ಕೆ ಚಂದ್ರಶೇಖರ್ ರಾವ್

ಕೆ ಚಂದ್ರಶೇಖರ್ ರಾವ್
ತೆಲಂಗಾಣ ಮೊದಲನೇ ಮುಖ್ಯ ಮಂತ್ರಿ
ಅಧಿಕಾರ ಅವಧಿ 2 June 2014 - ಪ್ರಸ್ತುತ
ಪೂರ್ವಾಧಿಕಾರಿ	ಮೊದಲ ಸರಕಾರ
ಮತಕ್ಷೇತ್ರ	ಗಜ್ವಾಲ್
ವೈಯಕ್ತಿಕ ಮಾಹಿತಿ
ಜನನ	ಮೇಡಕ್ ಜಿಲ್ಲೆಯ ಸಿದ್ದಿಪೇಟ ಮಂಡಲ್ ನ ,ಚಿಂಟಮಡಕ
ರಾಜಕೀಯ ಪಕ್ಷ	ತೆಲಂಗಾಣ ರಾಷ್ಟ್ರ ಸಮಿತಿ
ವಾಸಸ್ಥಾನ	ಹೈದರಾಬಾದ್
ಧರ್ಮ	ಹಿಂದೂ

ಕೆ ಚಂದ್ರಶೇಖರ್ ರಾವ್ (ಕಲ್ವಕುಂಟ್ಲ ಚಂದ್ರಶೇಖರ ರಾವ್‌, ಕೆಸಿಆರ್ )(ಜನನ 1954 ರ ಫೆಬ್ರವರಿ 17) ತೆಲಂಗಾಣ ರಾಜ್ಯದ ಮೊದಲ ಮತ್ತು ಪ್ರಸ್ತುತ ಮುಖ್ಯಮಂತ್ರಿ .ತೆಲಂಗಾಣ ರಾಷ್ಟ್ರ ಸಮಿತಿ ಪಕ್ಷದ ಅಧ್ಯಕ್ಷ,ಮೇಡಕ್ ಜಿಲ್ಲೆಯ ಗಜ್ವಾಲ್ ಕ್ಷೇತ್ರದ ಶಾಸಕರಾಗಿದ್ದಾರೆ.ಜೂನ್ 2, 2014 ರಂದು ತೆಲಂಗಾಣ ,ಹೊಸ ರಾಜ್ಯದ ಮೊದಲ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು.

ಬಾಲ್ಯ ಜೀವನ

ರಾವ್ ಮೇಡಕ್ ಜಿಲ್ಲೆಯ ಸಿದ್ದಿಪೇಟ ಮಂಡಲ್ ನ , ಚಿಂಟಮಡಕ ಗ್ರಾಮದಲ್ಲಿ 17 ಫೆಬ್ರವರಿ 1954 ರಂದು ಜನಿಸಿದರು .ಒಸ್ಮಾನಿಯಾ ಆರ್ಟ್ಸ್ ಕಾಲೇಜ್ ,ಉಸ್ಮಾನಿಯಾ ವಿಶ್ವವಿದ್ಯಾಲಯನಿಂದ ಸಾಹಿತ್ಯ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.

ಕಾಂಗ್ರೆಸ್ ಪಕ್ಷ

ಕೆಸಿಆರ್ ಮೇಡಕ್ ಜಿಲ್ಲೆಯ ಯುವ ಕಾಂಗ್ರೆಸ್ ಪಕ್ಷದಿಂದ ತಮ್ಮ ವೃತ್ತಿಜೀವನವನ್ನು ಆರಂಭಿಸಿದರು.ನಂತರ NT.Rama ರಾವ್ ನೇತೃತ್ವದ ತೆಲುಗುದೇಶಂ ಪಕ್ಷ ಸೇರಿದರು.

ತೆಲುಗು ದೇಶಂ ಪಕ್ಷ

ಕೆಸಿಆರ್ 1983 ರಲ್ಲಿ ಟಿಡಿಪಿ ಸೇರಿದರು ಮತ್ತು ಎ ಮದನ್ ಮೋಹನ್ ವಿರುದ್ಧ ಸ್ಪರ್ಧಿಸಿ ಆ ಚುನಾವಣೆಯಲ್ಲಿ ಸೋತರು. ಅವರು 1985 ಮತ್ತು 1999 ರ ಮಧ್ಯೆ ಸಿದ್ದಿಪೇಟ್ ನಿಂದ ಸತತ ನಾಲ್ಕು ವಿಧಾನಸಭಾ ಚುನಾವಣೆಯಲ್ಲಿ ಗೆದ್ದಿದ್ದಾರೆ.1987-1988 ರಿಂದ ಎನ್.ಟಿ.ರಾಮ ರಾವ್ ಸಂಪುಟದಲ್ಲಿ ಬರ ಮತ್ತು ಪರಿಹಾರ, 1996 ರಲ್ಲಿ ಅವರು ಚಂದ್ರಬಾಬು ನಾಯ್ಡು ಅವರ ಸಂಪುಟದಲ್ಲಿ ಸಾರಿಗೆ ಮಂತ್ರಿಯಾಗಿ ಮತ್ತು 2000-2001 ಆಂಧ್ರ ಪ್ರದೇಶ ವಿಧಾನಸಭೆಯ ಉಪಸಭಾಪತಿ ಕಾರ್ಯನಿರ್ವಹಿಸಿದರು.

ತೆಲಂಗಾಣ ರಾಷ್ಟ್ರ ಸಮಿತಿ

27 ಏಪ್ರಿಲ್ 2001 ರಂದು, ರಾವ್ ಉಪ ಸ್ಪೀಕರ್, ಟಿಡಿಪಿ ಶಾಸಕ ಮತ್ತು ಟಿಡಿಪಿ ಪಕ್ಷಕ್ಕೆ ರಾಜೀನಾಮೆ ನೀಡಿದರು. ಅವರು ತೆಲಂಗಾಣ ಪ್ರತ್ಯೇಕ ರಾಜ್ಯ ಸಾಧಿಸಲು ಹೈದರಾಬಾದ್ ನಲ್ಲಿ ತೆಲಂಗಾಣ ರಾಷ್ಟ್ರ ಸಮಿತಿ (ಟಿಆರ್ಎಸ್) ಪಕ್ಷವನ್ನು ಸ್ಥಾಪಿಸಿದರು.

ವೈಯಕ್ತಿಕ ಜೀವನ

ಕೆ ಚಂದ್ರಶೇಖರ್ ರಾವ್ ,ಶೋಭಾರನ್ನು ಮದುವೆಯಾಗಿದ್ದು ಇಬ್ಬರು ಮಕ್ಕಳಿದ್ದಾರೆ.ಅವರ ಮಗ, ಕೆ.ಟಿ.ರಾಮರಾವ್,ಮಗಳು ಕವಿತಾ .

ರಾಜಕೀಯ

ಸೋಲು

• 1983 ಸಿದ್ದಿಪೇಟ್

ಗೆಲುವು

• 1985 ಶಾಸಕ, ಸಿದ್ದಿಪೇಟ್
• 1989 ಶಾಸಕ, ಸಿದ್ದಿಪೇಟ್
• 1994 ಶಾಸಕ, ಸಿದ್ದಿಪೇಟ್
• 1999 ಶಾಸಕ, ಸಿದ್ದಿಪೇಟ್
• 2001 (ಮರುಚುನಾವಣೆ) ಶಾಸಕ ಸಿದ್ದಿಪೇಟ್
• 2004 ಶಾಸಕ, ಸಿದ್ದಿಪೇಟ್
• 2004 ಸಂಸದ, ಕರೀಂನಗರ್‌
• 2006 (ಮರುಚುನಾವಣೆ) ಸಂಸದ, ಕರೀಂನಗರ್‌
• 2008 (ಮರುಚುನಾವಣೆ) ಸಂಸದ, ಕರೀಂನಗರ್‌
• 2009 ಸಂಸದ, ಮೆಹಬೂಬ್ ನಗರ
• 2014 ಶಾಸಕ, ಗಜ್ವಾಲ್
• 2014 ಸಂಸದ, (ಮೇದಕ್‌)

ಪ್ರಶಸ್ತಿಗಳು

• ಸಿಎನ್ಎನ್-ಐಬಿಎನ್ ಭಾರತದ ವರ್ಷದ ವಕ್ತಿ - 2014