ಝೌ ವೇಯ್ ಹುಯಿ

ವೇಯ್ ಹುಯಿ
ವೇಯ್ ಹುಯಿ, 2005
ಮೂಲ ಹೆಸರು	卫慧
ಜನನ	ಝೌ ವೇಯ್‌ಹುಯಿ (1973-01-04) January 4, 1973 ಯುಯಾವೊ, ಝೆಜಿಯಾಂಗ್, ಚೀನಾ
ಉದ್ಯೋಗ	ಕಾದಂಬರಿಗಾರ್ತಿ
ಭಾಷೆ	ಚೀನೀ, ಇಂಗ್ಲಿಷ್
ವಿದ್ಯಾನಿಲಯ	ಫುಡಾನ್ ವಿಶ್ವವಿದ್ಯಾಲಯ (ಬಿಎ)
ಅವಧಿ	1995–ಇಂದಿನವರೆಗೆ
ಪ್ರಮುಖ ಕೃತಿಗಳು	ಶಾಂಘೈ ಬೇಬಿ

ಝೌ ವೇಯ್ ಹುಯಿ (Chinese: 周卫慧; ಜನನ 4 ಜನವರಿ 1973), ಸಾಮಾನ್ಯವಾಗಿ ವೇಯ್ ಹುಯಿ ಎಂದು ಪರಿಚಿತರಾಗಿರುವರು, ಶಾಂಘೈ ಮತ್ತು ನ್ಯೂಯಾರ್ಕ್ ನಗರಗಳಲ್ಲಿ ವಾಸಿಸಿ ಕಾರ್ಯನಿರ್ವಹಿಸುವ ಚೀನಾದ ಕಾದಂಬರಿಗಾರ್ತಿ.

ಪ್ರಾರಂಭಿಕ ಜೀವನ ಮತ್ತು ಶಿಕ್ಷಣ

ವೇಯ್ ಹುಯಿ ಫುದಾನ್ ವಿಶ್ವವಿದ್ಯಾಲಯದಲ್ಲಿ ಚೀನೀ ಭಾಷೆ ಮತ್ತು ಸಾಹಿತ್ಯವನ್ನು ಅಭ್ಯಾಸ ಮಾಡಿದರು. ವಿಶ್ವವಿದ್ಯಾಲಯ ಪ್ರವೇಶಕ್ಕೂ ಮೊದಲು ಒಂದು ವರ್ಷ ಸೈನಿಕ ತರಬೇತಿ ಪಡೆದಿದ್ದರು.

ವೃತ್ತಿಜೀವನ

21ನೇ ವಯಸ್ಸಿನಲ್ಲಿ ಅವರ ಮೊದಲ ಕಿರು ಕಥೆ ಪ್ರಕಟವಾಯಿತು. ಅವರ ಮೊದಲ ಕಾದಂಬರಿ ಶಾಂಘೈ ಬೇಬಿ (上海宝贝) 1999ರಲ್ಲಿ ಪ್ರಕಟವಾಗಿ ಶಾಂಘೈನಲ್ಲಿ ಹೆಚ್ಚು ಮಾರಾಟವಾದ ಕೃತಿ ಆಯಿತು. ಆದರೆ ಅದರಲ್ಲಿರುವ ಸ್ಪಷ್ಟ ಲೈಂಗಿಕ ಚಿತ್ರಣ ಮತ್ತು ಹೊಸ ಪೀಳಿಗೆಯ ಧೈರ್ಯಶಾಲಿ ಚಿತ್ರಣದ ಕಾರಣದಿಂದ, ಚೀನಾದ ಸರ್ಕಾರವು ಅದನ್ನು "ಅವಿನೀತಿಯ" ಕೃತಿ ಎಂದು ನಿಷೇಧಿಸಿತು.

ಈ ಕೃತಿಯನ್ನು ಪ್ರಕಟಿಸಿದ ಪ್ರಕಾಶನ ಸಂಸ್ಥೆಯನ್ನು ತಾತ್ಕಾಲಿಕವಾಗಿ ಮೂರು ತಿಂಗಳುಗಳ ಕಾಲ ಮುಚ್ಚಲಾಯಿತು. ನಂತರ ಶಾಂಘೈ ಬೇಬಿ ವಿದೇಶಗಳಲ್ಲಿ ಪ್ರಕಟವಾಗಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಬಹುಮಾರಾಟ ಕಂಡಿತು. ಈ ಕೃತಿಯನ್ನು 34 ಭಾಷೆಗಳಿಗೆ ಅನುವಾದಿಸಲಾಗಿದ್ದು, 45 ದೇಶಗಳಲ್ಲಿ ಆರು ಮಿಲಿಯನ್ ಪ್ರತಿಗಳು ಮಾರಾಟವಾದವು.

2005ರಲ್ಲಿ ಪ್ರಕಟವಾದ ಅವರ ಎರಡನೇ ಕಾದಂಬರಿ ಬುದ್ಧನನ್ನು ಮದುವೆಯಾಗುವುದು (我的禅) ಕೂಡ ಶಾಂಘೈ ಬೇಬಿಗೆ ಮುಂದುವರಿದ ಕೃತಿ ಆಗಿದ್ದು, ಚೀನಾದಲ್ಲಿ ಸಂಪಾದಿತ ರೂಪದಲ್ಲಿ ಪ್ರಕಟಿಸಲಾಯಿತು. ಈ ಕೃತಿಯೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಗಮನಸೆಳೆಯಿತು. ಎರಡೂ ಕೃತಿಗಳಲ್ಲಿ ಕೋಕೋ ಎಂಬ ನಾಯಕಿಯ ಪಾತ್ರದ ಮೂಲಕ ಸಮಕಾಲೀನ ಚೀನೀ ಯುವತಿಯ ಸಾಮಾಜಿಕ ಮತ್ತು ಲೈಂಗಿಕ ಸ್ವಾತಂತ್ರ್ಯದ ಅನ್ವೇಷಣೆಯನ್ನು ಚಿತ್ರಿಸಲಾಗಿದೆ.

ಪ್ರಕಟಿತ ಕೃತಿಗಳು

• ಶಾಂಘೈ ಬೇಬಿ
• ಬುದ್ಧನನ್ನು ಮದುವೆಯಾಗುವುದು
• ಚಿಟ್ಟೆಯ ಕೂಗು
• ನೀರಿನಲ್ಲಿ ಕನ್ಯೆ
• ವೀಹುಯಿಯಂತೆ ಹುಚ್ಚು
• ಡಿಸೈರ್ ಪಿಸ್ತೂಲ್

ಪ್ರಭಾವ

ವೇಯ್ ಹುಯಿ ಅವರನ್ನು ಅಂತರರಾಷ್ಟ್ರೀಯ ಮಾಧ್ಯಮಗಳು ಚೀನಾದ ಹೊಸ ಪೀಳಿಗೆಯ ಯುವತಿಯರ ಪ್ರತಿನಿಧಿಯಾಗಿ ಪರಿಗಣಿಸಿವೆ. ಅವರ ಕೃತಿಗಳು ಮತ್ತು ಸಂದರ್ಶನಗಳು ದಿ ನ್ಯೂಯಾರ್ಕ್ ಟೈಮ್ಸ್, ದಿ ನ್ಯೂಯಾರ್ಕರ್, ಟೈಮ್ (ನಿಯತಕಾಲಿಕೆ), ಸಿಎನ್ಎನ್, ಯುಎಸ್ಎ ಟುಡೇ, ಬಿಬಿಸಿ, ದಿ ಎಕನಾಮಿಸ್ಟ್, ಲೆ ಮಾಂಡೆ ಸೇರಿದಂತೆ ಅನೇಕ ಜಾಗತಿಕ ಮಾಧ್ಯಮಗಳಲ್ಲಿ ಪ್ರಕಟವಾಗಿವೆ.