ಅರ್.ಎನ್.ಶೆಟ್ಟಿ

ವಿಕಿಪೀಡಿಯ ಇಂದ
Jump to navigation Jump to search
ಡಾ.ರಾಮ ನಾಗಪ್ಪ ಶೆಟ್ಟಿ
ಜನನ೧೫ ಆಗಸ್ಟ್ ೧೯೨೮
ವೃತ್ತಿಉದ್ಯಮಿ
ಪ್ರಶಸ್ತಿಗಳುಗೌರವ ಡಾಕ್ಟರೇಟ್ ವಿಶ್ವೇಶ್ವರಯ್ಯ ಸ್ಮಾರಕ ಪ್ರಶಸ್ತಿ

ರಾಮ ನಾಗಪ್ಪ ಶೆಟ್ಟಿ ಒಬ್ಬ ಭಾರತೀಯ ಉದ್ಯಮಿ ಮತ್ತು ಲೋಕೋಪಕಾರಿ.

ಆರಂಭಿಕ ಜೀವನ[ಬದಲಾಯಿಸಿ]

ಡಾ.ರಾಮ ನಾಗಪ್ಪ ಶೆಟ್ಟಿ ಒಬ್ಬ ಭಾರತೀಯ ಉದ್ಯಮಿ, ಲೋಕೋಪಕಾರಿ ಮತ್ತು ಶಿಕ್ಷಣತಜ್ಞ ಆಗಿದ್ದರು. ರಾಮ ನಾಗಪ್ಪ ಶೆಟ್ಟಿರವರು ಉತ್ತರ ಕನ್ನಡ ಜಿಲ್ಲೆಯ ಮುರುಡೇಶ್ವರದ ಕೃಷಿ ಕುಟುಂಬದಲ್ಲಿ ೧೫ ಆಗಸ್ಟ್‌ನಲ್ಲಿ ಜನಿಸಿದವರು. ಅವರ ತಂದೆ ಮುರುಡೇಶ್ವರ ದೇವಾಲಯದ ಅನುವಂಶೀಯ ನಿರ್ವಾಹಕರಾಗಿ, ಆಡಳಿತಾಧಿಕಾರಿಯಾಗಿ ಶಿವನಿಗೆ ಸೇವೆ ಸಮರ್ಪಿಸುತ್ತಿದ್ದರು.ಪ್ರೌಢಶಿಕ್ಷಣ ಮುಗಿಸಿದ ನಂತರ, ಶೆಟ್ಟಿರವರು ಶಿರಸಿಯ ನಾಗರಿಕ ಗುತ್ತಿಗೆದಾರರಾಗಿ ತಮ್ಮ ವೃತ್ತಿ ಜೀವನ ಆರಂಭಿಸಿದರು. ಅವರ ಅಧ್ಯಯನಗಳನ್ನು ಮುಂದುವರಿಸಲು ಆ ದಿನಗಳಲ್ಲಿ ಶಿರಸಿಯಲ್ಲಿ ಯಾವುದೇ ಕಾಲೇಜುಗಳು ಇರಲಿಲ್ಲ. ನಾಗರಿಕ ಗುತ್ತಿಗೆದಾರರಾಗಿ ತಮ್ಮ ವೃತ್ತಿಜೀವನದಲ್ಲಿ ಯಶಸ್ವಿಗೊಂಡ ಕೂಡಲೆ ಅವರ ತಂದೆ ೨೪ನೇ ವಯಸ್ಸಿನಲ್ಲಿ ಅವರಿಗೆ ವಿವಾಹ ಮಾಡಿದರು, ಅವರಿಗೆ ಏಳು ಮಕ್ಕಳಿದ್ದಾರೆ ಮೂರು ಗಂಡು ಮತ್ತು ನಾಲ್ಕು ಹೆಣ್ಣು.

ವೃತ್ತಿ[ಬದಲಾಯಿಸಿ]

ಶೆಟ್ಟಿಯವರು ಧಾರ್ಮಿಕ ಮತ್ತು ಪರೋಪಕಾರಿ ವ್ಯಕ್ತಿ. ಅವರು ಪ್ರವಾಸೋದ್ಯಮ ನಕ್ಷೆಯಲ್ಲಿ ಮುರುಡೇಶ್ವರ ಪಟ್ಟಣವನ್ನು ಹಾಕುವ ಕಾರಣೀಭೂತರಾಗಿದ್ದಾರೆ. ಶಿವನ ಭಕ್ತರಾದ ಈತ ,ಮೊದಲ ನವೀಕರಿಸಿದ ಮತ್ತು ದ್ರಾವಿಡ ವಾಸ್ತುಶಿಲ್ಪ ಶೈಲಿಯಲ್ಲಿ ಮುರುಡೇಶ್ವರ ದೇವಾಲಯ ಮರುನಿರ್ಮಾಣ ಮಾಡುವ ತೀವ್ರ ಆಸಕ್ತಿಯನ್ನು ತೋರಿಸಿದರು. ಈ ದೇವಸ್ಥಾನದಲ್ಲಿ ಇರುವ ೨೪೯ ಅಡಿ ಎತ್ತರದ ರಾಜ ಗೋಪುರ ವಿಶ್ವದ ಅತಿ ಎತ್ತರದ ಗೋಪುರ ಎಂದು ಪರಿಗಣಿಸಲಾಗಿದೆ. ಮತ್ತೊಂದು ವಿಸ್ಮಯ, ಅರಬ್ಬಿ ಸಮುದ್ರದ ತೀರದಲ್ಲಿ ಗುಡ್ಡದ ಮೇಲೆ ಸ್ಥಾಪಿಸಲಾಗಿರುವ ೧೨೩ ಅಡಿ ಎತ್ತರದ ಶಿವನ ಆರಾಧ್ಯ ವಿಶ್ವದ ಅತಿ ಎತ್ತರದ ಪ್ರತಿಮೆ ಎಂದು ಆರಾದ್ಯವಾಗಿದೆ. ಅವರ ೯೦ರ ದಶಕದ ಆರಂಭದಲಿ ಕನ್ಯಾಕುಮಾರಿಗೆ ಭೇಟಿ ನೀಡಿದಾಗ, ಈ ವಿಗ್ರಹವನ್ನು ನಿರ್ಮಿಸಲು ಸ್ಪೂರ್ತಿಯಾದರು. ಅವರು ಪ್ರಸಿದ್ಧ ವಿವೇಕಾನಂದ ಪ್ರತಿಮೆಯನ್ನು ಸ್ಥಾಪಿಸಿದ ಎರಡು ವರ್ಷಗಳ ನಂತರ ಸ್ಥಳಕ್ಕೆ ಭೇಟಿ ನೀಡಿದ್ದರು. ಆ ನಂತರ ಶಿವನ ಆರಾಧ್ಯ ನಿರ್ಮಿಸಲು ನಿರ್ಧರಿಸಿದರು, ಈ ಕಾರ್ಯ ನೆರವೇರಲು ಎರಡು ವರ್ಷ ತೆಗೆದುಕೊಂಡಿತು. ಅವರು ತನ್ನ ಕೊನೆಯುಸಿರಿರುವ ತನಕ ಮುರುಡೇಶ್ವರ ದೇವಾಲಯದ ಅಭಿವೃದ್ಧಿ ಕೆಲಸವನ್ನು ಮುಂದುವರೆಸುವುದಾಗಿ ಹೇಳಿಕೆ ನೀಡಿದ್ದಾರೆ.

ಆರ್.ಎನ್ ಶೆಟ್ಟಿ ಆರ್ಥಿಕ ನೆರವಿನಿಂದ ನಿರ್ಮಿಸಿದ ವಿಶ್ವದ ಅತಿ ಎತ್ತರದ ಶಿವನ ಪ್ರತಿಮೆ.

ಅವರು ಸರಳ ಜೀವನ ಮತ್ತು ಉನ್ನತ ಚಿಂತನೆಯನ್ನು ನಂಬುವ ಒಬ್ಬ ಮನುಷ್ಯ. ಎಂಬತ್ತೆರಡು ವರ್ಷದ ರಾಮ ನಾಗಪ್ಪ ಶೆಟ್ಟಿ ಮುರುಡೇಶ್ವರದಲ್ಲಿ ಸಾಧಾರಣ ಮೂಲದಿಂದ ತುಂಬ ದೂರ ಬಂದಿದ್ದಾರೆ. ಅವರ ವಯಸ್ಸಿನ ಜನರು ಸಾಮಾನ್ಯವಾಗಿ ಪ್ರಶಾಂತವಾದ ಸ್ಥಳಗಳಲ್ಲಿ ಕಾಲ ಕಳೆಯುತ್ತಾರೆ ಅಥವಾ ಮೊಮ್ಮಕ್ಕಳು ಜೊತೆ ಸಮಯ ಕಳೆಯಲು ಮನೆಯಲ್ಲಿ ಉಳಿಯಲು ಇಚ್ಚಿಸುತ್ತಾರೆ, ಆದರೆ ಆರ್.ಎನ್ ಶೆಟ್ಟಿರವರು ಎಲ್ಲರ೦ತಲ್ಲ ಅವರು ಇಂದಿಗೂ ಬಿಡುವಿಲ್ಲದ೦ತೆ ದುಡಿಯುತ್ತಾರೆ, ಅವರು ಕೆಲಸ ಮಾದಲ ಆದ್ಯತೆ ನೀಡುತ್ತಾರೆ. ಕಚೇರಿ ಸಭೆಗಳಿಗೆ ಅಥವಾ ವ್ಯಾಪಾರ ಸಮ್ಮೇಳನಗಳಿಗೆ ಸ್ವತಃ ಹಾಜರಾಗುತ್ತಿದ್ದರು. ತಿಂಗಳಿಗೆ ಎರಡು ಬಾರಿ, ಅವರು ಮುರುಡೇಶ್ವರದ ತನ್ನ ಪೂಜ್ಯ ದೇವರಾದ ಶಿವನನ್ನು ನೋಡುಲು ಹೋಗುತ್ತಾರೆ. ಶೆಟ್ಟಿರವರ ವಾರ್ಷಿಕ ವ್ಯಾಪಾರ ವಹಿವಾಟು, ತಮ್ಮ ಜನ್ಮಜಾತ ಸರಳತೆ ಹಾಗು ವಿನಮ್ರತೆ ೨೦೦೦ ಕೋಟಿ ರೂ ಮೀರಿ ವ್ಯಾಪಿಸಿದೆ.

ಮುರುಡೇಶ್ವ ರದ ರಾಜ ಗೋಪುರ ಏಷ್ಯಾದಲ್ಲಿ ಅತಿ ಎತ್ತರದ ಗೋಪುರ

೧೯೬೭ರಲ್ಲಿ, ಅವರು ಒಂದು ಪಾಲುದಾರಿಕೆ ಕಂಪನಿಯಾದ (ಆರ್ ಎನ್ ಶೆಟ್ಟಿ & ಕಂಪನಿ) ಪ್ರಾರಂಭಿಸಿದರು. ಮುಂದಿನ ನಾಲ್ಕು ವರ್ಷಗಳಲ್ಲಿ ಅವರು ಮೂರು ಪ್ರಮುಖವಾದ ಯೋಜನೆಯನ್ನು ನಿರ್ಮಿಸಲು ಕೈಗೊಂಡು ಹೊನ್ನಾವರ-ಬೆಂಗಳೂರು ರಸ್ತೆಯ ಸೇತುವೆಯನ್ನು ನಿರ್ಮಿಸಿದರು. ವ್ಯಾಪಾರ ಏಳಿಗೆಯಾಗಿ, ಶೆಟ್ಟಿ ತನ್ನ ಸ್ಥಳೀಯ ಜಿಲ್ಲೆ ಇಂದ ಹೊರಬಂದು ಹುಬ್ಬಳ್ಳಿಯಲ್ಲಿ ಕಾರ್ಯವನ್ನು ಆರಂಭಿಸಿದರು. ೧೯೬೭ರಲ್ಲಿ ಏಳು ನಾಗರಿಕ ಗುತ್ತಿಗೆದಾರರೊಂದಿಗೆ, ಅವರ ಕಿರಿಯ ಮಗನ ಹೆಸರಿನಲ್ಲಿ ಹುಬ್ಬಳ್ಳಿಯಲ್ಲಿ- ನವೀನ್ ಯಂತ್ರಸಜ್ಜಿತ ಕಟ್ಟಡ ನಿರ್ಮಾಣ ಕಂಪೆನಿ ಪ್ರೈವೇಟ್ ಲಿಮಿಟೆಡ್ ಎಂಬ ಮತ್ತೊಂದು ಸಂಸ್ಥೆ ಆರಂಭಿಸಿದರು. ಕಂಪನಿಯನ್ನು ಜೀವಂತವಾಗಿ ಇರಿಸುವ ಸಲುವಾಗಿ, ಕಂಪೆನಿಯ ಇತರ ಮಧ್ಯಸ್ಥಗಾರರು ಶೆಟ್ಟಿಗೆ ತಮ್ಮ ಷೇರುಗಳನ್ನು ನೀಡಿದರು. ಮುಂದಿನ ವರ್ಷ, ಅವರೇ ಕಂಪನಿಯನ್ನು ವಹಿಸಿಕೊಂಡರು ಮತ್ತು ಎಂಟು ವರ್ಷಗಳಲ್ಲಿ, ಆರ್.ಎನ್ ಶೆಟ್ಟಿ ಮತ್ತೆ ಉತ್ತಮ ಆರೋಗ್ಯಕ್ಕೆ ಕಂಪನಿ ಗುಣಮುಖನಾಗಿ ಹಲವಾರು ಯೋಜನೆಗಳನ್ನು ಕೈಗೊಂಡರು. ಈ ಸುಧಾರಣೆ ಆದ ಬಳಿಕ ಅವರು ರಸ್ತೆಗಳು, ಅಣೆಕಟ್ಟುಗಳು, ಸೇತುವೆಗಳು, ಹೋಟೆಲ್‌ಗಳು, ಸಿರಾಮಿಕ್ ಕಂಪನಿ, ವಿದ್ಯುತ್ ಯೋಜನೆಗಳನ್ನು, ವಾಹನ ಸಾಹಸಗಳು, ಆಸ್ಪತ್ರೆಗಳು ಮತ್ತು ಶೈಕ್ಷಣಿಕ ಸಂಸ್ಥೆಗಳು ನಿರ್ಮಾಣ ಮಾಡಿದರು. "ನನ್ನ ಮೂರನೇ ಮಗ ಜನಿಸಿದ ನಂತರ ಮುರುಡೇಶ್ವರದ ಶಿವನ ಆಶೀರ್ವಾದ ಮತ್ತು ಅದೃಷ್ಟ ನಿಜವಾಗಿಯೂ ನನ್ನ ಅಭಿವೃದಿಗೆ ಕಾರಣವಾಯಿತು, ನನ್ನ ಮೂರನೆಯ ಮಗ ಜನಿಸಿದ ನಂತರ ನನ್ನ ಅನೇಕ ವ್ಯಾಪಾರಗಳ ಹೆಸರುವಾಸಿಯಾದವು" ಎಂದು ಅವರು ಒಪ್ಪಿಕೊಂಡಿದ್ದಾರೆ. ೧೯೭೫ರಲ್ಲಿ ಅವರು ನವೀನ್ ಹೊಟೇಲ್ ಲಿಮಿಟೆಡ್ ರೂಪಿಸುವ ಮೂಲಕ ಸತ್ಕಾರದ ವಲಯದಲ್ಲಿ ಪ್ರವೇಶಿಸಿತು. ಪಂಚತಾರಾ ಹೋಟೆಲ್ ಒಂದನ್ನು ಬೆಂಗಳೂರಿನಲ್ಲಿ ನಿರ್ಮಿಸಿ ತಾಜ್ ಗ್ರೂಪ್ ರವರಿಗೆ ಭೋಗ್ಯಕ್ಕೆ ಕೊಟ್ತರು. ಇದು ಪ್ರಸ್ತುತ ತಾಜ್ ರೆಸಿಡೆನ್ಸಿ ಎಂದು ಕರೆಯಲಾಗುತ್ತದೆ. ಮತ್ತಷ್ಟು ವೈವಿಧ್ಯತೆಯೊಂದಿಗೆ, ಶೆಟ್ಟಿ ಕರ್ನಾಟಕ ಸ್ಥಳೀಯರಿಗೆ ಕೆಲಸ ಒದಗಿಸುವ ಮುಖ್ಯ ಗುರಿಯೊಂದಿಗೆ ತಯಾರಿಕಾ ಘಟಕವನ್ನು ಸ್ಥಾಪಿಸಿದರು. ವೀಕ್ಷಣೆಯಲ್ಲಿ ಇದರೊಂದಿಗೆ, ಶೆಟ್ಟಿ ಮುರುಡೇಶ್ವರ ಟೈಲ್ಸ್ ಪ್ರೈವೇಟ್ ಲಿಮಿಟೆಡ್ ಎಂದು ಹೆಸರಿಸಿದರು ೧೯೭೭ರಲ್ಲಿ ಒಂದು 'ಮಂಗಳೂರು ಟೈಲ್ಸ್' ಎಂಬ ಟೈಲ್ಸ್‌ ತಯಾರಿಕಾ ಘಟಕವನ್ನು ಸ್ಥಾಪಿಸಿದರು. ದಿನಕ್ಕೆ ೪೦೦೦೦ ಅಂಚುಗಳನ್ನು ನಿರ್ಮಿಸುವ ಈ 'ಮಂಗಳೂರು ಟೈಲ್' ಸಾಮರ್ಥ್ಯದ ಘಟಕ ಕರ್ನಾಟಕದ ಅತಿದೊಡ್ಡ ಘಟಕಗಳಲ್ಲಿ ಒಂದಾಗಿದೆ. ಶೆಟ್ಟಿರವರ ಅತ್ಯಂತ ಪ್ರಮುಖ ಹಾಗು ಪ್ರತಿಷ್ಠಿತ ಕೈಗಾರಿಕಾ ಯೋಜನೆ ಎಮ್ ಸಿ ಎಲ್ ಸೆರಾಮಿಕ್ ಲಿಮಿಟೆಡ್ ಹುಬ್ಬಳ್ಳಿಯಲ್ಲಿ ಇದೆ. ಮುರುಡೇಶ್ವರ ಸೆರಾಮಿಕ್ಸ್ ಲಿಮಿಟೆಡ್ (ಎಮ್ ಸಿ ಎಲ್), ಸ್ಥಾಪನೆಯಿಂದ ಮೆರುಗುಗೊಳಿಸಲಾದ ಸೆರಾಮಿಕ್ ಹೆಂಚುಗಳಿಂದ ತಯಾರಿಕೆಯಲ್ಲಿ ಅಡಿಯಿಟ್ಟಿತು ೧೯೮೭ ರಲ್ಲಿ ಆಕಾರ ಪಡೆದು ಪಿಂಗಾಣಿ ನೆಲದ ಮತ್ತು ಗೋಡೆಯ ಅಂಚುಗಳನ್ನು ಮಾಡುವುದರಲ್ಲಿ ಭಾರತದಲ್ಲಿ ಪ್ರಸಿಧವಾಯಿತು. ಇದು ನೈಸರ್ಗಿಕ ಬೆಣಚುಕಲ್ಲು ತಯಾರಿಸುತ್ತದೆ. ೧೯೯೩ ರಲ್ಲಿ ಶೆಟ್ಟಿರವರು ಮುರುಡೇಶ್ವರ ಪವರ್ ಕಾರ್ಪೊರೇಷನ್ ಲಿಮಿಟೆಡ್ ವಿದ್ಯುತ್ ಕ್ಷೇತ್ರದಲ್ಲಿ ತೊಡಗಿಸಿಕೊಂಡರು. ಕಂಪನಿ ಯಶಸ್ವಿಯಾಗಿ ಅಭಿವೃದ್ಧಿ ಪಡೆಯಿತು ಮತ್ತು ೧೯೯೯ ರಲ್ಲಿ ಬಿಜಾಪುರ ಜಿಲ್ಲೆಯ ನಾರಾಯಣಪುರದ ಲೆಫ್ಟ್ ಬ್ಯಾಂಕ್ ಕಾಲುವೆಯನ್ನು ೧೧.೬ ಮೆಗಾವ್ಯಾಟ್ ಕಿರು ಜಲಶಕ್ತಿ ವಿದ್ಯುತ್ ಯೋಜನೆಯನ್ನು ಕೈಗೆತ್ತಿಕೊಂಡಿತು. ಹಾಗು ಅವರು ಮಾರುತಿ ಉದ್ಯೋಗ್ ಲಿಮಿಟೆಡ್ ಮಾರಾಟಗಾರರೊಂದಿಗೆ ಕೈಜೋಡಿಸಿ ಹುಬ್ಬಳ್ಳಿ, ಬೆಂಗಳೂರು (ಯಶ್ವನ್ತ್ ಪುರ್ ಮತ್ತು ಹೊಸೂರು ರಸ್ತೆ) ಮತ್ತು ಮುರುಡೇಶ್ವರ ದಲ್ಲಿ ಪ್ರದರ್ಶನ ತೆರೆದಿದೆ. ಬೆಂಗಳೂರಿನಲ್ಲಿ ತನ್ನ ಪ್ರದರ್ಶನ ಒಂದು ವಾಸ್ತವವಾಗಿ ದೇಶದಲ್ಲಿ ದೊಡ್ಡ ಮತ್ತು ಕಳೆದ ಮೂರು ವರ್ಷಗಳಲ್ಲಿ ಭಾರತದಲ್ಲಿ ಮಾರುತಿಯ ಪ್ರಮುಖವಾದ ವ್ಯಾಪಾರಿಯಾಗಿ ಘೋಷಣೆ ಮಾಡಿದರು. ಅವರ ಕಂಪನಿ ಇತ್ತೀಚೆಗೆ ಕರ್ನಾಟಕ ರಾಜ್ಯ ಹೆದ್ದಾರಿಗಳ ಸುಧಾರಣೆ ಪರಿಯೋಜನೆಯಿಂದ ರಾಯಚೂರು ಜಿಲ್ಲೆಯ ಮಸ್ಕಿ ನಲ್ಲಿ ಬೆಳಗಾವಿ ಬೈಪಾಸ್ ಮತ್ತು ಧಾರವಾಡ-ಬೆಳಗಾವಿ ರಸ್ತೆ ಕೃತಿಗಳು ಭಾರತದ ಅಧಿಕೃತ ರಾಷ್ರೀಯ ಹೆದ್ದಾರಿ ಯೋಜನೆಗಳು ಮತ್ತು ರಸ್ತೆ ಕೃತಿಗಳನ್ನು ನೀಡಲಾಗಿದೆ. ಶೆಟ್ಟಿ ಅವರು ಸ್ಥಾಪಿಸಿದ ಆರ್.ಎನ್ ಶೆಟ್ಟಿ ಟ್ರಸ್ಟ್ ಮೂಲಕ ಜನೋಪಕಾರಿ ಕಾರ್ಯಗಳು ಹಲವಾರು ಒಳಗೊಂಡರು. ಟ್ರಸ್ಟ್ ಕರ್ನಾಟಕದಲ್ಲಿ ಶೈಕ್ಷಣಿಕ (ಟೆಕ್ನಾಲಜಿ ಆರ್ ಎಸ್ ಇನ್ಸ್ಟಿಟ್ಯೂಟ್ ಸೇರಿದಂತೆ) ಸಂಸ್ಥೆಗಳು ಹಾಗೂ ಆಸ್ಪತ್ರೆಗಳು ಹಲವಾರು ಸ್ಥಪಿಸಿದ್ದಾರೆ.

ಆರ್.ಎನ್.ಎಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ[ಬದಲಾಯಿಸಿ]

ರಾ.ಎನ್.ಶೆಟ್ಟಿರವರು ಈ ಕಾಲೇಜಿನ ಅಧ್ಯಕ್ಷರು ಹಾಗು ಸ್ಥಾಪಕರು. ಕಾಲೇಜು ಕ್ಯಾಂಪಸ್ ಸುಮಾರು ೧೦೮ ಎಕರೆಯಷ್ಟು ಇದೆ. ಇದು ಕರ್ನಾಟಕದಲ್ಲಿ ಇರುವ ಕ್ಯಾಂಪಸ್ ಗಳ ಪೈಕಿ ಅಥಿ ದೊಡ್ಡ ಕ್ಯಾಂಪಸ್. ಈ ಕ್ಯಾಂಪಸ್ ೯ ಬ್ಲಾಕ್ಗಳನ್ನು ಹೊಂದಿದೆ. ಆರ್.ಎನ.ಎಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಬೆಂಗಳೂರಿನಲ್ಲಿ ಇರುವ ಇಂಜಿನಿಯರಿಂಗ್ ಹಾಗು ತಂತ್ರಜ್ಞಾನದ ಕಾಲೇಜು. ಈ ಕಾಲೇಜು ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ ಮಾನ್ಯತೆಯಲ್ಲಿ ಇದೆ. ರಾಮ ನಾಗಪ್ಪ ಶೆಟ್ಟಿ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಆರ್.ಎನ್.ಎಸ್.ಐ.ಟಿ) ೨೦೦೧ ರಲ್ಲಿ ಸ್ಥಾಪನೆವಾಯಿತು. ಸಮಾಜಕ್ಕೆ ಗುಣಮಟ್ಟದ ಶಿಕ್ಷಣ ನೀಡುವ ಉದ್ದೇಶದಿಂದ ರಾ.ಎನ್.ಶೆಟ್ಟಿರವರು, ಆರ್.ಎನ್.ಎಸ್.ಐ.ಟಿ ಕಾಲೇಜನ್ನು ಸ್ಥಾಪಿಸಿದ್ದಾರೆ. ಆರ್.ಎನ್.ಎಸ್.ಐ.ಟಿ ಕರ್ನಾಟಕದ ೧೦ ಉತ್ತಮ ಇಂಜಿನಿಯರಿಂಗ್ ಕಾಲೇಜುಗಳು ಪೈಕಿ ಒಂದು. ಈ ಕಾಲೇಜಿನ ಕಂಪ್ಯೂಟರ್ ವಿಜ್ಞಾನ ಇಲಾಖೆಯು ರಾಜ್ಯದಲ್ಲಿ ಅತ್ಯುತ್ತಮ ಎನಿಸಿಕೊಂಡಿದೆ. ಈ ಕಾಲೇಜು ಪದವಿಪೂರ್ವ, ಸ್ನಾತಕೋತ್ತರ ಹಾಗು ಸಂಶೋಧನಾ ಕಾರ್ಯಕ್ರಮಗಳಲ್ಲಿ ವಿವಿಧ ಇಲಾಖೆ ಹಾಗು ಶಿಕ್ಷಣಗಳನ್ನು ಒಳಗೊಂಡಿದೆ. ಈ ಇನ್ಸ್ಟಿಟ್ಯೂಟ್ ಹುಡುಗರು ಮತ್ತು ಹುಡುಗಿಯರಿಗೆ ಸೆಮಿನಾರ್ ಹಾಲ್ಗಳನ್ನು, ಕ್ಯಾಂಟೀನ್, ಪೂರ್ಣ ಪ್ರಮಾಣದ ಕ್ರೀಡೆ ಮತ್ತು ಸಾಂಸ್ಕೃತಿಕ ವಿಭಾಗಗಳ ಸೌಕರ್ಯಗಳ ಜೊತೆಗೆ ವಸತಿ ನಿಲಯಗಳಲ್ಲಿ ನೀಡುತ್ತದೆ. ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಅನುಕೂಲಕ್ಕಾಗಿ ಕ್ಯಾಂಪಸ್ ನಲ್ಲಿ ಒಂದು ಕೆನರಾ ಬ್ಯಾಂಕ್ ಶಾಖೆಯು ಇದೆ. ಪ್ರತಿ ವರ್ಷ ಇಲ್ಲಿ 'ಪರಿಚಯ್' ಎಂಬ ಅಂತರ ಕಾಲೇಜ್ ಫೆಸ್ಟ್ ನಡೆಸುತ್ತದೆ, ಕಾಲೇಜಿನ ಎಲ್ಲಾ ವಿದ್ಯಾರ್ಥಿಗಳು ಸಾಂಸ್ಕೃತಿಕ ಮತ್ತು ತಾಂತ್ರಿಕ ಚಟುವಟಿಕೆಗಳ್ಳಿ ಭಾಗವಹಿಸುತ್ತಾರೆ. ಇದಲ್ಲದೆ ಅಂತರ ಇಲಾಖಾ ಫೆಸ್ಟ್ ಪ್ರತಿ ಸೆಮಿಸ್ಟರ್ ನಡೆಸಲಾಗುತ್ತದೆ. ಕಾಲೇಜು ಪ್ರತಿ ವಿಭಾಗದಲ್ಲಿ ತನ್ನ ಅನುಭವಿ ಮತ್ತು ಮೀಸಲಾದ ಸಿಬ್ಬಂದಿಗೆ ಹೆಸರುವಾಸಿಯಾಗಿದೆ.

ಪ್ರಶಸ್ತಿಗಳು ಮತ್ತು ಮಾನ್ಯತೆ[ಬದಲಾಯಿಸಿ]

ಬೆಂಗಳೂರು ವಿಶ್ವವಿದ್ಯಾಲಯದ ೨೦೦೯-೧೦ ರಲ್ಲಿ ಶೆಟ್ಟಿಯವರಿಗೆ ಗೌರವ ಡಾಕ್ಟರೇಟ್ ಪ್ರದಾನ ಮತ್ತು ೨೦೦೪ ರಲ್ಲಿ ವಿಶ್ವೇಶ್ವರಯ್ಯ ಸ್ಮಾರಕ ಪ್ರಶಸ್ತಿಯನ್ನು ವಾಣಿಜ್ಯ ಮತ್ತು ಕರ್ನಾಟಕ ಕೈಗಾರಿಕಾ ಚೇಂಬರ್ಸ್ ಒಕ್ಕೂಟದವರು ಶೆಟ್ಟಿಯವರಿಗೆ ಗೌರವನೀಡಿ ಸನ್ಮಾನಿಸಿದ್ದಾರೆ.

ಉಲ್ಲೇಖಗಳು[ಬದಲಾಯಿಸಿ]

https://en.wikipedia.org/wiki/R._N._Shetty https://en.wikipedia.org/wiki/RNS_Institute_of_Technology