ಗುಪ್ತಗಾಮಿನಿ (ಧಾರಾವಾಹಿ)

ಗುಪ್ತಗಾಮಿನಿ ಧಾರಾವಾಹಿ ಈ-ಟಿವಿ ಕನ್ನಡದಲ್ಲಿ ಸಂಜೆ ೬.೩೦ ಕ್ಕೆ ಪ್ರಸಾರವಾಗಿತ್ತು. 2003 ರಲ್ಲಿ, ಈ ಧಾರಾವಾಹಿಯು ಕರ್ನಾಟಕ ಪ್ರದೇಶದ ಅತ್ಯಂತ ಜನಪ್ರಿಯ ಟಿವಿ ಧಾರಾವಾಹಿಗಳಲ್ಲಿ ಒಂದಾಗಿತ್ತು . 2008 ರಲ್ಲಿ ಗುಪ್ತಗಾಮಿನಿ ಐದು ವರ್ಷಗಳನ್ನು ಪೂರ್ಣಗೊಳಿಸಿತು. ಖ್ಯಾತ ಪತ್ರಕರ್ತೆ ಸಂಧ್ಯಾ ಪೈ ಈ ಧಾರವಾಹಿಯನ್ನು ನಿರ್ಮಿಸಿದ್ದರೆ, ವಿಜಯ್‌ ಸಾರಾಯಿ ಈ ಧಾರವಾಹಿಯನ್ನು ನಿರ್ದೇಶಿಸಿದ್ದಾರೆ. ಮಣಿಪಾಲ್ ಎಂಟರ್‌ಟೈನ್‌ಮೆಂಟ್ ನೆಟ್‌ವರ್ಕ್ ಲಿಮಿಟೆಡ್ ಬ್ಯಾನರ್ ಅಡಿಯಲ್ಲಿ ಈ ಧಾರವಾಹಿ ನಿರ್ಮಾಣವಾಗಿದೆ.

ಗುಪ್ತಗಾಮಿನಿ (ಧಾರಾವಾಹಿ)
ಶೈಲಿ	ಧಾರಾವಾಹಿ
ನಿರ್ದೇಶಕರು	ವಿಜಯ್‌ ಸಾರಾಯಿ
ದೇಶ	ಭಾರತ
ಭಾಷೆ(ಗಳು)	ಕನ್ನಡ
ನಿರ್ಮಾಣ
ನಿರ್ಮಾಪಕ(ರು)	ಸಂಧ್ಯಾ ಪೈ, ಮಣಿಪಾಲ್ ಎಂಟರ್‌ಟೈನ್‌ಮೆಂಟ್ ನೆಟ್‌ವರ್ಕ್ ಲಿಮಿಟೆಡ್
ಸಮಯ	20-22 ನಿಮಿಷಗಳು
ಪ್ರಸಾರಣೆ
ಮೂಲ ವಾಹಿನಿ	ಈಟಿವಿ ಕನ್ನಡ

ಡಿಸೆಂಬರ್ 2008 ರಲ್ಲಿ, ಇದು ಒಟ್ಟು 1300 ಸಂಚಿಕೆಗಳನ್ನು ಪೊರೈಸಿ ಕರ್ನಾಟಕದಲ್ಲಿ ಈ ಧಾರವಾಹಿಯ ಸಂಚಿಕೆಗಳು ದಾಖಲೆಗಳನ್ನು ಮುರಿದಿತ್ತು . ಕನ್ನಡ ವೀಕ್ಷಕರಿಗೆ ತನ್ನ ಅಭಿರುಚಿಯನ್ನು ಕಾಯ್ದುಕೊಳ್ಳುವ ಕಂಟೆಂಟ್ ಇದರಲ್ಲಿತ್ತು. ಆದ್ದರಿಂದಲೇ ಧಾರಾವಾಹಿ ಇಷ್ಟು ದೀರ್ಘಾವಧಿಯನ್ನು ತಲುಪಿದೆ ಎಂದು ಜನರು ಭಾವಿಸಿದ್ದಾರೆ. ಈ ಧಾರವಾಹಿಯು ಕರ್ನಾಟಕಕ್ಕೆ ಹಲವು ಪ್ರತಿಭಾವಂತ ಕಲಾವಿದರನ್ನು ಪರಿಚಯಿಸಿದೆ .

ಕಥೆ

ಕೌಟುಂಬಿಕ ಘಟನೆಗಳನ್ನು ಆಧಾರಿತ ಧಾರವಾಹಿ ಗುಪ್ತಗಾಮಿನಿ. ಈ ಧಾರವಾಹಿಯು ಭಾವನ ಪಾತ್ರದಾರಿಯ ಮೇಲೆ ಕೇಂದ್ರಿಕೃತವಾಗಿತ್ತು. ಸ್ವಾಭಿಮಾನದ ಹೆಣ್ಣು, ಕುಟುಂಬಕ್ಕಾಗಿ ಎಲ್ಲವನ್ನು ತ್ಯಾಗ ಮಾಡಲು ಸಿದ್ದವಾಗಿರುವ ಹೆಣ್ಣಿನ ಕಥೆ.

ಪ್ರಶಸ್ತಿಗಳು

• ಧಾರಾವಾಹಿಯಲ್ಲಿನ ಭಾವನ ಪಾತ್ರಕ್ಕಾಗಿ ನಟಿ ಸುಷ್ಮಾಗೆ 2007 ರಲ್ಲಿ ಕರ್ನಾಟಕ ಟೆಲಿವಿಷನ್ ಅಸೋಸಿಯೇಷನ್ ವತಿಯಿಂದ ʼಉತ್ತಮ ನಟಿ ಪ್ರಶಸ್ತಿʼ ಕೂಡಾ ದೊರೆತಿದೆ.
• ನಿರ್ಮಾಪಕಿ ಸಂಧ್ಯಾ ಎಸ್ ಪೈ ಅವರಿಗೆ ಈ ಧಾರಾವಾಹಿಗಾಗಿ 2009 ರಲ್ಲಿ 'ಖ್ಯಾತ ಧಾರಾವಾಹಿ ಎಂಬ ವಿಶೇಷ ಪ್ರಶಸ್ತಿ' ದೊರೆತಿದೆ.

ಕಲಾವಿದರು

• ಸುಷ್ಮಾ ಕೆ. ರಾವ್
• ರಾಜೇಶ್‌ ನಟರಂಗ
• ಸುಂದರಶ್ರೀ
• ಗ್ರೀಷ್ಮಾ ಉದಯ್
• ಜ್ಯೋತಿ
• ಶಂಕರ್‌ ಆರ್ಯನ್‌
• ಮಾನಸಿ ವಾಸುದೇವನ್