ಭಾರತೀಯ ರಾಷ್ಟ್ರೀಯ ಸೈನ್ಯ

ಭಾರತೀಯ ರಾಷ್ಟ್ರೀಯ ಸೈನ್ಯ ೧೯೪೨ ರಲ್ಲಿ ಆರಂಭವಾದ ಭಾರತೀಯರ ಒಂದು ಸಶಸ್ತ್ರ ಪಡೆ.ಇದರ ಸಂಸ್ಥಾಪಕರು ಖ್ಯಾತ ಕ್ರಾಂತಿಕಾರಿ 'ರಾಸ್ ಬಿಹಾರಿ ಬೋಸ್' ಅವರು.ಎರಡನೇ ಮಹಾಯುದ್ಧದ ಸಂಧರ್ಭದಲ್ಲಿ ನೇತಾಜಿಯವರ ಸುಪರ್ದಿಗೆ ವಹಿಸಿಕೊಟ್ಟರು.ಸುಭಾಷ್ ಚಂದ್ರ ಬೋಸ್. ಇದರ ಉದ್ದೇಶ ಜಪಾನೀಯರ ಸಹಾಯದಿಂದ ಭಾರತದಲ್ಲಿ ಬ್ರಿಟಿಷ್ ಸಾಮ್ರಾಜ್ಯವನ್ನು ಉರುಳಿಸುವುದಾಗಿತ್ತು. ಈ ಪಡೆ ದಕ್ಷಿಣ ಪೂರ್ವ ಏಷ್ಯಾದಲ್ಲಿ ರೂಪುಗೊಂಡಿತು. ಆರಂಭದಲ್ಲಿ ಇದು ಜಪಾನೀಯರು ಸೆರೆಹಿಡಿದಿದ್ದ ಭಾರತೀಯ ಸೈನಿಕರನ್ನು ಒಳಗೊಂಡಿತ್ತು. ನಂತರದ ದಿನಗಳಲ್ಲಿ ಮಲಯಾ ಮತ್ತು ಬರ್ಮಾದಲ್ಲಿ ನೆಲೆಸಿದ್ದ ಭಾರತೀಯರೂ ಈ ಸೈನ್ಯವನ್ನು ಸೇರಿದರು. ಎರಡನೆಯ ಮಹಾಯುದ್ಧದಲ್ಲಿ ಭಾರತೀಯ ರಾಷ್ಟ್ರೀಯ ಸೈನ್ಯ ಜಪಾನೀಯರೊಂದಿಗೆ ಬ್ರಿಟಿಷರ ವಿರುದ್ಧ ಬರ್ಮಾ, ಇಂಫಾಲ್ ಮತ್ತು ಕೋಹಿಮಾ ಗಳಲ್ಲಿ ಹೋರಾಡಿತು.