ಕೃಷ್ಣಂ ಪ್ರಣಯ ಸಖಿ (ಚಲನಚಿತ್ರ)

ಕೃಷ್ಣಂ ಪ್ರಣಯ ಸಖಿ
ನಿರ್ದೇಶನ	ಶ್ರೀನಿವಾಸ್ ರಾಜು
ನಿರ್ಮಾಪಕ	ಪ್ರಶಾಂತ್ ಜಿ. ರುದ್ರಪ್ಪ
ಲೇಖಕ	ಎ. ವಿ. ಶಿವ ಸಾಯಿ
ಪಾತ್ರವರ್ಗ	ಗಣೇಶ್ ಮಾಳವಿಕಾ ನಾಯರ್ ಶರಣ್ಯಾ ಶೆಟ್ಟಿ
ಸಂಗೀತ	ಅರ್ಜುನ್ ಜನ್ಯ
ಛಾಯಾಗ್ರಹಣ	ವೆಂಕಟ್ ರಾಮ ಪ್ರಸಾದ್
ಸಂಕಲನ	ಕೆ. ಎಂ. ಪ್ರಕಾಶ್
ಸ್ಟುಡಿಯೋ	ತ್ರಿಶೂಲ್ ಎಂಟರ್ಟೈನ್ಮೆಂಟ್ಸ್
ವಿತರಕರು	ಕೆವಿಎನ್ ಪ್ರೊಡಕ್ಷನ್ಸ್
ಬಿಡುಗಡೆಯಾಗಿದ್ದು	ಆಗಸ್ಟ್ ೧೫, ೨೦೨೪
ದೇಶ	ಭಾರತ
ಭಾಷೆ	ಕನ್ನಡ
ಬಾಕ್ಸ್ ಆಫೀಸ್	₹ ೨೫ ಕೋಟಿ

ಕೃಷ್ಣಂ ಪ್ರಣಯ ಸಖಿ ೨೦೨೪ರ ಕನ್ನಡ ಭಾಷೆಯ ರೊಮ್ಯಾಂಟಿಕ್ ಹಾಸ್ಯ ಚಲನಚಿತ್ರವಾಗಿದ್ದು, ಶ್ರೀನಿವಾಸ್ ರಾಜು ನಿರ್ದೇಶಿಸಿದ್ದಾರೆ ಮತ್ತು ತ್ರಿಶೂಲ್ ಎಂಟರ್‌ಟೈನ್‌ಮೆಂಟ್ಸ್ ಅಡಿಯಲ್ಲಿ ಪ್ರಶಾಂತ್ ಜಿ. ರುದ್ರಪ್ಪ ನಿರ್ಮಿಸಿದ್ದಾರೆ. ಚಿತ್ರದಲ್ಲಿ ಗಣೇಶ್, ಮಾಳವಿಕಾ ನಾಯರ್ (ಕನ್ನಡದಲ್ಲಿ ಅವರ ಚೊಚ್ಚಲ ಚಿತ್ರ), ಶರಣ್ಯಾ ಶೆಟ್ಟಿ, ಸಾಧು ಕೋಕಿಲ, ರಂಗಾಯಣ ರಘು, ಶ್ರುತಿ ಮತ್ತು ಶ್ರೀನಿವಾಸ ಮೂರ್ತಿ ನಟಿಸಿದ್ದಾರೆ.

ಕೃಷ್ಣಂ ಪ್ರಣಯ ಸಖಿ ೧೫ ಆಗಸ್ಟ್ ೨೦೨೪ ರಂದು ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ಬಿಡುಗಡೆಯಾಯಿತು. ಚಿತ್ರವು ಮಿಶ್ರ-ಧನಾತ್ಮಕ ವಿಮರ್ಶೆಗಳನ್ನು ಪಡೆಯಿತು ಮತ್ತು ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ಸನ್ನು ಗಳಿಸಿತು.

ಕಥಾವಸ್ತು

ಶ್ರೀಮಂತ ಉದ್ಯಮಿ ಕೃಷ್ಣ, ಅನಾಥಾಶ್ರಮವನ್ನು ನಡೆಸುತ್ತಿರುವ ಪ್ರಣಯಾಳನ್ನು ಭೇಟಿಯಾಗುತ್ತಾನೆ. ತನ್ನ ಸಾಮಾಜಿಕ-ಆರ್ಥಿಕ ಸ್ಥಿತಿಯು ತನ್ನನ್ನು ಪ್ರಣಯದಿಂದ ಬೇರ್ಪಡಿಸಬಹುದೆಂದು ಚಿಂತಿಸಿದ ಕೃಷ್ಣ, ಚಾಲಕನಂತೆ ನಟಿಸುತ್ತಾನೆ ಮತ್ತು ಪ್ರಣಯಾಳ ಅನಾಥಾಶ್ರಮದಲ್ಲಿ ಕೆಲಸಕ್ಕೆ ಸೇರುತ್ತಾನೆ. ಪ್ರಣಯಾ ಶೀಘ್ರದಲ್ಲೇ ಕೃಷ್ಣನ ಗುರುತನ್ನು ತಿಳಿದುಕೊಳ್ಳುತ್ತಾಳೆ, ಆದರೆ ನಂತರ ಅವಳು ಅವನ ಪ್ರೀತಿಯನ್ನು ಒಪ್ಪಿಕೊಳ್ಳುತ್ತಾಳೆ.

ಉದ್ಯಮಿ ಗುರುದತ್ ಅವರ ಮಗಳು ಜಾನ್ವಿ ಕೃಷ್ಣನನ್ನು ಪ್ರೀತಿಸುತ್ತಾಳೆ. ಗುರುದತ್ ಅವರು ಕೃಷ್ಣನ ಕುಟುಂಬದೊಂದಿಗಿನ ಹಿಂದಿನ ಮನಸ್ತಾಪದ ಕಾರಣದಿಂದ ಪ್ರಸ್ತಾಪವನ್ನು ನಿರಾಕರಿಸಿದರೂ, ನಂತರ ಒಪ್ಪುತ್ತಾರೆ ಮತ್ತು ಕೃಷ್ಣನ ಕುಟುಂಬವು ಈ ಬಗ್ಗೆ ಕೃಷ್ಣನನ್ನು ಕೇಳುತ್ತದೆ. ಆದರೆ ಕೃಷ್ಣ ಅದನ್ನು ನಿರಾಕರಿಸುತ್ತಾನೆ ಮತ್ತು ಕುಟುಂಬಕ್ಕೆ ಪ್ರಣಯಾಳ ವಿಷಯ ಹೇಳುತ್ತಾನೆ. ಕೃಷ್ಣನ ಮನೆಯವರು ಒಪ್ಪುತ್ತಾರೆ ಮತ್ತು ಅವನು ಪ್ರಣಯಾಳನ್ನು ಮದುವೆಯಾಗುತ್ತಾನೆ. ತಮ್ಮ ಸಂತೋಷಕರ ಜೀವನ ಆನಂದಿಸುವ ಮೊದಲೇ, ಕೃಷ್ಣ ಮತ್ತು ಪ್ರಣಯಾ ಹಿಂಸಾತ್ಮಕ ದಾಳಿಗೆ ಬಲಿಯಾಗುತ್ತಾರೆ.

ಕೃಷ್ಣನು ರೆಟ್ರೊಗ್ರೇಡ್ ಆಮ್ನೇಶಿಯಾ(ಒಂದು ಬಗೆಯ ಮರೆವಿನ ಕಾಯಿಲೆ)ಗೆ ತುತ್ತಾಗುತ್ತಾನೆ. ಪ್ರಣಯಾಳನ್ನು ಮರೆತುಬಿಡುತ್ತಾನೆ. ಕೃಷ್ಣನ ಕುಟುಂಬ ಮತ್ತು ಪ್ರಣಯಾ ಇದರ ಬಗ್ಗೆ ಏನನ್ನೂ ಬಹಿರಂಗಪಡಿಸುವುದಿಲ್ಲ. ಪ್ರಣಯಾ ಕೃಷ್ಣನ ಅಸಿಸ್ಟೆಂಟ್ ಆಗಿ ನಟಿಸುತ್ತಾಳೆ. ಜಾನ್ವಿ ಈ ಬಗ್ಗೆ ತಿಳಿದುಕೊಂಡು, ಕೃಷ್ಣ ತನ್ನನ್ನು ಪ್ರೀತಿಸುವಂತೆ ಮಾಡಲು ಪ್ರಯತ್ನಿಸುತ್ತಾಳೆ. ಆದರೆ ಕೃಷ್ಣ ಈ ಪ್ರಸ್ತಾಪವನ್ನು ತಿರಸ್ಕರಿಸುತ್ತಾನೆ, ಪ್ರಣಯಾಳನ್ನು ಮತ್ತೆ ಪ್ರೀತಿಸುತ್ತಾನೆ. ಪ್ರಣಯಾಳನ್ನು ಮದುವೆಯಾಗಿದ್ದಕ್ಕಾಗಿ ಕೃಷ್ಣನ ಮೇಲೆ ಸೇಡು ತೀರಿಸಿಕೊಳ್ಳಲು ಜಾನ್ವಿ ನಿಜವಾಗಿಯೂ ಕೃಷ್ಣ ಮತ್ತು ಪ್ರಣಯಾ ಮೇಲಿನ ದಾಳಿಯ ಹಿಂದೆ ಇದ್ದಳು ಎಂಬುದು ಬಹಿರಂಗವಾಗುತ್ತದೆ. ಹಾಸ್ಯಮಯ ಘಟನೆಗಳ ಸರಣಿಯ ನಂತರ ಕೃಷ್ಣ ಮತ್ತು ಪ್ರಣಯಾ ಮತ್ತೊಮ್ಮೆ ಮದುವೆಯಾಗುತ್ತಾರೆ.

ತಾರಾಗಣ

• ಗಣೇಶ್
• ಮಾಳವಿಕಾ ನಾಯರ್
• ಶರಣ್ಯಾ ಶೆಟ್ಟಿ
• ಸಾಧು ಕೋಕಿಲ
• ರಂಗಾಯಣ ರಘು
• ಅವಿನಾಶ್
• ಶಶಿಕುಮಾರ್
• ಶ್ರುತಿ
• ಅಶೋಕ್
• ರಾಮಕೃಷ್ಣ
• ಕುರಿ ಪ್ರತಾಪ್
• ಶ್ರೀನಿವಾಸ ಮೂರ್ತಿ
• ಗಿರಿ ಶಿವಣ್ಣ
• ಶಿವಧ‍್ವಜ್

ಚಿತ್ರೀಕರಣ

ಮೈಸೂರು, ಬೆಂಗಳೂರು, ಇಟಲಿ, ಮಾಲ್ಟಾ ಮತ್ತು ವಿಯೆಟ್ನಾಂನಲ್ಲಿ ಚಿತ್ರೀಕರಣ ಮಾಡಲಾಗಿದೆ.

ಧ್ವನಿಮುದ್ರಿಕೆ

ಟ್ರ್ಯಾಕ್ ಪಟ್ಟಿ

ಸಂ.	ಶೀರ್ಷಿಕೆ	ಸಾಹಿತ್ಯ	ಸಂಗೀತ	ಗಾಯಕ(ರು)	ಉದ್ದ
1.	"ಮೈ ಮ್ಯಾರೇಜ್ ಇಸ್ ಫಿಕ್ಸ್ಡ್"	ನಿಶಾನ್ ರೈ	ಅರ್ಜುನ್ ಜನ್ಯ	ಚಂದನ್ ಶೆಟ್ಟಿ	3:24
2.	"ಚಿನ್ನಮ್ಮ"	ಕವಿರಾಜ್	ಅರ್ಜುನ್ ಜನ್ಯ	ಕೈಲಾಶ್ ಖೇರ್, ಇಂದು ನಾಗರಾಜ್	3:33
3.	"ದ್ವಾಪರ"	ವಿ. ನಾಗೇಂದ್ರ ಪ್ರಸಾದ್	ಅರ್ಜುನ್ ಜನ್ಯ	ಜಸ್ಕರಣ್ ಸಿಂಗ್	4:58
4.	"ಹೇ ಗಗನ"	ವಿ.ನಾಗೇಂದ್ರ ಪ್ರಸಾದ್	ಅರ್ಜುನ್ ಜನ್ಯ	ಸೋನು ನಿಗಮ್, ಚಿನ್ಮಯಿ ಶ್ರೀಪಾದ	4:39
5.	"ನಿನ್ನ ಹೆಗಲು"	ಕವಿರಾಜ್	ಸಾಯಿ ಕಾರ್ತಿಕ್	ಕೆ. ಎಸ್. ಚಿತ್ರಾ	3:21
6.	"ಕಾಡದೆಯೇ ಹೇಗಿರಲಿ"	ಜಯಂತ್ ಕಾಯ್ಕಿಣಿ	ಅರ್ಜುನ್ ಜನ್ಯ	ಪೃಥ್ವಿ ಭಟ್, ಗೌತಮ್ ನಾಯರ್	3:34

ಬಿಡುಗಡೆ

ಈ ಮೊದಲು ಚಿತ್ರ ಜುಲೈನಲ್ಲಿ ಬಿಡುಗಡೆಯಾಗಲಿದೆ ಎಂದು ವರದಿಯಾಗಿತ್ತು. ಆದರೆ, ಇದನ್ನು ೧೫ ಆಗಸ್ಟ್ ೨೦೨೪ ರಂದು ಬಿಡುಗಡೆ ಮಾಡಲಾಯಿತು. ಈ ಚಿತ್ರವು ಕರ್ನಾಟಕದಾದ್ಯಂತ ಆಯ್ದ ಚಿತ್ರಮಂದಿರಗಳಲ್ಲಿ ೫೦ ದಿನಗಳಿಗಿಂತ ಹೆಚ್ಚು ಕಾಲ ಓಡಿತು.

ಪ್ರತಿಕ್ರಿಯೆ

ವಿಮರ್ಶಾತ್ಮಕ ಪ್ರತಿಕ್ರಿಯೆ

ಟೈಮ್ಸ್ ನೌ ನ ಶಶಿಪ್ರಸಾದ್ ಎಸ್ ಎಂ ಅವರು, ೫ ರಲ್ಲಿ ೩ ರೇಟಿಂಗ್ ನೀಡಿ "ಗೋಲ್ಡನ್ ಸ್ಟಾರ್ ಗಣೇಶ್ ತಮ್ಮ ಫಾರ್ಮ್ ಗೆ ಮರಳಿದ್ದಾರೆ" ಎಂದು ಹೇಳಿದ್ದಾರೆ ಮತ್ತು "ಚಿತ್ರದ ಮತ್ತೊಂದು ದೊಡ್ಡ ಹೈಲೈಟ್ ಎಂದರೆ ಅರ್ಜುನ್ ಜನ್ಯ ಅವರ ಸಂಗೀತ" ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಬಾಕ್ಸ್ ಆಫೀಸ್

ಮೊದಲ ದಿನವೇ ಚಿತ್ರ ₹೧.೨೫ ಕೋಟಿ ಕಲೆಕ್ಷನ್ ಮಾಡಿದೆ. ಚಿತ್ರವು ತನ್ನ ಮೊದಲ ಶನಿವಾರದಂದು ೪೯,೦೦೦ ಟಿಕೆಟ್‌ಗಳನ್ನು ಮಾರಾಟ ಮಾಡಿದೆ ಎಂದು ವರದಿಯಾಗಿದೆ ಮತ್ತು ಮೂರು ದಿನದ ಒಟ್ಟು ಮೊತ್ತ ₹ ೪.೮೨ ಕೋಟಿಗಳಿಂದ ₹ ೫ ಕೋಟಿಗಳು. ನಾಲ್ಕು ದಿನಗಳ ಲಾಂಗ್ ವೀಕೆಂಡ್ ಕಲೆಕ್ಷನ್ ₹೭.೨೬ ಕೋಟಿ ಎಂದು ವರದಿಯಾಗಿದೆ. ಐದು ದಿನಗಳ ಸಂಗ್ರಹವು ₹ ೭.೦೯ ಕೋಟಿ (ನಿವ್ವಳ) ನಿಂದ ₹ ೮.೧೧ ಕೋಟಿ (ಒಟ್ಟು) ನಡುವೆ ವರದಿಯಾಗಿದೆ. ಹತ್ತು ದಿನಗಳ ಒಟ್ಟು ಗಳಿಕೆ ₹೧೧.೭೮ ಕೋಟಿ ಎಂದು ವರದಿಯಾಗಿದೆ. ೧೨.೭೪ ಕೋಟಿ ರೂ. ಎರಡನೇ ಸೋಮವಾರದ ಅಂತ್ಯಕ್ಕೆ ಚಿತ್ರ ₹೨೦ ಕೋಟಿ ದಾಟಿದೆ ಎಂದು ವರದಿಯಾಗಿದೆ. ೨೫ ದಿನಗಳ ಅಂತ್ಯಕ್ಕೆ ಒಟ್ಟು ಕಲೆಕ್ಷನ್ ₹೨೫ ಕೋಟಿ ದಾಟಿದೆ ಎಂದು ವರದಿಯಾಗಿದೆ.