ಘಾನ್ಸಿಂಗ್

ರ್‍ಯಾಡರ್‌ಮಾಚೆರಾ ಕ್ಸೈಲೊಕಾರ್ಪಾ
Scientific classification
ಸಾಮ್ರಾಜ್ಯ:	ಪ್ಲಾಂಟೇ
ಏಕಮೂಲ ವರ್ಗ:	ಹೂಬಿಡುವ ಸಸ್ಯ
ಏಕಮೂಲ ವರ್ಗ:	ಯೂಡಿಕಾಟ್‌ಗಳು
ಏಕಮೂಲ ವರ್ಗ:	ಆಸ್ಟರಿಡ್ಸ್
ಗಣ:	ಲ್ಯಾಮಿಯೇಲ್ಸ್
ಕುಟುಂಬ:	ಬಿಗ್ನೋನಿಯೇಸೀ
ಕುಲ:	ರ್‍ಯಾಡರ್‌ಮಾಚೆರಾ
ಪ್ರಜಾತಿ:	ರ. ಕ್ಸೈಲೊಕಾರ್ಪಾ
Binomial name
ರ್‍ಯಾಡರ್‌ಮಾಚೆರಾ ಕ್ಸೈಲೊಕಾರ್ಪಾ (Roxb.) K.Schum.
Synonyms
ಬಿಗ್ನೋನಿಯಾ ಕ್ಸೈಲೊಕಾರ್ಪಾ Roxb. ಸ್ಪ್ಯಾತೋಡಿಯಾ ಕ್ಸೈಲೊಕಾರ್ಪಾ (Roxb.) T.Anderson ex Brand. ಸ್ಟೀರಿಯೊಸ್ಪರ್ಮಮ್ ಕ್ಸೈಲೊಕಾರ್ಪಮ್ (Roxb.) Benth. & Hook.f. ಟೆಕೋಮಾ ಕ್ಸೈಲೋಕಾರ್ಪಾ (Roxb.) G.Don

ಘಾನ್‍ಸಿಂಗ್

ಘಾನ್‍ಸಿಂಗ್ ಬಿಗ್ನೋನಿಯೇಸೀ ಕುಟುಂಬಕ್ಕೆ ಸೇರಿದ ಒಂದು ಪರ್ಣಪಾತಿ ಮರ. ಸ್ಟೀರಿಯೋಸ್ಪರ್ಮಮ್ ಕ್ಸೈಲೋಕಾರ್ಪಮ್ ಇದರ ಶಾಸ್ತ್ರೀಯ ಹೆಸರು; ಕೋಣನ ಕೊಂಬುಮರ ಎಂದೂ ಪರ್ಯಾಯವಾಗಿ ಕರೆವುದಿದೆ. ಇದರ ತವರು ಭಾರತ.

ರಚನೆ

ಬೆಟ್ಟಗುಡ್ಡಗಳಲ್ಲಿ ಕಾಣದೊರೆಯುತ್ತದೆ. ಸುಮಾರು 30'-60' ಎತ್ತರಕ್ಕೆ ಬೆಳೆಯುತ್ತದೆ. ಎಲೆಗಳು ದೊಡ್ಡವು; 3'-4' ಉದ್ದ ಇವೆ. ಫೆಬ್ರುವರಿ-ಮಾರ್ಚ್ ತಿಂಗಳಿನಲ್ಲಿ ಎಲೆಗಳೆಲ್ಲ ಉದುರಿಹೋಗುತ್ತವೆ. ಹೂಗಳು ಅರಳುವುದು ಮಾರ್ಚ್ ತಿಂಗಳಲ್ಲಿ. ಹೂಗಳ ಬಣ್ಣ ಬಿಳಿ. ಮಧುರವಾದ ವಾಸನೆಯೂ ಉಂಟು. ಕಾಯಿಗಳು ಕೋಣನ ಕೊಂಬಿನಂತಿವೆ.

ಉಪಯೋಗಗಳು

ಚೌಬೀನೆ ಗಟ್ಟಿಬಗೆಯದಾಗಿರುವುದರಿಂದ ಬೀರು ಮುಂತಾದ ವಸ್ತುಗಳ ತಯಾರಿಕೆಗೆ ಬಳಸುತ್ತಾರೆ. ಮರದಿಂದ ತೆಗೆಯಬಹುದಾದ ರಾಳವನ್ನು ಚರ್ಮ ರೋಗಗಳಿಗೆ ಉಪಯೋಗಿಸುವುದುಂಟು. ಅಲ್ಲದೆ ಈ ರಾಳ ಉತ್ತೇಜಕ, ಕಫಹಾರಕ ಹಾಗೂ ಪರೋಪಜೀವಿನಾಶಕವೂ ಹೌದು.

ಉಲ್ಲೇಖಗಳು

ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ಘಾನ್ಸಿಂಗ್