ಟಿವಿ ಗೋಪಾಲಕೃಷ್ಣನ್

T. V. Gopalakrishnan
Picture taken of TVG and T S Nandakumar during a speech in Bombay
ಹಿನ್ನೆಲೆ ಮಾಹಿತಿ
ಜನ್ಮನಾಮ	Tripunithura Viswanathan Gopalakrishnan
ಜನನ	(1932-06-11) 11 June 1932
ಮೂಲಸ್ಥಳ	Kerala, India

ತ್ರಿಪುನಿತುರ ವಿಶ್ವನಾಥನ್ ಗೋಪಾಲಕೃಷ್ಣನ್ (ಜನನ ೧೧ ಜೂನ್ ೧೯೩೨, ಕೇರಳದ ತ್ರಿಪುನಿತುರದಲ್ಲಿ ), ಟಿವಿಜಿ ಎಂದು ಕರೆಯಲ್ಪಡುವ ಇವರು ಭಾರತದ ಕೇರಳದ ಕೊಚ್ಚಿನ್ ಮೂಲದ ಕರ್ನಾಟಕ ಮತ್ತು ಹಿಂದೂಸ್ತಾನಿ ಸಂಗೀತಗಾರರಾಗಿದ್ದಾರೆ. ಅವರು ೨೦೧೪ ರಲ್ಲಿ ಮದ್ರಾಸ್ ಸಂಗೀತ ಅಕಾಡೆಮಿಯ ಸಂಗೀತ ಕಲಾನಿಧಿ ಪ್ರಶಸ್ತಿ ಪಡೆದಿದ್ದಾರೆ.

ಆರಂಭಿಕ ವರ್ಷಗಳು

ಗೋಪಾಲಕೃಷ್ಣನ್ ಅವರು ಜೂನ್ ೧೧, ೧೯೩೨ ರಂದು ಎರಡು ಶತಮಾನಗಳಿಗೂ ಹೆಚ್ಚಿನ ಇತಿಹಾಸ ಹೊಂದಿರುವ ಸಂಗೀತಗಾರರ ಕುಟುಂಬದಲ್ಲಿ ಜನಿಸಿದರು. ಅವರ ತಂದೆ ಟಿ.ಜಿ. ವಿಶ್ವನಾಥ ಭಾಗವತರ್, ಕೊಚ್ಚಿನ್ ರಾಜಮನೆತನದ ಆಸ್ಥಾನ ಸಂಗೀತಗಾರರಾಗಿದ್ದರು ಹಾಗೂ ತ್ರಿಶೂರ್‌ನ ಎಸ್‌ಕೆವಿ ಕಾಲೇಜಿನಲ್ಲಿ ಸಂಗೀತ ಪ್ರಾಧ್ಯಾಪಕರಾಗಿದ್ದರು. ಗೋಪಾಲಕೃಷ್ಣನ್ ಅವರು. ಅವರ ಹೆತ್ತವರ ಹಿರಿಯ ಮಗು, ಅವರಿಗೆ ಒಟ್ಟು ಒಂಬತ್ತು ಒಡಹುಟ್ಟಿದವರು ಇದ್ದರು. ನಾಲ್ಕನೇ ವಯಸ್ಸಿನಲ್ಲಿ ಮೃದಂಗಂ ನುಡಿಸಲು ಪ್ರಾರಂಭಿಸಿದರು ಮತ್ತು ಆರನೇ ವಯಸ್ಸಿನಲ್ಲಿ ಕೊಚ್ಚಿನ್ ಅರಮನೆಯಲ್ಲಿ ರಂಗ ಪ್ರವೇಶ ಮಾಡಿದ್ದರು. ಅವರು ಚೆಂಬೈ ವೈದ್ಯನಾಥ ಭಾಗವತರ್ ಅವರ ಶಿಷ್ಯರು.

ಗೋಪಾಲಕೃಷ್ಣನ್ ರಾಧಾ ಅವರನ್ನು ವಿವಾಹವಾದರು. ದಂಪತಿಗೆ ೩ಮಕ್ಕಳಿದ್ದಾರೆ - ವಿಶ್ವನಾಥ್ (ದಿವಂಗತ), ರಾಮನಾಥನ್ಇ ಬ್ಬರು ಗಂಡು ಮಕ್ಕಳು ಮತ್ತು ಅಪರ್ಣ ರಾಘವನ್ ಎಂಬ ಮಗಳು . ರಾಮನಾಥನ್ ಒಬ್ಬ ಪ್ರಮುಖ ಸ್ಯಾಕ್ಸೋಫೋನ್ ಕಲಾವಿದರಾಗಿದ್ದು, ಅವರು ಕದ್ರಿ ಗೋಪಾಲನಾಥ್ ಅವರ ಶಿಷ್ಯರೂ ಆಗಿದ್ದಾರೆ. ಜನಪ್ರಿಯ ಪಿಟೀಲು ವಾದಕ ಟಿವಿ ರಮಣಿ ಮತ್ತು ಘಟಂ ವಾದಕ ಟಿವಿ ವಾಸನ್ ಗೋಪಾಲಕೃಷ್ಣನ್ ರವರ ಸಹೋದರರು.

ವೃತ್ತಿಜೀವನ

ಎ. ಕನ್ಯಾಕುಮಾರಿ, ಇಳಯರಾಜ, ಎನ್. ರವಿಕಿರಣ್, ಸುಧಾ ರಘುನಾಥನ್ ಮತ್ತು ಇತರರೊಂದಿಗೆ ಗೋಪಾಲಕೃಷ್ಣನ್

ಅವರು ಕರ್ನಾಟಕ ಮತ್ತು ಹಿಂದೂಸ್ತಾನಿ ಗಾಯನ, ಮೃದಂಗ ಮತ್ತು ಪಿಟೀಲು ಎರಡರಲ್ಲೂ ಸಮಾನವಾಗಿ ಪ್ರವೀಣರಾದ ಸಂಗೀತಗಾರ. ಟಿವಿಜಿ ಜಾರ್ಜ್ ಹ್ಯಾರಿಸನ್, ಬಾಬ್ ಡೈಲನ್, ಜಾನ್ ಹ್ಯಾಂಡಿ, ರವಿಶಂಕರ್ ಮತ್ತು ಉಸ್ತಾದ್ ಅಲ್ಲಾ ರಖಾ ಅವರೊಂದಿಗೆ ಪ್ರವಾಸ ಮಾಡಿದ್ದಾರೆ. ಅವರು ಡ್ರಮ್ಮರ್/ಸಂಯೋಜಕ ಫ್ರಾಂಕ್ಲಿನ್ ಕಿರ್ಮಿಯರ್, ಡಾನ್ ಪೀಕ್, ಸೀಗ್‌ಫ್ರೈಡ್ ಕುಟ್ಟೆರರ್ ಮತ್ತು ಕರೋಲಾ ಗ್ರೇ ಅವರೊಂದಿಗೆ ಸಹ ಸಹಯೋಗ ಹೊಂದಿದ್ದಾರೆ.

ಗೋಪಾಲಕೃಷ್ಣನ್ ಅವರಿಗೆ ೧೯೯೦ ರಲ್ಲಿ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ ನೀಡಲಾಯಿತು. ೨೦೧೨ ರಲ್ಲಿ ಭಾರತ ಸರ್ಕಾರವು ಅವರಿಗೆ ಪದ್ಮಭೂಷಣ ಪ್ರಶಸ್ತಿಯನ್ನು ನೀಡಿದೆ

೨೦೧೮ ರಲ್ಲಿ, "ಕರ್ನಾಟಕ ಸಂಗೀತದಲ್ಲಿ ಲಯತ್ವಂ" ವಿಷಯದ ಕುರಿತು ಅವರ ಸಂಶೋಧನೆಗಾಗಿ ಭಾರತಿದಾಸನ್ ವಿಶ್ವವಿದ್ಯಾಲಯವು ಅವರಿಗೆ ಡಾಕ್ಟರೇಟ್ ಪದವಿಯನ್ನು ನೀಡಿತು.

ಧ್ವನಿಮುದ್ರಿಕೆ ಪಟ್ಟಿ

ಇದು ಬಿಡುಗಡೆಗಳ ಅಪೂರ್ಣ ಪಟ್ಟಿ. ಬಿಡುಗಡೆ ದಿನಾಂಕಗಳು ಯಾವಾಗಲೂ ಸಂಬಂಧಿತ ದಾಖಲೆಯ ಮೂಲ ಬಿಡುಗಡೆ ದಿನಾಂಕವನ್ನು ಸೂಚಿಸುವುದಿಲ್ಲ.

• ದಕ್ಷಿಣ ಭಾರತದಲ್ಲಿ ಯುಗಗಳ ಮೂಲಕ ತಾಳವಾದ್ಯ (ಬೋಧನಾ) (೧೯೬೧)
• ಮೆಲೋಡಿಯಸ್ ಸ್ಟ್ರಿಂಗ್ಸ್ ಆಫ್ ದಿ ಇಂಡಿಯನ್ ವಯೋಲಿನ್ ( ಟಿ ಎನ್ ಕೃಷ್ಣನ್ ಒಳಗೊಂಡಂತೆ) (೧೯೯೧)
• ಈಸ್ಟರ್ನ್ ಬೀಟ್ಸ್ (ಏಕವ್ಯಕ್ತಿ ಮೃದಂಗಂ) (೧೯೯೫)
• ಮೀಟಿಂಗ್ ಸೌಂಡ್ಸ್ ಆಫ್ ಟಿವಿ ಗೋಪಾಲಕೃಷ್ಣನ್ ( ಎಂ.ಎಸ್. ಗೋಪಾಲಕೃಷ್ಣನ್ ಒಳಗೊಂಡ) (2005)
• ಮರಗದಮಣಿ (2008)

ಪ್ರಶಸ್ತಿಗಳು

ಐದು ದಶಕಗಳಿಗೂ ಹೆಚ್ಚಿನ ಕಾಲದ ಅವರ ವೃತ್ತಿಜೀವನದಲ್ಲಿ, ಗೋಪಾಲಕೃಷ್ಣನ್ ಅವರಿಗೆ ಅನೇಕ ಗೌರವಗಳು ಮತ್ತು ಪ್ರಶಸ್ತಿಗಳು ಸಂದಿವೆ. ಅವುಗಳೆಂದರೆ:

• ೨೦೧೪ ರಲ್ಲಿ ಮದ್ರಾಸ್ ಸಂಗೀತ ಅಕಾಡೆಮಿಯಿಂದ ಸಂಗೀತ ಕಲಾನಿಧಿ ಪ್ರಶಸ್ತಿ.
• ಪದ್ಮಭೂಷಣ, ೨೦೧೨
• ಕೇರಳ ಸಂಗೀತ ನಾಟಕ ಅಕಾಡೆಮಿ ಫೆಲೋಶಿಪ್, 2006
• ಕೇರಳ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ, 1983
• ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ
• ಸಂಗೀತಾ ಲಯ ಸಾಮ್ರಾಟ್
• ರೋಟರಿ ಅಂತರರಾಷ್ಟ್ರೀಯ ಮಾದರಿ ನಾಗರಿಕ ಪ್ರಶಸ್ತಿ
• ಕಲೈಮಾಮಣಿ
• ಬೆಂಗಳೂರು ರಾಮಸೇವಾ ಮಂಡಳಿಯಿಂದ ಜೀವಮಾನ ಸಾಧನೆ ಪ್ರಶಸ್ತಿ
• ಸ್ವಾತಿ ತಿರುನಾಳ್ ಜೀವಮಾನ ಸಾಧನೆ ಪ್ರಶಸ್ತಿ
• ಸಪ್ತಗಿರಿ ಸಂಗೀತ ವಿದ್ವಾನ್ ಮಣಿ ಪ್ರಶಸ್ತಿ (ತಿರುಪತಿ)
• ಲೆಜೆಂಡ್ ಆಫ್ ಇಂಡಿಯಾ ಜೀವನ ಸಾಧನೆ ಪ್ರಶಸ್ತಿ
• "ಆರ್ಷ ಕಲಾ ಭೂಷಣಂ" (HH ದಯಾನಂದ ಸರಸ್ವತಿ ಜೀವಮಾನ ಸಾಧನೆ ಪ್ರಶಸ್ತಿ)
• ಜೀವಮಾನ ರಾಷ್ಟ್ರೀಯ ಸಾಧನೆ ಶಂಕರಾಚಾರ್ಯ ಪ್ರಶಸ್ತಿ (ಬಾಂಬೆ), ಇತ್ಯಾದಿ.
• ಮುದ್ರಾ ಶ್ರೇಷ್ಠತೆ ಪ್ರಶಸ್ತಿ
• ಭರತ್ ಕಲಾಚಾರ್ ಮುಂತಾದವರಿಂದ ಜೀವಮಾನ ಸಾಧನೆ ಪ್ರಶಸ್ತಿ.