ಚಂದ್ರಪುಷ್ಪ

ಐಪೋಮಿಯಾ ಆಲ್ಬಾ
Conservation status
Least Concern  (IUCN 3.1)
Scientific classification
ಸಾಮ್ರಾಜ್ಯ:	ಪ್ಲಾಂಟೇ
ಏಕಮೂಲ ವರ್ಗ:	ಹೂಬಿಡುವ ಸಸ್ಯ
ಏಕಮೂಲ ವರ್ಗ:	ಯೂಡಿಕಾಟ್‌ಗಳು
ಏಕಮೂಲ ವರ್ಗ:	ಆಸ್ಟರಿಡ್ಸ್
ಗಣ:	ಸೊಲನೇಲೀಸ್
ಕುಟುಂಬ:	ಕನ್ವಾಲ್ವುಲೇಸೀ
ಕುಲ:	ಐಪೋಮಿಯಾ
ಪ್ರಜಾತಿ:	ಐ. ಆಲ್ಬಾ
Binomial name
ಐಪೋಮಿಯಾ ಆಲ್ಬಾ L.

ಚಂದ್ರಪುಷ್ಪ ಎನ್ನುವುದು ಕನ್ವಾಲ್ವುಲೇಸೀ ಕುಟುಂಬಕ್ಕೆ ಸೇರಿದ ಒಂದು ಅಲಂಕಾರ ಸಸ್ಯ. ಐಪೋಮಿಯಾ ಆಲ್ಬಾ ಇದರ ಶಾಸ್ತ್ರೀಯ ಹೆಸರು. ಇದು ಅಮೆರಿಕದ ಉಷ್ಣಪ್ರದೇಶಗಳ (tropical America) ಮೂಲವಾಸಿ. ಭಾರತದಲ್ಲಿ ಉದ್ಯಾನಗಳಲ್ಲಿ ಅಂದಕ್ಕೆಂದು ಬೆಳೆಸಲಾಗುತ್ತದೆ.

ಗುಣಲಕ್ಷಣಗಳು

ಇದೊಂದು ಬಹುವಾರ್ಷಿಕ ಬಳ್ಳಿ. ಇದರ ಕಾಂಡದಲ್ಲಿ ಬಿಳಿಯ ಬಣ್ಣದ ಹಾಲ್ನೊರೆಯಿದೆ. ಎಲೆಗಳು ಹೃದಯಾಕಾರದವು. ಹೂಗಳಿಗೆ ಸುವಾಸನೆ ಉಂಟು. ಅವುಗಳ ಬಣ್ಣ ಬಿಳಿ ಇಲ್ಲವೆ ಉದಾ, ಬಲು ಆಕರ್ಷಕವಾಗಿವೆ. ರಾತ್ರಿ ಅರಳಿ ಮರುಬೆಳಗ್ಗೆ ಬಾಡುತ್ತವೆ.

ಸಸ್ಯವೃದ್ಧಿ

ಚಂದ್ರಪುಷ್ಪವನ್ನು ಬೀಜಗಳಿಂದ ವೃದ್ಧಿಸಲಾಗುತ್ತದೆ. ಕೆಲವೊಮ್ಮೆ ಕಾಂಡ ತುಂಡುಗಳಿಂದ ಬೆಳೆಸುವುದೂ ಉಂಟು.

ಉಪಯೋಗಗಳು

ಇದಕ್ಕೆ ಅಲಂಕಾರ ಪ್ರಾಮುಖ್ಯವೊಂದೇ ಅಲ್ಲದೆ ಬೇರೆ ಉಪಯೋಗಗಳೂ ಇವೆ. ಇದರ ಎಳೆಯ ಎಲೆ ಮತ್ತು ಪುಷ್ಪಪಾತ್ರೆಗಳನ್ನು ತರಕಾರಿಯಾಗಿ ಬಳಸುವುದಿದೆ. ಇದರ ಬೇರಿನ ತೊಗಟೆಯನ್ನು ವಿರೇಚಕವಾಗಿ ಉಪಯೋಗಿಸುವುದುಂಟು.

ಉಲ್ಲೇಖಗಳು

ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ಚಂದ್ರಪುಷ್ಪ