ಅಚ್ಚುತ್ ಕನ್ಯಾ

ಅಚ್ಚುತ್ ಕನ್ಯಾ
ನಿರ್ದೇಶನ	ಫ್ರಾಂಜ್ ಓಸ್ಟನ್
ನಿರ್ಮಾಪಕ	ಹಿಮಾಂಶು ರಾಯ್
ಲೇಖಕ	ನಿರಂಜನ್ ಪಾಲ್l
ಪಾತ್ರವರ್ಗ	ಅಶೋಕ್ ಕುಮಾರ್ ದೇವಿಕಾ ರಾಣಿ
ಸಂಗೀತ	ಸರಸ್ವತಿ ದೇವಿ
ಛಾಯಾಗ್ರಹಣ	ಜೋಸೆಫ್ ವಿರ್ಸ್ಚಿಂಗ್
ಬಿಡುಗಡೆಯಾಗಿದ್ದು	1936 (1936)
ಅವಧಿ	೧೩೬ ನಿಮಿಷಗಳು
ದೇಶ	ಬ್ರಿಟಿಷ್ ರಾಜ್
ಭಾಷೆ	ಹಿಂದಿ

ಅಚ್ಯುತ್ ಕನ್ಯಾ ದಲ್ಲಿ ದೇವಿಕಾ ರಾಣಿ ಮತ್ತು ಅಶೋಕ್ ಕುಮಾರ್

ಅಚ್ಯುತ್ ಕನ್ಯಾ

ಅಚ್ಚುತ್ ಕನ್ಯಾ (ಇಂಗ್ಲಿಷ್: ಅನ್‌ಟಚಬಲ್ ಮೇಡನ್ ) 1936 ರ ಭಾರತೀಯ ಹಿಂದಿ ಚಲನಚಿತ್ರ. ಈ ಚಿತ್ರವು ದಲಿತ ಹುಡುಗಿಯರ ಸಾಮಾಜಿಕ ಸ್ಥಾನಮಾನದ ಬಗ್ಗೆ ಬೆಳಕು ಚೆಲ್ಲುತ್ತದೆ. ಇದನ್ನು ಸುಧಾರಣಾವಾದಿ ಅವಧಿಯ ಚಲನಚಿತ್ರ ಎಂದು ಪರಿಗಣಿಸಲಾಗಿದೆ.

ಈ ಚಿತ್ರವು ಬಾಂಬೆ ಟಾಕೀಸ್ ಅವರು ಫ್ರಾಂಜ್ ಓಸ್ಟನ್ , ನಿರಂಜನ್ ಪಾಲ್ , ಹಿಮಾಂಶು ರಾಯ್ ಮತ್ತು ಅವರ ನಾಯಕಿ ದೇವಿಕಾ ರಾಣಿ ಅವರ ಸಹಯೋಗಗಳಲ್ಲಿ ಮಾಡಿದ ಹಲವಾರು ಯಶಸ್ವಿ ಚಲನಚಿತ್ರಗಳಲ್ಲಿ ಒಂದಾಗಿತ್ತು . ಸಂಗೀತ: ಸರಸ್ವತಿ ದೇವಿ ಮತ್ತು ಸಾಹಿತ್ಯ: ಜೆ.ಎಸ್. ಕಶ್ಯಪ್ . ಈ ಚಿತ್ರದಲ್ಲಿ ಅಶೋಕ್ ಕುಮಾರ್ ಮತ್ತು ದೇವಿಕಾ ರಾಣಿ ನಟಿಸಿದ್ದಾರೆ. ಇದು ಅಶೋಕ ಕುಮಾರ್ ಅವರ ಮೊದಲ ಚಿತ್ರವಾಗಿತ್ತು.

ಕಥಾವಸ್ತು

ಮೋಹನ್, ಜಾತಿಯಲ್ಲಿ ಬ್ರಾಹ್ಮಣ , ಗ್ರಾಮಸ್ಥರಿಗೆ ದಿನನಿತ್ಯದ ಅಗತ್ಯ ವಸ್ತುಗಳನ್ನು ಮಾರುತ್ತಾನೆ. ಅವನು ದಯಾಳು ಮತ್ತು ನಿಜವಾಗಿಯೂ ಅಗತ್ಯವಿರುವವರಿಗೆ ಸಹಾಯ ಮಾಡುತ್ತಾನೆ. ಜಾತಿಯಲ್ಲಿ ಕಚ್ಚು ಆಗಿರುವ ದುಖಿಯಾ, ರೈಲ್ವೆ ಕ್ರಾಸಿಂಗ್ ಕಾವಲುಗಾರ. ಅಸ್ಪೃಶ್ಯನಾಗಿದ್ದರೂ, ಅವನು ಮೋಹನನ ಜೀವವನ್ನು ಹಾವಿನ ಕಡಿತದಿಂದ ರಕ್ಷಿಸಿದವನು. ಅಂದಿನಿಂದ ಮೋಹನ್ ಮತ್ತು ದುಖಿಯಾ ಸ್ನೇಹವನ್ನು ಬೆಳೆಸಿಕೊಳ್ಳುತ್ತಾರೆ. ಏತನ್ಮಧ್ಯೆ, ಮೋಹನನ ಮಗ ಪ್ರತಾಪ್, ದುಖಿಯ ಮಗಳು ಕಸ್ತೂರಿಯೊಂದಿಗೆ ಬಾಲ್ಯದಿಂದಲೂ ಸ್ನೇಹ ಹೊಂದಿರುತ್ತಾನೆ. ಒಟ್ಟಿಗೆ ಬೆಳೆದ ನಂತರ, ಅವರು ಪರಸ್ಪರ ಪ್ರೀತಿಸುತ್ತಾರೆ. ಹಳ್ಳಿಯ ವೈದ್ಯ ಬಾಬುಲಾಲ್, ಮೋಹನ್ ವಿರುದ್ಧ ದ್ವೇಷ ಸಾಧಿಸುತ್ತಾನೆ ಮತ್ತು ಹಳ್ಳಿಯಲ್ಲಿ ಅವನ ಖ್ಯಾತಿಯನ್ನುಹಾಳುಗೆಡವಲು ಸಿಗುವ ಅವಕಾಶವನ್ನು ಯಾವಾಗಲೂ ಹುಡುಕುತ್ತಾನೆ.

ಸಾಮಾಜಿಕ ಸಂಪ್ರದಾಯಗಳು ಪ್ರತಾಪ್ (ಬ್ರಾಹ್ಮಣ ಹುಡುಗ) ಮತ್ತು ಕಸ್ತೂರಿ - ಅಸ್ಪೃಶ್ಯ ಹುಡುಗಿ ( ಅಚ್ಚುತ್ ) - ಒಂದಾಗುವ ಯಾವುದೇ ಸಾಧ್ಯತೆಯನ್ನು ತಡೆಯುತ್ತವೆ.

ನಂತರ, ವಿಧಿಯ ಹಲವು ದುಷ್ಕೃತ್ಯಗಳು ಮತ್ತು ಘಟನೆಗಳಿಂದಾಗಿ, ಪ್ರತಾಪ್ ಮೀರಾ (ಮನೋರಮಾ)ಳನ್ನು ಮದುವೆಯಾಗುತ್ತಾನೆ, ಕಸ್ತೂರಿ ಮನ್ನುವನ್ನು ಮದುವೆಯಾಗುತ್ತಾಳೆ. ಇಬ್ಬರಿಗೂ ತಮ್ಮ ಮೊದಲ ಪ್ರೀತಿಯನ್ನು ಮರೆಯಲು ಸಾಧ್ಯವಾಗುತ್ತಿಲ್ಲ, ಆದರೂ ತಮ್ಮ ತಮ್ಮ ಮದುವೆಗಳನ್ನು ಯಶಸ್ವಿಗೊಳಿಸಲು ಶ್ರಮಿಸುತ್ತಾರೆ. ದುರದೃಷ್ಟವಶಾತ್, ಮನ್ನುವಿಗೆ ಮೊದಲ ಹೆಂಡತಿ ಕಜ್ರಿ ಕೂಡ ಇರುತ್ತಾಳೆ, ಅವನ ಅತ್ತೆ-ಮಾವಂದಿರ ಅತಿಯಾದ ಹಸ್ತಕ್ಷೇಪದಿಂದಾಗಿ ಅವನು ದೂರವಾಗುತ್ತಾನೆ ಎಂಬ ಅಂಶದಿಂದ ಪರಿಸ್ಥಿತಿ ಇನ್ನಷ್ಟು ಹದಗೆಡುತ್ತದೆ. ಇಲ್ಲಿಯವರೆಗೆ ತೃಪ್ತಳಾಗಿದ್ದ ಕಜ್ರಿ ತನ್ನ ಗಂಡನ ಜೀವನದಲ್ಲಿ ಹೊಸ ಮಹಿಳೆಯ ಆಗಮನದಿಂದ ಇದ್ದಕ್ಕಿದ್ದಂತೆ ಬೆದರಿಕೆಗೆ ಒಳಗಾಗುತ್ತಾಳೆ ಮತ್ತು ಮನ್ನುವಿನ ಮನೆಗೆ ಮುನ್ಸೂಚನೆಯಿಲ್ಲದೆ ಬರುತ್ತಾಳೆ.

ಮೀರಾ ಪ್ರತಾಪ್‌ನ ಗಮನ ಸೆಳೆಯಲು ಶ್ರದ್ಧೆಯಿಂದ ಪ್ರಯತ್ನಿಸುತ್ತಾಳೆ ಮತ್ತು ತನ್ನ ತೊಂದರೆಗಳನ್ನು ತನ್ನ ಸ್ನೇಹಿತೆ ಕಜ್ರಿಗೆ ಹೇಳಿಕೊಳ್ಳುತ್ತಾಳೆ. ಮನ್ನುವಿನ ಗಮನ ಸೆಳೆಯಲು ಸಾಧ್ಯವಾಗದ ಕಜ್ರಿ, ಕಸ್ತೂರಿಯನ್ನು ತನ್ನ ದುರದೃಷ್ಟಕ್ಕೆ ದೂಷಿಸುತ್ತಾಳೆ ಮತ್ತು ಮೀರಾಳ ಮನಸ್ಸನ್ನು ವಿಷಪೂರಿತಗೊಳಿಸುತ್ತಾಳೆ. ಮನ್ನು ಮತ್ತು ಗ್ರಾಮಸ್ಥರ ದೃಷ್ಟಿಯಲ್ಲಿ ಕಸ್ತೂರಿಯನ್ನು ಅಪಖ್ಯಾತಿಗೊಳಿಸಲು ಅವರಿಬ್ಬರೂ ಪೈಶಾಚಿಕ ಯೋಜನೆಯನ್ನು ರೂಪಿಸುತ್ತಾರೆ. ಅವರು ಕಸ್ತೂರಿಯನ್ನು ಪಕ್ಕದ ಹಳ್ಳಿಯಲ್ಲಿ ನಡೆಯುವ ಮೇಳಕ್ಕೆ ಕರೆದುಕೊಂಡು ಹೋಗಿ , ನಂತರ ಅವಳನ್ನು ಅಲ್ಲಿ ಬಿಟ್ಟು ಹೋಗುತ್ತಾರೆ. ಕಸ್ತೂರಿ ಸಹಜವಾಗಿ ಅವರನ್ನು ಹುಡುಕುತ್ತಿರುವಾಗ, ಕಸ್ತೂರಿ ಅಲ್ಲಿ ಆಹಾರದ ಅಂಗಡಿಯನ್ನು ಹೊಂದಿರುವ ಪ್ರತಾಪ್ ಅನ್ನು ಭೇಟಿಯಾಗುತ್ತಾರೆ ಮತ್ತು ಇಬ್ಬರೂ ತಮ್ಮ ಹಳ್ಳಿಗೆ ಮರಳಲು ನಿರ್ಧರಿಸುತ್ತಾರೆ. ಮೀರಾ ಮತ್ತು ಕಜ್ರಿ ತಮ್ಮ ಹಳ್ಳಿಗೆ ಹಿಂತಿರುಗಿ ಮನ್ನುವಿಗೆ ಕಸ್ತೂರಿ ಪ್ರತಾಪ್ ಜೊತೆ ಓಡಿಹೋಗಿದ್ದಾಳೆಂದು ಹೇಳುತ್ತಾರೆ.

ಪ್ರತಾಪ್ ಮತ್ತು ಕಸ್ತೂರಿ ಒಟ್ಟಿಗೆ ಹಿಂತಿರುಗುವುದನ್ನು ನೋಡಿ, ಕೋಪಗೊಂಡ ಮನ್ನು, ಪ್ರತಾಪ್ ಮೇಲೆ ಅವನ ಎತ್ತಿನ ಬಂಡಿ ರೈಲು ಮಾರ್ಗ ದಾಟುವ ಸ್ಥಳಕ್ಕೆ ಬರುತ್ತಿದ್ದಂತೆ ದಾಳಿ ಮಾಡುತ್ತಾನೆ. ರೈಲು ಅವರ ಕಡೆಗೆ ಮತ್ತು ಎತ್ತಿನ ಬಂಡಿಯ ಕಡೆಗೆ ಧಾವಿಸುವಾಗಲೂ, ಇಬ್ಬರ ನಡುವೆ ಮುಷ್ಟಿಗಳು ಕಾಳಗ ನಡೆಯುತ್ತಿರುತ್ತದೆ. ಎಲ್ಲಾ ಜೀವಗಳನ್ನು ಅಪಾಯದಿಂದ ಉಳಿಸಲು ಹತಾಶಳಾದ ಕಸ್ತೂರಿ ರೈಲಿನ ಕಡೆಗೆ ಧಾವಿಸಿ, ಚಾಲಕನಿಗೆ ನಿಲ್ಲಿಸುವಂತೆ ಸಂಕೇತ ನೀಡಿ ಬೇಡಿಕೊಳ್ಳುತ್ತಾಳೆ ಮತ್ತು ಆ ಪ್ರಕ್ರಿಯೆಯಲ್ಲಿ ಸಾಯುತ್ತಾಳೆ. ಆ ನಿಸ್ವಾರ್ಥತೆಯ ಕೃತ್ಯವು ಅವಳ ಕೀಳು ಜನನದ ಹೊರತಾಗಿಯೂ ಗ್ರಾಮಸ್ಥರ ದೃಷ್ಟಿಯಲ್ಲಿ ಅವಳನ್ನು ಹುತಾತ್ಮಳನ್ನಾಗಿ ಮಾಡುತ್ತದೆ.

ಪಾತ್ರವರ್ಗ

• ಕಸ್ತೂರಿ ಪಾತ್ರದಲ್ಲಿ ದೇವಿಕಾ ರಾಣಿ
• ಪ್ರತಾಪ್ ಪಾತ್ರದಲ್ಲಿ ಅಶೋಕ್ ಕುಮಾರ್
• ಮೀರಾ ಪಾತ್ರದಲ್ಲಿ ಮನೋರಮಾ
• ಮನ್ನು ಪಾತ್ರದಲ್ಲಿ ಅನ್ವರ್
• ಕಜರಿ ಪಾತ್ರದಲ್ಲಿ ಪ್ರಮೀಳಾ
• ದುಖಿಯಾ ಪಾತ್ರದಲ್ಲಿ ಕಾಮತಾ ಪ್ರಸಾದ್
• ಕಲ್ಯಾಣಿ ಪಾತ್ರದಲ್ಲಿ ಕುಸುಮ್ ಕುಮಾರಿ
• ಮೋಹನ್ ಪಾತ್ರದಲ್ಲಿ ಪಿಎಫ್ ಪಿತಾವಾಲ
• ಬಾಬುಲಾಲ್ ಪಾತ್ರದಲ್ಲಿ ಕಿಶೋರಿ ಲಾಲ್
• ಪೊಲೀಸ್ ಇನ್ಸ್‌ಪೆಕ್ಟರ್ ಆಗಿ ಎನ್.ಎಂ. ಜೋಶಿ
• ಸುಖಲಾಲ್ ಆಗಿ ಇಶ್ರತ್
• ರೋಗಿಯ ಪಾತ್ರದಲ್ಲಿ ಖೋಸ್ಲಾ

ಪ್ರಧಾನ ನೃತ್ಯಗಾರರು

• ಮುಮ್ತಾಜ್ ಅಲಿ
• ಸುನೀತಾ ದೇವಿ