ಚಕ್ಕೋತ ಸೊಪ್ಪು

ಆಟ್ರಿಪ್ಲೆಕ್ಸ್ ಹಾರ್ಟೆನ್ಸಿಸ್
"ಚೀನೊಪೋಡಿಯಂ ಹಾರ್ಟೆನ್ಸ್"‌ನ 1796ರ ವರ್ಣಚಿತ್ರ
Scientific classification
ಸಾಮ್ರಾಜ್ಯ:	ಪ್ಲಾಂಟೇ
ಏಕಮೂಲ ವರ್ಗ:	ಹೂಬಿಡುವ ಸಸ್ಯ
ಏಕಮೂಲ ವರ್ಗ:	ಯೂಡಿಕಾಟ್‌ಗಳು
ಗಣ:	ಕ್ಯಾರ್ಯೋಫಿಲಾಲೀಸ್
ಕುಟುಂಬ:	ಅಮರ್‍ಯಾಂತೇಸೀ
ಕುಲ:	ಆಟ್ರಿಪ್ಲೆಕ್ಸ್
ಪ್ರಜಾತಿ:	ಆ. ಹಾರ್ಟೆನ್ಸಿಸ್
Binomial name
ಆಟ್ರಿಪ್ಲೆಕ್ಸ್ ಹಾರ್ಟೆನ್ಸಿಸ್ L.
Synonyms
Synonymy ಆಟ್ರಿಪ್ಲೆಕ್ಸ್ ಅಕ್ಯುಮಿನೇಟಾ M.Bieb. ಆಟ್ರಿಪ್ಲೆಕ್ಸ್ ಆಟ್ರೊಸ್ಯಾಂಗಿನೀ Voss ಆಟ್ರಿಪ್ಲೆಕ್ಸ್ ಬೆಂಗಾಲೆನ್ಸಿಸ್ Lam. ಆಟ್ರಿಪ್ಲೆಕ್ಸ್ ಹೆಟೆರಾಂತಾ Wight ಆಟ್ರಿಪ್ಲೆಕ್ಸ್ ಮೈಕ್ರೊಥೀಕಾ Moq. ಆಟ್ರಿಪ್ಲೆಕ್ಸ್ ಪರ್ಪ್ಯೂರಿಯಾ Voss ಆಟ್ರಿಪ್ಲೆಕ್ಸ್ ರೂಬೆರೀಮಾ Moq. ಆಟ್ರಿಪ್ಲೆಕ್ಸ್ ರುಬ್ರಾ (L.) Crantz ಆಟ್ರಿಪ್ಲೆಕ್ಸ್ ಸ್ಪೆಕ್ಟಾಬಿಲಿಸ್ Ehrh. ex Moq. ಆಟ್ರಿಪ್ಲೆಕ್ಸ್ ವರ್ಗೇಟಾ Roth ಚೀನೊಪೋಡಿಯಂ ಬೆಂಗಾಲೆನ್ಸ್ Spielm. ex Steud.

ಚಕ್ಕೋತ ಸೊಪ್ಪು ಅಮರ್‍ಯಾಂತೇಸೀ ಕುಟುಂಬಕ್ಕೆ ಸೇರಿದ ಒಂದು ಏಕವಾರ್ಷಿಕ ಮೂಲಿಕೆಸಸ್ಯ. ಆಟ್ರಿಪ್ಲೆಕ್ಸ್ ಹಾರ್ಟೆನ್ಸಿಸ್ ಇದರ ಶಾಸ್ತ್ರೀಯ ಹೆಸರು. ಪ್ರಪಂಚದ ಉಪೋಷ್ಣ ಹಾಗೂ ಸಮಶೀತೋಷ್ಣವಲಯಗಳಲ್ಲೆಲ್ಲ ಇದರ ವ್ಯಾಪ್ತಿ ಉಂಟು. ಭಾರತದಲ್ಲಿ ಬಂಗಾಳ ಮತ್ತು ದಕ್ಷಿಣದ ರಾಜ್ಯಗಳಲ್ಲಿ ಇದನ್ನು ಬೆಳೆಸಲಾಗುತ್ತದೆ.

ಉಪಯೋಗಗಳು

ಇದರ ಎಲೆ ಮತ್ತು ಎಳೆಯ ಕಾಂಡವನ್ನು ತರಕಾರಿಯಾಗಿ ಉಪಯೋಗಿಸುತ್ತಾರೆ.

ಸಸ್ಯದ ರಚನೆ

ದಪ್ಪ ಹಾಗೂ ಮೆತು ತಿರುಳಿನ ಕಾಂಡ ಮತ್ತು ಎಲೆಗಳುಳ್ಳ ಪುಟ್ಟ ಗಿಡ ಇದು. ಎಲೆಗಳು ಹೃದಯ ಇಲ್ಲವೆ ತ್ರಿಕೋನಾಕಾರದವು. ಅಭಿಮುಖ ಮಾದರಿಯಲ್ಲಿ ಜೋಡಣೆಗೊಂಡಿವೆ. ಉದ್ದ 10-23 ಸೆಂ.ಮೀ. ಅಂಚು ನಯವಾಗಿರಬಹುದು ಇಲ್ಲವೆ ದಂತಿತವಾಗಿರಬಹುದು. ಹೂಗಳು ಚಿಕ್ಕ ಗಾತ್ರದವು; ಅಂತ್ಯಾರಂಭಿ ಮಾದರಿಯ ಗೊಂಚಲುಗಳಲ್ಲಿ ಸಮಾವೇಶಗೊಂಡಿವೆ.

ಬೇಸಾಯ

ಚಕ್ಕೋತ ಸೊಪ್ಪನ್ನು ಯಾವ ಬಗೆಯ ಮಣ್ಣಿನಲ್ಲಾದರೂ ಬೆಳೆಯಬಹುದು. ಬಿತ್ತನೆ ಕಾಲ ಮಾರ್ಚ್ ತಿಂಗಳು. ಒಂದು ಎಕರೆಗೆ 2-2 1/2 ಕಿ.ಗ್ರಾಂ.. ಬೀಜ ಬೇಕಾಗುತ್ತದೆ. ಇದರ ಬೀಜ ಹಾಗೂ ಎಲೆಗಳಲ್ಲಿ ವಿಟಮಿನ್ ಎ ಅಧಿಕ ಮೊತ್ತದಲ್ಲಿದೆ.

ಉಲ್ಲೇಖಗಳು

ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ಚಕ್ಕೋತ ಸೊಪ್ಪು