ಎಸ್.ಪಿ.ವೈ.ರೆಡ್ಡಿ

ಎಸ್.ಪಿ.ವೈ.ರೆಡ್ಡಿ
ಸಂಸತ್ ಸದಸ್ಯ, ಲೋಕಸಭೆ
ಅಧಿಕಾರ ಅವಧಿ ೧೬ ಮೇ ೨೦೦೪ – ೩೦ ಏಪ್ರಿಲ್ ೨೦೧೯
ಪೂರ್ವಾಧಿಕಾರಿ	ಭೂಮಾ ನಾಗಿ ರೆಡ್ಡಿ
ಉತ್ತರಾಧಿಕಾರಿ	ಪೋಚಾ ಬ್ರಹ್ಮಾನಂದ ರೆಡ್ಡಿ
ಮತಕ್ಷೇತ್ರ	ನಂದ್ಯಾಳ
ವೈಯಕ್ತಿಕ ಮಾಹಿತಿ
ಜನನ	ಎಸ್. ಪೆಡ ಯೆರಿಕಲ್ ರೆಡ್ಡಿ (೧೯೫೦-೦೬-೦೪)೪ ಜೂನ್ ೧೯೫೦ ಅಂಕಲಮ್ಮ ಗುಡೂರು, ಕಡಪ ಜಿಲ್ಲೆ, ಆಂಧ್ರ ಪ್ರದೇಶ
ಮರಣ	30 April 2019(2019-04-30) (aged 68) ಹೈದರಾಬಾದ್
ರಾಜಕೀಯ ಪಕ್ಷ	ಜನ ಸೇನಾ ಪಕ್ಷ(೨೦೧೯) ತೆಲುಗು ದೇಶಂ ಪಕ್ಷ (೨೦೧೬–೨೦೧೯) ವೈಎಸ್ಆರ್ ಕಾಂಗ್ರೆಸ್ ಪಕ್ಷ (೨೦೧೪–೨೦೧೬) (ಪಕ್ಷಾಂತರಗೊಂಡಿದ್ದಾರೆ) ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ (೨೦೦೦- ೨೦೧೪) ಸ್ವತಂತ್ರ (೧೯೯೯- ೨೦೦೦) ಭಾರತೀಯ ಜನತಾ ಪಕ್ಷ (೧೯೯೧- ೧೯೯೯)
ಸಂಗಾತಿ(ಗಳು)	ಎಸ್.ಪಾರ್ವತಿ
ಮಕ್ಕಳು	೨
ವಾಸಸ್ಥಾನ	ನಂದ್ಯಾಳ
As of 15 January, 2015 ಮೂಲ:

ಎಸ್.ಪಿ.ವೈ.ರೆಡ್ಡಿ (ಎಸ್. ಪೆಡ ಯೆರಿಕಲ್ ರೆಡ್ಡಿ ೪ ಜೂನ್ ೧೯೫೦- ೩೦ ಏಪ್ರಿಲ್ ೨೦೧೯) ಅವರು ಮೂರು ಬಾರಿ ಲೋಕಸಭಾ ಸಂಸದರಾಗಿದ್ದರು. ರೆಡ್ಡಿ ನಂದಿ ಗ್ರೂಪ್ ಆಫ್ ಇಂಡಸ್ಟ್ರೀಸ್‌ನ ಮುಖ್ಯಸ್ಥರಾಗಿದ್ದರು. ಅವರು ೪ ಜೂನ್ ೧೯೫೦ ರಂದು ಆಂಧ್ರಪ್ರದೇಶದ ಕಡಪಾ ಜಿಲ್ಲೆಯ ಅಂಕಲಮ್ಮಗುಡೂರು ಗ್ರಾಮದಲ್ಲಿ ಜನಿಸಿದರು. ಅವರು ಎನ್‌‌ಐಟಿ(NIT) ವಾರಂಗಲ್‌ನಿಂದ ಮೆಕ್ಯಾನಿಕಲ್ ಇಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದರು. ಮುಂಬೈ ಮೂಲದ ಭಾಭಾ ಅಟಾಮಿಕ್ ರಿಸರ್ಚ್ ಸೆಂಟರ್, ಭಾರತದ ಪ್ರೀಮಿಯಂ ನ್ಯೂಕ್ಲಿಯರ್ ಸೌಲಭ್ಯವನ್ನು ಸೇರಿದರು. ಅವರು ೧೯೭೭ ರಲ್ಲಿ ವೈಜ್ಞಾನಿಕ ಅಧಿಕಾರಿ ಹುದ್ದೆಯನ್ನು ತೊರೆದರು. ೧೯೭೯ ರಲ್ಲಿ ಪ್ಲಾಸ್ಟಿಕ್ ಕಂಟೈನರ್ ಉತ್ಪಾದನಾ ಘಟಕವನ್ನು ಸ್ಥಾಪಿಸಿದರು. ನಂತರ ಅವರು ತಮ್ಮ ಕಂಪನಿಯ ಕಾರ್ಯಾಚರಣೆಯನ್ನು ೧೯೮೪ ರಲ್ಲಿ ನಂದಿ ಪೈಪ್ಸ್ ಎಂಬ ಹೆಸರಿನಲ್ಲಿ ಪಿವಿಸಿ(PVC) ಪೈಪ್‌ಗಳ ತಯಾರಿಕೆಯಲ್ಲಿ ವಿಸ್ತಾರಗೊಳಿಸಿದರು.

ಜೀವನಚರಿತ್ರೆ

ಎಸ್.ಪಿ.ವೈ.ರೆಡ್ಡಿಯವರು ಬಿಜೆಪಿಯೊಂದಿಗೆ ತಮ್ಮ ರಾಜಕೀಯ ಜೀವನವನ್ನು ಪ್ರಾರಂಭಿಸಿದರು. ೧೯೯೧ ರ ಚುನಾವಣೆಯಲ್ಲಿ ನಂದ್ಯಾಳ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ವಿಫಲರಾದರು. ೧೯೯೯ ರ ಅಸೆಂಬ್ಲಿ ಚುನಾವಣೆಯಲ್ಲಿ ಅವರು ಸ್ವತಂತ್ರ ಅಭ್ಯರ್ಥಿಯಾಗಿ ನಂದ್ಯಾಳ ಮತ್ತು ಗಿಡ್ಡಲೂರು ವಿಧಾನಸಭಾ ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದರು ಮತ್ತು ಎರಡೂ ಸ್ಥಾನಗಳನ್ನು ಕಳೆದುಕೊಂಡರು. ೨೦೦೦ ರಲ್ಲಿ, ಅವರು ಕಾಂಗ್ರೆಸ್‌ಗೆ ಪುರಸಭೆಯ ಅಧ್ಯಕ್ಷ ಅಭ್ಯರ್ಥಿಯಾಗಲು ಟಿಕೆಟ್ ಪಡೆದರು. ದಾಖಲೆಯ ಬಹುಮತದೊಂದಿಗೆ ಗೆದ್ದರು. ೨೦೦೪ ರಲ್ಲಿ ನಂದ್ಯಾಲದಿಂದ ಸಂಸದರಾಗಿ ಸ್ಪರ್ಧಿಸಿ ೧ ಲಕ್ಷ ಬಹುಮತದೊಂದಿಗೆ ಗೆದ್ದಿದ್ದರು. ೨೦೦೯ ರಲ್ಲಿ, ಅವರು ಮತ್ತೊಮ್ಮೆ ಅದೇ ಕ್ಷೇತ್ರದಿಂದ ಗೆದ್ದರು. ೨೦೧೪ ರಲ್ಲಿ ನಂದ್ಯಾಳದಿಂದ ಮೂರನೇ ಬಾರಿಗೆ ಸಂಸದರಾಗಿ ಗೆದ್ದರು.

ಅವರು ೨೦೧೪ ರ ಚುನಾವಣೆಯಲ್ಲಿ ವೈ‌ಎಸ್‌ಆರ್‌ಸಿಪಿ(YSRCP) ಟಿಕೆಟ್‌ನಲ್ಲಿ ಗೆದ್ದರು. ನಂತರ ಟಿಡಿಪಿಗೆ ಪಕ್ಷಾಂತರಗೊಂಡರು. ೨೦೧೯ ರಲ್ಲಿ, ಅವರು ಟಿಡಿಪಿ ತೊರೆದರು. ನಂತರ ಜನಸೇನಾ ಪಕ್ಷಕ್ಕೆ ಸೇರಿಕೊಂಡರು ಮತ್ತು ಅದರ ಟಿಕೆಟ್‌ನಲ್ಲಿ ಚುನಾವಣೆಯಲ್ಲಿ ಸ್ಪರ್ಧಿಸಿದರು. ಬಹು ಅಂಗಾಂಗ ವೈಫಲ್ಯದಿಂದಾಗಿ ಅವರು ೩೦ ಏಪ್ರಿಲ್ ೨೦೧೯ ರಂದು ೬೯ ನೇ ವಯಸ್ಸಿನಲ್ಲಿ ನಿಧನರಾದರು.