ಏಟಿಯನ್ ಲೂಯಿ ಮ್ಯಾಲಸ್
ಏಟಿಯನ್ ಲೂಯಿ ಮ್ಯಾಲಸ್ | |
|---|---|
 ಏಟಿಯನ್ ಲೂಯಿ ಮ್ಯಾಲಸ್ | |
| ಜನನ | ಏಟಿಯನ್ ಲೂಯಿ ಮ್ಯಾಲಸ್ ೧೭೭೫ ಜೂನ್ ೨೩ ಫ್ರಾನ್ಸ್ |
| ರಾಷ್ಟ್ರೀಯತೆ | ಫ್ರಾನ್ಸ್ |
ಏಟಿಯನ್ ಲೂಯಿ ಮ್ಯಾಲಸ್ ಫ್ರಾನ್ಸಿನ ಒಬ್ಬ ಭೌತವಿಜ್ಞಾನಿ ಮತ್ತು ಮಿಲಿಟರಿ ಎಂಜಿನಿಯರ್.[೧][೨]
ಜೀವನ[ಬದಲಾಯಿಸಿ]
ಇವರು ೧೭೭೫ರ ಜೂನ್ ೨೩ರಂದು ಪ್ಯಾರಿಸ್ಸಿನಲ್ಲಿ ಜನಿಸಿದರು. ಇವನು ಸಂದೇಹಾಸ್ಪದ ವ್ಯಕ್ತಿಯೆಂದು ಪರಿಗಣಿತನಾದ್ದರಿಂದ (1793) ಮೆಜೈರ್ಸಿನ ಮಿಲಿಟರಿ ತಾಂತ್ರಿಕಶಾಲೆಯಲ್ಲಿ ಶಿಕ್ಷಣ ಮುಂದುವರಿಸಲು ಅವಕಾಶವಾಗಲಿಲ್ಲ. ಹೀಗಾಗಿ ಈತ ಖಾಸಗಿ ಸೈನಿಕನಾಗಿ ಫ್ರೆಂಚ್ ಸೈನ್ಯ ಪ್ರವೇಶಿಸಿದ. ಅನಂತರ ಪ್ಯಾರಿಸಿನಲ್ಲಿ ಹೊಸದಾಗಿ ಸ್ಥಾಪಿಸಿದ ಎಕೋಲೆ ತಾಂತ್ರಿಕ ಶಾಲೆಯಲ್ಲಿ ಮೂರು ವರ್ಷ ವ್ಯಾಸಂಗಮಾಡಿದ. ಆಮೇಲೆ ಸೈನ್ಯದ ಎಂಜಿನಿಯರುಗಳ ದಳದ ನಾಯಕನಾಗಿ ಸೇರಿ 1797ರ ದಂಡಯಾತ್ರೆಯಲ್ಲಿ ಸ್ಯಾಂಬರ್ ಮತ್ತು ಮ್ಯೂಜಿನ ಸೈನ್ಯದಲ್ಲಿದ್ದ. ಈಜಿಪ್ಟಿನ ದಂಡಯಾತ್ರೆಯಲ್ಲಿ ಸ್ಯಾಂಬರ್ ಮತ್ತು ಮ್ಯೂಜಿನ ಸೈನ್ಯದಲ್ಲಿದ್ದ. ಈಜಿಪ್ಟಿನ ದಂಡಯಾತ್ರೆಯಲ್ಲಿ ಭಾಗವಹಿಸಿ (1798) 1801ರ ತನಕ ಪೂರ್ವ ಪ್ರದೇಶದಲ್ಲಿಯೇ ಉಳಿದ. ಅಲ್ಲಿಂದ ಹಿಂತಿರುಗಿದ ಬಳಿಕ ಕ್ರಮವಾಗಿ ಆ್ಯಂಟ್‌ವರ್ಪ್, ಸ್ಟ್ರಾಸ್‌ಬರ್ಗ್ ಮತ್ತು ಪ್ಯಾರಿಸುಗಳಲ್ಲಿ ಅಧಿಕಾರಿಯಾಗಿದ್ದ. ಆ್ಯಂಟ್‌ವರ್ಪ್ ಮತ್ತು ಸ್ಟ್ರಾಸ್‍ಬರ್ಗಿನಲ್ಲಿ 1804ರಲ್ಲಿ ಕೋಟೆ ನಿರ್ಮಾಣಕಾರ್ಯದ ನಿರ್ದೇಶಕನಾಗಿದ್ದ. ಉದ್ಯೋಗದ ವಿರಾಮವೇಳೆಯಲ್ಲಿ ವೈಜ್ಞಾನಿಕ ಸಂಶೋಧನೆಗಳನ್ನು ನಡೆಸುತ್ತಿದ್ದ. 1810 ರಲ್ಲಿ ಈತ ವಿಜ್ಞಾನ ಅಕಾಡೆಮಿಗೆ ಚುನಾಯಿತನಾದ.
ಕೊಡುಗೆಗಳು[ಬದಲಾಯಿಸಿ]
ಮ್ಯಾಲಸ್‌ರವರು ಬೆಳಕಿನ ಸ್ವಭಾವಗಳ ಮೇಲೆ ಪ್ರಯೋಗಗಳನ್ನು ನಡೆಸಿದರು. ಬೆಳಕಿನ ಮೇಲೆ ಸಂಶೋಧನೆಗಳನ್ನು ಮಾಡಿ ಧ್ರುವೀಕರಣ ವಿಧ್ಯಮಾನವನ್ನು ಶೋಧಿಸಿದ. ಹರಳಿನ ಮೂಲಕ ತೂರಿದ ಬೆಳಕು ಹೇಗೆ ದ್ವಿ-ವಕ್ರೀಭವನಕ್ಕೆ (double refraction) ಒಳಗಾಗುತ್ತದೆಯೋ ಹಾಗೆಯೇ ಯಾವುದೇ ಮೇಲ್ಮೈಯಿಂದ ಪ್ರತಿಫಲಿತವಾದ ಬೆಳಕು ಕೂಡ ವರ್ತಿಸುತ್ತದೆ ಎಂಬುದಾಗಿ ಮ್ಯಾಲಸ್‌ರವರು ಕಂಡುಹಿಡಿದರು. ಅಲ್ಲದೆ ಪ್ರತಿಫಲಿತವಾದ ಬೆಳಕು ಒಂದು ಸಮತಲದಲ್ಲಿ ಧ್ರುವೀಕರಣಕ್ಕೆ (polarization) ಒಳಗಾದರೆ, ಅದೇ (ಪ್ರತಿಫಲಿತವಾದ) ಮೇಲ್ಮೈ ಮೂಲಕ ತೂರಿ ವಕ್ರೀಭವನಕ್ಕೆ ಒಳಗಾದ ಅದೇ ಬೆಳಕು, ಪ್ರತಿಫಲಿತವಾದ ಬೆಳಕಿನ ಸಮತಲಕ್ಕೆ ಲಂಬವಾದ ಸಮತಲದಲ್ಲಿ ಧ್ರುವೀಕರಣಕ್ಕೆ ಒಳಗಾಗುತ್ತದೆ ಎಂಬುದಾಗಿಯೂ ಮ್ಯಾಲಸ್‌ರವರು ಕಂಡುಹಿಡಿದರು. ಅಲ್ಲದೆ ಬೆಳಕಿನ ಧ್ರುವೀಕೃತ ಧೂಲದ (polarized beam) ತೀವ್ರತೆಗೂ ಪ್ರತಿಫಲಿತವಾದ ಕೋನಕ್ಕೂ ಸಂಬಂಧವಿದೆ ಎಂಬ ನಿಯಮವನ್ನು ಮ್ಯಾಲಸ್‌ರವರು ಕಂಡುಹಿಡಿದರು.[೩] ಇದನ್ನು ಪಾರದರ್ಶಕ ವಸ್ತುಗಳಿಂದ ಪ್ರತಿಫಲಿತವಾದ ಬೆಳಕಿನ ಗುಣಲಕ್ಷಣ ಎಂಬ ಲೇಖನದಲ್ಲಿ ಪ್ರಕಟಿಸಿದ (1809). ಈ ಸಂಶೋಧನೆ ಡೇವಿಡ್ ಬ್ರ್ಯೂಸ್ಟರ್ ಮತ್ತು ಇತರ ವಿಜ್ಞಾನಿಗಳಿಗೆ ನೈಸರ್ಗಿಕ ಸ್ಫಟಿಕಗಳ ದ್ಯುತಿವಿಶ್ಲೇಷಣೆ ನಡೆಸಲು ಪ್ರೇರಣೆ ನೀಡಿತು. ವೈಜ್ಞಾನಿಕ ವಿಷಯಗಳಿಗೆ ಸಂಬಂಧಿಸಿದ ಮ್ಯಾಲಸನ ಪ್ರಬಂಧಗಳಾದ ವಿಶ್ಲೇಷಣಾತ್ಮಕ ಪ್ರಭಾವಿಜ್ಞಾನ ಮತ್ತು ಸ್ಫಟಿಕಗಳಲ್ಲಿ ಬೆಳಕಿನ ದ್ವಿವಕ್ರೀಭವನ ಸಿದ್ಧಾಂತ ಅನುಕ್ರಮವಾಗಿ 1810 ಮತ್ತು 1811 ರಲ್ಲಿ ಪ್ರಕಟವಾದುವು.
ನಿಧನ[ಬದಲಾಯಿಸಿ]
ಕ್ಷಯರೋಗದಿಂದ ನರಳುತ್ತಿದ್ದ ಮ್ಯಾಲಸ್‌ರವರು ಕೇವಲ ೩೬ನೆಯ ವಯಸ್ಸಿನಲ್ಲಿಯೇ ಅಂದರೆ ೧೮೧೨ರ ಫೆಬ್ರವರಿ ೨೩ರಂದು ಪ್ಯಾರಿಸ್ಸಿನಲ್ಲಿ ನಿಧನರಾದರು.
ಉಲ್ಲೇಖಗಳು[ಬದಲಾಯಿಸಿ]
- ↑ Britannica, The Editors of Encyclopaedia. "Étienne-Louis Malus". Encyclopedia Britannica, 19 Feb. 2023, https://www.britannica.com/biography/Etienne-Louis-Malus. Accessed 1 June 2023.
- ↑ "Etienne Louis Malus ." Science and Its Times: Understanding the Social Significance of Scientific Discovery. . Encyclopedia.com. 26 May. 2023 <https://www.encyclopedia.com>.
- ↑ http://ieeexplore.ieee.org/xpl/login.jsp?tp=&arnumber=5338748&url=http%3A%2F%2Fieeexplore.ieee.org%2Fiel5%2F74%2F5338669%2F05338748.pdf%3Farnumber%3D5338748
ಹೊರಗಿನ ಕೊಂಡಿಗಳು[ಬದಲಾಯಿಸಿ]
- O'Connor, John J.; Robertson, Edmund F., "ಏಟಿಯನ್ ಲೂಯಿ ಮ್ಯಾಲಸ್", MacTutor History of Mathematics archive, University of St Andrews
- English translation of his paper "Optique"
