ರವೆ ಇಡ್ಲಿ

ರವೆ ಅಥವಾ ಬಾಂಬೆ ರವೆ ಬಳಸಿ ತಯಾರಿಸಲಾಗುವ ರವೆ ಇಡ್ಲಿಯು ದಕ್ಷಿಣ ಭಾರತದ ಜನಪ್ರಿಯ ಉಪಾಹಾರ ತಿನಿಸಾದ ಇಡ್ಲಿಯ ಒಂದು ಬಗೆ. ಇದು ಕರ್ನಾಟಕದ ಒಂದು ವೈಶಿಷ್ಟ್ಯ ಮತ್ತು ಬೆಂಗಳೂರಿನ ಜನಪ್ರಿಯ ಉಪಾಹಾರ ಗೃಹ ಸಂಸ್ಥೆ ಎಂಟಿಆರ್ ಇದನ್ನು ಆವಿಷ್ಕರಿಸಿತೆಂದು ಹೇಳಿಕೊಳ್ಳುತ್ತದೆ. ಎಂಟಿಆರ್ ಪ್ರಕಾರ, ಎರಡನೇ ವಿಶ್ವಯುದ್ಧದ ಅವಧಿಯಲ್ಲಿ, ಇಡ್ಲಿ ತಯಾರಿಕೆಯಲ್ಲಿ ಮುಖ್ಯ ವಸ್ತುವಾದ ಅಕ್ಕಿಯ ಸರಬರಾಜು ಕಡಿಮೆಯಿತ್ತು, ಹಾಗಾಗಿ ರವೆಯನ್ನು ಬಳಸಿ ಇಡ್ಲಿ ತಯಾರಿಕೆಯನ್ನು ಪ್ರಯೋಗ ಮಾಡಲಾಯಿತು ಮತ್ತು ರವೆ ಇಡ್ಲಿಯ ಸೃಷ್ಟಿಯಾಯಿತು.