ತನ್ನ ಪರಿಸ್ಥಿತಿಯನ್ನು ವಿಷದವಾಗಿ ವ್ಯಕ್ತಪಡಿಸಬಹುದು. ಉದಾಹರಣೆಗೆ, ಹಿಂದುಮುಂದು ಯೋಚಿಸದೆ ಮುನ್ನುಗ್ಗುವುದು ಕತ್ತಿಯ ಸರದಾರನಂತೆ, ಅಥವಾ ಸವಾರನಂತೆ ಕುರುಡಾಗಿ (ಅಂದಾಜಿನ ಮೇಲೆ) ಪ್ರಪಂಚವನ್ನು ದೂರವಾಗಿಸಿರುವುದು - ವೇಯ್ಟ್-ಸ್ಮಿತ್ ಟೂ ಆಫ್ ಸ್ವೋರ್ಡ್ಸ್.

ಇತ್ತೀಚೆಗೆ ತಿಮೋತಿ ಲಿಯರಿಯು ಟ್ಯಾರೋ ಟ್ರಂಪ್ ಕಾರ್ಡುಗಳು ಮಾನವನು ಶೈಶವದಿಂದ ವಯಸ್ಕನಾಗುವವರೆಗೆ ಅಭಿವೃದ್ಧಿಗೊಳ್ಳುವ ಹಂತಗಳನ್ನು ಪ್ರತಿನಿಧಿಸುವ ಚಿತ್ರಣಗಳು ಎಂಬ ಅಭಿಪ್ರಾಯವನ್ನು ಸೂಚಿಸಿದ್ದು, ಫೂಲ್ (ಮೂರ್ಖ) ಆಗತಾನೇ ಹುಟ್ಟಿದ ಮಗುವಿನ ಸಂಕೇವೆಂದೂ, ಜಾದೂಗಾರನು ಮಗುವು ಕೃತಕ ವಸ್ತುಗಳೊಡನೆ ಆಡಲು ತೊಡಗುವ ಹಂತದ ಪ್ರತಿನಿಧಿಯೆಂದೂ, ಮುಂತಾಗಿ ಹೇಳುತ್ತಾ ಸಾಗುತ್ತಾರೆ. ಲಿಯರಿಯ ಪ್ರಕಾರ ಟ್ಯಾರೋ ಟ್ರಂಪ್ ಗಳು ಮನುಜಕುಲವು ಪರಿಪಕ್ವತೆಯತ್ತ ಸಾಗುವುದಕ್ಕೆ ಬೇಕಾದ ನೀಲಿನಕ್ಷೆಗಳಂತಿವೆ.

ವಿಧಗಳು[ಬದಲಾಯಿಸಿ]

ಚಿತ್ರ:Nicolas Conver Tarot trump 07.jpg
ನಿಕೋಲಸ್ ಕಾನ್ವರ್ ರ 1760ನೆಯ ಇಸವಿಯ ಪ್ಯಾಕ್ ನಲ್ಲಿನ ಲೆ ಚಾರಿಯಟ್.
18ನೆಯ ಶತಮಾನದ :ಟಯರ್ಟ್ಯಾರಾಕ್" ಅಥವಾ ಪ್ರಾಣಿ ಟ್ಯಾರೋದ ಒಂದು ಉದಾಹರಣೆ.

ಟ್ಯಾರೋ ಪ್ಯಾಕ್ ಗಳ ಜಲವಾರು ಶೈಲಿಗಳು ಮತ್ತು ವಿನ್ಯಾಸಗಳು ಉಪಲಬ್ಧವಿದ್ದು, ಹಲವಾರು ಪ್ರದೇಶ ಸೀಮಿತ ಮಾದರಿಗಳೂ ಹೊರಬಂದಿವೆ. ಐತಿಹಾಸಿಕವಾಗಿ, ಪ್ರಮುಖವಾದ ವಿನ್ಯಾಸಗಳಲ್ಲಿ ಒಂದನ್ನು ಟ್ಯಾರೋ ಡಿ ಮಾರ್ಸೀಲೆಸ್ ಎಂದು ಕರೆಯಲಾಗುತ್ತದೆ. ಈ ಸಾಮಾನ್ಯ ವಿನ್ಯಾಸವನ್ನೇ ಕೋರ್ಟ್ ಡಿ ಗೆಬೆಲಿನ್ ಅಧ್ಯಯನ ಮಾಡಿದ್ದು ಹಾಗೂ ಈ ಶೈಲಿಯನ್ನು ಆಧರಿಸಿರುವ ಕಾರ್ಡುಗಳು ಅವರ ಲೆ ಮಾಂಡೆ ಪ್ರಿಮಿಟಿಫ್ ನ ಚಿತ್ರವನ್ನು ಹೊಂದಿರುತ್ತವೆ. ಟ್ಯಾರೋ ಡಿ ಮಾರ್ಸೀಲೆಸ್ ಅನ್ನು ಸಹ 20ನೆಯ ಶತಮಾನದಲ್ಲಿ ಪಾಲ್ ಮಾರ್ಟಿಯೋ ಜನಪ್ರಿಯಗೊಳಿಸಿದರು.[ಸೂಕ್ತ ಉಲ್ಲೇಖನ ಬೇಕು] ಮಾರ್ಸೀಲೆಸ್ ವಿನ್ಯಾಸಾಧಾರಿತವಾದ ಕೆಲವು ಆಧುನಿಕ ಕಾರ್ಡುಗಳ ಆವೃತ್ತಿಗಳು 1760ರಲ್ಲಿ ನಿಕೋಲಸ್ ಕಾನ್ವರ್ ಮುದ್ರಿಸಿದ ಮಾರ್ಸೀಲೆಸ್ ವಿನ್ಯಾಸವನ್ನು ಹೋಲುತ್ತವೆ. ಇತರ ಪ್ರಾದೇಶಿಕ ಶೈಲಿಗಳಲ್ಲಿ "ಸ್ವಿಸ್" ಟ್ಯಾರೋ ಸಹ ಒಂದು; ಇದರಲ್ಲಿ ಜೂನೋ ಮತ್ತು ಜುಪಿಟರ್ ಅನ್ನು ಪಾದ್ರಿಣಿ ಅಥವಾ ಹೈ ಪ್ರೀಸ್ಟೆಸ್ ಮತ್ತು ಪೋಪ್ ಅಥವಾ ಹೈರೋಫ್ಯಾಂಟ್ ಕಾರ್ಡ್ ಗಳ ಬದಲಿಗೆ ಬಳಸಲಾಗುತ್ತದೆ. ಫ್ಲಾರೆನ್ಸ್ ನಲ್ಲಿ ಮಿಂಚಿಯಾಟೆ ಎಂಬ ಒಂದು ವಿಸ್ತೃತವಾದ ಪ್ಯಾಕ್ ಅನ್ನು ಬಳಸಲಾಗುತ್ತಿತ್ತು; ಇದರಲ್ಲಿ 96 ಕಾರ್ಡುಗಳಿದ್ದು. ಜ್ಯೋತಿಷ್ಯದ ಚಿಹ್ನೆಗಳು ಮತ್ತು ನಾಲ್ಕು ವಸ್ತುಗಳ ಲಾಂಛನಗಳಿದ್ದವಲ್ಲದೆ, ಮಾಮೂಲಿ ಟ್ಯಾರೋ ಕಾರ್ಡುಗಳೂ ಇದ್ದವು.

ಕೆಲವು ಪ್ಯಾಕ್ ಗಳು ಪ್ರಮುಖವಾಗಿ ಕಲಾಕೃತಿಗಳಾಗಿಯೇ ಇರುತ್ತವೆ; ಹಾಗೂ ಅಂತಹ ಕಲಾಕೌಶಲದ ಪ್ಯಾಕ್ ಗಳು ಕೆಲವೊಮ್ಮೆ ಕೇವಲ 22 ಟ್ರಂಪ್ ಕಾರ್ಡುಗಳನ್ನು ಮಾತ್ರ ಹೊಂದಿರುತ್ತವೆ.

ಫ್ರೆಂಚ್ ಸ್ಯೂಟೆಡ್ ಟ್ಯಾರೋಗಳು[ಬದಲಾಯಿಸಿ]

ಮಧ್ಯ ಯೂರೋಪ್ ನ 54 ಕಾರ್ಡ್ ಗಳ ಟ್ಯಾರಾಕ್ ಪ್ಯಾಕ್

18ನೆಯ ಶತಮಾನದಲ್ಲಿ ಫ್ರೆಂಚ್ ಸ್ಯೂಟೆಡ್ ಟ್ಯಾರೋ ಕಾರ್ಡುಗಳು ಜರ್ಮನಿಯಲ್ಲಿ ಕಾಣಬರಲಾರಂಭಿಸಿದವು. ಮೊದಲು ಬಂದ ಫ್ರೆಂಚ್ ಸ್ಯೂಟೆಡ್ ಟ್ಯಾರೋಗಳ ಟ್ರಂಪ್ ಗಳ ಮೇಲೆ ಪ್ರಾಣಿಗಳ ಚಿತ್ರಗಳು ಇರುತ್ತಿದ್ದುದರಿಂದ ಅವನ್ನು "ಟಯರ್ಟ್ಯಾರಾಕ್" ಪ್ಯಾಕ್ ಗಳು ಎಂದು ಕರೆಯಲಾಗುತ್ತಿತ್ತು(ಜರ್ಮನ್ ಭಾಷೆಯಲ್ಲಿ 'ಟಯರ್' ಎಂದರೆ ಪ್ರಾಣಿ ಎಂದರ್ಥ). ಮ್ಯುನಿಕ್ ನ ಕಾರ್ಡ್ ತಯಾರಕ ಗೋಬ್ಲ್ ಈ ವಿನ್ಯಾಸವನ್ನು ರಚಿಸಿದರೆಂದು ಹೇಳಲಾಗುತ್ತದೆ. ಫ್ರೆಂಚ್ ಸ್ಯೂಟೆಡ್ ಟ್ಯಾರೋ ಕಾರ್ಡುಗಳು ಆಧುನಿಕ ಪ್ಯಾಕ್ ಗಳಾಗಿದ್ದು ಇವನ್ನು ಟ್ಯಾರೋ/ಟ್ಯಾರಾಕ್ ಕಾರ್ಡ್ ಆಟಗಳನ್ನು ಆಡಲು ಸಾಮಾನ್ಯವಾಗಿ {ಫ್ರ್ಯಾನ್ಸ್ ಮತ್ತು ಮಧ್ಯ ಯೂರೋಪ್ ಗಳಲ್ಲಿ ಬಳಸಲಾಗುತ್ತವೆ. ಫ್ರೆಂಚ್ ಸ್ಯೂಟೆಡ್ ಟ್ಯಾರೋ ಟ್ರಂಪ್ ಗಳ ಲಾಕ್ಷಣಿಕೆಗಳು ಹಿಂದಿನ ಇಟಾಲಿಯನ್ ಸ್ಯೂಟೆಡ್ ವಿನ್ಯಾಸಕ್ಕಿಂತಲೂ ಬಹಳವೇ ವಿಭಿನ್ನವಾಗಿವೆ. ಟ್ಯಾರೋಚಿ ಡಿ ಅಲನ್, ಟ್ಯಾರೋ ಆಫ್ ರೀನ್ಕಾರ್ನೇಷನ್ ಮತ್ತು ಟ್ಯಾರೋ ಡಿ ಲಾ ನೇಚರ್ ನಂತಹ ಇತ್ತೀಚಿನ ಕೆಲವು ಉದಾಹರಣೆಗಳನ್ನು ಹೊರತುಪಡಿಸಿದರೆ, ಫ್ರೆಂಚ್ ಸ್ಯೂಟೆಡ್ ಟ್ಯಾರೋ ಕಾರ್ಡುಗಳನ್ನು ಸಾಮಾನ್ಯವಾಗಿ ಸರ್ವಕಾಲದಲ್ಲೂ ಕಾರ್ಡ್ ಆಟಗಳು ಆಡಲೇ ಬಳಸಲಾಗುವುದು ಹಾಗೂ ಭವಿಷ್ಯ ನುಡಿಯಲು ಬಹಳ ಅಪರೂಪವಾಗಿ ಬಳಸಲಾಗುವುದು.

ಭವಿಷ್ಯಕ್ಕೆ ಬಳಸದ ಇಟಾಲಿಯನ್-ಸ್ಯೂಟ್ ವುಳ್ಳ ಟ್ಯಾರೋ ಪ್ಯಾಕ್ ಗಳು[ಬದಲಾಯಿಸಿ]

15ನೆಯ ಶತಮಾನದಲ್ಲಿ ಉತ್ತರ ಇಟಲಿಯಲ್ಲಿ ಪ್ರಥಮವಾಗಿ ತಯಾರಿಸಲ್ಪಟ್ಟ ಇವು ಸಂಶೋಧಿಸಲ್ಪಟ್ಟ ಆರಂಭಿಕ ಶೈಲಿಯ ಟ್ಯಾರೋ ಪ್ಯಾಕ್ ಗಳಾಗೊದ್ದವು. ಭವಿಷ್ಯ ಹೇಳಲು ಬಳಸುವ ಟ್ಯಾರೋ ಪ್ಯಾಕ್ ಗಳು ಈ ವಿಧದ ಪ್ಯಾಕ್ ಗಳನ್ನೇ ಆಧರಿಸಿದವಾಗಿವೆ. ಈ ವರ್ಗಕ್ಕೆ ಸೇರಿದ ನಾಲ್ಕು ಪ್ಯಾಕ್ ಗಳನ್ನು ಈಗಲೂ ಕೆಲವು ಆಟಗಳನ್ನು ಆಡಲು ಉಪಯೋಗಿಸಲಾಗುತ್ತದೆ:

ಟ್ಯಾರೋಕ್ಕೋ ಪೀಮಾಂಟೆಸೆ: ಫೂಲ್.
  • ಟ್ಯಾರೋಕೋ ಪೀಮಾಂಟೆಸೆ ಯಲ್ಲಿ ಕತ್ತಿಗಳ,ದಂಡಗಳ, ಕೋಲುಗಳ ಮತ್ತು ನಾಣ್ಯಗಳ ನಾಲ್ಕು ಸ್ಯೂಟ್ ಗಳಿದ್ದು ಪ್ರತಿಯೊಂದಕ್ಕೂ ಒಂದು ರಾಜ, ರಾಣಿ, ಸೈನಿಕ ಮತ್ತು ಜ್ಯಾಕ್ ಇದ್ದು, ಹತ್ತರಿಂದ ಒಂದರ ಸಂಖ್ಯೆಯವರೆಗೆ ಇಳಿಮುಖದ ಕ್ರಮದಲ್ಲಿ ಕಾರ್ಡುಗಳಿರುತ್ತವೆ. ಟ್ರಂಪ್ ಗಳ ಶ್ರೇಣೀಕರಣ ಹೀಗಿದೆ: ದೇವತೆ (20—ಇದು ಕೇವಲ ಎರಡನೆಯ ಅತಿ ಹೆಚ್ಚು ಸಂಖ್ಯೆಯನ್ನು ಹೊಂದಿದ್ದರೂ, ಇದೇ ಅತ್ಯುಚ್ಛವಾದುದು), ಪ್ರಪಂಚ(21), ಸೂರ್ಯ (19),ಚಂದ್ರ(18), ನಕ್ಷತ್ರಗಳು(17), ಗೋಪುರ(16), ಸೈತಾನ(15), ಮಿತಿ(14), ಸಾವು(13), ನೇಣಿಗೆ ಹಾಕಿದ ಮನುಷ್ಯ(12), ಶಕ್ತಿ(11), ಅದೃಷ್ಟ ಚಕ್ರ(10), ಋಷಿ(9), ನ್ಯಾಯಾಧೀಶ(8), ರಥ(7), ಪ್ರೇಮಿಗಳು(6),ಪೋಪ್(5), ಚಕ್ರವರ್ತಿ(4), ಸಾಮ್ರಾಜ್ಞಿ(3), ಪಾದ್ರಿಣಿ (2) ಮತ್ತು ಬಗಾಟ್ಟೋ (1). ಅಲ್ಲದೆ ಮೂರ್ಖ (ಮಟ್ಟೋ ) ಸಹ ಇರುತ್ತದೆ.
  • ಸ್ವಿಸ್ ಟ್ಯಾರೋ ಡಿ ಬೆಸನ್ಕಾನ್ ಸಹ ಹೀಗೆಯೇ ಇದ್ದು, ಚಿತ್ರಗಳ ವಿನ್ಯಾಸ ಮಾತ್ರ ಬೇರೆಯದಾಗಿರುತ್ತದೆ, ಮತ್ತು ಪೋಪ್ ಬದಲು ಜುಪಿಟರ್, ಪಾದ್ರಿಣಿಯ ದಸಲಿಗೆ ಜೂನೋ, ಮತ್ತು ದೇವತೆಯ ಬದಲಿಗೆ ತೀರ್ಪು ಇರುತ್ತವೆ. ಟ್ರಂಪ್ ಗಳ ಶ್ರೇಣಿಯು ಸಂಖ್ಯಾಧಾರಿತವಾಗಿರುತ್ತವೆ ಮತ್ತು ಗೋಪುರವನ್ನು ದೇವನ ಗೃಹವೆಂದು ಕರೆಯಲಾಗುತ್ತದೆ.
  • ಟ್ಯಾರೋಕ್ಕೋ ಬೋಲೋನ್ಯೀಸ್ ನಲ್ಲಿ ಸರಳ ಸ್ಯೂಟ್ಸ್ ನಲ್ಲಿನ ಎರಡರಿಂದ ಐದರವರೆಗಿನ ಸಂಖ್ಯೆಗಳು ಇರುವುದಿಲ್ಲವಾದ್ದರಿಂದ ಒಟ್ಟು 62 ಕಾರ್ಡುಗಳಿರುತ್ತವೆ, ಹಾಗೂ ಟ್ರಂಪ್ ಗಳು ಕೊಂಚ ವಿಭಿನ್ನವಾಗಿದ್ದು, ಎಲ್ಲಾ ಕಾರ್ಡುಗಳಲ್ಲಿಯೂ ಸಂಖ್ಯೆಗಳು ಕಂಡುಬರುವುದಿಲ್ಲ ಮತ್ತು ನಾಲ್ಕು ಕಾರ್ಡುಗಳು ಒಂದೇ ಶ್ರೇಣಿಯದ್ದಾಗಿರುತ್ತವೆ. ಇದರ ಚಿತ್ರವಿನ್ಯಾಸವೂ ವಿಭಿನ್ನ.
  • The ಟ್ಯಾರೋಕ್ಕೋ ಸಿಸಿಲಿಯಾನೋ ಕೆಲವು ಟ್ರಂಪ್ ಗಳನ್ನು ಬದಲಾಯಿಸಿ,21ರ ಬದಲಿಗೆ ಮಿಸೆರಿಯಾ (ನಿರಾಶ್ರಿತ)ಎಂಬ ಕಾರ್ಡನ್ನು ಹೊಂದಿರುತ್ತದೆ. ಅದರಲ್ಲಿ ನಾಣ್ಯದ ಎರಡು ಮತ್ತು ಮೂರು ಇರುವುದಿಲ್ಲ, ದಂಡ, ಕತ್ತಿ ಮತ್ತು ಬಟ್ಟಲುಗಳಲ್ಲಿನ ಒಂದರಿಂದ ನಾಲ್ಕರ ಸಂಖ್ಯೆ ಇರುವುದಿಲ್ಲ: ಹೀಗಾಗಿ ಅದರಲ್ಲಿ ಒಟ್ಟಾರೆ 64 ಕಾರ್ಡುಗಳಿರುತ್ತವೆ. ಕಾರ್ಡುಗಳು ಸಾಕಷ್ಟು ಚಿಕ್ಕದಾಗಿರುತ್ತವೆ ಹಾಗೂ ವಿಭಿನ್ನ ಚಿತ್ರವಿನ್ಯಾಸಗಳನ್ನು ಹೊಂದಿರುತ್ತವೆ.[9]

ರಹಸ್ಯ ಹೊರಗೆಡವುವ ಟ್ಯಾರೋ ಪ್ಯಾಕ್ ಗಳು[ಬದಲಾಯಿಸಿ]

ಎಟ್ಟೆಯಿಲಾ ಆಟವಾಡುವುದರ ಬದಲಿಗೆ ಭವಿಷ್ಯ ಹೇಳುವುದಕ್ಕೆಂದೇ ವಿಶೇಷವಾಗಿ ರಚಿಸಲಾದ ಪುನರ್ನಿರ್ಮಿತ ಟ್ಯಾರೋ ಕಾರ್ಡುಗಳನ್ನು ಮೊದಲು ನೀಡಿದಂತಹವರೆಂಬ ಹೆಗ್ಗಳಿಕೆ ಹೊಂದಿದ್ದಾರೆ. ಟ್ಯಾರೋ ಕಾರ್ಡುಗಳನ್ನು ಬುಕ್ ಆಫ್ ಥಾತ್ ನಿಂದ ಪಡೆಯಲಾಗಿದೆ ಎಂಬ ನಂಬಿಕೆಯ ಹಾದಿಯಲ್ಲೇ ಸಾಗಿದ ಎಟ್ಟೆಯಿಲ್ಲಾರ ಟ್ಯಾರೋಗಳು ಪ್ರಾಚೀನ ಈಜಿಪ್ಟ್ ಗೆ ಸಂಬಂಧಿತ ಸಿದ್ಧಾಂತಗಳನ್ನು ಹೊಂದಿದ್ದವು. ರಹಸ್ಯೋಪದೇಶಕರು ಬಳಸುವ ಈ 78 ಕಾರ್ಡುಗಳ ಟ್ಯಾರೋ ಪ್ಯಾಕ್ ನಲ್ಲಿ ಎರಡು ವಿಶೇಷ ವಿಭಾಗಗಳಿದ್ದವು:

  • ಮೇಜರ್ ಅರ್ಕಾನಾ (ಮಹತ್ತರ ರಹಸ್ಯಗಳು), ಅಥವಾ ಟ್ರಂಪ್ ಕಾರ್ಡುಗಳು, ಸ್ಯೂಟ್ಸ್ ಇಲ್ಲದೆ 22 ಕಾರ್ಡುಗಳನ್ನು ಹೊಂದಿರುವಂತಹವು: ಫೂಲ್ (ಮೂರ್ಖ), ಮಾಂತ್ರಿಕ, ಶ್ರೇಷ್ಠ ಅರ್ಚಕಿ, ಸಾಮ್ರಾಜ್ಞಿ, ಚಕ್ರವರ್ತಿ, ಶ್ರೇಷ್ಠ ಅರ್ಚಕ, ಪ್ರೇಮಿಗಳು, ರಥ, ಬಲ, ಋಷಿ, ಅದೃಷ್ಟಚಕ್ರ, ನ್ಯಾಯಾಧೀಶ, ನೇಣು ಹಾಕಲ್ಪಟ್ಟ ಮನುಷ್ಯ, ಸಾವು, ಮಿತಿ, ಸೈತಾನ, ಗೋಪುರ, ನಕ್ಷತ್ರ, ಚಂದ್ರ, ಸೂರ್ಯ, ತೀರ್ಪು, ಮತ್ತು ಪ್ರಪಂಚ.
  • ಮೈನರ್ ಅರ್ಕಾನಾ (ಸಣ್ಣ ರಹಸ್ಯಗಳು) ನಾಲ್ಕು ಸ್ಯೂಟ್ ಗಳಲ್ಲೂ ತಲಾ 14 ಕಾರ್ಡುಗಳನ್ನು ಹೊಂದಿದ್ದು, ಒಟ್ಟಾರೆ 56 ಕಾರ್ಡುಗಳನ್ನು ಹೊಂದಿರುತ್ತದೆ; ಹತ್ತು ಸಂಖ್ಯೆಗಳಿರುವ ಕಾರ್ಡುಗಳು ಮತ್ತು ನಾಲ್ಕು ದರ್ಬಾರ್ ಕಾರ್ಡುಗಳು.
ದರ್ಬಾರ್ ಕಾರ್ಡುಗಳು ರಾಜ, ರಾಣಿ ಮತ್ತು ಸೇವಕ/ಜ್ಯಾಕ್; ಇವು ನಾಲ್ಕೂ ಟ್ಯಾರೋ ಸ್ಯೂಟ್ ಗಳಲ್ಲಿರುತ್ತವೆ. ಸಾಂಪ್ರದಾಯಿಕ ಇಟಲಿಯ ಟ್ಯಾರೋ ಸ್ಯೂಟ್ ಗಳೆಂದರೆ ಕತ್ತಿಗಳು, ದಂಡಗಳು, ನಾಣ್ಯಗಳು ಮತ್ತು ಬಟ್ಟಲುಗಳು; ಆದರೆ ಆಧುನಿಕ ಟ್ಯಾರೋ ಪ್ಯಾಕ್ ಗಳಲ್ಲಿ, ದಂಡದ ಸ್ಯೂಟ್ ಅನ್ನು ಕೋಲಿನ ಅಥವಾ ಕಂಬಿಯ ಅಥವಾ ಗೂಟದ ಸ್ಯೂಟ್ ಎಂದು ಕರೆಯಲಾಗುವುದು, ನಾಣ್ಯದ ಸ್ಯೂಟ್ ಅನ್ನು ಸಾಮಾನ್ಯವಾಗಿ ಐಮೂಲೆ ಅಥವಾ ಡಿಸ್ಕ್ ಎಂದು ಕರೆಯಲಾಗುವುದು.

"ಮೇಜರ್ ಅರ್ಕಾನಾ" ಮತ್ತು "ಮೈನರ್ ಅರ್ಕಾನಾ" ಎಂಬ ಪದಗಳನ್ನು ಮೊದಲು ಬಳಸಿದ್ದು ಜೇನ್ ಬ್ಯಾಪ್ಟಿಸ್ಟ್ ಪಿಟಾಯಿಸ್(ಪಾಲ್ ಕ್ರಿಶ್ಚಿಯನ್ ಎಂದೂ ಕರೆಯಲ್ಪಡುತ್ತಿದ್ದರು); ಈ ಕಾರ್ಡುಗಳನ್ನು ಟ್ಯಾರೋ ಕಾರ್ಡ್ ಆಟಗಳಿಗಾಗಿ ಎಂದೂ ಉಪಯೋಗಿಸುವುದಿಲ್ಲ.

ಚಿತ್ರ:Thothdeckcover.jpg
ಥಾತ್ ಟ್ಯಾರೋ ಪ್ಯಾಕ್ ನ ಮೇಲ್ಹೊದಿಕೆ, ಅಲೀಸ್ಟರ್ ಕ್ರೌಲಿಯವರಿಂದ ವಿನ್ಯಾಸಗೊಂಡು, ಲೇಡಿ ಫ್ರೀಡಾ ಹ್ಯಾರಿಸ್ ರಿಂದ ಚಿತ್ರಿತವಾದದ್ದು.ಮೇಲ್ಹೊದಿಕೆಯು ಟೂ ಆಫ್ ಡಿಸ್ಕ್ಸ್ ನ ಚಿತ್ರಣವನ್ನೇ ಹೋಲುವಂತಿದೆ.

ಟ್ಯಾರೋವನ್ನು ಸಾಮಾನ್ಯವಾಗಿ ಹರ್ಮೆಟಿಕ್ ಕಬಾಲಾದ ಅಧ್ಯಯನದೊಡನೆ ಜೊತೆಗೂಡಿಸಿಕೊಳ್ಳಲಾಗುತ್ತದೆ.[೨೩] ಈ ಪ್ಯಾಕ್ ಗಳಲ್ಲಿ ಎಲ್ಲಾ ಕಾರ್ಡುಗಳಲ್ಲೂ ಕಬಾಲಿಸ್ಟಿಕ್ ಸಿದ್ಧಾಂತಗಳಿಗೆ ಹೊಂದುವಂತಹ ಚಿತ್ರಣಗಳು ಇರುತ್ತವೆ; ಇದರಲ್ಲಿ ಬಹುತೇಕ ರೈಡರ್-ವೇಯ್ಟ್-ಸ್ಮಿತ್ ಪ್ಯಾಕ್ ಗಳಿಂದ ಪ್ರಭಾವಿತವಾಗಿರುತ್ತವೆ ಹಾಗೂ ಎಲ್ಲಾ ಸ್ಯೂಟ್ ಕಾರ್ಡ್ ಗಳ ಮೇಲೂ ಚಿತ್ರಿತ ದೃಶ್ಯಗಳು ಇರುತ್ತವೆ. 'ರೈಡರ್-ವೇಯ್ಟ್' ಪ್ಯಾಕ್ ನ ಮೇಲಿನ ಚಿತ್ರಗಳನ್ನು ಕಲಾವಿದೆ ಪಮೇಲಾ ಕೋಲ್ಮನ್ ಸ್ಮಿತ್ ಬರೆದುದಾಗಿದ್ದು, ಅವಕ್ಕೆ ಮಾರ್ಗದರ್ಶನವನ್ನು ಕ್ರಿಶ್ಚಿಯನ್ ರಹಸ್ಯೋಪದೇಶಕ ಮತ್ತು ನಿಗೂಢಶಾಸ್ತ್ರಪ್ರವೀಣ ಆರ್ಥರ್ ಎಡ್ವರ್ಡ್ ವೇಯ್ಟ್ ನೀಡಿದ್ದರು, ಹಾಗೂ ಇವು ಮೊದಲಿಗೆ ರೈಡರ್ ಕಂಪನಿಯಿಂದ 1910ರಲ್ಲಿ ಪ್ರಕಾಶನಗೊಂಡವು. ಈ ಪ್ಯಾಕ್ ಸರಳವೂ, ಬಳಕೆದಾರರಿಗೆ ಅನುಕೂಲಕರವೂ ಆದುದೆಂದು ಪರಿಗಣಿಸಲಾದರೂ ಇದರ ಕಲ್ಪನೆಯು, ವಿಶೇಷತಃ ಮೇಜರ್ ಅರ್ಕಾನಾದಲ್ಲಿ, ಬಹಳ ಸಂಕೀರ್ಣವಾಗಿದೆ ಮತ್ತು ನಿಗೂಢ ಸಂಕೇತಗಳಿಂದ ಭರಿತವಾಗಿದೆ. ಮೇಜರ್ ಅರ್ಕಾನಾದ ವಿಷಯಗಳು ಪ್ರಪ್ರಥಮ ಪ್ಯಾಕ್ ಗಳ ಮೇಲೆ ಆಧಾರಿತವಾದವಾದರೂ ಸ್ಮಿತ್ ಮತ್ತು ವೇಯ್ಟ್ ರ ಟ್ಯಾರೋದ ದೃಷ್ಠಿಕೋನವನ್ನು ಬಿಂಬಿಸುವ ರೀತಿಯಲ್ಲಿ ಗಮನಾರ್ಹವಾಗಿ ಬದಲಾವಣೆಗಳನ್ನು ಒಳಗೊಂಡಿದೆ. ಮಾರ್ಸೀಲೆಸ್ ಶೈಲಿಯ ಪ್ಯಾಕ್ ಗಳಿಗೂ, ಇದಕ್ಕೂ ಇರುವ ಒಂದು ಪ್ರಮುಖವಾದ ವ್ಯತ್ಯಾಸವೆಂದರೆ ಸ್ಮಿತ್ ನಿಗೂಢ ಅರ್ಥಗಳುಳ್ಳ ದೃಶ್ಯಗಳನ್ನು ಸ್ಯೂಟ್ ಕಾರ್ಡುಗಳ ಮೇಲೆ ಚಿತ್ರಿಸಿದರು. ಆದರೆ ರೈಡರ್-ವೇಯ್ಟ್ ಸಂಪೂರ್ಣವಾಗಿ ಚಿತ್ರಗಳಿಂದ ಆವೃತವಾದ ಸ್ಯೂಟ್ ಕಾರ್ಡ್ ಗಳನ್ನು ಹೊಂದಿದ ಮೊದಲ ಪ್ಯಾಕ್ ಆಗಿರಲಿಲ್ಲ. ಈ ಬಾಬ್ತಿನಲ್ಲಿ ಅಗ್ರಸ್ಥಾನವು 15ನೆಯ ಶತಮಾನದ ಸೋಲಾ-ಬಸ್ಕಾ ಪ್ಯಾಕ್ ಗೆ ಸಲ್ಲುತ್ತದೆ.[೨೪]

ಆಧುನಿಕ ನಿಗೂಢತೆಯುಳ್ಳ ಪ್ಯಾಕ್ ಗಳಿಗೆ ಹೋಲಿಸಿದರೆ ಹಳೆಯ ಪ್ಯಾಕ್ ಗಳಾದ ವಿಸ್ಕಾಂಟಿ-ಸ್ಫೋರ್ಝಾ ಮತ್ತು ಮಾರ್ಸೀಲೆಸ್ ಗಳಲ್ಲಿರುವ ವಿವರಣೆಗಳು ಕಡಿಮೆ. ಮಾರ್ಸೀಲೆಸ್ ರೀತಿಯ ಪ್ಯಾಕ್ ನ ವಿಭಿನ್ನತೆಯೆಂದರೆ ಪಿಪ್ ಕಾರ್ಡ್ ಗಳ ಮೇಲೆ ದೃಶ್ಯಗಳು ಮರುಕಳಿಸಿರುತ್ತವೆ - ಇಟಾಲಿಯನ್ ಅಥವಾ ಸ್ಪ್ಯಾನಿಷ್ ಆಡಬಳಸುವ ಕಾರ್ಡುಗಳಂತೆ - "ರೈಡರ್-ವೇಯ್ಟ್" ಶೈಲಿಯ ಪ್ಯಾಕ್ ಗಳಲ್ಲಿ ಕಾಣಬರುವ ಇಡೀ ದೃಶ್ಯಗಳ ಕ್ರಮಕ್ಕೆ ಇದು ವಿರುದ್ಧವಾದುದಾಗಿದೆ. ಈ ಹೆಚ್ಚು ಸರಳ ರೇಖಾಚಿತ್ರಗಳಿಂದ ಕೂಡಿದ "ಮಾರ್ಸೀಲೆಸ್" ಶೈಲಿಯ ಪ್ಯಾಕ್ ಗಳು ನಿಗೂಢಾರ್ಥಗಳಿಗಾಗಿ, ಭವಿಷ್ಯ ಹೇಳಲು ಮತ್ತು ಆಟ ಆಡಲು ಬಳಸಲ್ಪಡುತ್ತವೆ; ಆದರೆ ಫ್ರೆಂಚ್ ಟ್ಯಾರೋ ಕಾರ್ಡ್ ಆಟವನ್ನು ಈಗ ಸಾಮಾನ್ಯವಾಗಿ ಇದಕ್ಕೆ ಹೋಲಿಸಿದರೆ ಆಧುನಿಕವಾದ ಜರ್ಮನ್ ಮೂಲದ ವಿನ್ಯಾಸವುಳ್ಳ, 19ನೆಯ ಶತಮಾನದ ಪ್ಯಾಕ್ ಅನ್ನು ಬಳಸಿ ಆಡಲಾಗುತ್ತದೆ. ಅಂತಹ ಆಡುವ ಟ್ಯಾರೋ ಪ್ಯಾಕ್ ಗಳಲ್ಲಿ ಸಾಮಾನ್ಯವಾಗಿ ಇಪ್ಪತ್ತೊಂದು ಟ್ರಂಪ್ ಕಾರ್ಡುಗಳು ಇರುತ್ತವೆ, ಅವುಗಳಲ್ಲಿ 19ನೆಯ ಶತಮಾನದ ಜನಜೀವನದ ದೃಶ್ಯಗಳು, ಒಂದು ಫೂಲ್ ಇದ್ದು, ಈಗಿನ ದಿನಗಳ ಫ್ರೆಂಚ್ ಆಡಬಳಸುವ ಕಾರ್ಡುಗಳನ್ನು ಹೋಲುವ ದರ್ಬಾರು ಮತ್ತು ಪಿಪ್ ಕಾರ್ಡುಗಳನ್ನು ಹೊಂದಿವೆ.)

ಮಾರ್ಸೀಲೆಸ್ ಶೈಲಿಯ ಟ್ಯಾರೋ ಪ್ಯಾಕ್ ಗಳಲ್ಲಿ ಸಾಮಾನ್ಯವಾಗಿ ಸಂಖ್ಯೆಗಳುಳ್ಳ ಮೈನರ್ ಅರ್ಕಾನಾ ಕಾರ್ಡುಗಳಿರುತ್ತವೆ; ಇವು ಆಧುನಿಕ ಆಡಬಳಸುವ ಪ್ಯಾಕ್ ಗಳಲ್ಲಿನ ಪಿಪ್ ಕಾರ್ಡುಗಳಂತೆಯೇ ಕಾಣುತ್ತವೆ. ಮಾರ್ಸೀಲೆಸ್ ನ ಸಂಖ್ಯೆಗಳನ್ನು ಹೊಂದಿದ ಮೈನರ್ ಅರ್ಕಾನಾ ಕಾರ್ಡುಗಳ ಮೇಲೆ ದೃಶ್ಯಗಳ ಚಿತ್ರಣಗಳು ಇರುವುದಿಲ್ಲ; ಬದಲಿಗೆ, ಸ್ಯೂಟ್ ನ ಸಂಕೇತಗಳ ಸಂಖ್ಯೆಯ ರೇಖಾಗಣಿತದ ರೀತಿಯ ವ್ಯವಸ್ಥೆಯನ್ನು ತೋರಿಸುತ್ತವೆ(ಉದಾಹರಣೆಗೆ, ಕತ್ತಿಗಳು, ಸಲಾಕೆಗಳು/ದಂಡಗಳು, ಬಟ್ಟಲುಗಳು, ನಾಣ್ಯಗಳು/ಪೆಂಟಕಲ್ ಗಳು) ಹಾಗೂ ಇವು ಕಾರ್ಡಿನ ಸಂಖ್ಯೆಗೆ ಅನುಗುಣವಾಗಿರುತ್ತವೆ (ಜೊತೆಗೆ ಸಸ್ಯಗಳ ಮತ್ತು ಇತರ ದೃಶ್ಯ-ಸಂಬಂಧಿತವಲ್ಲದ ರೇಖಾಚಿತ್ರಗಳು ಇರುತ್ತವೆ), ದರ್ಬಾರಿನ ಕಾರ್ಡುಗಳಲ್ಲಿ ಸಾಮಾನ್ಯವಾಗಿ ಮಟ್ಟಸವಾದ, ದ್ವಿ-ಆಯಾಮದ ರೇಖಾಚಿತ್ರಗಳು ಇರುತ್ತವೆ.

ವ್ಯಾಪಕವಾಗಿ ಬಳಸಲ್ಪಡುತ್ತಿರುವ ಮಾಡ್ರನಿಸ್ಟ್ ನಿಗೂಢತೆಯ ಟ್ಯಾರೋ ಪ್ಯಾಕ್ ಎಂದರೆ ಅಲೀಸ್ಟರ್ ಕ್ರೌಲಿಯ ಥಾತ್ ಟ್ಯಾರೋ (ಥಾತ್ ಅನ್ನು /ˈtoʊt/ಎಂದು ಅಥವಾ /ˈθɒθ/ಎಂದು ಉಚ್ಚರಿಸಲಾಗುತ್ತದೆ). ರಹಸ್ಯಗಳ ಬಗ್ಗೆಯೇ ದೀಕ್ಷೆ ಪಡೆದು ಜೀವನ ನಡೆಸಿ, ಅದರ ಉತ್ತುಂಗದಲ್ಲಿದ್ದಾಗ, ಕ್ರೌಲಿಯು ಕಲಾವಿದೆ ಲೇಡಿ ಫ್ರೀಡಾ ಹ್ಯಾರಿಸ್ ರ ಸೇವೆಯನ್ನು ಬಳಸಿಕೊಂಡು ತಮ್ಮ ನಿರ್ದೇಶಗಳಿಗೆ ಅನುಗುಣವಾದ ರೀತಿಯಲ್ಲಿ ಪ್ಯಾಕ್ ನ ಕಾರ್ಡುಗಳ ಮೇಲೆ ಚಿತ್ರಗಳನ್ನು ಬಿಡಿಸಿಸಿದರು. ಅವರ ರೀತಿಯ ಟ್ಯಾರೋ ವಿಚಾರ ವಿನಿಮಯ ವ್ಯವಹಾರಗಳು ದ ಬುಕ್ ಆಫ್ ಥಾತ್ & ಲೈಬರ್ 777ರಲ್ಲಿ ಪ್ರಕಟವಾಗಿದೆ ಹಾಗೂ ಇವು ಅವರು ಹರ್ಮಟಿಕ್ ಆರ್ಡರ್ ಆಫ್ ದ ಗೋಲ್ಡನ್ ಡಾನ್ ನಲ್ಲಿ ಕಲಿತ ವಿಷಯಗಳಿಂದ ಉಗಮವಾದವೂ, ವಿಸ್ತೃತವಾದವೂ ಆಗಿವೆ.[೨೫]

ಥಾತ್ ಪ್ಯಾಕ್ ಗಳ ರಂಗುರಂಗಿಗೆ ತದ್ವಿರುದ್ಧವಾಗಿ, ಪಾಲ್ ಫೋಸ್ಟರ್ ಕೇಸ್ ರ B.O.T.A. ಟ್ಯಾರೋ ಪ್ಯಾಕ್ ನ ಮೇಲಿನ ಚಿತ್ರಣಗಳು ಬಿಳಿಯ ಕಾರ್ಡುಗಳ ಮೇಲಿನ ಕಪ್ಪನೆಯ ರೇಖಾಚಿತ್ರಗಳಷ್ಟೆ; ಇದು ಪ್ಲಾಸ್ಟಿಕ್ ಕವಚವಿಲ್ಲದ (ಲ್ಯಾಮಿನೇಷನ್ ಇಲ್ಲದ) ಕಾರ್ಡುಗಳ ಪ್ಯಾಕ್ ಆಗಿದ್ದು, ಇದರ ಮಾಲಿಕನೇ ಅದಕ್ಕೆ ಬಣ್ಣ ತುಂಬಲೆಂಬ ಉದ್ದೇಶದಿಂದ ಹೀಗೆ ಕವಚಹೀನವಾಗಿರಿಸಲಾಗಿದೆ.

ಇತರ ರಹಸ್ಯಗರ್ಭಿತ ಪ್ಯಾಕ್ ಗಳ ಪೈಕಿ ಗೋಲ್ಡನ್ ಡಾನ್ ಟ್ಯಾರೋ ಸಹ ಒಂದಾಗಿದ್ದು, ಇದು SL ಮ್ಯಾಕ್ ಗ್ರೆಗರ್ ಮ್ಯಾತರ್ಸ್ ರಚಿಸಿದ ಪ್ಯಾಕ್ ನ ಆಧಾರಿತವಾದುದು ಎಂದು ಹೇಳಲಾಗಿದೆ.

ಈಗ ಲಭ್ಯವಿರುವ ಪ್ಯಾಕ್ ಗಳ ವಿಭಿನ್ನತೆಯು ಅನಂತವೆನ್ನಬಹುದು ಹಾಗೂ ಇದು ಪ್ರತಿವರ್ಷ ವೃದ್ಧಿಸುತ್ತಲೇ ಇರುತ್ತದೆ. ಉದಾಹರಣೆಗೆ, ಬೆಕ್ಕನ್ನು ಇಷ್ಟಪಡುವವರು ಟ್ಯಾರೋ ಆಫ್ ದ ಕ್ಯಾಟ್ ಪೀಪಲ್ ಎಂಬ, ಪ್ರತಿ ಚಿತ್ರದಲ್ಲೂ ಬೆಕ್ಕುಗಳೇ ಇರುವಂತಹ ಪ್ಯಾಕನ್ನು ಹೊಂದಬಹುದು. ಟ್ಯಾರೋ ಆಫ್ ದ ವಿಚಸ್ ಮತ್ತು ಅಕ್ವೇರಿಯನ್ ಟ್ಯಾರೋಗಳು ರೂಢಿಯಲ್ಲಿರುವ ಕಾರ್ಡುಗಳನ್ನು ಉಳಿಸಿಕೊಂಡು ವಿಭಿನ್ನ ವಿನ್ಯಾಸಗಳನ್ನು ಅಳವಡಿಸುತ್ತದೆ. ಟ್ರೀ ಆಫ್ ಲೈಫ್ ಟ್ಯಾರೋಗಳ ಕಾರ್ಡುಗಳು ನಿಚ್ಚಳ ಸಾಂಕೇತಿಕ ಕೈಪಿಡಿಗಳು, ಕಾಸ್ಮಿಕ್ ಟ್ಯಾರೋ, ಮತ್ತು ಆಲ್ಕೆಮಿಕಲ್ ಟ್ಯಾರೋಗಳು ಸಾಂಪ್ರದಾಯಿಕ ರಸಾಯನಶಾಸ್ತ್ರದ ಚಿಹ್ನೆಗಳನ್ನು ಟ್ಯಾರೋವಿನ ಉಪಮೆಗಳೊಂದಿಗೆ ತಳುಕು ಹಾಕುತ್ತವೆ.

ಈ ಸಮಕಾಲೀನ ಭವಿಷ್ಯಸೂಚಕ ಪ್ಯಾಕ್ ಗಳು ಕಾರ್ಡುಗಳನ್ನು ವಿಭಿನ್ನ ಹಂತಗಳವರೆಗೆ ಬದಲಾಯಿಸುತ್ತವೆ. ಉದಾಹರಣೆಗೆ, ಮದರ್ ಪೀಸ್ ಟ್ಯಾರೋ ತನ್ನ ವರ್ತುಲಾಕಾರದ ಕಾರ್ಡುಗಳು ಮತ್ತು ಮಹಿಳಾ ಕೋನವನ್ನು ಹೊಂದಿರುವುದಕ್ಕೆ ಹೆಸರುವಾಸಿಯಾಗಿದೆ: ಇದರಲ್ಲಿನ ಪುರುಷ ಪಾತ್ರಗಳ ಬದಲಿಗೆ ಸ್ತ್ರೀ ಪಾತ್ರಗಳನ್ನು ಅಳವಡಿಸಿಕೊಳ್ಳಲಾಗಿದೆ. ಟ್ಯಾರೊ ಅಫ್ ಬೇಸ್ ಬಾಲ್ ನಲ್ಲಿ ದಾಂಡುಗಳು, ಗವುಸುಗಳು, ಚೆಂಡುಗಳು ಮತ್ತು ಬೇಸ್ ಗಳ ಸ್ಯೂಟ್ ಗಳಿವೆ; "ಕೋಚ್ ಗಳು" ಮತ್ತು "MVPಗಳು" ರಾಣಿ ಮತ್ತು ರಾಜನ ಬದಲಿಗೆ; ಹಾಗೂ ಮೇಜರ್ ಅರ್ಕಾನಾ ಕಾರ್ಡುಗಳು "ದ ಕ್ಯಾಚರ್", "ದ ರೂಲ್ ಬುಕ್" ಮತ್ತು "ಬ್ಯಾಟಿಂಗ್ ಎ ಥೌಸೆಂಡ್" ರೂಪಗಳಲ್ಲಿವೆ. ಸಿಲಿಕಾನ್ ವ್ಯಾಲಿ ಟ್ಯಾರೋವಿನಲ್ಲಿ, ಮೇಜರ್ ಅರ್ಕಾನಾ ಕಾರ್ಡುಗಳ ಪೈಕಿ ದ ಹ್ಯಾಕರ್, ಫ್ಲೇಂ ವಾರ್, ದ ಲೇ ಆಫ್ ಮತ್ತು ದ ಗ್ಯಾರೇಜ್ ಗಳಿವೆ; ಸ್ಯೂಟ್ ಗಳೆಂದರೆ ನೆಟ್ ವರ್ಕ್ ಗಳು, ಕ್ಯುಬಿಕಲ್ ಗಳು, ಡಿಸ್ಕ್ ಗಳು ಮತ್ತು ಹೋಸ್ಟ್ ಗಳು; ದರ್ಬಾರಿನ ಕಾರ್ಡುಗಳು CIO, ಸೇಲ್ಸ್ ಮನ್, ಮಾರ್ಕೆಟಿಯರ್ ಮತ್ತು ನ್ಯೂ ಹೈರ್. ಇತ್ತೀಚಿನ ವರ್ಷಗಳಲ್ಲಿನ ಮತ್ತೊಂದು ಟ್ಯಾರೋವೆಂದರೆ ರಾಬಿನ್ ವುಡ್ ಟ್ಯಾರೋ. ಈ ಪ್ಯಾಕ್ ರೈಡರ್-ವೇಯ್ಟ್ ಮಾದರಿಯನ್ನು ಉಳಿಸಿಕೊಂಡೇ ಕೆಲವು ಬಹಳ ಮೃದುವಾದ ಮತ್ತು ವರ್ಣಭರಿತವಾದ ಪಾಗನ್ ಸಾಂಕೇತಿಕತೆಗಳನ್ನು ಸೇರಿಸುತ್ತದೆ. ಇತರ ಪ್ಯಾಕ್ ಗಳಂತೆಯೇ ಇದೂ ಸಹ ವುಡ್ ಬರೆದ ಒಂದು ಜೊತೆಗಾತಿ ಪುಸ್ತಕದೊಂದಿಗೆ ಲಭ್ಯವಿದ್ದು, ಆ ಪುಸ್ತಕದಲ್ಲಿ ಮೇಜರ್ ಮತ್ತು ಮೈನರ್ ಅರ್ಕಾನಾಗಳಲ್ಲಿ ಬಳಸುವ ಎಲ್ಲಾ ವರ್ಣಗಳ ಮತ್ತು ಸಂಕೇತಗಳ ವಿವರಗಳಿವೆ.

ಮೋರ್ಗಾನ್ಸ್ ಟ್ಯಾರೋವಿನಲ್ಲಿ ಸಂಪ್ರದಾಯವನ್ನು ಸಾರಾಸಗಟಾತಗಿ ಗಾಳಿಗೆ ತೂರಲಾಗಿದ್ದು, ಈ ಟ್ಯಾರೋವನ್ನು 1970ರಲ್ಲಿ ಮೋರ್ಗಾನ್ ರಾಬಿನ್ಸ್ ನಿರ್ಮಾಣ ಮಾಡಿದರು ಮತ್ತು ಇದರಲ್ಲಿನ ಚಿತ್ರಗಳನ್ನು ದರ್ಶನ್ ಛೋರ್ಪಾಶ್ ಝೆನಿತ್ ರಚಿಸಿದರು. ಮೋರ್ಗಾನ್ಸ್ ಟ್ಯಾರೋದಲ್ಲಿ ಯಾವುದೇ ಸ್ಯೂಟ್ ಗಳಿಲ್ಲ, ಕಾರ್ಡುಗಳ ಶ್ರೇಣೀಕರಣವಿಲ್ಲ ಮತ್ತು ಕಾರ್ಡುಗಳಿಗೆ ನಿರ್ದಿಷ್ಟವಾದ ಅನುಕ್ರಮಣಿಕೆಯಿಲ್ಲ. ರೂಢೀಗತವಾದ 78 ಕಾರ್ಡುಗಳ ಬದಲು ಇದರಲ್ಲಿ 88 ಕಾರ್ಡುಗಳಿವೆ ಮತ್ತು ಅದರಲ್ಲಿನ ಸರಳ ರೇಖಾ ಚಿತ್ರಗಳು ಸೈಕೆಡಿಲಿಕ್ ಯುಗದ ಪ್ರಬಲ ಪ್ರಭಾವವನ್ನು ಬಿಂಬಿಸುತ್ತವೆ. ಆದಾಗ್ಯೂ, ಈ ಪ್ಯಾಕ್ ನೊಡನೆ ಇರುವ ಪರಿಚಯಾತ್ಮಕ ಕಿರುಪುಸ್ತಕದಲ್ಲಿ (ಡ್ಫೋಲೇಯ ಜಾಲತಾಣ ದಲ್ಲಿ ಸಮಗ್ರವಾಗಿ ಬಿಂಬಿತವಾಗಿರುವ, ಯು.ಎಸ್. ಗೇಮ್ಸ್ ಸಿಸ್ಟಮ್ಸ್ ನಿಂದ ಅನುಮತಿ ಪಡೆದಿರುವ), ರಾಬಿನ್ಸ್ ಈ ಕಾರ್ಡುಗಳಿಂದ ಆಧ್ಯಾತ್ಮಿಕ ಪ್ರೇರಣೆಯುಂಟಾಗುವುದೆಂದು ಹೇಳುತ್ತಾರೆ ಹಾಗೂ ಟಿಬೆಟಿಯನ್ ಬೌದ್ಧಧರ್ಮದ ಪ್ರಭಾವವನ್ನು ವಿಶೇಷತಃ ಉದಾಹರಣೆಯಾಗಿ ನೀಡುತ್ತಾರೆ.

ಪ್ಯಾಕ್-ಸಂಬಂಧಿತ ಸಂಕೇತಗಳು[ಬದಲಾಯಿಸಿ]

ಹಲವಾರು ಜನಪ್ರಿಯ ಪ್ಯಾಕ್ ಗಳು ತಮ್ಮ ಪರಂಪರಾಗತ ಸಂಕೇತಗಳನ್ನು ಉತ್ತಮಗೊಳಿಸಿಕೊಂಡು ಅವುಗಳ ಸೃಷ್ಠಿಕರ್ತರ ನಿಗೂಢ ನಂಬಿಕಗಳನ್ನು ಪ್ರತಿಬಿಂಬಿಸುವಲ್ಲಿ ಯಶಸ್ವಿಯಾಗಿವೆ.

ರೈಡರ್-ವೇಯ್ಟ್-ಸ್ಮಿತ್ ಪ್ಯಾಕ್[ಬದಲಾಯಿಸಿ]

ಎ.ಈ. ವೇಯ್ಟ್ ಮತ್ತು ಪಮೇಲಾ ಕೋಲ್ಮನ್ ಸ್ಮಿತ್ ಸೃಷ್ಠಿಸಿದ ಟ್ಯಾರೋಗಳು ಮೊದಲ ಟ್ಯಾರೋಗಳಿಗಿಂತಲೂ ವಿಭಿನ್ನವಾಗಿದ್ದು ನೈಸರ್ಗಿಕಚಿತ್ರಗಳ ಪಿಪ್ ಕಾರ್ಡುಗಳನ್ನು ಹೊಂದಿದ್ದವಲ್ಲದೆ, ಬಲ ಮತ್ತು ನ್ಯಾಯಾಧೀಶ ಕಾರ್ಡುಗಳ ಶ್ರೇಣಿಗಳಲ್ಲಿ ಬದಲಾವಣೆಗಳನ್ನು ಮೂಡಿಸಿತ್ತು.

ಕ್ರೌಲೆ-ಹ್ಯಾರಿಸ್ ಥಾತ್ ಪ್ಯಾಕ್[ಬದಲಾಯಿಸಿ]

ಥಾತ್ ಪ್ಯಾಕ್ ನಲ್ಲಿರುವ ಪ್ರತಿ ಕಾರ್ಡಿನಲ್ಲೂ ಕಾರ್ಡಿಗೆ ಸಂಬಂಧಿತವಾದ ಗಹನವಾದ ವಿವರಣೆಗಳುಳ್ಳ ಭವಿಷ್ಯಶಾಸ್ತ್ರ, ರಾಶಿ ಸಂಬಂಧಿತ, ವಸ್ತುವಿಚಾರದ ಮತ್ತು ಕಾಬಾಲ್ ನ ಚಿಹ್ನೆಗಳನ್ನು ನೀಡಲಾಗಿದೆ. ಬಣ್ಣಗಳನ್ನು ದ್ಯೋತಕಗಳಾಗಿ ಬಳಸಲಾಗಿದೆ, ವಿಶೇಷತಃ ಪಂಚಭೂತಗಳಾದ ಆತ್ಮ, ಅಗ್ನಿ, ನೀರು, ಗಾಳಿ ಮತ್ತು ಭೂಮಿಯನ್ನು ಕುರಿತ ಕಾರ್ಡುಗಳಲ್ಲಿ. ತಮ್ಮ ಪ್ಯಾಕ್ ನ ಜೊತೆಗಿರುತಂತಹ, ವರ್ಣಿಸುವಂತಹ ಮತ್ತು ಪ್ಯಾಕ್ ಬಗ್ಗೆ ವಿಸ್ತಾರವಾಗಿ ಹೇಳಲು ಮತ್ತು ಒಳ ಹಾದಿಗಳ ಬಗ್ಗೆ ವಿವರವಾಗಿ ತಿಳಿಸಲು ಕ್ರೌಲಿ ದ ಬುಕ್ ಆಫ್ ಥಾತ್ ಎಂಬ ಒಂದು ಪುಸ್ತಕವನ್ನೇ ಬರೆದರು. ಜನಪ್ರಿಯವಾದ ವೇಯ್ಟ್-ಸ್ಮಿತ್ ಟ್ಯಾರೋವಿನಂತಲ್ಲದೆ, ಥಾತ್ ನಲ್ಲಿ ಸಾಂಪ್ರದಾಯಿಕ ಟ್ರಂಪ್ ಗಳ ಶ್ರೇಣೀಕರಣವನ್ನು ಉಳಿಸಿಕೊಳ್ಳಲಾಗಿದೆ ಆದರೆ ಟ್ರಂಪ್ ಗಳು ಮತ್ತು ದರ್ಬಾರಿನ ಕಾರ್ಡುಗಳೆಲ್ಲಕ್ಕೂ ಬೇರೆ ಹೆಸರನ್ನು ಬಳಸಲಾಗುತ್ತದೆ.

ಪೌರಾಣಿಕ ಟ್ಯಾರೋ[ಬದಲಾಯಿಸಿ]

ಪೌರಾಣಿಕ ಟ್ಯಾರೋ ಪ್ಯಾಕ್ ಟ್ಯಾರೋದ ಲಾಕ್ಷಣಿಕೆಯನ್ನು ಶಾಸ್ತ್ರೀಯ ಗ್ರೀಕ್ ಪುರಾಣಗಳಿಗೆ ತಳುಕು ಹಾಕುತ್ತದೆ.

ಹರ್ಮೆಟಿಕ್ ಟ್ಯಾರೋ[ಬದಲಾಯಿಸಿ]

ಹರ್ಮೆಟಿಕ್ ಟ್ಯಾರೋವು ಟ್ಯಾರೋವಿನ ಉಪಮೆಗಳನ್ನು ಪಠ್ಯದಂತೆಯೂ ಹಾಗೂ ಸ್ಮರಣಶಕ್ತಿವರ್ಧನಾ ಉಪಕರಣವಾಗಿ, ಬೋಧಿಸಲು ಬಳಸುತ್ತದೆ ಹಾಗೂ ರಸಾಯನಶಾಸ್ತ್ರಸಂಬಂಧಿತ ಚಿಹ್ನೆಗಳ ಭಾಷೆಯ ಅರಿವನ್ನು ಪಡೆಯಲು ಮತ್ತು ಅದರ ಅಗಾಧವಾದ ಹಾಗೂ ತತ್ವಯುತವಾದ ಅರ್ಥಗಳನ್ನು ಅರಿಯಲು ಸಹಾಯಕವಾಗುತ್ತದೆ. ಈ ಕ್ರಮವು ಚಾಲ್ತಿಯಲ್ಲಿದ್ದುದಕ್ಕೆ ಉದಾಹರಣೆಯು 19ನೆಯ ಶತಮಾನದ ಆರ್ಡರ್ ಆಫ್ ದ ಗೋಲ್ಡನ್ ಡಾನ್ ಆಚರಣೆಗಳಲ್ಲಿ ಕಾಣಸಿಗುತ್ತದೆ. 20ನೆಯ ಶತಮಾನದಲ್ಲಿ ಟ್ಯಾರೋ ಉಪಮೆಗಳ ಹರ್ಮೆಟಿಕ್ ಬಳಕೆಯು ಒಂದು ಕೈಪಿಡಿಯಾಗಿಯೂ ಮತ್ತು ಸರ್ವಕಾಲಿಕ ವಿವೇಕವನ್ನು ತೋರಿಸುವಂತಹದಾಗಿಯೂ ಮತ್ತಷ್ಟು ವೃದ್ಧಿಗೊಂಡದ್ದು ಕಾರ್ಲ್ ಗಸ್ಟಾವ್ ಜಂಗ್ ರ ಕೃತಿಗಳಲ್ಲಿ ಹಾಗೂ ಅವರ ಮನಶ್ಯಾಸ್ತ್ರದ ಮತ್ತು ಕ್ರಿಯಾತ್ಮಕ ಕಲ್ಪನೆಗಳ ಬಗ್ಗೆ ಮಾಡಿದ ಶೋಧನೆಗಳ ಮೂಲಕ. ಹರ್ಮೆಟಿಕ್ ಬೇರುಗಳುಳ್ಳ 21ನೆಯ ಶತಮಾನದ ಟ್ಯಾರೋ ಪ್ಯಾಕ್ ನ ಒಂದು ಉದಾಹರಣೆಯೆಂದರೆ ಟ್ಯಾರೋ ರಿವಿಷನ್ಡ್ ಎಂಬ ಒಂದು ಕಪ್ಪು-ಬಿಳುಪಿನ ಪ್ಯಾಕ್ ಮತ್ತು ಲೇಯ್ ಜೆ ಮೆಕ್ಲೋಸ್ಕೀಯವರ ಮೇಜರ್ ಅರ್ಕಾನಾ ವಿಷಯವಾಗಿ ಬರೆದ ಪುಸ್ತಕ.[೨೬]

ಜನಪ್ರಿಯ ಸಂಸ್ಕೃತಿಯ ಟ್ಯಾರೋ ಪ್ಯಾಕ್ ಗಳು[ಬದಲಾಯಿಸಿ]

ದ ವರ್ಟಿಗೋ ಟ್ಯಾರೋ ಪ್ಯಾಕ್ ಅಮೆರಿಕದ ಪ್ರಕಾಶಕರಾದ ವರ್ಟಿಗೋ ಕಾಮಿಕ್ಸ್ ನ ಶೀರ್ಷಿಕೆಗಳ ಪಾತ್ರಧಾರಿಗಳನ್ನು ಉಪಯೋಗಿಸುತ್ತದೆ, ಇದರಲ್ಲಿ ಹೆಲ್ ಬ್ಲೇಝರ್ ನಲ್ಲಿನ ಜಾನ್ ಕಾಂಸ್ಟೆಂಟೈನ್ ನಂತಹ ವ್ಯಕ್ತಿಗಳ ಚಿತ್ರಗಳನ್ನೂ ಫೂಲ್ ಝೀರೋ ಕಾರ್ಡ್ ನ ಪಾತ್ರದಲ್ಲಿ ಬಳಸಿಕೊಳ್ಳಲಾಗಿದೆ. ಆ ಕಾರ್ಡ್ ಗಳಿಗೆ ಚಿತ್ರ ಬರೆದವರು ಡೇವ್ ಮೆಕ್ಕೀನ್,ಸಾಹಿತ್ಯವನ್ನು ಬರೆದವರು ರಾಚೆಲ್ ಪೊಲಾಕ್ ಹಾಗೂ ಅದರೊಡನೆ ಇರುವ ಪುಸ್ತಕವು ನೀಲ್ ಗೇಯ್ಮನ್ ರ ಪರಿಚಯನುಡಿಗಳನ್ನು ಹೊಂದಿದೆ. ಟ್ಯಾರೋ ಆಟವು ಬಹಳ ಜನಪ್ರಿಯವಾಗಿರುವ ಫ್ರ್ಯಾನ್ಸ್ ನಲ್ಲಿ ಆಸ್ಟರಿಕ್ಸ್, ಡಿಸ್ನೀ ಮತ್ತು ಟೆಕ್ಸ್ ಅವೇರಿ ಕಾರ್ಟೂನ್ ನಿಂದ ಆಯ್ದ ಪಾತ್ರಧಾರಿಗಳನ್ನು ಬಿಂಬಿಸುವ ಚಿತ್ರಗಳಿರುವ ಟ್ಯಾರೋ ಪ್ಯಾಕ್ ಗಳು ಪ್ರಕಟಣೆಗೊಂಡಿವೆ

ಆಧುನಿಕ ದೇವೋತ್ತರ ಕಾರ್ಡುಗಳು[ಬದಲಾಯಿಸಿ]

ಇತ್ತೀಚೆಗೆ, ಟ್ಯಾರೋವನ್ನು ಭವಿಷ್ಯ ಹೇಳಲು ಬಳಸುವುದು ಅಥವಾ ಒಂದು ಲಕ್ಷಣದ ರೀತಿಯ ಸಂಗ್ರಹವಾಗಿ ಉಪಯೋಗಿಸುವುದು ದೇವೋತ್ತರ ಕಾರ್ಡ್ ಪ್ಯಾಕ್ ಗಳನ್ನು ತಯಾರಿಸಲು ಪ್ರೇರಕವಾಗಿದೆ. ಈ ಪ್ರೇರಣೆಗೆ ಅಥವಾ ಭವಿಷ್ಯ ನುಡಿಯುವುದಕ್ಕೆ ಬಳಸುವ ಕಾರ್ಡುಗಳಲ್ಲಿರುವ ಚಿತ್ರಗಳೆಂದರೆ ಕಿನ್ನರಿಯರು, ದೇವತಾಸ್ತ್ರೀಯರು, ದೇವಿಯರು, ಕುಲಚಿಹ್ನೆಗಳು, ಮುಂತಾದುವುಗಳದು. ಭವಿಷ್ಯ ಸೂಚಕ ಟ್ಯಾರೋಗಳಿಂದ ಪ್ರಭಾವಿತವಾಗಿರುವುದು ಸ್ಪಷ್ಟವಾದರೂ, ಈ ಕಾರ್ಡುಗಳು ಟ್ಯಾರೋಗಳ ಸಾಂಪ್ರದಾಯಿಕ ರಚನೆಯನ್ನು ಅನುಸರಿಸುವುದಿಲ್ಲ; ಇವುಗಳಲ್ಲಿ ಸಾಮಾನ್ಯವಾಗಿ ಸಂಖ್ಯಾ ಸ್ಯೂಟ್ ಗಳು ಇರುವುದಿಲ್ಲ, ಮತ್ತು ಈ ಕಾರ್ಡುಗಳ ಜೊತೆಯು ರೂಢೀಗತಮೇಜರ್ ಅರ್ಕಾನಾಗಿಂತಲೂ ವಿಭಿನ್ನವಾದದ್ದಾಗಿರುತ್ತದೆ.

ಇವನ್ನೂ ಗಮನಿಸಿ[ಬದಲಾಯಿಸಿ]

  • ಕಾರ್ಡುಗಳಿಂದ ಭವಿಷ್ಯನುಡಿಯುವಿಕೆ
  • ವರ್ಣ ಮನಶ್ಯಾಸ್ತ್ರ
  • ಜಿಯಾರ್ಡಿನೋ ಡೈ ಟ್ಯಾರೋಚಿ
  • ಹೋಫಾಂಟೆರ್ಸ್ಪಿಯೆಲ್
  • ಇಸ್ಪೀಟೆಲೆ
  • ಟ್ಯಾರೋ ಕಾರ್ಡ್ ಗಳು
  • ಕೌಶಲ-ಹೊಂದುವ ಆಟ
  • ಟ್ರೈಯಾನ್ಫಿ

ಉಲ್ಲೇಖಗಳು[ಬದಲಾಯಿಸಿ]

  1. ೧.೦ ೧.೧ ೧.೨ Dummett, Michael (1980). The Game of Tarot. Gerald Duckworth and Company Ltd. ISBN 0-7156-1014-7. 
  2. ಫ್ರ್ಯಾಂಕಾಯಿಸ್ ರಾಬೆಲಾಯ್ಸ್, ಗಾರ್ಗಾಂಟುವಾ ಎಂಡ್ ಪ್ಯಾಂಟಾಗ್ರುಯೆಲ್ , ಅಧ್ಯಾಯ 22, "ಲೆಸ್ ಜ್ಯೂಕ್ಸ್ ಡಿ ಗಾರ್ಗಾಂಟುವಾ"
  3. ಹ್ಯೂಸನ್, ಪಾಲ್, (2004) ಮಿಸ್ಟಿಕಲ್ ಆರಿಜಿನ್ಸ್ ಆಫ್ ದ ಟ್ಯಾರೋ: ಫ್ರಂ ಏನ್ಷಿಎಂಟ್ ರೂಟ್ಸ್ ಟು ಮಾಡ್ರನ್ ಯೂಸೇಜ್ , ವೆರ್ಮಾಂಟ್: ಡೆಸ್ಟಿನಿ ಬುಕ್ಸ್, ISBN 0-89281-190-0 ಮಿಸ್ಟಿಕಲ್ ಆರಿಜಿನ್ಸ್ ಆಫ್ ದ ಟ್ಯಾರೋ
  4. ಕ್ಯಾಸೆಂಡ್ರಾ ಈಸನ್, ಕಂಪ್ಲೀಟ್ ಗೈಡ್ ಟು ಟ್ಯಾರೋ , ಪುಟ 3 (ಕ್ರಾಸಿಂಗ್ ಪ್ರೆಸ್, 2000; ISBN 1580910688)
  5. "History of Tarot Cards". Buzzle.com. July 15, 2008. Retrieved January 27, 2009. 
  6. ಎಟಿಮಾಲಜಿ ಫಾರ್ ಟ್ಯಾರೋ , ಡಗ್ಲಾಸ್ ಹಾರ್ಪರ್ - ದ ಆನ್ ಲೈನ್ ಎಟಿಮಾಲಜಿ ಡಿಕ್ಷನರಿ
  7. ಫ್ರೆಂಚ್ ಎಟಿಮಾಲಜಿ ಫಾರ್ ಟ್ಯಾರೋ ಪೋರ್ಟೇಯ್ಲ್ ಲೆಕ್ಸಿಕಲ್: ಲಿಕ್ಸಿಕೋಗ್ರಫೀ - ಡಂಟರ್ ನ್ಯಾಷನಲ್ ಡಿ ರಿಸೋರ್ಸಸ್ ಟೆಕ್ಸ್ ಟುಯೆಲೆ ಎಟ್ ಲೆಕ್ಸಿಕೇಲ್ಸ್
  8. Manorathtarot.com
  9. [18] ^ ಡೋನಾಲ್ಡ್ ಲೇಕಾಕ್ ಇನ್ ಸ್ಕೆಪ್ಟಿಕಲ್—ಅ ಹ್ಯಾಂಡ್ ಬುಕ್ ಆಫ್ ಪ್ಸ್ಯುಡೊ ಸೈನ್ಸ್ ಅಂಡ್ ದಿ ಪ್ಯಾರನಾರ್ಮಲ್, ed ಡೋನಾಲ್ಡ್ ಲೇಕಾಕ್, ಡೇವಿಡ್ ವರ್ನಾನ್, ಕೋಲಿನ್ ಗ್ರೋವ್ಸ್, ಸಿಮನ್ ಬ್ರೌನ್, ಇಮೇಜ್ ಕ್ರಾಫ್ಟ್, ಕ್ಯಾನ್ ಬೆರ, 1989, ISBN 0731657942, p. 67
  10. Banzhaf, Hajo (1994). Il Grande Libro dei Tarocchi (in Italian). Roma: Hermes Edizioni. p. 16. ISBN 8-8793-8047-8.  More than one of |pages= and |page= specified (help)
  11. ಮೈಕಲ್ ಡಮ್ಮೆಟ್: ದ ಗೇಮ್ ಆಫ್ ಟ್ಯಾರೋ, 1980, ಪುಟ 67
  12. ಪ್ಲೇಸ್, ರಾಬರ್ಟ್ ಎಂ. (2005) ದ ಟ್ಯಾರೋ: ಹಿಸ್ಟರಿ,ಸಿಂಬಾಲಿಸಂ,ಎಂಡ್ ಡಿವಿನೇಷನ್, , ತಾರ್ಚರ್/ಪೆಂಗ್ವಿನ್, ನ್ಯೂ ಯಾರ್ಕ್, ISBN 1-58542-349-1
  13. Casanova, Giacomo. "The Complete Memoires of Jacques Casanova de Seingalt". Retrieved January 22, 2009.  Unknown parameter |coauthors= ignored (|author= suggested) (help)
  14. King, Margareth (1994). The Death of the Child Valerio Marcello. Chicago: University of Chicago Press. p. 341. ISBN 0226436209, 9780226436203 Check |isbn= value: invalid character (help).  More than one of |pages= and |page= specified (help)
  15. ದ ಗೇಮ್ ಆಫ್ ಟ್ಯಾರೋ: ಫ್ರಂ ಫೆರಾರಾ ಟು ಸಾಲ್ಟ್ ಲೇಕ್ ಸಿಟಿ, ಮೈಕಲ್ ಎ. ಈ. ಡಮ್ಮೆಟ್, ಸಿಲ್ವಿಯಾ ಮಾನ್ ಪುಟ. 76 - ಯುನೈಟೆಡ್ ಸ್ಟೇಟ್ಸ್ ಗೇಮ್ಸ್ ಸಿಸ್ಟಮ್ಸ್ (1980) ISBN 0715610147
  16. ಟ್ಯಾರೋ ಎಂಡ್ ಇಟ್ಸ್ ಹಿಸ್ಟರಿ - ಆಟೋರ್ಬಿಸ್
  17. ೧೭.೦ ೧೭.೧ ೧೭.೨ ೧೭.೩ ಅಲೇಯ್ನ್ ಬೌರಿಯೋ ದ ಮಿಥ್ ಆಫ್ ಪೋಪ್ ಜೋಆನ್ ಪುಟ 170 - ಯೂನಿವರ್ಸಿಟಿ ಆಫ್ ಚಿಕಾಗೋ ಪ್ರೆಸ್ (2001) ISBN 0226067459
  18. Berti, Giordano (2002). Visconti Tarot. Lo Scarabeo, Turin. 
  19. ಮಿಸ್ಟಿಕಲ್ ಆರಿಜಿನ್ಸ್ ಆಫ್ ದ ಟ್ಯಾರೋ: ಫ್ರಂ ಏನ್ಷಿಎಂಟ್ ರೂಟ್ಸ್ ಟು ಮಾಡ್ರನ್ ಯೂಸೇಜ್, ಪಾಲ್ ಹ್ಯೂಸನ್, ಪುಟ 280 - ಡೆಸ್ಟಿನಿ ಬುಕ್ಸ್ (2004) ISBN 0892811900
  20. ಡಿಸ್ಕ್ರಿಪ್ಷನ್ ಆಫ್ ದ ಮಿಚೆಲಿನೋ ಡೆಕ್ - ಅನುವಾದಿತ ಸಾಹಿತ್ಯ
  21. ಹ್ಯೂಸನ್, ಪಾಲ್, ಮಿಸ್ಟಿಕಲ್ ಆರಿಜಿನ್ಸ್ ಆಫ್ ದ ಟ್ಯಾರೋ: ಫ್ರಂ ಏನ್ಷಿಎಂಟ್ ರೂಟ್ಸ್ ಟು ಮಾಡ್ರನ್ ಯೂಸೇಜ್ , ವೆರ್ಮಾಂಟ್: ಡೆಸ್ಟಿನಿ ಬುಕ್ಸ್, 2004
  22. ಟ್ಯಾರೋ ಫಾರ್ ರೈಟರ್ಸ್, ಕಾರೀನ್ ಕೆನ್ನರ್, ಪುಟ 4 - ಲ್ಲೆವೆಲ್ಲಿನ್ ಪಬ್ಲಿಕೇಷನ್ಸ್ (2009) ISBN 0738714577
  23. ಇಸ್ರೇಲ್ ರೆಗಾರ್ಡೀ, "ದ ಟ್ರೀ ಆಫ್ ಲೈಫ್", (ಲಂಡನ್, ರೈಡರ್, 1932)
  24. ದ ನ್ಯೂ ಎನ್ಸೈಕ್ಲೋಪೀಡಿಯಾ ಆಫ್ ದ ಅಕ್ಕಲ್ಟ್, ಜಾನ್ ಮೈಕಲ್ ಗ್ರೀರ್, ಪುಟ 442 - ಲ್ಲೆವೆಲ್ಲಿನ್ ಪಬ್ಲಿಕೇಷನ್ಸ್ (2003) ISBN 1567183360
  25. ಟ್ಯಾರೋ ಫಾರ್ ಯುವರ್ ಸೆಲ್ಫ್: ಎ ವರ್ಕ್ ಬುಕ್ ಫಾರ್ ಪರ್ಸನಲ್ ಟ್ರ್ಯಾನ್ಸ್ ಫಾರ್ಮೇಷನ್, ಮೇರಿ ಕೆ. ಗ್ರೀರ್, ಪುಟ 285 - ನ್ಯೂ ಪೇಜ್ ಬುಕ್ಸ್ (2002) ISBN 1564145883
  26. ಮೆಕ್ ಕ್ಲೋಸ್ಕಿ, ಲೇಯ್, ಟ್ಯಾರೋ ರಿವಿಷನ್ಡ್, ಆಡ್ ಪ್ರೆಸ್

ಹೆಚ್ಚಿ ಓದಿಗಾಗಿ[ಬದಲಾಯಿಸಿ]

ಬಾಹ್ಯ ಕೊಂಡಿಗಳು[ಬದಲಾಯಿಸಿ]