ಕಲು ದೋಡೋಲ್

Kalu dodol

Kalu Dodol.JPG
ಮೂಲ
ಪರ್ಯಾಯ ಹೆಸರು(ಗಳು)	Dodol
ಮೂಲ ಸ್ಥಳ	Sri Lanka, derived from the Indonesian dodol
ವಿವರಗಳು
ಸೇವನಾ ಸಮಯ	Dessert
ಬಡಿಸುವಾಗ ಬೇಕಾದ ಉಷ್ಣತೆ	Cooled
ಮುಖ್ಯ ಘಟಕಾಂಶ(ಗಳು)	Jaggery, Rice flour, Coconut milk
ಪ್ರಭೇದಗಳು	Moor Dodol

ಕಲು ದೊಡೊಲ್ ( Sinhala: කලු දොදොල් , Tamil: தொதல் ) ಎಂಬುದು ಶ್ರೀಲಂಕಾದಲ್ಲಿ ಜನಪ್ರಿಯವಾಗಿರುವ ಒಂದು ರೀತಿಯ ಡೋಡೋಲ್ ಸಿಹಿ ಖಾದ್ಯ. ಈ ಕಪ್ಪು ಮತ್ತು ಜಿಗುಟಾದ ಖಾದ್ಯವು ಮುಖ್ಯವಾಗಿ ಕಿತುಲ್ ಬೆಲ್ಲ ( ಹೆಂಡದ ರಸದಿಂದ ), ಅಕ್ಕಿ ಹಿಟ್ಟು ಮತ್ತು ತೆಂಗಿನ ಹಾಲನ್ನು ಒಳಗೊಂಡಿರುತ್ತದೆ. ಇದನ್ನು ತಯಾರಿಸುವುದು ತುಂಬಾ ಕಷ್ಟಕರ ಮತ್ತು ಇದು ಬಹಳಷ್ಟು ಸಮಯ ತೆಗೆದುಕೊಳ್ಳುತ್ತದೆ. ಹಂಬಾಂತೋಟ ಪ್ರದೇಶವು ಈ ಖಾದ್ಯದ ಉತ್ಪಾದನೆಗೆ ಹೆಸರುವಾಸಿಯಾಗಿದೆ.

ಮೂಲ ಮತ್ತು ಇತಿಹಾಸ

ಕಲು ದೋಡೋಲ್ ಅನ್ನು ಶ್ರೀಲಂಕಾದ ಮಲಯನ್ನರು ಶ್ರೀಲಂಕಾಕ್ಕೆ ಪರಿಚಯಿಸಿದ್ದಾರೆಂದು ನಂಬಲಾಗಿದೆ, ಇದನ್ನು 16 ಮತ್ತು 17 ನೇ ಶತಮಾನಗಳಲ್ಲಿ ದೇಶದ ಕೆಲವು ಭಾಗಗಳನ್ನು ಆಕ್ರಮಿಸಿಕೊಂಡ ಸಂಧರ್ಭದಲ್ಲಿ ಪೋರ್ಚುಗೀಸರು ಇದನ್ನು ಮಾಡಿದ್ದಾರೆ ಎಂದು ಸಹ ಹೇಳಲಾಗುತ್ತದೆ. ಪ್ರಸ್ತುತ ಕೃತಕ ಪದಾರ್ಥಗಳ ಪರಿಚಯದೊಂದಿಗೆ ಕಲು ದೋಡೋಲ್ ತಯಾರಿಕೆಯು ಸಾಂದರ್ಭಿಕವಾಗಿ, ಸಾಂಪ್ರದಾಯಿಕ ಪಾಕವಿಧಾನಗಳಿಂದ ವಿಮುಖವಾಗಿದಂತೆ ತೋರುತ್ತದೆ.

ಸಿಂಹಳ ಹೊಸ ವರ್ಷದ ಆಚರಣೆಯಲ್ಲಿ ಕಲು ದೋಡೋಲ್ ಅನ್ನು ಇತರ ಸಾಂಪ್ರದಾಯಿಕ ಸಿಹಿತಿಂಡಿಗಳೊಂದಿಗೆ ಸಾಮಾನ್ಯವಾಗಿ ತಯಾರಿಸಲಾಗುತ್ತದೆ ಮತ್ತು ಸೇವಿಸಲಾಗುತ್ತದೆ.

ರಾಜಧಾನಿ ಕಲು ದೋಡೋಲ್

Hambanthota

Hambanthota is famous for its kalu dodol industry

ದಕ್ಷಿಣ ಶ್ರೀಲಂಕಾದ ಹಂಬಾಂತೋಟ ಪ್ರದೇಶವು ಕಲು ದೋಡೋಲ್‌ಗೆ ಬಹಲಷ್ಟು ಹೆಸರುವಾಸಿಯಾಗಿದ್ದು, ಇದನ್ನು ಕೆಲವೊಮ್ಮೆ ಕಲು ದೋಡೋಲ್ ರಾಜಧಾನಿ ಎಂದೂ ಕರೆಯಲಾಗುತ್ತದೆ. ಕಲು ದೋಡೋಲ್ ಉದ್ಯಮವು ಈ ಪ್ರದೇಶದ ಅನೇಕ ಜನರಿಗೆ ಪ್ರಮುಖ ಆದಾಯದ ಮೂಲವು ಆಗಿದೆ.

ಹಂಬಾಂ ತೋಟದಲ್ಲಿರುವ ಕಲು ದೋಡೋಲ್ ಅಂಗಡಿಗಳಿಗೆ, ಹತ್ತಿರದ ಧಾರ್ಮಿಕ ಸ್ಥಳವಾದ ಕತರಗಮಕ್ಕೆ ಭೇಟಿ ನೀಡಲು ಬರುವ ಯಾತ್ರಿಕರು ಆಗಾಗ್ಗೆ ಭೇಟಿ ನೀಡುತ್ತಾರೆ. 2011 ರಲ್ಲಿ, ಶ್ರೀಲಂಕಾ ಸರ್ಕಾರವು ಉದ್ಯಮವನ್ನು ಅಭಿವೃದ್ಧಿಪಡಿಸುವ ಪ್ರಯತ್ನದಲ್ಲಿ ಹಂಬಾಂ ತೋಟ ಪ್ರದೇಶದಲ್ಲಿ ಕಲು ದೋಡೋಲ್ ಮಾರಾಟ ಕೇಂದ್ರಗಳನ್ನು ಸ್ಥಾಪಿಸಲು 134 ಮಿಲಿಯನ್ ರೂ.ಗಳನ್ನು ಮಂಜೂರು ಮಾಡಿತು.

ವಿವರಣೆ

ಕಲು ದೋಡೋಲ್‌ನ ಮುಖ್ಯ ಪದಾರ್ಥಗಳು ಕಿತುಲ್ ಬೆಲ್ಲ ( ಕ್ಯಾರಿಯೋಟಾ ಯುರೆನ್ಸ್ ಸಸ್ಯದ ಕಾಕಂಬಿಯಿಂದ ), ಅಕ್ಕಿ ಹಿಟ್ಟು ಮತ್ತು ತೆಂಗಿನ ಹಾಲು. ಗೋಡಂಬಿ, ಏಲಕ್ಕಿ ಮತ್ತು ಒಣದ್ರಾಕ್ಷಿಗಳಂತಹ ಇತರ ಪದಾರ್ಥಗಳನ್ನು ಇದಕ್ಕೆ ಸೇರಿಸಬಹುದು. ಇದು ಗಾಢ ಕಂದು ಬಣ್ಣದಲ್ಲಿರುತ್ತದೆ ಹಾಗೂ "ಸ್ವಲ್ಪ ಹರಳಿನ" ವಿನ್ಯಾಸವನ್ನು ಹೊಂದಿರುವ ದಪ್ಪ, ಜಿಗುಟಾದ ಮತ್ತು ಸಿಹಿ ಜೆಲ್ಲಿ ತರಹದ ಖಾದ್ಯವಾಗಿದೆ.

ಈ ಖಾದ್ಯವನ್ನು ತಯಾರಿಸಲು, ಕಿತುಲ್ ಬೆಲ್ಲ ಮತ್ತು ತೆಳುವಾದ ತೆಂಗಿನ ಹಾಲನ್ನು ಕುದಿಸಿ ಅಕ್ಕಿ ಹಿಟ್ಟು, ನಂತರ ದಪ್ಪ ತೆಂಗಿನ ಹಾಲು ಮತ್ತು ಇತರ ಪದಾರ್ಥಗಳನ್ನು ಸೇರಿಸಲಾಗುತ್ತದೆ. ಬೇಯಿಸಿದ ನಂತರ ಅದನ್ನು ಒಂದು ತಟ್ಟೆಯಲ್ಲಿ ಸುರಿದು, ಒತ್ತಿ, ಅದನ್ನು ತಣ್ಣಗಾಗಲು ಬಿಡಲಾಗುತ್ತದೆ. ಈ ಶ್ರಮದಾಯಕ ಪ್ರಕ್ರಿಯೆಯು ಒಂಬತ್ತು ಗಂಟೆಗಳವರೆಗೆ ತೆಗೆದುಕೊಳ್ಳಬಹುದು.