ವೀರಭದ್ರ

ಹಿಂದು ಪುರಾಣಗಳ ಪ್ರಕಾರ ವೀರಭದ್ರ ಈಶ್ವರನ ಸೇನಾಧಿಪತಿ.

ವಿಶೇಷ

ವೀರಭದ್ರ ದೇವರು ಸಾಮಾನ್ಯವಾಗಿ ಕರ್ನಾಟಕ, ಮಹಾರಾಷ್ಟ್ರ, ಆಂಧ್ರ ಪ್ರದೇಶ ಹಾಗೂ ತುಸು ಮಟ್ಟಿಗೆ ತಮಿಳುನಾಡಿನ ಲಿಂಗಾಯತ/ವೀರಶೈವ ಸಮುದಾಯದಲ್ಲಿ ಬಹುಪಾಲು ಜನರ ಮನೆದೇವರು. ಮುಖ್ಯವಾಗಿ ಗೊಡಚಿ, ಸಿ೦ಗಟಾಲೂರು, ಮುಚಖ೦ಡಿ, ರಾಯಚೋಟಿ, ಕೆರೂರ, ಕಾರಡಗಿ ಇತ್ಯಾದಿ ಊರುಗಳಲ್ಲಿ ವೀರಭದ್ರ ದೇವರ ಪ್ರಸಿದ್ಧ ದೇವಸ್ಥಾನಗಳಿವೆ. ವಿಜಯನಗರ ಕಾಲದಲ್ಲೂ ವೀರಭದ್ರನನ್ನು ಯುದ್ಧದ ಅಧಿದೇವತೆಯನ್ನಾಗಿ ಪೂಜಿಸಲಾಗುತ್ತಿತ್ತು, ಈಗಲೂ ಹ೦ಪೆಯಲ್ಲಿ ಉದ್ದನೆಯ ವೀರಭದ್ರ ಎ೦ದು ಪ್ರಸಿದ್ಧಿ ಪಡೆದ ದೇವಾಲಯವಿದೆ.

ಪೌರಾಣಿಕ ಹಿನ್ನೆಲೆ

ದಾಕ್ಷಾಯಿಣಿ ಅಗ್ನಿಗೆ ಹಾರಿ ಆತ್ಮಹತ್ಯೆ ಮಾಡಿಕೊ೦ಡ ವಿಷಯ ಶಿವನಿಗೆ ತಿಳಿಯುತ್ತಲೆ ಆತ ತನ್ನ ಜಡೆಯನ್ನು ಬೀಸಿದಾಗ ವೀರಭದ್ರ ಬರುತ್ತಾನೆ, ಆತ ಸೇನಾಧಿಪತಿಯಾಗಿ ಯಜ್ನವನ್ನು ನಾಶಮಾಡಿ ಆ ಯಜ್ನವನ್ನು ಆಯೋಜಿಸಿದ್ದ ದಕ್ಷಬ್ರಹ್ಮನನ್ನು ಕೊಲ್ಲುತ್ತಾನೆ