ಅಜಿತ್ ಕುಮಾರ್ (ಜೀವಶಾಸ್ತ್ರಜ್ಞ)

ಅಜಿತ್ ಕುಮಾರ್ ಒಬ್ಬ ಭಾರತೀಯ ವನ್ಯಜೀವಿ ಜೀವಶಾಸ್ತ್ರಜ್ಞ ಮತ್ತು ಸಂರಕ್ಷಣಾ ತಜ್ಞ, ಅವರು ಪರಿಸರ ವಿಜ್ಞಾನ ಮತ್ತು ಅಳಿವಿನಂಚಿನಲ್ಲಿರುವ ಸಿಂಹ-ಬಾಲದ ಮಕಕ್ ಮತ್ತು ಸಣ್ಣ ಸಸ್ತನಿಗಳ ಸಂರಕ್ಷಣೆಗೆ ನೀಡಿದ ಕೊಡುಗೆಗಳಿಗೆ ಹೆಸರುವಾಸಿಯಾಗಿದ್ದರು. ಅವರು ನಾಲ್ಕು ದಶಕಗಳ ಸಂಶೋಧನೆ [3), ಬೋಧನೆ ಮತ್ತು ವನ್ಯಜೀವಿ ಸಂರಕ್ಷಣೆಯಲ್ಲಿ ನಿರತರಾಗಿ ತೊಡಗಿದ್ದರು . ಕರ್ನಾಟಕದ ಬೆಂಗಳೂರಿನಲ್ಲಿರುವ ರಾಷ್ಟ್ರೀಯ ಜೈವಿಕ ವಿಜ್ಞಾನ ಕೇಂದ್ರ ( NCBS ) ನಲ್ಲಿ ವನ್ಯಜೀವಿ ಜೀವಶಾಸ್ತ್ರ ಮತ್ತು ಸಂರಕ್ಷಣೆಯಲ್ಲಿ ಸ್ನಾತಕೋತ್ತರ ಕೋರ್ಸ್ ಅನ್ನು ಸ್ಥಾಪಿಸುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದರು. 2004 ರಲ್ಲಿ ಪ್ರಾರಂಭವಾದಾಗಿನಿಂದ 2020 ರವರೆಗೆ ಸಂಸ್ಥಾಪಕ ಕೋರ್ಸ್ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದರು. ಅವರ ಆರಂಭಿಕ ಟಿಪ್ಪಣಿಗಳು ಮತ್ತು ಕೃತಿಗಳನ್ನು ಸಮಕಾಲೀನ ಭಾರತದಲ್ಲಿ ವಿಜ್ಞಾನದ ಇತಿಹಾಸದ ಸಾರ್ವಜನಿಕ ಸಂಗ್ರಹಣಾ ಕೇಂದ್ರವಾದ NCBS ಆರ್ಕೈವ್ಸ್ನಲ್ಲಿ ಸೇರ್ಪಡಿಸಲಾಗಿದೆ.