ಬೊಂಬಾಯಿ ಮಿಠಾಯಿ

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಬೊಂಬಾಯಿ ಮಿಠಾಯಿ
Cotton candy Μαλλί της γριάς.JPG
Spinning cotton candy at a funfair
ಮೂಲ
Alternative name(s) Candy floss, fairy floss
ಮೂಲ ಸ್ಥಳ ಯುರೋಪ್ ನಂತರ ಯು.ಎಸ್.ಎ
ನಿರ್ಮಾತೃ William Morrison and John C. Wharton
ವಿವರಗಳು
ನಮೂನೆ ಸಿಹಿತಿಂಡಿ
Main ingredient(s) ಸಕ್ಕರೆ, ಆಹಾರ ಬಣ್ಣ


ಬೊಂಬಾಯಿ ಮಿಠಾಯಿ)

ಬೊಂಬಾಯಿ ಮಿಠಾಯಿ

ಬೊಂಬಾಯಿ ಮಿಠಾಯಿ ತಿಂಡಿ ಅಂಗಡಿಗಳಲ್ಲಿ ಸಿಗುವುದಿಲ್ಲ. ಸಂತೆಯಲ್ಲಿಟ್ಟು ಅದನ್ನು ಮಾರುವುದಿಲ್ಲ. ಪಾಲಿಥಿನ್ ಚೀಲದೊಳಗೆ ಮುದುಡಿ ಇರಿಸಿದ ಹಗುರವಾದ ಹತ್ತಿಯಂತಹ ಗುಲಾಬಿ ಬಣ್ಣದ ಈ ಸಿಹಿ ತಿಂಡಿ ಬಾಯೊಳಗಿಟ್ಟರೆ ಮರು ಕ್ಷಣವೇ ಕರಗಿ ನೀರಾಗುತ್ತದೆ. ಬೊಂಬಾಯಿ ಮಿಠಾಯಿಗೆ ಮಕ್ಕಳಿಗಷ್ಟೇ ಅಲ್ಲ ಹೆಂಗಸರು, ಯುವಕರು, ವೃದ್ಧರೂ ಅದಕ್ಕೆ ಮುಗಿ ಬಿಳುತ್ತಾರೆ. ಆದರೆ ಇದು ಮಕ್ಕಳ ಸಿಹಿ.

ಹಳ್ಳಿಗಳಲ್ಲಿ ಬೊಂಬಾಯಿ ಮಿಠಾಯಿ ಮಾಡುವವರು ಒಂದೆಡೆ ನಿಲ್ಲದೆ ಊರೂರು ಅಲೆಯುತ್ತಿರುತ್ತಾರೆ. ಕೆಲವೊಮ್ಮೆ ಮಳೆಗಾಲದಲ್ಲಿ ಅಥವಾ ಮಳೆಗಾಲ ಮುಗಿದ ನಂತರದ ದಿನಗಳಲ್ಲಿ ಅವರು ಹಳ್ಳಿ, ಸಣ್ಣ ಪುಟ್ಟ ಪಟ್ಟಣಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ. ಇದನ್ನು ತಯಾರಿಸಲು ಸಣ್ಣ ಪೆಟ್ಟಿಗೆ ಯಂತಹ ಯಂತ್ರ ಬರುತ್ತದೆ. ಅದಕ್ಕೆ ಸೀಮೆಎಣ್ಣೆ ಸ್ಟೋವ್ ಜೋಡಿಸಿರುತ್ತಾರೆ. ಯಂತ್ರದ ಮೇಲು ಭಾಗದಲ್ಲಿ ಬೀಸುವ ಕಲ್ಲಿಗೆ ಇರುವಂತಹ ರಂಧ್ರವಿದೆ.

ಸಕ್ಕರೆಗೆ ಗುಲಾಬಿ ಬಣ್ಣ ಬೆರೆಸಿ ಒಂದು ಹಿಡಿಯಷ್ಟನ್ನು ರಂಧ್ರದಲ್ಲಿ ಹಾಕಿ ಯಂತ್ರದ ಹಿಡಿಕೆಯನ್ನು ತಿರುಗಿಸಿದಾಗ ಯಂತ್ರವು ಬಿಸಿಯಾಗುತ್ತ ಸಕ್ಕರೆ ಕರಗಿ ಹಗುರವಾದ ಹತ್ತಿಯಂತಾಗಿ ಹೊರಬರುತ್ತದೆ.ಸುಮಾರು ಒಂದೆರಡು ಅಡಿ ಉದ್ದನೆಯ ಹತ್ತಿಯ ಹಾಳೆಯೇ ಬೊಂಬಾಯಿ ಮಿಠಾಯಿ.

ಒಂದು ಬೊಗಸೆಯಷ್ಟು ಮಿಠಾಯಿ ತಿಂದರೂ ಬಾಯಿಗೆ ಹೋದಾಗ ಕರಗಿರುತ್ತದೆ.ಗಾತ್ರ ನೋಡಿ ಅದರಲ್ಲಿನ ದ್ರವ್ಯವನ್ನು ನಿರ್ಧರಿಸಲಾಗುವುದಿಲ್ಲ. ಬೊಂಬಾಯಿ ಮಿಠಾಯಿಯನ್ನು ಪಾಲಿಥಿನ್ ಚೀಲದಲ್ಲಿ ತುಂಬಿಸಿಟ್ಟು ಮಾರಲು ಒಯ್ಯುತ್ತಾರೆ. ಹತ್ತು ರೂಪಾಯಿಗೆ ಮೂರು ಮಿಠಾಯಿ. ಕಂಪೆನಿ ಬ್ರಾಂಡಿಲ್ಲ. ಬೆಲೆಯ ನಮೂದಿಲ್ಲ. ಮಕ್ಕಳೇ ಇದರ ಗ್ರಾಹಕರು. ಮಿಠಾಯಿ ಮಾಡುವ ಮಂದಿ ಹುಬ್ಬಳ್ಳಿ, ಲಕ್ಷ್ಮೇಶ್ವರ ಮುಂತಾದ ಉತ್ತರ ಕರ್ನಾಟಕದ ಕಡೆಯವರು. ಒಂದಾನೊಂದು ಕಾಲದಲ್ಲಿ ನಮ್ಮ ದೇಶದಲ್ಲಿ ಈ ಸಿಹಿ ತಯಾರಾಗುತ್ತಿದ್ದುದು ಬೊಂಬಾಯಿಯಲ್ಲಿ ಮಾತ್ರ ಮತ್ತು ಅದನ್ನು ತಯಾರು ಮಾಡುವ ಯಂತ್ರ ಹುಟ್ಟಿಕೊಂಡಿದ್ದು ಮುಂಬೈನಲ್ಲಿ ಇದರಿಂದಾಗಿ "ಬೊಂಬಾಯಿ ಮಿಠಾಯಿ"ಎಂಬ ಹೆಸರು ಬಂತು."ನಮನ"

ಚಿತ್ರಗಳು[ಬದಲಾಯಿಸಿ]

ಆಧಾರ[ಬದಲಾಯಿಸಿ]