ಶಾರ್ಜ

ಶಾರ್ಜ ಇದು ಸಂಯುಕ್ತ ಅರಬ್ ಸಂಸ್ಥಾನದ (ಯುನೈಟೆಡ್ ಅರಬ್ ಎಮಿರೇಟ್ಸ್)ಏಳು ಸಂಸ್ಥಾನಗಳಲ್ಲಿ ಒಂದು (ಭಾರತದಲ್ಲಿ ಇರುವ ರಾಜ್ಯಗಳ ಹಾಗೆ). ಶಾರ್ಜ ಸಂಸ್ಥಾನವು ಸಂಯುಕ್ತ ಅರಬ್ ಸಂಸ್ಥಾನದ (ಯುನೈಟೆಡ್ ಅರಬ್ ಎಮಿರೇಟ್ಸ್) ಸಾಂಸ್ಕೃತಿಕ ರಾಜಧಾನಿ ಎಂದು ಗುರುತಿಸಲ್ಪಟ್ಟಿದೆ. ಶಾರ್ಜ ನಗರವು ದೇಶದ ರಾಜಧಾನಿ ಅಬುಧಾಬಿಯಿಂದ ಸುಮಾರು ೧೭೦ಕಿ.ಮೀ ದೂರದಲ್ಲಿದೆ.

ಶಾರ್ಜ ಸಂಸ್ಥಾನವು ವಿಸ್ತಾರದಲ್ಲಿ ೨೬೦೦ ಚದುರ ಕಿ.ಮೀ ಇದ್ದು ಸುಮಾರು ೮೦೦೦೦೦ (೨೦೦೮ ಜನಗಣತಿ ಪ್ರಕಾರ) ಜನಸಂಖ್ಯೆ ಹೊಂದಿದೆ. ಶಾರ್ಜ ಸಂಸ್ಥಾನವು ಕಲ್ಬ (Kalba), ದಿಬ್ಬ ಆಲ್ ಹಿಸ್ನ್(Dibba Al-Hisn) ಮತ್ತು ಖೋರ್ ಫಕ್ಕನ್ (Khor Fakkan) ಎಂಬ ಇತರೆ ಸಣ್ಣ ಪಟ್ಟಣಗಳನ್ನು ಒಳಗೊಂಡಿದೆ.

ಸಂಯುಕ್ತ ಅರಬ್ ಸಂಸ್ಥಾನವು (ಯುನೈಟೆಡ್ ಅರಬ್ ಎಮಿರೇಟ್ಸ್) ರಾಜರ ಆಡಳಿತವಿರುವ ಕೆಲವೇ ದೇಶಗಳಲ್ಲಿ ಒಂದು. ಇಲ್ಲಿಯ ರಾಜರನ್ನು ಶೇಖ್ ಗಳೆಂದು ಕರೆಯುತ್ತಾರೆ. ಪ್ರಸ್ತುತ ಸುಲ್ತಾನ್ ಬಿನ್ ಮುಹಮ್ಮದ್ ಆಲ್ ಕಾಸಿಮಿ (Dr Sultan bin Muhammad Al-Qasimi) ಅವರು ಶಾರ್ಜಾದ ಶೇಖ್ ಆಗಿರುತ್ತಾರೆ.