ತಬಲಾ

ತಬಲಾ

ತಬಲಾ (ತಬಲ ಅಥವಾ ತಬ್ಲ ಎಂದು ಕೂಡ ಬರೆಯುತ್ತಾರೆ) ದಕ್ಷಿಣ ಎಷಿಯಾದ ಒಂದು ಜನಪ್ರಿಯ ತಾಳವಾದ್ಯ. ಭಾರತ ಉಪಖಂಡದ ಉತ್ತರ ಭಾಗದಲ್ಲಿ ಹಿಂದುಸ್ತಾನಿ ಶಾಸ್ತ್ರೀಯ ಸಂಗೀತ, ಸೂಫಿ ಸಂಗೀತ, ಭಜನೆ ಇತ್ಯಾದಿ ಶೈಲಿಗಳ ಕಚೇರಿಗಳಲ್ಲಿ ಸಾಮಾನ್ಯವಾಗಿ ಪಕ್ಕವಾದ್ಯವಾಗಿ ತಬಲಾ ಬಳಕೆಯಾಗುತ್ತದೆ.

ರಚನೆ

ಈ ವಾದ್ಯದಲ್ಲಿ ಎರಡು ಡೊಳ್ಳುಗಳಿದ್ದು ಅವುಗಳನ್ನು ಕೈ ಮತ್ತು ಬೆರಳುಗಳ ಸಹಾಯದಿಂದ ನುಡಿಸಲಾಗುತ್ತದೆ. ಎರಡು ಡೊಳ್ಳುಗಳಲ್ಲಿ ಸಾಮಾನ್ಯವಾಗಿ ಬಲಗೈಯಲ್ಲಿ ನುಡಿಸುವ(ಎಡಚರು ಎಡಗೈಯಲ್ಲಿ ಬಾರಿಸುವ) ಸಣ್ಣ ಡೊಳ್ಳನ್ನು ದಾಯಾಂ (ದಾಯಿನ, ಸಿದ್ಧ, ತಬಲಾ) ಎಂದು ಕರೆಯುತ್ತಾರೆ . ಈ ಡೊಳ್ಳಿನ ಧ್ವನಿಯನ್ನು ಸಾಮಾನ್ಯವಾಗಿ ಮುಖ್ಯವಾದ್ಯ ಅಥವ ಹಾಡುಗಾರನ ಹಾಡಿನ ಶೃತಿಗೆ ಸಾಮರಸ್ಯವಾಗಿ ಸೇರುವ ಸ್ವರ ಸ್ಥಾನಕ್ಕೆ ಹೊಂದಿಸಲಾಗಿರುತ್ತದೆ. ಸಾಮಾನ್ಯವಾಗಿ ಎಡಗೈಯಲ್ಲಿ ನುಡಿಸುವ (ಎಡಚರು ಬಲಗೈಯಲ್ಲಿ ಬಾರಿಸುವ) ದೊಡ್ಡ ಡೊಳ್ಳನ್ನು ಬಾಯಾಂ(ದುಗ್ಗಿ, ದಗ್ಗ, ಧಮಾ)ಎಂದು ಕರೆಯುತ್ತಾರೆ. ಇದರಿಂದ ಹೆಚ್ಚು ಗಾಡವಾದ ಹಾಗು ತಗ್ಗಿನ ಧ್ವನಿ ಹೊರಹೊಮ್ಮುತ್ತದೆ.

ತಬಲಾ ಘರಾನಾಗಳು

• ದಿಲ್ಲಿ ಘರಾನಾ
• ಲಕ್ನೌ ಘರಾನಾ
• ಆಗ್ರಾ ಘರಾನಾ
• ಫಾರುಖಾಬಾದ್ ಘರಾನಾ
• ಬನಾರಸ್ ಘರಾನಾ
• ಪಂಜಾಬ್ ಅಥವಾ ಪಟಿಯಾಲ ಘರಾನಾ

ಪ್ರಸಿದ್ದ ತಬಲಾ ವಾದಕರು

• ಜಾಕಿರ್ ಹುಸೇನ್ (ಸಂಗೀತಗಾರ)
• ಉಸ್ತಾದ್ ಅಲ್ಲಾರಖಾ
• ತ್ರಿಲೋಕ್ ಗುರ್ತು
• ಬಿಕ್ರಂ ಘೋಷ್
• ತೌಫೀಕ್ ಖುರೇಷಿ
• ಫಜಲ್ ಖುರೇಷಿ
• ವಿಜಯ್ ಘಾಟೆ
• ತಲ್ವೀನ್ ಸಿಂಗ್

ಬಾಹ್ಯ ಸಂಪರ್ಕ ಕೊಂಡಿಗಳು

ಬಕ್ಕಿಂಗ್‌ಹ್ಯಾಮ್ ಮ್ಯುಸಿಕ್.ಕಾಂ ತಾಣದಲ್ಲಿ ತಬಲಾ ಬಗ್ಗೆ ಸಂಕ್ಷಿಪ್ತ ವಿವರ.