ಚಾಮೀರಾಪ್ಸ್

ಚಾಮೀರಾಪ್ಸ್ ಹ್ಯೂಮಿಲಿಸ್
ಚಾಮೀರಾಪ್ಸ್ ಹ್ಯೂಮಿಲಿಸ್ ಪ್ರಭೇದ ಹ್ಯೂಮಿಲಿಸ್, ಜ಼ಿಂಗರೊ, ಸಿಸಿಲಿ
ನೈಋತ್ಯ ಸ್ಪೇನ್‍ನಲ್ಲಿ ಸಿ. ಹ್ಯೂಮಿಲಿಸ್‍ನ ದೊಡ್ಡ ಏಕಪ್ರಜಾತಿ ಜಮೀನು.
Conservation status
Least Concern  (IUCN 3.1)
Scientific classification
ಸಾಮ್ರಾಜ್ಯ:	ಪ್ಲಾಂಟೇ
ಏಕಮೂಲ ವರ್ಗ:	ಹೂಬಿಡುವ ಸಸ್ಯ
ಏಕಮೂಲ ವರ್ಗ:	ಏಕದಳ ಸಸ್ಯ
ಏಕಮೂಲ ವರ್ಗ:	ಕಾಮೆಲಿನಿಡ್ಸ್
ಗಣ:	ಅರೆಕೇಲೀಸ್
ಕುಟುಂಬ:	ಅರೆಕೇಸೀ
ಉಪಕುಟುಂಬ:	ಕಾರಿಫ಼ಾಯ್ಡಿಯೇ
ಪಂಗಡ:	ಟ್ರ್ಯಾಕಿಕಾರ್ಪಿಯೇ
ಕುಲ:	ಚಾಮೀರಾಪ್ಸ್ L.
ಪ್ರಜಾತಿ:	ಚ. ಹ್ಯೂಮಿಲಿಸ್
Binomial name
ಚಾಮೀರಾಪ್ಸ್ ಹ್ಯೂಮಿಲಿಸ್ L.
ವಿತರಣಾ ಭೂಪಟ
Synonyms
ಈ ಕೆಳಗಿನದನ್ನು ಸೇರಿದಂತೆ ಹಲವು: ಚಾಮೀರಾಪ್ಸ್ ಎಲಿಗೆನ್ಸ್ Hook. f.

ಚಾಮೀರಾಪ್ಸ್ ಎನ್ನುವುದು ಅರೆಕೇಸೀ ಕುಟುಂಬಕ್ಕೆ ಸೇರಿದ ಒಂದು ಅಲಂಕಾರ ಸಸ್ಯ. ಇದು ಅತ್ಯಂತ ಶೀತ ಪರಿಸರದಲ್ಲಿ ಬೆಳೆಯಬಲ್ಲ ತಾಳೆ ಜಾತಿಯ ಮರಗಳಲ್ಲಿ ಒಂದು ಮತ್ತು ಇದನ್ನು ಸಮಶೀತೋಷ್ಣ ವಾಯುಗುಣಗಳಲ್ಲಿ ಭೂದೃಶ್ಯ ತೋಟಗಾರಿಕೆ ಮಾಡಲು ಬಳಸಲಾಗುತ್ತದೆ.

ವಿವರಗಳು

ಗ್ರೀಕ್ ಭಾಷೆಯಲ್ಲಿ ಚಾಮೀರಾಪ್ಸ್ ಎಂದರೆ ಕುಳ್ಳಾದ ಪೊದೆ ಎಂದರ್ಥ. ಇದು ತೆಂಗು ಜಾತಿಯ ಸಸ್ಯಗಳಲ್ಲೆಲ್ಲ ಬಹುಗಟ್ಟಿಮುಟ್ಟಾದುದು. ಇದನ್ನು ಉದ್ಯಾನವನಗಳಲ್ಲಿ ಮತ್ತು ಗಾಜಿನ ಮನೆಗಳಲ್ಲಿ ಬೆಳೆಸಲಾಗುತ್ತದೆ. ಇದರ ಕಾಂಡದಿಂದ ಪಡೆಯಲಾಗುವ ನಾರಿನಿಂದ ಜಮಖಾನ, ಕಾಲು ಒರೆಸುವ ತಟ್ಟು ಮುಂತಾದುವನ್ನು ತಯಾರಿಸುವುದುಂಟು. ಇದು 4'-20' ಎತ್ತರದ ಗಿಡ. ಕಾಂಡ ಒಂಟಿಯಾಗಿರುತ್ತದೆ ಇಲ್ಲವೆ ಕವಲೊಡೆದಿರುತ್ತದೆ. ತೆಂಗಿನಲ್ಲಿರುವಂತೆಯೆ ಎಲೆಗಳು (ಗರಿಗಳು) ಕಾಂಡದ ತುದಿಯಲ್ಲಿ ಕಿರೀಟದಂತೆ ಜೋಡಣೆಗೊಂಡಿವೆ. ಒಂದೊಂದು ಎಲೆಯೂ ಬೀಸಣಿಗೆಯಾಕಾರದ್ದು. ಪ್ರತಿಯೊಂದರಲ್ಲೂ ಉದ್ದನೆಯ ಒಂದು ತೊಟ್ಟು, ಅದರ ತುದಿಯಲ್ಲಿ ಕೈಯಲ್ಲಿನ ಬೆರಳುಗಳಂತೆ ಜೋಡಣೆಗೊಂಡಿರುವ ಕವಚಗಳಿಂದ ಆವೃತವಾಗಿದೆ. ಹೂಗಳು ಚಿಕ್ಕ ಗಾತ್ರದವು; ಅವುಗಳ ಬಣ್ಣ ಹಳದಿ. ಹಣ್ಣು ಗೋಳಾಕಾರದ್ದು. ಹಣ್ಣಿನ ಬಣ್ಣ ಹಳದಿ ಇಲ್ಲವೆ ಕೆಂಪು. ಚಾಮೀರಾಪ್ಸ್ ಜಾತಿಯಲ್ಲಿ ಹ್ಯೂಮಿಲಿಸ್ ಮತ್ತು ಎಕ್ಸೆಲ್ಸ ಎಂಬ ಎರಡು ಪ್ರಭೇದಗಳಿವೆ. ಇವನ್ನು ಬೀಜಗಳಿಂದ ಇಲ್ಲವೆ ಮೋಸುಗಳಿಂದ (ಸಕರ್ಸ್) ವೃದ್ಧಿಸಬಹುದು.

ಉಲ್ಲೇಖಗಳು

ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ಚಾಮೀರಾಪ್ಸ್‌