ನಿಕೋಲ್‌ ಶೆರ್ಜಿಂಜರ್‌

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ನಿಕೋಲ್‌ ಶೆರ್ಜಿಂಜರ್‌
ನಿಕೋಲ್ ಶೆರ್ಜಿಂಗರ್
ಹಿನ್ನೆಲೆ ಮಾಹಿತಿ
ಜನ್ಮನಾಮನಿಕೋಲ್ ಪ್ರೆಸ್ಕೋವಿಯ ಎಲಿಕೊಲನಿ ವೆಲಿಯೆಂಟೆ[೧]
ಸಂಗೀತ ಶೈಲಿPop, dance-pop, R&B
ವೃತ್ತಿಗಾಯಕಿ, ಗೀತರಚನಗಾರ್ತಿ, ನರ್ತಕಿ, ನಟಿ
ಸಕ್ರಿಯ ವರ್ಷಗಳು೧೯೯೯–ಪ್ರಸ್ತುತ
L‍abelsA&M, ಇಂಟರ್ಸ್ಕೋಪ್ಸ್, ಯುನಿವರ್ಸಲ್
Associated actsಪುಸ್ಸಿಕ್ಯಾಟ್ ಡಾಲ್ಸ್, ಈಡನ್ಸ್ ಕ್ರಶ್
ಅಧೀಕೃತ ಜಾಲತಾಣwww.hernameisnicole.com

ನಿಕೋಲ್‌ ಪ್ರಿಸ್ಕೊವಿಯಾ ಎಲಿಕೊಲನಿ ವಲಿಯೆಂಟೆ ಶೆರ್ಜಿಂಜರ್‌ (ಜನನ: ೧೯೭೮ ಜೂನ್‌ ೨೯, )[೨] ಅಮೆರಿಕಾದ ಗಾಯಕಿ, ಗೀತರಚನಗಾರ್ತಿ, ನರ್ತಕಿ ಮತ್ತು ಸಾಂದರ್ಭಿಕ ನಟಿಯಾಗಿದ್ದ, ಇವಳು ಪುಸ್ಸಿಕ್ಯಾಟ್‌ ಡಾಲ್ಸ್‌ನ ಪ್ರಮುಖ ಗಾಯಕಿಯಾಗಿ ಪ್ರಸಿದ್ಧಳಾಗಿದ್ದಾಳೆ.

ಮೊದಲು, ಶೆರ್ಜಿಂಜರ್‌ ನೈಜ TV ಹುಡುಗಿಯರ ತಂಡವಾದ ಈಡನ್ಸ್‌ ಕ್ರಷ್‌ನ ಸದಸ್ಯರಲ್ಲಿ ಒಬ್ಬಳಾಗಿ ಕೆಲಸ ಮಾಡುತ್ತಿದ್ದಳು. ಅಲ್ಲಿ ಅಲ್ಪ ಯಶಸ್ಸು ದೊರೆತರೂ, ಅತೃಪ್ತಿಯಿಂದ ಆ ತಂಡ ತ್ಯಜಿಸಿದಳು. ಅವಳು ಪುಸ್ಸಿಕ್ಯಾಟ್‌ ಡಾಲ್ಸ್‌ ಅಣಕ ನಾಟಕದ ತಂಡವಾಗಿದ್ದಾಗ, ಅದನ್ನು ಸೇರಿಕೊಂಡಳು. ನಂತರ ಅದೇ ತಂಡ ಧ್ವನಿಮುದ್ರಣ ಸಮೂಹವಾಗಿ ಪರಿವರ್ತನೆಗೊಂಡಾಗ, ಅವಳು ಪ್ರಮುಖ ಗಾಯಕಿ ಸ್ಥಾನವನ್ನು ತೆಗೆದುಕೊಂಡಳು. ಇಲ್ಲಿಯವರೆಗೆ ಪುಸ್ಸಿಕ್ಯಾಟ್‌ ಡಾಲ್ಸ್‌ ತಂಡ ಎರಡು ಪ್ರವಾಸಗಳೊಂದಿಗೆ, ಎರಡು ಯಶಸ್ವಿ ಆಲ್ಬಮ್‌ಗಳಾದ PCD ಮತ್ತು ಡಾಲ್‌ ಡಾಮಿನೇಷನ್‌ ಅನ್ನು ಮಾಡಿದೆ.

ಜೀವನ ಚರಿತ್ರೆ[ಬದಲಾಯಿಸಿ]

ಶೆರ್ಜಿಂಜರ್‌ ಹವಾಯಿಹೊನೊಲುಲುನಲ್ಲಿ ಜನಿಸಿದಳು. ಇವಳ ತಂದೆ ಫಿಲಿಪೈನೊನ ಅಲ್ಫೊನ್ಸೊ ವಲೀಂಟೆ[೩] ಹಾಗೇಯೆ ಅವಳ ತಾಯಿ ಹವಾಯಿ ಮತ್ತು ರಷ್ಯಾ ಮೂಲದ ರೋಸ್‌ಮರಿ.[೪][೫][೬] ಸಂದರ್ಶನದಲ್ಲಿ ಶೆರ್ಜಿಂಜರ್‌, "ನಾನು ಫಿಲಿಪೈನೊ-ರಷ್ಯಾದ-ಹವಾಯಿಯವಳು. ಆದರೆ ಜನರು ನಾನು ಪಾಕಿಸ್ತಾನದಿಂದ ಬಂದವಳೆಂದು ತಿಳಿದಿದ್ದಾರೆ" ಎಂದು ಹೇಳಿದ್ದಾಳೆ.[೩]

ಅವಳ ತಾಯಿ ರೋಸ್‌ಮೇರಿ ಹದಿನೆಂಟು ವರ್ಷ ವಯಸ್ಸಿನವಳಿದ್ದಾಗ, ಶೆರ್ಜಿಂಜರ್‌ಳಿಗೆ ಜನ್ಮ ನೀಡಿದಳು. ಇವರು ನಗರದ ಮಧ್ಯಭಾಗದಲ್ಲಿ ವಾಸಿಸುತ್ತಿದ್ದರು. ನಿಕೋಲ್‌ ಮಗುವಾಗಿರುವಾಗಲೇ, ಅವಳ ಪೋಷಕರು ಬೇರೆಯಾದರು. ಅವಳು ಆರು ವರ್ಷದವಳಾಗಿದ್ದಾಗ,[೭][೮] ಅವಳ ಸಹೋದರಿ ಕೇಲಾ ಮತ್ತು ಅವಳ ಮಲ ತಂದೆ ಗ್ಯಾರಿ ಶೆರ್ಜಿಂಜರ್‌ಯೊಂದಿಗೆ, ಅವಳ ತಾಯಿಯ ಕುಂಟುಂಬವು ಕೆಂಟುಕಿಯ ಲೂಯಿಸ್‌ವಿಲ್ಲೆಕ್ಕೆ ವಸತಿ ನಿವಾಸ ಬದಲಾಯಿಸಿದರು.[೮]

ಹವಾಯಿಯಲ್ಲಿ ಶೆರ್ಜಿಂಜರ್‌ ಕಟ್ಟುನಿಟ್ಟಾದ ಧಾರ್ಮಿಕ (ಕ್ಯಾಥೋಲಿಕ್‌) ಆಚರಣೆಗಳೊಂದಿಗೆ ತಾನು ಬೆಳೆದಿರುವುದಾಗಿ ಅವಳು ದಿ ಡೈಲಿ ಮೇಲ್‌ ಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದಳು.[೯] ಅವಳು ತನ್ನ ಪ್ರಬುದ್ದ ಶಿಕ್ಷಣಕ್ಕಾಗಿ ಮೇಜಿಕ್ ಮಿಡಲ್ ಸ್ಕೂಲ್‌ ಸೇರಿದಳು. ಬೆಳೆದ ನಂತರ ನಿಕೋಲ್‌ ಆ ಸಮಯದಲ್ಲಿ ತನ್ನಲ್ಲಿ ಹೆಚ್ಚಿನ ಹಣ ಇರಲಿಲ್ಲ ಎಂದು ಹೇಳಿದಳು. ಅವಳು ಈ ಮಟ್ಟಕ್ಕೆ ಬರಲು, ಅವಳ ತಾಯಿ ನೀಡಿದ ಬೆಂಬಲವನ್ನು ಕೃತಜ್ಞತೆಯಿಂದ ಸ್ಮರಿಸುತ್ತಾಳೆ. ಶೆರ್ಜಿಂಜರ್‌ ಡುಪೊಂಟ್‌ ಮ್ಯಾನುವಲ್‌ ಹೈಸ್ಕೂಲ್‌ನಲ್ಲಿಯ ಯೂತ್‌ ಪರ್ಮಾರ್ಮಿಂಗ್ ಆರ್ಟ್ಸ್‌ ಸ್ಕೂಲ್‌ನಲ್ಲಿ ಸೇರುವ ಮೂಲಕ ಲೂಯಿಸ್‌ವಿಲ್ಲೆಯಲ್ಲಿ ಭಾಗವಹಿಸಲು ಪ್ರಾರಂಭಿಸಿದರು. ಅಲ್ಲದೇ ಆಕ್ಟರ್ಸ್‌ ಥೀಯಟರ್ಸ್‌ ಆಫ್‌ ಲೂಯಿಸ್‌ವಿಲ್ಲೆಯೊಂದಿಗೆ ಸಹ ಭಾಗವಹಿಸಿದಳು.[೮]

ಶೆರ್ಜಿಂಜರ್‌ ಹದಿಹರೆಯದಲ್ಲಿರುವಾಗ 1996ರ ಕೆಂಟುಕಿ ಸ್ಟೇಟ್‌ ಫೇರ್‌'ನ ಕೋಕ-ಕೋಲಾ ಟ್ಯಾಲೆಂಟ್‌ ಕ್ಲಾಸಿಕ್ ಸ್ಪರ್ಧೆಯಲ್ಲಿ ದ್ವೀತಿಯ ಸ್ಥಾನ ಗಳಿಸಿದ್ದರು.[೬] ಅವಳು ಎಲ್ಲಾ ಫಿಲ್ಪಿನೊಸ್‌ನ ಆಚರಣೆಯಾದ ಲೂಯಿಸ್‌ವಿಲ್ಲೆ ಬ್ಯಾರಿಯೊ ಫಿಯಸ್ಟಾದಲ್ಲಿ ಕ್ವೀನ್‌ ಆಗಿದ್ದಳು. ರೈಟ್ ಸ್ಟೇಟ್‌ ವಿಶ್ವವಿದ್ಯಾಲಯನಲ್ಲಿ ಶೆರ್ಜಿಂಜರ್‌ ನಟನೆ ಮತ್ತು ಸಂಗೀತ ವಿಷಯದಲ್ಲಿ ಪದವಿ ಪಡೆದಳು. ಅಲ್ಲಿ ಅವಳು ಚಿಕಾಗೊ ದಲ್ಲಿ ವೆಲ್ಮಾ ಕೆಲ್ಲಿಯಾಗಿ ಮತ್ತು ಶೋ ಬೋಟ್‌ ನಲ್ಲಿ ಜೂಲಿ ಲಾ ವರ್ನೆಯ ಪಾತ್ರದಲ್ಲಿ ನಟಿಸಿದ್ದಳು.[೧೦] ಆದರೆ 1999ರಲ್ಲಿ ಡೇಸ್ ಆಫ್‌ ದಿ ನ್ಯೂ ರಾಕ್ ಬ್ಯಾಂಡ್‌ನಲ್ಲಿ ಹಿನ್ನಲೆ ಗಾಯನ ಪ್ರಾರಂಭಿಸಿದ್ದರಿಂದ, ಅವಳ ವಿದ್ಯಾಭ್ಯಾಸ ಹಿಂದುಳಿಯಿತು.[೧೧]

ಪ್ರಾರಂಭದ ವೃತ್ತಿಜೀವನ ಮತ್ತು ಈಡನ್ಸ್‌ ಕ್ರಷ್‌[ಬದಲಾಯಿಸಿ]

1999ರಲ್ಲಿ ಡೇಸ್ ಆಫ್‌ ದಿ ನ್ಯೂ ಬಿಡುಗಡೆ ಮಾಡಿದ ಎರಡನೇ ಆಲ್ಬಮ್‌ನಲ್ಲಿ ಶೆರ್ಜಿಂಜರ್‌ ಕಾಣಿಸಿಕೊಂಡಿದ್ದಾಳೆ. 2001ರಲ್ಲಿ ಬಿಡುಗಡೆಯಾದ ಬ್ಯಾರಿ ಡ್ರ್ಯಾಕ್ಸ್‌ F.O.Bಯಲ್ಲಿ ಅವಳು ಎರಡು ಹಾಡಿಗೆ ಧ್ವನಿ ನೀಡಿದ್ದಾಳೆ. 2001ರಲ್ಲಿ ಪಾಪ್‌ಸ್ಟಾರ್ಸ್‌ ಎಂಬ ದಿ WB ಕಿರುತೆರೆ ಕಾರ್ಯಕ್ರಮದ ಪ್ರಥಮ ಅವಧಿಯಲ್ಲಿ ಶೆರ್ಜಿಂಜರ್‌ ಸ್ಪರ್ಧಿಸಿದ್ದಳು. ಅದರಲ್ಲಿ ಅವಳು ಹುಡುಗಿಯರ ಪಾಪ್‌ ತಂಡ ಈಡನ್ಸ್‌ ಕ್ರಷ್‌ನಲ್ಲಿ ಸ್ಥಾನ ಗಳಿಸಿದಳು. ನಂತರ ಅವಳು ಈಡನ್ಸ್‌ ಕ್ರಷ್‌ನ ಪ್ರಮುಖ ಗಾಯಕಿಯಾದಳು. ಅವರು 2001 US ನ ಏಕೈಕ ಹಾಡು "ಗೆಟ್‌ ಒವರ್‌ ಯುವರ್‌ಸೆಲ್ಫ್‌ (ಗುಡ್‌ಬೈ)" ಹೆಚ್ಚಿನ ಮಾರಾಟ ಕಂಡಿತ್ತು. ಅದು ಬಿಲ್‌ಬೋರ್ಡ್‌ 100 ಜನಪ್ರಿಯ ವ್ಯಕ್ತಿಗಳಲ್ಲಿ ಹತ್ತರೊಳಗಿನ ಸ್ಥಾನ ಪಡೆದಿತ್ತು.[೧೨] *Nಸಿಂಕ್‌ ಮತ್ತು ಜೆಸಿಕಾ ಸಿಂಪ್ಸನ್‌ ಎರಡನ್ನು ಬೆಂಬಲಿಸುವುದಕ್ಕಾಗಿ ತಂಡದವರು ಪ್ರವಾಸ ಕೈಗೊಂಡರು.[೧೩] "ಲವ್‌ ದಿಸ್‌ ವೇ"ಯು ಪಾಪ್‌ಸ್ಟಾರ್ಸ್‌ ಆಲ್ಬಮ್‌ನಿಂದ ಆಯ್ಕೆಮಾಡಿದ ಎರಡನೇ ಏಕ ಹಾಡಾಗಿದೆ; ಆದರೂ, ಲಂಡನ್‌-ಸಿರೆ ರೆಕಾರ್ಡ್ಸ್‌ ಎಂಬ ಧ್ವನಿ ಮುದ್ರಣ ಸಂಸ್ಥೆ ಮುಚ್ಚಿದ್ದರಿಂದ, ಈ ತಂಡ ಸಹ ಕ್ರಮೇಣ ತನ್ನ ಕಾರ್ಯಾಚಟುವಟಿಕೆ ನಿಲ್ಲಿಸಿತು. ಗೀತರಚನಗಾರರಾದ ಕಾರ ಡಿಯೊಗಾರ್ಡಿ ಆಲ್ಬಮ್‌ಗಾಗಿ ಸಂಗೀತ ನೀಡಿದ್ದರು. ನಂತರ PCD , ಡಾಲ್‌ ಡಾಮಿನೇಷನ್‌ ಮತ್ತು ಹರ್‌ ನೇಮ್‌ ಇಸ್‌ ನಿಕೋಲ್‌ ಆಲ್ಬಮ್‌ಗಳಿಗಾಗಿ ಶೆರ್ಜಿಂಜರ್‌ಯೊಂದಿಗೆ ಬರೆಯಲು ಪ್ರಾರಂಭಿಸಿದಳು.

2007ರ ನವೆಂಬರ್‌ನಲ್ಲಿ ಶೆರ್ಜಿಂಜರ್‌ ಈಡನ್ಸ್‌ ಕ್ರಷ್‌ನಲ್ಲಿ ತನ್ನ ಅನುಭವ ಕುರಿತು ಮಾತನಾಡಿದಳು

...It was hell... I was in a band with five other girls and every day was torture for me. We were on TV all the time and the atmosphere was awful.... Every day I was in that band I cried my eyes out. The band was meant to be fun and frivolous but the reality was that it was miserable.... I was too sensitive back then, but I got toughened up. I couldn't have gone into the Dolls without my experience in Crush.[೧೪]

ಈಡನ್ಸ್‌ ಕ್ರಷ್‌ನ ಕಾರ್ಯಾಚರಣೆ ಕೊನೆಗೊಂಡ ನಂತರ, ಶೆರ್ಜಿಂಜರ್‌ ನಿಕೋಲ್‌ ಕಿಯಾ ಎಂದ ವೇದಿಕೆ ಹೆಸರಿನಲ್ಲಿ 2003ರಲ್ಲಿ 50 ಫಸ್ಟ್‌ ಡೇಟ್ಸ್‌ ಗೆ ಧ್ವನಿಪಥಕ್ಕೆ ಕವರಿಂಗ್‌ "ಬ್ರೇಕ್‌ಫಾಸ್ಟ್‌ ಇನ್ ಬೆಡ್‌" ಸೇರಿದಂತೆ, ಹಲವು ಜಾಹೀರಾತು ಸೊಲೊದಲ್ಲಿ ಕಾಣಿಸಿಕೊಂಡಿದ್ದಳು. ಹಿಂದೆ ಮೂರು ವರ್ಷಗಳ ಕಾಲ ಶೆರ್ಜಿಂಜರ್‌ನ ಗೆಳೆಯನಾಗಿದ್ದ ನಿಕ್‌ ಹೆಕ್ಸುಮ್‌ ಈ ಸೌಂಡ್ ಟ್ರ್ಯಾಕ್ ನಿರ್ಮಿಸಿದನು.[೧೫]

ಶೆರ್ಜಿಂಜರ್‌ ಜಪಾನಿನ X ಜಪಾನ್‌ ರಾಕ್‌ ಬ್ಯಾಂಡ್‌ನ ಯೋಶಿಕಿಯೊಂದಿಗೆ ಅವನ ವೈಲೆಟ್‌ UK ಕಾರ್ಯಕ್ರಮದಲ್ಲಿ ಕೆಲಸ ಮಾಡಿದ್ದಳು. ಟೊಕಿಯೊ ಸಿಂಪೋನಿಕ್ ಒರ್ಚೆಸ್ಟ್ರಾದ "ಐ'ಲ್ ಬಿ ಯುವರ್ ಲವ್‌" ನೇರ ಪ್ರಸಾರ ಕಾರ್ಯಕ್ರಮದ ಇಂಗ್ಲೀಷ್‌ ಆವೃತ್ತಿಯ ಹಾಡನ್ನು ಹಾಡಿದ್ದಳು. 2003ರ ವೆರೆಷಿಯಸ್‌ ಆರ್ಟಿಸ್ಟ್‌ ಆಲ್ಬಮ್ ಆದ‌ ಎಕ್ಸ್‌ಪೋಸಿಷನ್‌ ಆಫ್‌ ಗ್ಲೋಬಲ್ ಹಾರ್ಮನಿ ಈ ಧ್ವನಿಪಥ ಒಳಗೊಂಡಿದೆ .

ಪುಸ್ಸಿಕ್ಯಾಟ್‌ ಡಾಲ್ಸ್‌[ಬದಲಾಯಿಸಿ]

2003ರ ಮೇನಲ್ಲಿ ಶೆರ್ಜಿಂಜರ್‌ ಪುಸ್ಸಿಕ್ಯಾಟ್‌ ಡಾಲ್ಸ್‌ ಅಣಕ ನಾಟಕದ ತಂಡ ಸೇರಿದಳು. ಅಲ್ಲಿ ನಂತರ ಅವಳು ಧ್ವನಿಮುದ್ರಣದ ಕಲಾವಿದೆಯಾದಳು. 2002ರ ನವೆಂಬರ್‌ನಲ್ಲಿ ದಿ ಲೇಟ್ ಶೋ ವಿದ್‌ ಡೇವಿಡ್ ಲೆಟರ್‌ಮ್ಯಾನ್‌‌ ನಲ್ಲಿ ಪ್ರದರ್ಶನ ನೀಡುವಾಗ ಶೆರ್ಜಿಂಜರ್‌ ಈ ತಂಡವನ್ನು ಮೊದಲ ಬಾರಿಗೆ ನೋಡಿದಳು. ಅಲ್ಲಿ ಕಾರ್ಮೆನ್‌ ಎಲೆಟ್ರಾ ಬಾಬ್‌ ಫೋಸ್ಸೆ ಸಂಗೀತದ ಸ್ವೀಟ್ ಚ್ಯಾರಿಟಿ ಯಿಂದ "ಬಿಗ್‌ ಸ್ಪೆಂಡರ್‌" ಹಾಡು ಹಾಡಿದಳು. "ಕಾಲೇಜಿನಲ್ಲಿ [ಪೋಸ'ಸ್‌] ಚಿಕಾಗೊ ನಲ್ಲಿ ವೆಲ್ಮಾ ಕೆಲ್ಲಿಯನ್ನು ಪ್ರದರ್ಶಿಸಿದ್ದೆ. ಹಾಗಾಗಿ ಅದು ನನ್ನನ್ನು ಆಕರ್ಷಿಸಿತು" ಎಂದು 2006ರಲ್ಲಿ ಶೆರ್ಜಿಂಜರ್‌ ತಿಳಿಸಿದ್ದಳು.[೧೬] ಒಂದು ಸಂದರ್ಶನದಲ್ಲಿ ಶೆರ್ಜಿಂಜರ್‌ ಪುಸ್ಸಿಕ್ಯಾಟ್‌ ಡಾಲ್ಸ್‌ ಸೇರಿದ ಪ್ರಾರಂಭದಲ್ಲಿ ತನ್ನ ಪಾತ್ರದ ಬಗ್ಗೆ ಮಾತನಾಡುತ್ತಾ, "ಜನ ಸಮುದಾಯವನ್ನು ಎದುರಿಸುವುದು ಒಂದು ಸವಾಲಾಗಿತ್ತು" ಆದರೆ "ಪ್ರತಿ ಹುಡುಗಿಯು ತನ್ನದೆ ಆದ ವಿಶೇಷತೆ ಹೊಂದಿ,ಅದನ್ನು ತನ್ನ ಯಶಸ್ಸಿಗಾಗಿ ಬಳಸಿಕೊಳ್ಳುತ್ತಿದ್ದಳು".[೧೭]

"ಡೊನ್ಟ್‌ ಚಾ", "ಬಟನ್ಸ್‌", "ಸ್ಟಿಕ್‌ವಿಟು" ಮತ್ತು "ವೆನ್‌ ಐ ಗ್ರೋ ಅಪ್‌"ವು ಅಮೆರಿಕಾ ಸಂಯುಕ್ತ ಸಂಸ್ಥಾನದ ಟಾಪ್‌ 10ರಲ್ಲಿ ಒಂದಾಗಿರುವುದರಿಂದ ಪುಸ್ಸಿಕ್ಯಾಟ್‌ ಡಾಲ್ಸ್‌ವು ವಿಶ್ವದ ಜನಪ್ರಿಯ ಹಾಡುಗಾರಿಕೆ ತಂಡದಂತೆ ಗುರುತಿಸಲ್ಪಟ್ಟಿದೆ. 2006ರಲ್ಲಿ PCD ಆಲ್ಬಮ್‌ ಎರಡ ಪಟ್ಟು ಹೆಚ್ಚಿನ ದರಕ್ಕೆ ಮಾರಾಟವಾಯಿತು. ಶೆರ್ಜಿಂಜರ್‌ ಕಾರ್ಮಿಟ್‌ ಬಾಚರ್‌ ಮತ್ತು ಮೆಲೊಡಿ ಥೊರ್ನ್ಟನ್‌ಯೊಂದಿಗೆ ಆಲ್ಬಮ್‌ನಲ್ಲಿರುವ ಹೆಚ್ಚಿನ ಎಲ್ಲಾ ಹಾಡುಗಳನ್ನು ಹಾಡಿದ್ದಳು. ಡಾಲ್ಸ್‌ಗಳು ಇಂಟರ್‌ಸ್ಕೋಪ್‌ ರೆಕಾರ್ಡ್ಸ್‌ದಿಂದ ಸಂಬಳವನ್ನು ಪಡೆಯುವ ನೌಕರರಾಗಿದ್ದು, ತಂಡದ ಹಣಕಾಸು ಹಾಗೂ ವ್ಯಪಾರದ ನಿರ್ಣಯಗಳ ಮೇಲೆ ಸಂಸ್ಥೆಯು ಉನ್ನತ ಮಟ್ಟದ ನಿಯಂತ್ರಣ ಹೊಂದಿದೆ ಎನ್ನುವುದು 2006ರಂದು ಬಹಿರಂಗಗೊಂಡಿದೆ.

ಶೆರ್ಜಿಂಜರ್‌ PCD ಆಲ್ಬಮ್‌ಗೆ ಸಾಹಿತ್ಯ ಒದಗಿಸಿದ ಏಕೈಕ ತಂಡದ ಸದಸ್ಯೆಯಾಗಿದ್ದಾಳೆ; ಅವಳು ಕಾರ ಡಿಯೊಗಾರ್ಡಿ ಮತ್ತು ನಿರ್ಮಾಪಕ ರಿಚ್‌ ಹ್ಯಾರಿಸನ್‌ರೊಂದಿಗೆ ಜೊತೆಗೂಡಿ "ಐ ಡೋನ್ಟ್‌ ನೀಡ್ ಎ ಮ್ಯಾನ್‌" ಅನ್ನು ಬರೆದಿದ್ದಾಳೆ. ಅಲ್ಲದೇ ನಿರ್ಮಾಪಕ ಸೀನ್‌ ಗ್ಯಾರ್ರೆಟ್‌ರೊಂದಿಗೆ ಜೊತೆಗೂಡಿ "ಬಟನ್ಸ್‌" ಅನ್ನು ಬರೆದಿದ್ದಾರೆ. ಡಿಯೊಗಾರ್ಡಿರೊಂದಿಗೆ ಜೊತೆಗೂಡಿ ಬರೆದ ಇನ್ನೊಂದು ಹಾಡಾದ "ಫ್ಲರ್ಟ್‌" PCD ನಲ್ಲಿ ಹೆಚ್ಚುವರಿ ಧ್ವನಿಪಥವಾಯಿತು. ನಂತರ ಅದನ್ನು "ಬಟನ್ಸ್‌"ನ B-ಸೈಡ್‌ ಆಗಿ ಸೇರಿಸಿಕೊಳ್ಳಲಾಯಿತು. PCD ಯಂತೆ, ಶೆರ್ಜಿಂಜರ್‌ ಡಾಲ್ಸ್‌ ಎರಡನೇ ಆಲ್ಬಮ್‌ ಡಾಲ್‌ ಡಾಮಿನೇಷನ್‌ ನಲ್ಲಿ ಸಹ ಸಾಹಿತ್ಯ ಬರೆದ ತಂಡದ ಏಕೈಕ ಸದಸ್ಯಳಾಗಿದ್ದಾಳೆ.

ಸ್ಲಮ್‌ಡಾಗ್ ಮಿಲೆನೇರ್‌ ಚಿತ್ರದ ಉತ್ತಮ ಹಾಡಾದ "ಜೈ ಹೋ"ನ ಇಂಗ್ಲೀಷ್ ಹಾಡನ್ನು ಹಾಡುವಂತೆ ರಾನ್‌ ಫ್ಲೇರ್‌ ಪುಸ್ಸಿಕ್ಯಾಟ್‌ ಡಾಲ್ಸ್‌ನೊಂದಿಗೆ ಶೆರ್ಜಿಂಜರ್‌ಳನ್ನು ಕೇಳಿಕೊಂಡರು. "ಜೈ ಹೋ! (ಯು ಆರ್ ಮೈ ಡೆಸ್ಟಿನಿ)" ಎಂಬ ಹೆಸರಿನ ಈ ಹೊಸ ಆವೃತ್ತಿಯನ್ನು 2009ರ ಫೆಬ್ರವರಿ23ರಂದು iTunesಗಾಗಿ ಬಿಡುಗಡೆ ಮಾಡಲಾಯಿತು. ವಿಶ್ವದಾದ್ಯಂತ ಫೆಬ್ರವರಿ 24ರಂದು ಬಿಡುಗಡೆ ಮಾಡಲಾಯಿತು.[೧೮] ವಿಯನ್ನಾ ರೈಲು ನಿಲ್ದಾಣದಲ್ಲಿ ಚಿತ್ರೀಕರಿಸಿದ ವಿಡಿಯೊವನ್ನೊಳಗೊಂಡ ಹಾಡು ವಿಶ್ವದಾದ್ಯಂತ 2009 ಮಾರ್ಚ್‌ 13ರಂದು ಬಿಡುಗಡೆಯಾಯಿತು. ಡಾಲ್ಸ್‌ನ ಸದಸ್ಯೆಯಾದ ಸಜೆಸಿಕಾ ಸುಟ್ಟಾ, ಡಾಲ್ಸ್‌ ತಮ್ಮ 3ನೇ ಆಲ್ಬಮ್‌ ಅನ್ನು ಪ್ರಾರಂಭಿಸುವರು ಎಂದು ತಿಳಿಸಿದ್ದಾಳೆ.[೧೯]

ಸೊಲೊ ವೃತ್ತಿಜೀವನ[ಬದಲಾಯಿಸಿ]

PCD ನ ಯಶಸ್ಸಿನಿಂದಾಗಿ ಶೆರ್ಜಿಂಜರ್‌ ಮಾಧ್ಯಮದ ಕಣ್ಣಿಗೆ ಬಿದ್ದಳು. ನಂತರ ಅವಳು ವಿವಿಧ ಗಾಯಕರೊಂದಿಗೆ ಯುಗಳಗೀತೆಗಳು/ಅತಿಥಿ ಗಾಯನಕಚೇರಿ ಮಾಡಿದಳು. ವರ್ಷ 2005ರಲ್ಲಿ ಶಾಗ್ಗಿ, ವಿಟ್ಟೊರಿಯೊ ಗ್ರಿಗೊಲೊ ಮತ್ತು ವಿಲ್ ಸ್ಮಿತ್‌ರ ಧ್ವನಿಮುದ್ರಣ ಕಾರ್ಯಕ್ರಮದಲ್ಲಿಯೂ ಅವಳು ಕಾಣಿಸಿಕೊಂಡಿದ್ದಳು. 2006ರಲ್ಲಿ ಅದ್ವಂತ್‌ನ ಒಂಟಿ ಹಾಡನ್ನು "ಲೈ ಎಬೌಟ್‌ ಅಸ್‌" ಅವನೊಂದಿಗೆ ಮತ್ತು ಡಿಡ್ಡಿನ ಪ್ರಸಿದ್ಧ ಹಾಡು "ಕಮ್‌ ಟು ಮಿ" (ಸಾಹಿತ್ಯಕ್ಕೆ ತನ್ನ ಸಹಕಾರ ನೀಡಿದ್ದಾಳೆ) ಹಾಡಿದ್ದಾಳೆ. ಅವಳು ಹಾಡಿದ ಇತರ ಹಾಡುಗಳನ್ನು ಧ್ವನಿಮುದ್ರಿಕೆ ಪಟ್ಟಿಯಲ್ಲಿ ಹೆಸರಿಸಲಾಗಿದೆ. ಪುಸ್ಸಿಕ್ಯಾಟ್‌ ಡಾಲ್ಸ್‌ದ "ಡೊನ್ಟ್‌ ಚಾ" ಎಂಬ ಮೊದಲ ಒಂಟಿ ಹಾಡಿನಿಂದ ಅವಳನ್ನು ಎಲ್ಲರು ಗುರುತಿಸಿದರು. ಅದು ವಿಸ್ಮಯವಾಗಿದ್ದರೂ ಸಹ, ಅವಳ ಸಂಗೀತದ ಆಸೆಗಳನ್ನು ಪೂರ್ಣಗೊಳಿಸಲಿಲ್ಲ ಎಂದು ತನ್ನ ಅಧಿಕೃತ ವೆಬ್‌ಸೈಟ್‌ನ ಜೀವನಚರಿತ್ರೆ ವಿಭಾಗದಲ್ಲಿ ಅವಳು ಹೇಳಿಕೊಳ್ಳುತ್ತಾಳೆ. ಅವಳ ಸೊಲೊ ವೃತ್ತಿಜೀವನದ ಬಗ್ಗೆ ಅವಳನ್ನು ಕೇಳಿದಾಗ, ಅದಕ್ಕೆ ಪ್ರತಿಕ್ರಿಯಿಸಿ, "ಕೆಲವರ ಲೋಟವು ಅರ್ಧದಷ್ಟು ತುಂಬಿರುತ್ತದೆ. ಆದರೆ ನನಗೆ ಯಾವುದೇ ಮಿತಿ ಇಲ್ಲ" ಎಂದು ಉತ್ತರಿಸುವಳು.[೨೦] ಆಲ್ಬಮ್‌ನ ಉದ್ದೇಶವು ಯುವ ಪ್ರೇಕ್ಷಕರನ್ನು ಆಕರ್ಷಿಸಿ, ಅವರಿಗೆ "ನಿಕೋಲ್‌ನ ಹೃದಯವನ್ನು ತೋರಿಸುವುದು". ಅಲ್ಲದೇ ಅವಳು ಯಾವಾಗಲೂ "ಬಲಶಾಲಿಯಲ್ಲ ಮತ್ತು ಧೈರ್ಯವಂತೆಯಲ್ಲ" ಎನ್ನುವುದನ್ನು ತೋರಿಸುವುದಾಗಿದೆ.[೧೭]

2008 ಎಪ್ರಿಲ್‌ನಲ್ಲಿ, ಶೆರ್ಜಿಂಜರ್‌ ಯುನಿಲಿವರ್‌ನ ದೇಹ ಶುದ್ದೀಕರಿಸುವ ಉತ್ಪನ್ನವಾದ ಕ್ಯಾರೆಸ್‌ ಬ್ರ್ಯಾಂಡ್‌ನ ಪ್ರಚಾರ ಆಂದೋಲನಕ್ಕಾಗಿ ದುರನ್‌ ದುರನ್‌ರವರು ರಚಿಸಿದ "ರಿಯೊ"ನ ಪರಿಷ್ಕೃತ ಆವೃತ್ತಿಯಲ್ಲಿ ಕಾಣಿಸಿಕೊಂಡಿದ್ದಾಳೆ. ಜಾಹೀರಾತು ವಿಡಿಯೊ ಬಿಡುಗಡೆಯಾಯಿತು[೨೧]. ಅಲ್ಲದೇ 2008ರ ಮೇ ನಂತರ ಡೌನ್‌ಲೋಡ್‌ಗಾಗಿ ಏಕೈಕ ಹಾಡು ಬಿಡುಗಡೆಯಾಯಿತು.[೨೨] 2008ರಲ್ಲಿ ಬರಾಕ್‌ ಒಬಾಮನ ಬೆಂಬಲದೊಂದಿಗೆ, ಅವಳು "ಎಸ್ ವಿ ಕ್ಯಾನ್‌" ಎನ್ನುವ ವಿಲ್‌.ಐ.ಆಮ್‌ಗೆ ಸಂಗೀತ ನೀಡಿದ ಹಲವು ಸಂಗೀತಗಾರಲ್ಲಿ ಒಬ್ಬಳಾಗಿದ್ದಾಳೆ. ಕಳೆದ 2008ರ ಸಪ್ಟೆಂಬರ್‌ 5ರಂದು TVಯ ನೇರ ಪ್ರಸಾರ ಕಾರ್ಯಕ್ರಮದಲ್ಲಿ ಎಲ್ಲಾ ತಾರೆಗಳೊಂದಿಗೆ ಜತೆಸೇರಿ ಶೆರ್ಜಿಂಜರ್‌ "ಜಸ್ಟ್‌ ಸ್ಟ್ಯಾಂಡ್‌ ಅಪ್‌" ಎನ್ನುವ ನಿಧಿ ಸಂಗ್ರಹಣೆಗಾಗಿ ರಚಿಸಿದ ಹಾಡನ್ನು ಹಾಡಿದಳು. ಶೆರ್ಜಿಂಜರ್‌ ಹಸ್ಟನ್‌ನಲ್ಲಿ ನಡೆದ WWEಯ ರೆಸಲ್‌ಮೆನಿಯಾ XXVನಲ್ಲಿ "ಅಮೆರಿಕಾ ದಿ ಬ್ಯುಟಿಫುಲ್‌" ಅನ್ನು ಹಾಡಿದಳು ಮತ್ತು 2009ರ ಎಪ್ರಿಲ್‌ 5ರಂದು ರೆಲಿಯಂಟ್‌ ಸ್ಟೇಡಿಯಂ TX ಅನ್ನು ಹಾಡಿದಳು.[೨೩][೨೪] ಅಕ್ಟೋಬರ್‌ 2ರಂದು ಲಾಸ್‌ ವೇಗಸ್‌ನಲ್ಲಿ ನಿಕೋಲ್‌ ಶೆರ್ಜಿಂಜರ್‌ ಗಿಟಾರ್‌ ವಾದಕ ಸ್ಲ್ಯಾಷ್‌ರೊಂದಿಗೆ ಪ್ರದರ್ಶನ ನೀಡಿದ್ದಳು.[೨೫] 2010ರ ಎಪ್ರಿಲ್‌ನಲ್ಲಿ ಬಿಡುಗಡೆಯಾದ ಸ್ಲ್ಯಾಷ್‌ನ ಸೊಲೊ ಆಲ್ಬಮ್‌ ಸ್ಲ್ಯಾಷ್‌ ನಲ್ಲಿ ತಾನು ಅವನೊಂದಿಗೆ ಹಾಡಿರುವುದಾಗಿ ನಿಕೋಲ್‌ ಖಚಿತಪಡಿಸಿದ್ದಾಳೆ.[೨೬]

ಸೊಲೊ ಆಲ್ಬಮ್‌ (ಹರ್‌ ನೇಮ್‌ ಇಸ್‌ ನಿಕೋಲ್‌ )[ಬದಲಾಯಿಸಿ]

ಸುಮಾರು 2006ರಿಂದ 2008ರವರೆಗೆ ಶೆರ್ಜಿಂಜರ್‌ ಹರ್‌ ನೇಮ್‌ ಇಸ್‌ ನಿಕೋಲ್‌ ಎಂಬ ಅವಳ ಪ್ರಥಮ ಆಲ್ಬಮ್‌ನಲ್ಲಿ ಕೆಲಸ ಮಾಡುತ್ತಿದ್ದಳು. ಅವಳು MTV ನೀಡಿದ ಸಂದರ್ಶನದಲ್ಲಿ ಮಾತನಾಡುತ್ತಾ, "ನಾನು ಪುಸ್ಸಿಕ್ಯಾಟ್‌ ಡಾಲ್ಸ್‌ನಲ್ಲಿ ನಾನೊಬ್ಬಳು ಶ್ರೇಷ್ಠ ಮಹಿಳೆ ಎಂದನಿಸುತ್ತಿತ್ತು ಎಂದು ನಾನು ಯಾವಾಗಲೂ ಹೇಳುತ್ತಿದ್ದೆ. ಆದರೆ ಅದು ನನ್ನ ಬದಲಿ ಸ್ವಾಭಿಮಾನಗಳಲ್ಲಿ ಒಂದಾಗಿದೆ. ನಾನು ಹಾಡುವ ಸಮಯದಲ್ಲಿ ಪಾಲ್ಗೊಳ್ಳಲು ಇತರರ ಬಗ್ಗೆ ನನ್ನ ಮನವು ಮರುಗುತ್ತಿತ್ತು. ಆ ಸಮಯದಲ್ಲಿ ನಾನು ವಿರಹ ವೇದನೆಗೆ ಒಳಗಾಗುತ್ತಿದ್ದೆ."[೨೭] 2007ರಲ್ಲಿ ಬಿಡುಗಡೆಯಾಗಬೇಕಿದ್ದ ಆಲ್ಬಮ್‌ಗಾಗಿ ಅವಳು ಸುಮಾರು 100 ಹಾಡುಗಳನ್ನು ಬರೆದಿದ್ದಳು. ಆ ಆಲ್ಬಮ್‌ನ ಬಿಡುಗಡೆಯನ್ನು ಆಗ 2008ರ ಅಕ್ಟೋಬರ್‌ 16ಕ್ಕೆ ಮುಂದಕ್ಕೆ ಹಾಕಲಾಯಿತು.[೨೮] ಅದೇ ಸಮಯ 2009ರಲ್ಲಿ ಅವಳನ್ನು ಕೆಲಸದಿಂದ ತೆಗೆದುಹಾಕಲಾಯಿತು.

ಶೆರ್ಜಿಂಜರ್‌ ಮಾಡಿದ ಆಲ್ಬಮ್‌ಗೆ ಮತ್ತು ಪುಸ್ಸಿಕ್ಯಾಟ್‌ ಡಾಲ್ಸ್‌ನೊಂದಿಗೆ ಮಾಡಿದ ಆಲ್ಬಮ್‌ಗಳಿಗೆ ಶೆರ್ಜಿಂಜರ್‌ಯೊಂದಿಗೆ ಕೆಲಸ ಮಾಡಿದ ಗೀತರಚನಕಾರರಿಗೆ ನಿರ್ಮಾಪಕರಿಂದ ಭಾರಿ ಬೇಡಿಕೆ ಬಂದಿತು. 2007ರ ಜುಲೈ 24ರಲ್ಲಿ ಬಿಡುಗಡೆಯಾದ ಆಲ್ಬಮ್‌ನ ಪ್ರಮುಖ ಹಾಡಾದ[೨೯] "ವಾಟೆವರ್‌ ಯು ಲೈಕ್‌"ನಲ್ಲಿ (T.I.ಕಾಣಿಸಿಕೊಂಡಿದ್ದಾರೆ) ಸೀನ್‌ ಗ್ಯಾರ್ರೆಟ್‌ ಮತ್ತು ಪೋಲೊವ್‌ ಡ ಡಾನ್‌ ಇಬ್ಬರು ಕೆಲಸ ಮಾಡಿದ್ದಾರೆ. ಆದರೆ ಕೆನಡಾದಲ್ಲಿ ಕೇವಲ 57ನೇ ಸ್ಥಾನ[೩೦] ಮತ್ತು USನಲ್ಲಿ 104ನೇ ಸ್ಥಾನ ಗಳಿಸುವ ಮೂಲಕ ನಿರೀಕ್ಷಿತ ಯಶಸ್ಸು ಗಳಿಸಲಿಲ್ಲ.[೩೧] ಕಳೆದ 2007ರ ಸಪ್ಟೆಂಬರ್‌ 10ರಲ್ಲಿ "ಬೇಬಿ ಲವ್‌" ಎನ್ನುವ ಎರಡನೇ ಹಾಡು ಬಿಡುಗಡೆಗೊಂಡಿತು. USನಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆದ ಪುಸ್ಸಿಕ್ಯಾಟ್‌ ಡಾಲ್ಸ್‌ನ "ಸ್ಟಿಕ್‌ವಿಟು" ಹಾಡಿಗೆ ಹೋಲಿಸಿದರೆ, ಈ ಧ್ವನಿಪಥವು(ಸೌಂಡ್ ಟ್ರ್ಯಾಕ್ ) ಅಷ್ಟೊಂದು ಪರಿಣಾಮ ಬೀರಲಿಲ್ಲ.[೨೯]) UK ಮತ್ತು ಯುರೋಪ್‌ನ ಪ್ರಮುಖ ಸ್ಥಳಗಳು ಸೇರಿದಂತೆ, ಅಂತಾರಾಷ್ಟ್ರೀಯವಾಗಿ ಒಳ್ಳೆಯ ಪ್ರತಿಕ್ರಿಯೆ ಪಡೆದ ಉತ್ತಮ 15 ಹಾಡುಗಳಲ್ಲಿ ಸ್ಥಾನ ಪಡೆದುಕೊಂಡಿತು. ಇದರ ರಿಮಿಕ್ಸ್‌ ಮಾಡಿದ ಹಾಡನ್ನು ಹೆಚ್ಚುವರಿ ಧ್ವನಿಪಥದಂತೆ ಡಾಲ್‌ ಡಾಮಿನೇಷನ್‌ ನಲ್ಲಿ ಸೇರಿಸಲಾಗಿತ್ತು. ಮೂರನೇ ಹಾಡಾದ "ಸುಪರ್‌ವಿಲನ್‌" ಅನ್ನು "ಆಕರ್ಷಕ ಪಲ್ಲವಿಯೊಂದಿಗೆ ಕುಣಿಯಬಹುದಾದಂತಹ ಹಾಡು" ಎಂದು ವಿವರಿಸಲಾಗಿತ್ತು. ಇದು ರೆಗೇ ನೃತ್ಯಮಂದಿರದ ಅಂತರಗೀತೆಯನ್ನು ಒಳಗೊಂಡಿತ್ತು. ಇದನ್ನು ರಾಕ್‌ ಸಿಟಿ ಬರೆದಿದ್ದು, ಮ್ಯಾಡ್‌ ಸೈಂಟಿಸ್ಟ್‌ನಿರ್ಮಿಸಿದ್ದಾರೆ. 2007ರ ನವೆಂಬರ್‌ನಲ್ಲಿ ಇದನ್ನು US iTunesಗಾಗಿ ಮಾತ್ರ ಬಿಡುಗಡೆ ಮಾಡಲಾಯಿತು. ಈ ಹಾಡಿನಲ್ಲಿರುವ ಶೆರ್ಜಿಂಜರ್‌ಳ 5-ಎಂಟು ಸ್ವರಗಳ ಶ್ರೇಣಿಯೊಂದಿಗೆ ಸಂಯೋಜನೆಯಲ್ಲಿ ಇಂಪಾದ ಸಂಗೀತ ಮತ್ತು ಡಿಸ್ಕೊ-ಮೊವ್‌ಟೌನ್‌ ಅನುಭವವಿದ್ದರೂ ಸಹ, ಇದು USನಲ್ಲಿ ಗಮನ ಸೆಳೆಯಲು ವಿಫಲವಾಯಿತು.[೨೦] ಶೆರ್ಜಿಂಜರ್‌ಳಿಗೆ ಅಭಿನಂದನೆ ಸಲ್ಲಿಸುವ ರೀತಿಯಲ್ಲಿ[೨೦] ನವೆಂಬರ್‌ನಲ್ಲಿ iTunesಗೆ ಬಿಡುಗಡೆ ಮಾಡಿದ ನಾಲ್ಕನೆ ಹಾಡು "ಪೌಕೆನಿಕೆನಿ" ಅನ್ನು (ಹವಾಯಿಯಲ್ಲಿರುವ ಹೂವಿನ ಒಂದು ವಿಧ) ಅಕೊನ್‌ ನಿರ್ಮಿಸಿದರು. ಅದರೂ ಇದು ಕೇಳುಗರ ಗಮನ ಸೆಳೆಯಲು ವಿಫಲವಾಯಿತು.

ಇತರ ಹಾಡುಗಳಾದ, ಗ್ಯಾರಿ ಲೈಟ್‌ಬಾಡಿ (ಸ್ನೋವ್‌ ಪೆಟ್ರೋಲ್‌ನ) ಬರೆದ "ಜಸ್ಟ್‌ ಸೇ ಯಸ್‌" ಹಾಡಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಉತ್ತಮ ತಾಳ ಮತ್ತು ಎಲೆಕ್ಟ್ರಾನಿಕ್‌ ವಾದ್ಯಗಳ ಸಂಗೀತ ಒಳಗೊಂಡಿರುವ ಹಿತಕರ ಮತ್ತು ನಿಧಾನ,ಸೌಮ್ಯ ಗತಿಯ ಹಾಡಾಗಿತ್ತು.[೨೯] ಅವಳು MTVಯೊಂದಿಗೆ ಮಾತನಾಡಿ, ಈ ಹಿಂದೆ ಹಾಡನ್ನು ಧ್ವನಿಮುದ್ರಿಸಲು ಗ್ವೆನ್ ಸ್ಟೆಫಾನಿ ತಿರಸ್ಕೃರಿಸಿರುವುದನ್ನು ಹೇಳಿಕೊಂಡಳು. "ನಾನು ಸ್ನೋವ್‌ ಪೆಟ್ರೋಲ್‌ನ ಸಂಗೀತದ ಅತಿ ದೊಡ್ಡ ಅಭಿಮಾನಿ, ಅದನ್ನು ನಾನೇ ಸ್ವಂತವಾಗಿ ಮಾಡಲು ಯೋಚಿಸಿದೆ. "ಇದು ತುಂಬಾ ಪ್ರಾಮಾಣಿಕ ಮತ್ತು ವಾಸ್ತವದ ಹಾಡಾಗಿದೆ."[೨೭] ನೆ-ಯೊ ಶೆರ್ಜಿಂಜರ್‌ಳಿಗೆ ಎರಡು ಹಾಡುಗಳನ್ನು ಮಾಡಲು ನೀಡಿದರು. ಅದರಲ್ಲಿ ಒಂದು ನಿಧಾನಗತಿಯ ಹಾಡಾಗಿರುವ "ಹ್ಯಾಪಿಲಿ ನೆವರ್‌ ಆಫ್ಟರ್‌". ಇದರ ಬಗ್ಗೆ ಶೆರ್ಜಿಂಜರ್‌ ಮಾತನಾಡುತ್ತಾ, "ಇದು ಹದಿಹರೆಯದ ಹುಡುಗಿಯರು ಬಯಸುವ ಮಹಿಳಾ ಸಶಕ್ತೀಕರಣದ ಸಂದೇಶ ಹೊಂದಿದೆ" ಎಂದು ಹೇಳಿದಳು.[೨೦] 2007ನಲ್ಲಿ ಬ್ರಿಟ್ನಿ ಸ್ಪಿಯರ್ಸ್‌ ತನ್ನ ಬ್ಲಾಕ್‌ಔಟ್‌ ಆಲ್ಬಮ್‌ಗಾಗಿ ಧ್ವನಿಮುದ್ರಿಸಲು ಈ ಹಾಡು ಬರೆದಿರುವುದು ಆಸಕ್ತಿದಾಯಕ ವಿಷಯ.[೧೭] ಇನ್ನೊಂದು ಹಾಡು "ಸೇವ್‌ ಮಿ ಫ್ರಮ್ ಮೈಸೆಲ್ಫ್‌" ಎನ್ನುವ ದುಃಖದ ಹಾಡಾಗಿದ್ದು, ಇದನ್ನು ಧ್ವನಿಮುದ್ರಿಸುವ ಮೊದಲು ಕೊಂಡಿಗೆರೆಯನ್ನು (hook) ಅಭಿವೃದ್ಧಿಸಲು ಶೆರ್ಜಿಂಜರ್‌ ನೆ-ಯೊಗೆ ಸಹಾಯ ಮಾಡಿದ್ದಳು.[೨೦] "ಮಾರ್ಚ್‌" ಎನ್ನುವ ಇನ್ನೊಂದು ಹಾಡಿಗೆ ಸಿದ್ಧಳಾಗುವಾಗ, ಶೆರ್ಜಿಂಜರ್‌ ತಾನು ಇದನ್ನು ಉತ್ತಮವಾಗಿ ಧ್ವನಿಮುದ್ರಿಸಲು ಬಯಸುತ್ತೇನೆಂದು ಹೇಳಿದಳು. "ಇದು ನಿಮ್ಮ ಕನಸನ್ನು ಬಿಟ್ಟು ಕೊಡದೆ ನಿರಂತರವಾಗಿ ಸಾಧಿಸುವುದಕ್ಕೆ ಸಂಬಂಧಿಸಿದೆ. ತಾನು ಇಂದಿರುವ ಸ್ಥಿತಿಗೆ ಹೇಗೆ ತಲುಪಿರುವೆ ಎನ್ನುವುದಕ್ಕೂ ಸಂಬಂಧಿಸಿದೆ."[೧೭] ಇದನ್ನು ಟಿಂಬಲೆಂಡ್‌ ನಿರ್ಮಿಸಿದ್ದು ಮತ್ತು "ಫಿಸಿಕಲ್‌"[೨೦] ಎಂಬ ಹಾಡು ಅವನ ಟ್ರೇಡ್‌ಮಾರ್ಕ್‌ ಹಾಡಾಗಿದ್ದು, ಇದರಲ್ಲಿ ಉಲ್ಲಾಸಭರಿತ ಇಂಪಾದ ಸಂಗೀತ ಮತ್ತು ಭಾರಿ ಪ್ರಮಾಣದ ಬೇಸ್‌ಲೈನ್‌ ಅನ್ನು ಕೇಳಬಹುದಾಗಿದೆ.[೨೯] ಹಾಡಿನ ಒಂದು ಭಾಗವನ್ನು ಚಲನಚಿತ್ರದಲ್ಲಿ ಬಳಸಿಕೊಳ್ಳಲಾಗಿದೆFantastic Four: Rise of the Silver Surfer . ಅಮೆರಿಕಾದ ಗ್ರಾಮಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡ ಗಾಯಕ ಸ್ಟಿಂಗ್‌ ಹಾಡಿರುವ (ಜೆಸಿಕಾ ಅಲ್ಬಾಳೊಂದಿಗೆ ರೆವ್ಲೊನ್‌ ಕಾಣಿಸಿಕೊಂಡಿದ್ದಾರೆ).[೨೦] "ವೆನ್‌ ಯುವರ್ ಫಾಲಿಂಗ್‌" (ಅಕೊನ್‌ರವರ ಸಾಹಿತ್ಯ ಸಹಕಾರ)[೨೦] "ಪವರ್ಸ್‌ ಔಟ್‌" ಎನ್ನುವ ಗಮನ ಸೆಳೆಯುವ ಪ್ರಣಯಗೀತೆ ಮತ್ತು ಫಾರಲ್‌ ವಿಲಿಯಮ್ಸ್‌ ಬರೆದು, ದಿ ನೆಪ್ಚುನ್ಸ್‌ ನಿರ್ಮಿಸಿದ "ಐ M.I.S.S ಯು" ಹಾಡು ಸೇರಿದಂತೆ ಆಲ್ಬಮ್‌ ಇತರ ಹಾಡುಗಳನ್ನು ಒಳಗೊಂಡಿತ್ತು.[೨೯]

ಪುಸ್ಸಿಕ್ಯಾಟ್‌ ಡಾಲ್ಸ್‌ ತಮ್ಮ ಡಾಲ್‌ ಡಾಮಿನೇಷನ್‌ ನ ಎರಡನೇ ಆಲ್ಬಮ್‌ ಅನ್ನು ಬಿಡುಗಡೆ ಮಾಡಿದಾಗ, ಈ ಆಲ್ಬಮ್‌ನ ಭವಿಷ್ಯದ ಬಗ್ಗೆ ಅನುಮಾನ ಹುಟ್ಟಿಕೊಂಡಿತು. ಏಕೆಂದರೆ ಮೊದಲ ಶೆರ್ಜಿಂಜರ್‌ ತನ್ನ ಸ್ವಂತ ಆಲ್ಬಮ್‌ಗಾಗಿ ಧ್ವನಿಮುದ್ರಿಸಿದ ಹಾಡುಗಳಲ್ಲಿ ಕೆಲವನ್ನು ಪುಸ್ಸಿಕ್ಯಾಟ್‌ ಡಾಲ್ಸ್‌ನ ಆಲ್ಬಮ್‌ ಒಳಗೊಂಡಿತ್ತು. "ಹ್ಯಾಪಿಲಿ ನೆವರ್‌ ಆಫ್ಟರ್‌" ಮತ್ತು "ವೂಸ್‌ ಗೊನ್ನಾ ಲವ್‌ ಯು" ಹಾಡುಗಳನ್ನು ಯಾವುದೇ ಬದಲಾವಣೆಗಳನ್ನು ಮಾಡದೆ, ಆಲ್ಬಮ್‌ಗೆ ಸೇರಿಸಿದರು. ಆದರೆ ಆಲ್ಬಮ್‌ ಬಿಡುಗಡೆಯಾಗುವ ಮೊದಲು "ವೆನ್‌ ಐ ಗ್ರೋವ್‌ ಅಪ್‌" ಹಾಡಿಗೆ ಹೆಚ್ಚುವರಿ ಸಂಗೀತದ ಹಿನ್ನಲೆ ಸೇರಿಸಲಾಯಿತು.[೩೨] ಕ್ರಿಸ್ಟೊಫರ್‌ "ಟ್ರಿಕಿ ಸ್ಟೆವರ್ಟ್‌" ಮತ್ತು ದಿ-ಡ್ರಿಮ್‌ರವರು ಸಹ ಶೆರ್ಜಿಂಜರ್‌ಳೊಂದಿಗೆ ಕೆಲಸ ಮಾಡುತ್ತಿದ್ದರು. ಅವರು ಆಲ್ಬಮ್‌ಗಾಗಿ ಕನಿಷ್ಠ ಎರಡು ಹಾಡುಗಳನ್ನು ಬರೆದು, ಧ್ವನಿಮುದ್ರಿಸಿ, ನಿರ್ಮಿಸಿದ್ದರು. "ಪಂಚ್‌ ಯು ಇನ್ ಯುವರ್ ಸ್ಲೀಪ್‌" ಮತ್ತು "ಐ'ಮ್‌ ಎ ಚೀಟ್‌" ಎನ್ನುವ ಎರಡು ಪ್ರಸಿದ್ಧ ಧ್ವನಿಸುರುಳಿಯನ್ನು ದಿ-ಡ್ರಿಮ್‌ನ ಪತ್ನಿ ಕ್ರಿಸ್ಟಿನಾ ಮಿಲಿಯನ್‌ಳಿಗೆ ಮರುನಿಗದಿಪಡಿಸಲಾಯಿತು. ಅದನ್ನು ಅವಳು 2010ರಲ್ಲಿ ಬಿಡುಗಡೆಯಾಗುವ ತನ್ನ ನಾಲ್ಕನೆ ಸ್ಟುಡಿಯೊ ಆಲ್ಬಮ್‌ ಎಲೋಪ್‌ ಗಾಗಿ ಬಳಸಿಕೊಂಡಳು.[೩೩] ನಂತರ ಕೆರಿ ಹಿಲ್ಸನ್‌ (ಪುಸ್ಸಿಕ್ಯಾಟ್‌ ಡಾಲ್ಸ್‌ಗಾಗಿ ಹೆಚ್ಚಾಗಿ ಹಾಡುಗಳನ್ನು ಬರೆಯುತ್ತಾರೆ) ಶೆರ್ಜಿಂಜರ್‌ಳಿಗಾಗಿ "ಎಲೀನೇಟೆಡ್‌" ಎನ್ನುವ ಹಾಡನ್ನು ಬರೆದಿದ್ದಾರೆ ಎನ್ನುವುದು ಬಹಿರಂಗಗೊಂಡಿದೆ. ಆದರೂ ಹಿಲ್ಸನ್‌ ತನ್ನ ಮೊದಲ ಸ್ವಂತ ಸ್ಟುಡಿಯೊ ಆಲ್ಬಮ್‌ ಇನ್‌ ಎ ಪರ್ಫೆಕ್ಟ್‌ ವರ್ಲ್ಡ್‌… ಗಾಗಿ [೩೪] ನಿರ್ಮಾಪಕ ಕೊರಿ ಬೋಲ್ಡ್‌ನೊಂದಿಗೆ ಹಾಡನ್ನು ದಾಖಲಿಸಿದ್ದಳು. ಹೀಗಾಗಿ ಆಲ್ಬಮ್‌ನ ನಿರ್ಮಾಣದಲ್ಲಿ ತಡವಾಗಿ, ಹಾಡನ್ನು ಮತ್ತೆ ಪಡೆದ ಅವಳನ್ನು ಕೆಲಸದಿಂದ ತೆಗೆದುಹಾಕಲಾಯಿತು. ಆದರೂ ಹಿಲ್ಸನ್‌ಳ ಆಲ್ಬಮ್‌ನ "ಆಕರ್ಷಣೆಯ ಎಲೆಕ್ಟ್ರೊ-ನಾದ ಮತ್ತು ಸೌಮ್ಯ ಬಡಿತಗಳಿಂದಾಗಿ,"[೩೫] ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಯಿತು.[೩೬] 2009ರ ಸಪ್ಟೆಂಬರ್‌ನಲ್ಲಿ "ಜಸ್ಟ್‌ ಸೇ ಯಸ್‌" ಎನ್ನುವ ದುಃಖದ ಹಾಡನ್ನು ಗ್ಯಾರಿ ಲೈಟ್‌ಬಾಡಿರವರು ಪಡೆದುಕೊಂಡರು. ನಂತರ ಅವರು ಹಾಡನ್ನು ಪರಿಷ್ಕರಿಸಿದರು ಎನ್ನುವುದನ್ನು ಖಚಿತಪಡಿಸಲಾಯಿತು. 2009ರ ನವೆಂಬರ್‌ 2ರಲ್ಲಿ ಸ್ನೋವ್‌ ಪೆಟ್ರೋಲ್‌ಅಪ್‌ ಟು ನೌ ಆಲ್ಬಮ್‌ ಪೂರ್ಣಗೊಂಡ ನಂತರ ಅವರ ಬ್ಯಾಂಡ್‌ ರಚಿಸಿದ ಹಾಡಾಗಿ ಬಿಡುಗಡೆಯಾಯಿತು.[೩೭]

ಕಳೆದ 2008ರ ಸಪ್ಟೆಂಬರ್‌ರಲ್ಲಿ ಶೆರ್ಜಿಂಜರ್‌ ತನ್ನ ಆಲ್ಬಮ್‌ ತಡವಾಗಿ ಬಿಡುಗಡೆಯಾಗುವ ಬಗ್ಗೆ ಮಾತನಾಡಿ, "ಇತರರು ಬರೆದಿರುವುದಕಿಂತ ಹೆಚ್ಚಾಗಿ, ಇದು , ಕಟ್ಟ ಕಡೆಯಲ್ಲಿ ನನ್ನದೇ ತೀರ್ಮಾನ. ನನ್ನ ಕೆಲವು ಸೊಲೊ ಹಾಡುಗಳನ್ನು ನಾನು ಪುಸ್ಸಿಕ್ಯಾಟ್‌ ಡಾಲ್ಸ್‌ ಹೊಸ ಡಾಲ್‌ ಡಾಮಿನೇಷನ್‌ ಆಲ್ಬಮ್‌ ನಲ್ಲಿ ಸೇರಿಸಿದ್ದೇನೆ. ಎಲ್ಲವೂ ಪರಿಮಿತ ಕಾಲಯೋಜನೆಯಿಂದ ಕೂಡಿದೆ. ಅದು ಮುಂದಿನ ವರ್ಷ ಬಿಡುಗಡೆಯಾಗಬಹುದೆಂದು ನಾನು ಭಾವಿಸಿದ್ದೇನೆ. ಅಲ್ಲದೇ ಡಾಲ್ಸ್‌ ಆಲ್ಬಮ್‌ನಲ್ಲಿರುವುದು ನನಗೆ ಅದ್ಭುತ ಅನುಭವ ನೀಡುವುದು. "ಬೇಬಿ ಲವ್‌" ಮತ್ತು "ವಾಟೆವರ್‌ ಯು ಲೈಕ್‌"ನಲ್ಲಿ ನೀವು ಕೇಳಿದ ಸಂಗೀತಕ್ಕಿಂತ ಸಂಪೂರ್ಣ ಬದಲಾಗಿದೆ. ಅಲ್ಲದೇ ಈಗಲೂ ನಾನು ಅದರ ಮೇಲೆ ಕೆಲಸ ಮಾಡುತ್ತಿದ್ದೇನೆ — ಅದು ನೀವು ಪರಿಪೂರ್ಣರಾಗಿದ್ದಾಗ ಮಾತ್ರ ಸಾಧ್ಯ."[೩೮]

ಕಳೆದ 2009 ಎಪ್ರಿಲ್‌ನಲ್ಲಿ, ಅವಳ ವೃತ್ತಿಜೀವನದ ಯೋಜನೆಗಳು ಮತ್ತು ಎಲ್ಲಿಯವರೆಗೆ ಡಾಲ್ಸ್‌ನಲ್ಲಿರುವ ಬಗ್ಗೆ ಬಿಲ್‌ಬೋರ್ಡ್‌ ನಿಯತಕಾಲಿಕೆಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾಳೆ. "ಪ್ರಸ್ತುತ ಆಲ್ಬಮ್‌ ಮಾತುಕತೆಯ ಹಂತ ಮತ್ತು ಬರಹಗಾರಿಕೆಯ ಹಂತದಲ್ಲಿದೆ. ಈವರೆಗೆ ನಾನು ಧ್ವನಿಮುದ್ರಣವನ್ನು ಪ್ರಾರಂಭಿಸಿಲ್ಲ" ಎಂದು ಹೇಳಿದಳು. ಪುಸ್ಸಿಕ್ಯಾಟ್‌ ಡಾಲ್ಸ್‌ ತಮ್ಮ ವರ್ಲ್ಡ್‌ ಡೊಮಿನೇಷನ್‌ ಟೂರ್‌ ಅನ್ನು ಪೂರ್ಣಗೊಳಿಸಿದ ನಂತರ, ಅವಳು ಮತ್ತೆ ಸ್ಟುಡಿಯೊದಲ್ಲಿ ಕೆಲಸ ಮಾಡುವುದಕ್ಕೆ ಯೋಜಿಸಿದ್ದಾಳೆ. ಶೆರ್ಜಿಂಜರ್‌ ತನ್ನ ಯೋಜನೆಗಳ ಬಗ್ಗೆ ಮಾತನಾಡುತ್ತಾ, ತಾನು ಮತ್ತು ವಿಲ್‌.ಐ.ಏಮ್‌, ಟಿಂಬಲೆಂಡ್‌ರೊಂದಿಗೆ ಮತ್ತೆ ಕೆಲಸ ಮಾಡುತ್ತೇನೆ. ಹಾಗೇಯೆ ಹೊಸ ಸಹವರ್ತಿಗಳಾದ ಲೇಡಿ ಗಾಗಾ ಮತ್ತು A.R. ರೆಹಮಾನ್‌ರೊಂದಿಗೆ ಕೆಲಸ ಮಾಡುತ್ತೇನೆ ಎಂದು ಹೇಳಿದಳು.[೩೯]

ಈ 2010ರ ಆರಂಭದಲ್ಲಿ, ರೇಡಿಯೊ 1 ಈ ಆಲ್ಬಮ್‌ ಅನ್ನು ವರ್ಷದ ತನ್ನ ಮುಂದಿನ ಬಿಡುಗಡೆಗಾಗಿ ಇರಿಸಿಕೊಂಡಿದೆ. ಈವರೆಗೆ ಆ ಆಲ್ಬಮ್‌ನ್ನು ಹರ್‌ ನೇಮ್‌ ಇಸ್‌ ನಿಕೋಲ್‌ ಎಂದು ಹೆಸರಿಸಲಾಗಿದೆ.[೪೦] ಈ ಹಿಂದೆ "ಹ್ಯಾಪಿಲಿ ನೆವರ್‌ ಆಫ್ಟರ್‌" ಮತ್ತು "ಸೇವ್‌ ಮಿ ಫ್ರಮ್‌ ಮೈಸೆಲ್ಫ್‌"ನಲ್ಲಿ ಶೆರ್ಜಿಂಜರ್‌ಳೊಂದಿಗೆ ಕೆಲಸಮಾಡಿದ ಗಾಯಕ ಗೀತರಚನಗಾರ ನೆ-ಯೊ, ಮತ್ತೆ ಅವಳೊಂದಿಗೆ ಕೆಲಸ ಮಾಡುವರು ಎಂದು ಕಾಂಟ್ಯಾಕ್ಟ್‌ಮ್ಯುಸಿಕ್‌ ವರದಿಮಾಡಿದೆ. ಅದಕ್ಕೆ ಅವನು ಪ್ರತಿಕ್ರಿಯಿಸಿ, "ಅವಳು ತನ್ನೆಲ್ಲಾ ಸಾಮರ್ಥ್ಯವನ್ನು ತನ್ನ ಕೆಲಸದ ಮೇಲೆ ಇರಿಸುತ್ತಾಳೆ" ಎಂದು ಹೇಳಿದನು.

Nicole is in a state of liberation right now so the tracks are very free. She is in a place where she is happy to be alive and the tracks are definitely expressing that. The whole album is going to be a pressure release - a great big exhale - and I'm happy about that. She has a lot of emotions after splitting up with Lewis (Hamilton). But it's like taking an eagle and giving it back its wings.[೪೧]

ಎಂದು ಹೇಳುವ ಮೂಲಕ ಅದನ್ನು ಉಲ್ಲೇಖಿಸಿದ್ದಾನೆ.

2010ರ ಜನವರಿ 26ರಂದು ಜಾಯ್‌ ಸೀನ್‌ ಮತ್ತು ಶೆರ್ಜಿಂಜರ್‌ ಒಟ್ಟಾಗಿ ಹೊಸ ಯೋಜನೆಯೊಂದರ ಸ್ಟುಡಿಯೊದಲ್ಲಿ ಕೆಲಸ ಮಾಡುತ್ತಿದ್ದಾರೆ ಎನ್ನುವುದು ಬಹಿರಂಗೊಂಡಿದೆ.[೪೨] ಮೊದಲು ವಿಡಿಯೊವನ್ನು ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಲಾಯಿತು. ನಂತರ ಇದನ್ನು ಇತರ ಸಾಮಾನ್ಯ ವೆಬ್‌ಸೈಟ್‌ಗಳಿಗೆ ಅಪ್‌ಲೋಡ್ ಮಾಡಲಾಯಿತು. ಇದರಲ್ಲಿ ಫ್ಲೋರಿಡಾಮೈಮಿಯಲ್ಲಿ ಹಿಟ್‌ ಫ್ಯಾಕ್ಟರಿ (ಕ್ರೈಟಿರಿಯಾ) ರೆಕಾರ್ಡ್‌ ಸ್ಟುಡಿಯೊಸ್‌ನಲ್ಲಿ ಅವರಿಬ್ಬರು ಒಟ್ಟಿಗಿರುವ ದೃಶ್ಯವಿತ್ತು.[೪೨] ಮರಿಯಾ ಕ್ಯಾರಿ 'ಸ್ಟುಡಿಯೊ F'ದಂತೆ ತನಗೆ ತಿಳಿದ ಅತ್ಯತ್ತಮ ವಸ್ತುಗಳಿಂದ ರಚಿಸಿದ ಸ್ಟುಡಿಯೊದಲ್ಲಿ ಶೆರ್ಜಿಂಜರ್‌ ಧ್ವನಿಮುದ್ರಣದಲ್ಲಿ ಮಾಡುತ್ತಿರುವುದು ವಿಡಿಯೊದಲ್ಲಿತ್ತು. ಆ ಸ್ಟುಡಿಯೊದಲ್ಲಿ ಲಿಲ್‌ ವೇನ್‌ನೊಂದಿಗೆ ಸೀನ್‌ "ಡೌನ್‌" ಅನ್ನು ದಾಖಲಿಸಿದ್ದನು. ಅದಲ್ಲದೇ ಕೆರಿ ಹಿಲ್ಸನ್‌ಯೊಂದಿಗೆ ಶೆರ್ಜಿಂಜರ್‌ ಹಾಡಿದ ಜನಪ್ರಿಯ ಟಿಂಬಲೆಂಡ್‌ನ ಹಾಡು "ಸ್ಕ್ರೀಮ್‌" ಅನ್ನು ಆ ಸ್ಟುಡಿಯೊದಲ್ಲಿಯೇ ದಾಖಲಿಸಿಲಾಗಿದೆ.[೪೨] ಈಗ ಸ್ಟುಡಿಯೊದಲ್ಲಿದ್ದ T-ಪೇನ್‌ ಮತ್ತು ಲಿಲ್‌ ವೇನ್‌ರಿಗೆ ಈ ಜೋಡಿಯು ಪ್ರಸ್ತಾರ ಬರೆದುಕೊಟ್ಟಿದೆ. ಈ ಜೋಡಿಯು ಯಾವುದೇ ಸಂಗೀತದ ಯಶಸ್ಸು ಉದಾ. ಉಪಯುಕ್ತ ಹಾಡುಗಳನ್ನು ದಾಖಲಿಸಿದ ಬಗ್ಗೆ ತಿಳಿದುಬಂದಿಲ್ಲ. ಆದರೆ ಒಂದು ವೇಳೆ ಧ್ವನಿಮುದ್ರಿಸಿದ್ದರೆ, ಅದು ಜಯ್‌ ಸೀನ್‌ನ ಮುಂದಿನ ಹಾಡು, ಪುಸ್ಸಿಕ್ಯಾಟ್‌ ಡಾಲ್ಸ್‌ನ ಮೂರನೇ ಅಲ್ಬಮ್‌ ಅಥವಾ ತಡವಾಗಿ 2010ರಲ್ಲಿ ಬಿಡುಗಡೆಯಾಗುವ ಶೆರ್ಜಿಂಜರ್‌ಳ ಸ್ವಂತ ಸ್ಟುಡಿಯೊ ಆಲ್ಬಮ್‌ನಲ್ಲಿ, ಯಾವುದಕ್ಕಾಗಿ ದಾಖಲಿಸಿರಬಹುದು ಎನ್ನುವುದು ತಿಳಿದುಬಂದಿಲ್ಲ.[೪೨] ರಿಹನ್ನಾಳ ಅತ್ಯುತ್ತಮ ಹತ್ತರ ಜನಪ್ರಿಯ "ರಷ್ಯನ್‌ ರುಲೆಟ್ಟ್‌" (2009) ಸೇರಿದಂತೆ ನೆ-ಯೊನ ಇಯರ್ ಆಫ್ ದಿ ಜೆಂಟಲ್‌ಮ್ಯಾನ್‌ (2008), ಮೇರಿ J. ಬ್ಲಿಜ್‌ಗ್ರೋವಿಂಗ್ ಪೇನ್ಸ್‌ (2007) ಮತ್ತು ಅನಸ್ಟಾಕಿಯಾಹೇವಿ ರೋಟೇಷನ್‌ ನಲ್ಲಿ (2008) ಚುಕ್‌ ಹಾರ್ಮನಿ[೪೩] ಯೊಂದಿಗೆ ಹಲವು ಬಾರಿ ಕೆಲಸ ಮಾಡಿದ್ದಾಳೆ ಎಂದು ವರದಿಯಾಗಿದೆ.

ನಟನೆ[ಬದಲಾಯಿಸಿ]

ಶೆರ್ಜಿಂಜರ್‌ ನಟಿಯಾಗಿ, ಚಿಕ್ಕ ಪಾತ್ರಗಳಲ್ಲಿಯೂ ಕಾಣಿಸಿಕೊಂಡಿದ್ದಾಳೆ. ಅವಳು TV ಹಾಸ್ಯ ಕಾರ್ಯಕ್ರಮಗಳಾದ ಹಾಫ್‌ ಆಂಡ್‌ ಹಾಫ್‌ , ಮೈ ವೈಪ್‌ ಆಂಡ್‌ ಕಿಡ್ಸ್‌ , ಮತ್ತು 2003ರಲ್ಲಿ ಲವ್‌ ಡೊನ್ಟ್‌ ಕಾಸ್ಟ್‌ ಎ ಥಿಂಗ್‌ ಎಂಬ ಚಲನಚಿತ್ರದಲ್ಲಿ ನಟಿಸಿದ್ದಾಳೆ. ಅವಳು Nike ಶೂ ಜಾಹೀರಾತಿನಲ್ಲಿ ಬಾಸ್ಕೆಟ್‌ಬಾಲ್‌ ಆಟಗಾರ ಲೆಬ್ರೊನ್‌ ಜೇಮ್ಸ್‌ನೊಂದಿಗೆ ಕಾಣಿಸಿಕೊಂಡಿದ್ದಾಳೆ. 2001ರಲ್ಲಿ ಅವಳು "ಫೈನಲಿ!" ಸಂಚಿಕೆಯಲ್ಲಿ "ಪಾಪ್‌ ಸ್ಟಾರ್ಸ್‌"ನಲ್ಲಿ ಒಬ್ಬಳಾಗಿ ಮತ್ತು ವಂಡಾ ಎಟ್ ಲಾರ್ಜ್‌ , ಚೇಸಿಂಗ್ ಪಾಪಿ , ಬಿ ಕೂಲ್‌ ಮತ್ತು ಕೇನ್‌ ನಲ್ಲಿ ಹದಿಹರೆಯದ ಮಾಟಗಾತಿಯಾದ ಸಬ್ರಿನಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾಳೆ. ಶೆರ್ಜಿಂಜರ್‌ ಫಿಲಿಪೈನೊ ಬಾಕ್ಸಿಂಗ್ ಚ್ಯಾಂಪಿಯನ್‌ ಮನ್ನಿ ಪ್ಯಾಕ್ವಿಯೊಯೊಂದಿಗೆ ಮುಂಬರುವ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುವಳು. ಇದರಲ್ಲಿ ವೃತ್ತಿಪರ ಕುಸ್ತಿಪಟು ಡೇವ್‌ ಬಟಿಸ್ಟಾ ಕೂಡ ಈ ಚಿತ್ರದಲ್ಲಿ ನಟಿಸುವನು. ಅವಳು ಫಿಲಿಪೈನೊ ಚ್ಯಾಂಪ್‌ನಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುವವಳಿದ್ದಳು. ಆದರೆ ಅದು ರದ್ಧುಗೊಂಡಿದ್ದರಿಂದ, ಆ ಪಾತ್ರದಲ್ಲಿ ಫಿಲಿಪಿನಾ ನಟಿ ರಫ್ಪಾ ವೇ ಕ್ವಿಂಟೊ ನಟಿಸುವಳು.

2006ರಲ್ಲಿ ಅವಳು ಫಿಲಿಫೈನ್ಸ್‌ನಲ್ಲಿ "ಬೆಂಚ್‌ ಬಾಡಿ" ಒಳಉಡುಪು ಬ್ರ್ಯಾಂಡ್‌ನ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾಳೆ. ಅಲ್ಲದೇ 2008ರ ಅಕ್ಟೋಬರ್‌ನಲ್ಲಿ ಅವಳು ಕ್ಲಿಯರ್ ಶಾಂಪು ಆಂಡ್‌ ಕಂಡೀಶನರ್‌ನ ಪ್ರಚಾರ ಮಾಡಿದ್ದಾಳೆ. ಈ ಎರಡು ಜಾಹೀರಾತುಗಳು ನೈರುತ್ಯ ಏಷ್ಯಾದಲ್ಲಿ ಬಿತ್ತರವಾಗಿವೆ. ನಿಕೊಲೊಡಿಯೊನ್‌ನ ಬಿಗ್‌ ಟೈಮ್‌ ರಷ್‌ನಲ್ಲಿ ಅವಳು ತನ್ನ ನೈಜ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾಳೆ. 2009ರ ಕೊನೆಯಲ್ಲಿ, ಪ್ಯಾಂಟಮ್‌ ಆಫ್ ದಿ ಒಪೆರಾಲವ್‌ ನೆವರ್‌ ಡೈಸ್‌ ನಲ್ಲಿ ಎಂಡ್ರೊ ಲಾಯ್ಡ್‌ ವೆಬ್ಬರ್‌ ರೊಂದಿಗೆ ಶೆರ್ಜಿಂಜರ್‌ ಆಪ್ತವಾಗಿ ಕೆಲಸಮಾಡಿದ್ದಾಳೆ ಎಂದು ವರದಿಯಾಗಿದೆ.

ಇತರ ಅಭಿನಯಗಳು[ಬದಲಾಯಿಸಿ]

2009ರ ಡಿಸೆಂಬರ್‌ನಲ್ಲಿ "ದಿ ಸಿಂಗ್‌-ಆಫ್‌"[೪೪] ಎನ್ನುವ NBCಯ ರಿಯಾಲಿಟಿ ಹಾಡುಗಾರಿಕೆ ಸ್ಪರ್ಧೆಯಲ್ಲಿ ಗಾಯಕ-ಗೀತರಚನಗಾರ ಬೆನ್‌ ಪೋಲ್ಡ್ಸ್‌ ಮತ್ತು ಬಾಯ್ಸ್‌ II ಮೆನ್‌ ಬ್ಯಾಂಡ್‌ಸದಸ್ಯ ಶಾನ್‌ ಸ್ಟಾಕ್‌ಮ್ಯಾನ್‌ಯೊಂದಿಗೆ ಶೆರ್ಜಿಂಜರ್‌ ತೀರ್ಪುಗಾರ್ತಿಯಾಗಿದ್ದಳು. ಈ ಪ್ರದರ್ಶನವನ್ನು ಗಾಯಕ ನಿಕ್‌ ಲ್ಯಾಚೆ ಆಯೋಜಿಸಿದ್ದನು. ಸ್ಪರ್ಧಿಗಳ ಪ್ರದರ್ಶನವನ್ನು ವಿಮರ್ಶಾತ್ಮಕವಾಗಿ ಚರ್ಚಿಸುವುದು ಮತ್ತು ಸ್ಪರ್ಧೆಯಿಂದ ಹೊರಹಾಕುವಿಕೆಯ ಸಂದರ್ಭದಲ್ಲಿ ಸೂಕ್ತ ಮತ ಚಲಾಯಿಸುವುದು ಶೆರ್ಜಿಂಜರ್‌ಳ ಪಾತ್ರವಾಗಿತ್ತು. ಆದರೆ ಅಂತಿಮ ಸುತ್ತಿನಲ್ಲಿ ಪ್ರೇಕ್ಷಕರ ಮತಗಣನೆಯಿಂದ ನಿರ್ಧರಿಸಲಾಗುವುದು. ಅಂತಿಮ ಫಲಿತಾಂಶ ತೋರಿಸಿದಾಗ, ಅಂತಿಮ ಸ್ಪರ್ಧಿಗಳಾದ ಟಫ್ಟ್ಸ್‌ ವಿಶ್ವವಿದ್ಯಾಲಯದ "ದಿ ಬೀಲ್ಜ್‌ಬಬ್ಸ್‌"ರಲ್ಲಿ ಶೆರ್ಜಿಂಜರ್‌, "ನೀವು ನನ್ನ ಗಮನ ಸೆಳೆಯಲಿಲ್ಲ" ಎಂದು ಹೇಳಿದಳು.

ವೈಯಕ್ತಿಕ ಜೀವನ[ಬದಲಾಯಿಸಿ]

2000ರಲ್ಲಿ ಡೇಸ್ ಆಫ್‌ ದಿ ನ್ಯೂ ಸಂಗೀತ ಕಾರ್ಯಕ್ರಮದಲ್ಲಿ 311 ರಾಕ್‌ ಬ್ಯಾಂಡ್‌ನ ನಿಕ್‌ ಹೆಕ್ಸುಮ್‌ನನ್ನು ಶೆರ್ಜಿಂಜರ್‌ ಭೇಟಿಯಾದಳು. ಅವರಿಬ್ಬರೂ ವಿಹಾರಕ್ಕೆ ಹೋಗುತ್ತಿದ್ದರು. ನಂತರ ಮದುವೆಯಾಗುವುದೆಂದು ನಿರ್ಧರಿಸಿದರು.[೪೫] ಆದರೆ 2004ರಲ್ಲಿ ಅವರಿಬ್ಬರು ಬೇರೆ ಬೇರೆಯಾದರು.[೪೬] ಅವರ "ಅಂಬರ್‌" ಹಾಡಿಗೆ ಶೆರ್ಜಿಂಜರ್‌ ಸ್ಪೂರ್ತಿಯಾಗಿದ್ದಳಲ್ಲದೇ ಅದರ ಸಂಗೀತ ವಿಡಿಯೊದಲ್ಲಿ ಕಾಣಿಸಿಕೊಂಡಿದ್ದಳು. 2005ರಿಂದ 2007ವರೆಗೆ ಅವಳು ನಟ ಟ್ಯಾಲನ್‌ ಟೊರಿಯರೊಯೊಂದಿಗೆ ವಿಹಾರ ನಡೆಸುತ್ತಿದ್ದಳು.[೪೭]

2008ರ ಮೇ ತಿಂಗಳ ಹೊತ್ತಿಗೆ ಶೆರ್ಜಿಂಜರ್‌ ಫಾರ್ಮುಲಾ ಒನ್‌ ವಿಶ್ವ ಚ್ಯಾಂಪಿಯನ್‌ ಲೆವಿಸ್‌ ಹಮಿಲ್ಟನ್‌ರೊಂದಿಗೆ ಸಂಬಂಧ ಹೊಂದಿದ್ದಳು. 2009ರ ಸಪ್ಟೆಂಬರ್‌ ಪ್ರಾರಂಭದಲ್ಲಿ, ಅವರಿಬ್ಬರು ಬೇರೆ ಬೇರೆಯಾದರು ಎಂದು ವರದಿಯಾಯಿತು. ಏಕೆಂದರೆ ಲೆವಿಸ್‌ ಅವಳನ್ನು ಮದುವೆಯಾಗಲು ತಯಾರಿರಲಿಲ್ಲ. ಆದರೂ ಸಪ್ಟೆಂಬರ್‌ 13ರಲ್ಲಿ 2009 ಇಟ್ಯಾಲಿಯನ್‌ ಗ್ರ್ಯಾಂಡ್‌ ಪ್ರಿಕ್ಸ್‌ನಲ್ಲಿ ಲೆವಿಸ್‌, ತಾವಿಬ್ಬರೂ ತುಂಬಾ ಪ್ರೀತಿಸುತ್ತಿದ್ದು, ಇಂದಿಗೂ ಒಟ್ಟಿಗಿದ್ದೇವೆ ಎಂದು ಹೇಳಿದನಲ್ಲದೆ, ಹಿಂದೆ ಪ್ರಕಟವಾದ ವರದಿಯನ್ನು ತಳ್ಳಿಹಾಕಿದನು. 2006ರಲ್ಲಿ ನಡೆದ ಮ್ಯಾಕ್ಸಿಮ್‌ ದ 100ರಲ್ಲಿ 22ನೇ ಸ್ಥಾನ ಪಡೆದಿದ್ದಳು. ಮರುವರ್ಷ 2007ರಲ್ಲಿ ನಡೆದ ಅದೇ ಸ್ಪರ್ಧೆಯಲ್ಲಿ 21 ನೆಯ ಶ್ರೆಯಾಂಕ ಪಡೆದಿದ್ದಳು. ಅವಳು 2008ರಲ್ಲಿ 19ನೇ ಸ್ಥಾನದಲ್ಲಿದ್ದಳು. ಆದರೆ ಈ ಸಮಯದಲ್ಲಿ ದಿ ಪುಸ್ಸಿಕ್ಯಾಟ್‌ ಡಾಲ್ಸ್‌ ಆಗಿದ್ದಳು. 2009ರಲ್ಲಿ ಅವಳು ಮತ್ತೆ ಸೊಲೊದಲ್ಲಿ ಸ್ಥಾನ ಪಡೆದುಕೊಂಡು, 46ನೇ ಕ್ರಮಾಂಕದಲ್ಲಿದ್ದಳು.[೪೮] 2008ರ ಮಾರ್ಚ್‌ ತಿಂಗಳ ಮೆನ್‌'ಸ್‌ ಫಿಟ್‌ನೆಸ್‌ ನಿಯತಕಾಲಿಕೆಯ ಮುಖಪುಟದಲ್ಲಿ ಶೆರ್ಜಿಂಜರ್‌ ಕಾಣಿಸಿಕೊಂಡಿದ್ದಳು.[೪೯]

ಶೆರ್ಜಿಂಜರ್‌ ಮತ್ತು ಹ್ಯಾಮಿಲ್ಟನ್‌ ತಮ್ಮ ವೃತ್ತಿಯ ಮೇಲೆ ಗಮನ ಕೇಂದ್ರಿಕರಿಸುವುದಕ್ಕಾಗಿ, ಬೇರೆಬೇರೆಯಾಗಿದ್ದಾರೆ ಎನ್ನುವುದು 2010ರ ಜನವರಿ 11ರಂದು ಖಚಿತವಾಯಿತು. ಆದರೆ ಅವರು ಇಂದಿಗೂ ಸ್ನೇಹಿತರಾಗಿದ್ದಾರೆ. ಇವರಿಬ್ಬರ ವಕ್ತಾರರು ಹೀಗೆ ಹೇಳಿದ್ದಾರೆ,

It's sad because they did love each other. When you saw them trackside together they were always laughing [...] But they had to be realistic. There was no way they could continue their careers and stay together - it was getting way too stressful. No-one else is involved, their careers just got in the way.[೫೦]

ಧ್ವನಿಮುದ್ರಿಕೆ ಪಟ್ಟಿ[ಬದಲಾಯಿಸಿ]

ಪುಸ್ಸಿಕ್ಯಾಟ್‌ ಡಾಲ್ಸ್‌ಯೊಂದಿಗೆ ವೇದಿಕೆಯಲ್ಲಿ ಶೆರ್ಜಿಂಜರ್‌

ಏಕಗೀತೆಗಳು[ಬದಲಾಯಿಸಿ]

ವರ್ಷ ಶೀರ್ಷಿಕೆ ಪಟ್ಟಿಯಲ್ಲಿನ ಸ್ಥಾನ ಆಲ್ಬಮ್‌ಗಳು
U.S. UK CAN AUS GER IRE AUT SWI MAL SWE
2007 "ವಾಟೆವರ್‌ ಯು ಲೈಕ್‌" (featuring T.I.) 104 57 12 ಹರ್‌ ನೇಮ್‌ ಇಸ್‌ ನಿಕೋಲ್‌ [shelved]
"ಬೇಬಿ ಲವ್‌" (featuring will.i.am) 108 14 58 5 15 21 14 16 51
"ಸುಪರ್‌ವಿಲನ್‌" (feat. Mad Scientist)
"ಪೌಕೆನಿಕೆನಿ" (featuring Brick & Lace)

As featured performer[ಬದಲಾಯಿಸಿ]

ವರ್ಷ ಶೀರ್ಷಿಕೆ ಮುಖ್ಯ ಕಲಾವಿದರು ಪಟ್ಟಿಯ ಸ್ಥಾನ ಆಲ್ಬಮ್‌ಗಳು
U.S. UK CAN AUS GER IRE AUT SWI MAL SWE
2006 "ಲೈ ಎಬೌಟ್‌ ಅಸ್‌" ಅವಂತ್‌ 76 ಡೈರೆಕ್ಟರ್‌
"ಯು ಆರ್‌ ಮೈ ಮಿರಾಕಲ್‌" ವಿಟ್ಟೊರಿಯೊ ವಿಟ್ಟೊರಿಯೊ
"ಕಮ್‌ ಟು ಮಿ" ಡಿಡ್ಡಿ 9 4 11 3 8 3 3 44 ಪ್ರೆಸ್‌ ಪ್ಲೇ
2007 ಸ್ಕ್ರೀಮ್‌ ಟಿಂಬಲೆಂಡ್‌ (ಕೆರಿ ಹಿಲ್ಸನ್‌ ಕೂಡ ಕಾಣಿಸಿಕೊಂಡಿದ್ದಾರೆ) 122 12 41 20 9 10 18 45 8 ಶಾಕ್ ವ್ಯಾಲ್ಯೂ
2009 "ಜೈ ಹೋ! (ಯು ಆರ್ ಮೈ ಡೆಸ್ಟಿನಿ)" ಎ.ಆರ್.ರೆಹಮಾನ್‌ & ಪುಸ್ಸಿಕ್ಯಾಟ್‌ ಡಾಲ್ಸ್‌ 15 3 4 1 29 1 18 7 1 40 ಡಾಲ್‌ ಡಾಮಿನೇಷನ್‌

ಆಲ್ಬಮ್‌ನಲ್ಲಿ ಕಾಣಿಸಿಕೊಳ್ಳುವಿಕೆ[ಬದಲಾಯಿಸಿ]

ವರ್ಷ ಗೀತೆ ಕಲಾವಿದ ಆಲ್ಬಮ್‌ಗಳು
2001 "ಐ ಸಾ ಯು" F.O.B. ಲವ್‌'ಸ್ ಎ ವುಮನ್‌'ಸ್‌ ಗೇಮ್‌
"ಐಯಮ್ ಗೆಟ್ಟಿಂಗ್ ದೇರ್‌"
2003 "ಐ'ಲ್ ಬಿ ಯುವರ್ ಲವ್‌" (ಇಂಗ್ಲೀಷ್ ಆವೃತ್ತಿ) ವೈಲೆಟ್‌ UK ಎಕ್ಸ್‌ಪೋಸಿಷನ್‌ ಆಫ್‌ ಗ್ಲೋಬಲ್ ಹಾರ್ಮನಿ
2004 "ಬ್ರೇಕ್‌ಫಾಸ್ಟ್‌ ಇನ್ ಬೆಡ್‌" ಹಲವು ಕಲಾವಿದರು 50 ಫಸ್ಟ್‌ ಡೇಟ್ಸ್‌ ಅಧಿಕೃತ ಧ್ವನಿಜಾಡು (ಸೌಂಡ್ ಟ್ರ್ಯಾಕ್ ), 'ನಿಕೋಲ್‌ ಕಿಯಾ'ಳಂತೆ ಒಂದು ಧ್ವನಿಪಥದಲ್ಲಿ ಕಾಣಿಸಿಕೊಂಡಿದ್ದಾಳೆ
2005 "ಇಫ್‌ ಯು ಕಾಲ್ಟ್‌ ಡಾನ್ಸ್‌ (ಚಿತ್ರಫಲಕ)" ವಿಲ್ ಸ್ಮಿತ್‌ ಲಾಸ್ಟ್‌ ಆಂಡ್‌ ಫೌಂಡ್‌
"ಸುಪಾ ಹೈಪ್ನೊಟಿಕ್‌" ಶಾಗ್ಗಿ ಕ್ಲೋತ್ಸ್‌ ಡ್ರಾಪ್‌
"ಡೊನ್ಟ್ ಆಸ್ಕ್ ಹರ್ ದ್ಯಾಟ್‌"
2007 ಸ್ಕ್ರೀಮ್‌ ಟಿಂಬಲೆಂಡ್‌ ಶಾಕ್ ವ್ಯಾಲ್ಯೂ (ಆಲ್ಬಮ್‌)
"ಪ್ಯಾಪಿ ಲವರ್‌" ಡ್ಯಾಡಿ ಯಂಕಿ El Cartel: The Big Boss
"ಫೈರ್‌" 50 ಸೆಂಟ್‌ ಸರ್ಟಿಸ್‌
2009 "ಅಂಟಿಲ್ ಯು ಲವ್ ಯು" ಪುಸ್ಸಿಕ್ಯಾಟ್‌ ಡಾಲ್ಸ್‌ ಡಾಲ್‌ ಡಾಮಿನೇಷನ್‌ ಡಿಲಕ್ಸ್‌ ಎಡಿಷನ್‌
2010 "ಬೇಬಿ ಕಾನ್ಟ್ ಡ್ರೈವ್‌" ಸ್ಲ್ಯಾಷ್‌ ಸ್ಲ್ಯಾಷ್‌ ಆಂಡ್‌ ಫ್ರೆಂಡ್ಸ್‌

ಆಕರಗಳು[ಬದಲಾಯಿಸಿ]

  1. Nicole Scherzinger's entry on the Singers of Filipino Heritage Page (See "Biography" section) Accessed 1-17-2010.
  2. Apar, Corey. "Nicole Scherzinger: Biography". allmusic. Retrieved December 21, 2009.
  3. ೩.೦ ೩.೧ "'People think I'm from Pakistan'". Asian News. October 6, 2009. Archived from the original on 16 ಮೇ 2010. Retrieved 7 January 2010.{{cite news}}: CS1 maint: bot: original URL status unknown (link)
  4. ನಿಕೋಲ್‌ ಶೆರ್ಜಿಂಜರ್‌ - ಸಂದರ್ಶನ (ಚೆಲ್ಸಿ ಲೇಟ್ಲಿ 28-11-07)
  5. "60 ಸೆಕೆಂಡ್ಸ್‌: ನಿಕೋಲ್‌ ಶೆರ್ಜಿಂಜರ್‌". Archived from the original on 2010-03-22. Retrieved 2010-03-09.
  6. ೬.೦ ೬.೧ "Nicole Scherzinger - Askmen.com". Archived from the original on 2008-07-25. Retrieved 2010-03-09.
  7. "» Nicole Scherzinger remembers being a shy child » Sindh Today - Pakistan News, India News and World Affairs". Sindh Today. 2008-08-30. Archived from the original on 2009-06-04. Retrieved 2009-07-10.
  8. ೮.೦ ೮.೧ ೮.೨ "Pussycat Dolls Nicole She says she's 'only a 5 out of 10 for looks'". The Sun. Retrieved 2008-08-30.
  9. "Stray Pussycat Doll Nicole Scherzinger goes solo". Daily Mail.
  10. "ದಿ ಕೊಲಂಬಸ್ ಡಿಸ್‌ಪ್ಯಾಚ್‌ - ಲೋಕಲ್‌/ಸ್ಟೇಟ್‌". http://www.columbusdispatch.com/features-story.php?story=dispatch/2006/05/02/20060502-F3-01.html Archived 2012-06-03 at WebCite.
  11. "Days Of The New Singer Reveals Past On Nicole Scherzinger". HipHopDX.com<!. 2008-03-21. Retrieved 2009-08-17. {{cite web}}: Text "Hip Hop News > HipHopDX.com" ignored (help)
  12. "Artist Biography - Eden's Crush". Billboard.com. Archived from the original on 2012-07-19. Retrieved 2009-07-10.
  13. "Eden's Crush: Rising Popstars". Girlything.com. Retrieved 2009-07-10.
  14. "Stray Pussycat Doll Nicole Scherzinger goes solo". Dailymail.co.uk. 2007-11-21. Retrieved 2009-07-10. {{cite web}}: Text "Mail Online" ignored (help)
  15. Harvey, Oliver (2008-08-30). "Pussycat Doll Nicole Scherzinger says she's only '5 out of 10 for looks'!". The Sun. Retrieved 2009-07-10. {{cite web}}: Text "Features" ignored (help); Text "The Sun" ignored (help)
  16. "The Columbus Dispatch - Local/State". Archived from the original on 2012-06-03. Retrieved 2021-08-10.
  17. ೧೭.೦ ೧೭.೧ ೧೭.೨ ೧೭.೩ By Emmanuel “Boy Wonderâ€? Ezugwu. "Alternatives : Nicole Scherzinger: Remember the Name". Allhiphop.com. Archived from the original on 2009-03-05. Retrieved 2009-09-21.
  18. "Pussycat Dolls : Releases : Jai Ho (from Slumdog Millionaire)". Interscope.com. 2009-02-23. Retrieved 2009-07-10.
  19. "Pussycat Dolls Star: 'We're Not Splitting'". Showbiz Spy. 2009-09-04. Retrieved 2009-09-26. {{cite web}}: Text "Showbiz Spy - celebrity news, rumors & gossip" ignored (help)
  20. ೨೦.೦ ೨೦.೧ ೨೦.೨ ೨೦.೩ ೨೦.೪ ೨೦.೫ ೨೦.೬ ೨೦.೭ "Official Her Name Is Nicole Community: Nicole's Biography". Her Name Is Nicole. Archived from the original on 2007-12-25. Retrieved 2009-09-21.
  21. April 16, 2008 (2008-04-16). "Nicole Caress Commercial (Full Version)". YouTube. Retrieved 2009-08-17.{{cite web}}: CS1 maint: numeric names: authors list (link)
  22. "ಈ ಜಾಹೀರಾತು ಜಾಲದಲ್ಲಿ ರಿಯೊ ಏಕಗೀತೆಯನ್ನು ಡೌನ್‌ಲೋಡ್‌ಗಾಗಿ ಬಿಡುಗಡೆ ಮಾಡಲಾಗಿದೆ". Archived from the original on 2014-08-15. Retrieved 2010-03-09.
  23. "TV Shows > WrestleMania XXV > Exclusives > Kid Rock and Nicole Scherzinger to perform at WrestleMania". WWE. 2009-03-23. Retrieved 2009-07-10.
  24. WrestlingNewsWorld.com. "Official Press Release On Kid Rock & Nicole Scherzinger Performing At WrestleMania 25". Wrestlingnewsworld.com. Retrieved 2009-07-10.[ಶಾಶ್ವತವಾಗಿ ಮಡಿದ ಕೊಂಡಿ]
  25. http://blogs.myspace.com/index.cfm?fuseaction=blog.view&friendId=420167906&blogId=512097797 Archived 2009-10-07 ವೇಬ್ಯಾಕ್ ಮೆಷಿನ್ ನಲ್ಲಿ. 2009ರ ಸಪ್ಟೆಂಬರ್‌ 28ರಂದು Myspaceನಲ್ಲಿ ಸ್ಲ್ಯಾಷ್‌ ನಿಕೋಲ್‌ ಶೆರ್ಜಿಂಜರ್‌ ಆಮಂತ್ರಿಸಿದರು.
  26. http://www.roadrunnerrecords.com/blabbermouth.net/news.aspx?mode=Article&newsitemID=128624 Archived 2009-10-17 ವೇಬ್ಯಾಕ್ ಮೆಷಿನ್ ನಲ್ಲಿ., ಬ್ಲಾಬರ್‌ಮೌತ್‌, ಸ್ಲ್ಯಾಷ್‌ನ ಆಲ್ಬಮ್‌ನಲ್ಲಿ ನಿಕೋಲ್‌ ಶೆರ್ಜಿಂಜರ್‌, 2009ರ ಅಕ್ಟೋಬರ್‌ 13
  27. ೨೭.೦ ೨೭.೧ Montgomery, James (2007-08-23). "Nicole Scherzinger Nabs Kanye West For LP, Makes Snow Patrol Singer's Mom Cry - News Story". Mtv.com. Retrieved 2009-09-21. {{cite web}}: Text "MTV News" ignored (help); Text "Music, Celebrity, Artist News" ignored (help)
  28. "Nicole Scherzinger Sets Release Date For 'Her Name Is Nicole' Solo Debut". popdirt.com. 2007-08-03. Archived from the original on 2012-10-02. Retrieved 2009-09-21.
  29. ೨೯.೦ ೨೯.೧ ೨೯.೨ ೨೯.೩ ೨೯.೪ "Nicole Scherzinger Album Preview". Rap-Up.com. Retrieved 2009-09-21.
  30. ಟಾಪ್‌ ಮ್ಯುಸಿಕ್‌ ಚಾರ್ಟ್ಸ್‌ - ಹಾಟ್‌ 100 - ಬಿಲ್‌ಬೋರ್ಡ್‌ 200 - ಮ್ಯುಸಿಕ್‌ ಷಾನ್ರ್‌ ಸೇಲ್ಸ್‌[ಮಡಿದ ಕೊಂಡಿ]
  31. "ಟಾಪ್‌ ಮ್ಯುಸಿಕ್‌ ಚಾರ್ಟ್ಸ್‌ - ಹಾಟ್‌ 100 - ಬಿಲ್‌ಬೋರ್ಡ್‌ 200 - ಮ್ಯುಸಿಕ್‌ ಷಾನ್ರ್‌ ಸೇಲ್ಸ್‌". Archived from the original on 2009-03-18. Retrieved 2021-08-10.
  32. "Nicole Scherzinger PCD Interview". Mtv.co.uk. 2008-08-18. Retrieved 2009-07-10. {{cite web}}: Text "MTV UK" ignored (help); Text "News" ignored (help); Text "Nicole Scherzinger" ignored (help)
  33. "So Amazing!". Christina Milian Fan. Archived from the original on 2009-07-20. Retrieved 2009-07-10. {{cite web}}: Text "CHRISTINA MILIAN FAN" ignored (help); Text "Temporary Version" ignored (help)
  34. "Music - News - Hilson: 'Scherzinger forced to stay in PCD' - Digital Spy". Digital Spy<!. 2009-06-24. Archived from the original on 2009-08-28. Retrieved 2009-09-03.
  35. "Keri Hilson - Alienated - Listen Now". Djbooth.net. Retrieved 2009-09-03.
  36. "Music - Album Review - Keri Hilson: 'In A Perfect World…' - Digital Spy". Digital Spy<!. 2009-05-04. Archived from the original on 2009-06-03. Retrieved 2009-09-03.
  37. "New Releases - UK Forthcoming Albums (Radio1 Rodos Greece ::: Top 40 Music Station ::: Promo Releases)". Radio1.gr. Archived from the original on 2010-12-22. Retrieved 2009-09-26.
  38. "New England Blade and HX New England // Nightlife // Nicole Scherzinger Steers the Pussycat Dolls to Total Gaydom Domination". Innewsweekly.com. Retrieved 2009-07-10.
  39. Up for DiscussionPost Comment (2009-04-01). "Accessed April 3, 2009". Billboard.com. Retrieved 2009-08-17.
  40. http://www.radio1.gr/music/forthcoming_uk_albums.htm Archived 2019-04-07 ವೇಬ್ಯಾಕ್ ಮೆಷಿನ್ ನಲ್ಲಿ. [95] ^ [94]
  41. "ಆರ್ಕೈವ್ ನಕಲು". Archived from the original on 2011-04-29. Retrieved 2010-03-09.
  42. ೪೨.೦ ೪೨.೧ ೪೨.೨ ೪೨.೩ "Nicole Scherzinger and Jay Sean cause chaos in the studio". twitter video. 2010-01-26. Archived from the original on 2010-01-28. Retrieved 2010-01-26.
  43. https://twitter.com/chuckharmony/status/7728394947
  44. http://www.nbc.com/sing-off/about/nicole.shtml
  45. "50 First Dates Movie - Interview with Nick Hexum of 311". Movies.about.com. 2008-01-06. Archived from the original on 2009-02-10. Retrieved 2009-07-10.
  46. "Superiorpics.com: Entertainment News Sunday, July 23, 2006". News.superiorpics.com. 2006-07-23. Archived from the original on 2010-03-23. Retrieved 2009-07-10.
  47. "Nicole Scherzinger Dumps Talan Torriero at The Insider". Theinsider.com. Archived from the original on 2010-03-29. Retrieved 2009-08-17.
  48. [೧] Archived 2008-08-06 ವೇಬ್ಯಾಕ್ ಮೆಷಿನ್ ನಲ್ಲಿ. Maximonline.com
  49. 2008ರಲ್ಲಿ FHM ಯ U.S ಆವೃತ್ತಿಯಲ್ಲಿ #62 ಮತ್ತು U.Kಯಲ್ಲಿ #49 ಸ್ಥಾನದಲ್ಲಿದ್ದಳು.
  50. "ಆರ್ಕೈವ್ ನಕಲು". Archived from the original on 2010-03-12. Retrieved 2010-03-09.

ಹೊರಗಿನ ಕೊಂಡಿಗಳು[ಬದಲಾಯಿಸಿ]