ಕಾಳಿಮಸಿ

ವಿಕಿಪೀಡಿಯ ಇಂದ
Jump to navigation Jump to search
ಖಡಕ್ನಾಥ್ ಅಥವಾ ಕಾಳಿಮಸಿ ಕೋಳಿ

ಖಡಕ್ನಾಥ್ ಎಂಬುದು ಮಧ್ಯಪ್ರದೇಶದ ಜಬುವಾ ಹಾಗೂ ಧರ್ ಜಿಲ್ಲೆಗಳ ಆದಿವಾಸಿ, ಬುಡಕಟ್ಟು ಹಾಗು ಗ್ರಾಮೀಣ ಜನತೆಯ ಹೊಟ್ಟೆ ತಣಿಸುವ ಕೋಳಿ ತಳಿ.[೧] ಇವುಗಳ ಮಾಂಸವೂ ಕರ್ರಗಾಗಿರುವುದರಿಂದ ಕಾಳಿಮಸಿ ಎಂದೂ ಪ್ರಸಿದ್ಧ . ಈ ಕೋಳಿ ದೇಸಿ ತಳಿ . ಮಧ್ಯಪ್ರದೇಶಕ್ಕೇ ಸೇರಿದ ತಳಿ ಎಂಬುದೂ ಸಾಬೀತಾಗಿದೆ. ಮಧ್ಯಪ್ರದೇಶವಲ್ಲದೇ ರಾಜಸ್ಥಾನ ಹಾಗು ಗುಜರಾತಿನ ಕೆಲವು ಕಡೆ ಇದರ ಸಾಕಾಣಿಕಾ ಕಾರ್ಯ ಇತ್ತೀಚಿಗೆ ನಡೆಯುತ್ತಿದೆ. ಕೊಕ್ಕಿನಿಂದ ಹಿಡಿದು ಕಾಲು ಉಗುರು ಗರಿ ಎಲ್ಲವೂ ಕಪ್ಪು ಬಣ್ಣ , ಜೊತೆಗೆ ಹಸಿರಿನ ವರ್ಣವೈವಿಧ್ಯವೂ ಇದೆ. ಮೊಟ್ಟೆ ಕಂದು ಬಣ್ಣ ಮತ್ತು ಕೋಳಿ ಮರಿ ನೀಲಿ ಹಾಗು ಕಪ್ಪು ಬಣ್ಣ ಮಿಶ್ರಿತವಾಗಿರುತ್ತದೆ. ಮಧ್ಯಪ್ರದೇಶದಲ್ಲಿ ಈ ಕೋಳಿಗಳನ್ನು ಪವಿತ್ರವಾದ ಹಕ್ಕಿಯೆಂದೂ ಪರಿಗಣಿಸಿ ಪ್ರತೀ ದೀಪಾವಳಿಯ ನಂತರ ದೇವಿಗೆ ಬಲಿಯನ್ನಾಗಿ ನೀಡುತ್ತಾರೆ.

ಈ ಕೋಳಿ ಹೇಗೆ ಭಿನ್ನ?[ಬದಲಾಯಿಸಿ]

ಉಳಿದ ನಾಟಿ ಕೋಳಿಗಳಿಗೆ ಹೋಲಿಸಿದರೆ ‘ಕಾಳಿಮಸಿ’ಯು ಒಂದು ಕೈ ಮೇಲಿನದು ಎಂದು ಸಾಬೀತುಪಡಿಸಿದೆ

ಗುಣಗಳು ಖಡಕನಾಥ್ ತಳಿ ಇತರೆ ತಳಿ
ಪ್ರೋಟೀನ್ 25% 18-20%
ಕೊಬ್ಬಿನಾಂಶ 0.73-1.035% 13-25%
ಲೀನೋಲಿನಿಕ್ ಆಮ್ಲ 24% 21%
ಕೊಲೆಸ್ಟ್ರಾಲ್ 184 ಮಿ.ಗ್ರಾಂ/100 ಗ್ರಾಂ 218 ಮಿ.ಗ್ರಾಂ/100 ಗ್ರಾಂ
  • 6-7 ತಿಂಗಳಲ್ಲಿ ಕೋಳಿಯ ತೂಕ – 1.5 ಕೆ.ಜಿ
  • ಪೂರ್ಣ ವಿಕಸನ – 180 ದಿನಗಳಲ್ಲಿ
  • ವಾರ್ಷಿಕ ತತ್ತಿ ಉತ್ಪಾದನೆ – 105
  • 40 ದಿನಗಳಲ್ಲಿ ಮೊಟ್ಟೆಯ ತೂಕ – 49 ಗ್ರಾಂ
  • ಫಲವಂತಿಕೆ – 55%

ಉಪಯೋಗಗಳು[ಬದಲಾಯಿಸಿ]

  •  ರುಚಿಕರವಾದ ಮಾಂಸ
  •  ಮಾಂಸಕ್ಕೆ ಔಷಧೀಯ ಗುಣಗಳಿವೆ[೨]
  •  ಎಲ್ಲಾ ತರಹದ ಪರಿಸರಕ್ಕೂ ಇವು ಒಗ್ಗಿಕೊಳ್ಳುತ್ತವೆ
  •  ಮಾಂಸ ಹಾಗು ಮೊಟ್ಟೆ ಉತ್ತಮ ಕ್ರಯಕ್ಕೆ ಮಾರಲ್ಪಡುತ್ತದೆ
  • ಮಾಂಸ : 600-800/ಕೆ.ಜಿ
  • ಮೊಟ್ಟೆ : 40-50/ಮೊಟ್ಟೆ
  •  ಮಾಂಸ ಸೇವನೆಯಿಂದ ಹಿಮೊಗ್ಲೋಬಿನ್ ಹೆಚ್ಚಾಗುತ್ತದೆ
  •  ಮೊಟ್ಟೆಯನ್ನು ತಲೆನೋವು, ಆಸ್ತ್ಮಾ ಔಷಧಿಗಳಲ್ಲಿ ಬಳಸಲಾಗುತ್ತದೆ
  • ಅಧಿಕ ರಕ್ತದೊತ್ತಡ, ಹೃದ್ರೋಗ, ನರರೋಗ, ಪಾರ್ಶ್ವವಾಯು, ರಕ್ತ ಹೆಪ್ಪುಗಟ್ಟುವಿಕೆ ಇರುವವರಿಗೆ ಪ್ರಯೋಜನಕಾರಿ[೩]
  •  ಹೋಮಿಯೋಪತಿ ಔಷಧಿ ಪದ್ಧತಿಯಲ್ಲಿ ಬಳಕೆಯಾಗುತ್ತಿದೆ[೪]
  •  ಇವುಗಳು ಅಡುಗೆಮನೆಯ ತ್ಯಾಜ್ಯಗಳಲ್ಲೂ ಬದುಕಬಲ್ಲದು
  •  ಸರಿಯಾದ ಮಾರುಕಟ್ಟೆಯ ಸಂಪರ್ಕದಾರಿ ಸಿಕ್ಕರೆ ಅತ್ತ್ಯುತ್ತಮ ಲಾಭ ತಂದುಕೊಡಬಲ್ಲದು

ಸಾಕಾಣಿಕೆ[ಬದಲಾಯಿಸಿ]

ಒಳ್ಳೆಯ ತಳಿಗಳನ್ನು ಆಯ್ದು, ಸರಿಯಾದ ಲಸಿಕೆಗಳನ್ನು ನೀಡಿ ಆರಂಭದ ದಿನಗಳಲ್ಲಿ ನಿಯಂತ್ರಿತ ಪರಿಸರದ ಅವಶ್ಯಕತೆ ಇದೆ. 30-40 ಮರಿಗಳಿಂದ ಆರಂಭಿಸುವುದು ಸೂಕ್ತ. ಅನುಭವವಾದಂತೆ ಮರಿಗಳ ಸಂಖ್ಯೆ ಹೆಚ್ಚಿಸತಕ್ಕದ್ದು . ಆಹಾರದ ಕುರಿತ ಮಾಹಿತಿಯನ್ನು ಕೋಳಿ ಸಾಕಾಣಿಕಾ ಮಾಹಿತಿ ಕೇಂದ್ರದಿಂದ ಪಡೆದುಕೊಳ್ಳುವುದು. ಕೆಲ ರಾಜ್ಯಗಳು ಇವುಗಳ ಸಂಖ್ಯೆ ಶಮನಗೊಳ್ಳುತ್ತಿರುವುದರಿಂದ ಪ್ರೋತ್ಸಾಹ ಧನಗಳನ್ನೂ ಘೋಷಿಸುತ್ತಿವೆ.

ನ್ಯೂನತೆ[ಬದಲಾಯಿಸಿ]

  •  ಅಸಮರ್ಪಕ ತಳಿ ಸಂಖ್ಯೆ
  •  ಆರ್ಥಿಕ ಸಹಾಯದ ದುರ್ಲಭ
  •  ಈ ತಳಿಗಳ ಸಾಕಾಣಿಕೆಗೆ ಉತ್ತಮ ಅನುದಾನ ಹಾಗು ಸಾಲಗಳು ದೊರಕದೆ ಇರುವುದು

ಉಲ್ಲೇಖ[ಬದಲಾಯಿಸಿ]

  1. ಈ ಕೋಳಿ ನೋಡೋಕೆ ಮಾತ್ರ ಕಪ್ಪಲ್ಲ, ಮೊಟ್ಟೆ ಮಾಂಸವೂ ಕಪ್ಪೇ
  2. https://web.archive.org/web/20090526071844/http://www.icar.org.in/cari/native.html
  3. ಉದಯವಾಣಿ ಲೇಖನ
  4. http://www.agrifarming.in/kadaknath-chicken-breed-information/
"https://kn.wikipedia.org/w/index.php?title=ಕಾಳಿಮಸಿ&oldid=853090" ಇಂದ ಪಡೆಯಲ್ಪಟ್ಟಿದೆ