ಡಾಬರ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
For the Israeli patrol boat, see Dabur class patrol boat.

Expression error: Unexpected < operator.

Dabur India Limited
ಪ್ರಕಾರ Public (NSE, BSE)
ಸ್ಥಾಪನೆ 1884
ಸಂಸ್ಥಾಪಕ(ರು) Dr. S K Burman
ಮುಖ್ಯ ಕಾರ್ಯಾಲಯ Dabur Tower, Kaushambi, Sahibabad, Ghaziabad - 201010 (UP), India
ವ್ಯಾಪ್ತಿ ಪ್ರದೇಶ Worldwide
ಪ್ರಮುಖ ವ್ಯಕ್ತಿ(ಗಳು) Dr. Anand Burman
Chairman
Mr. Amit Burman
Vice-Chairman
Mr. Sunil Duggal
CEO
ಉದ್ಯಮ Health Care, Food
ಉತ್ಪನ Dabur Amla, Dabur Chyawanprash, Vatika, Hajmola & Real
ನಿವ್ವಳ ಆದಾಯ (INR) 425 Crore (2008-09)
ಒಟ್ಟು ಆಸ್ತಿ (INR) 559 crore (2008-09)
ಉದ್ಯೋಗಿಗಳು 3000 (Approx.) [೧]
ವಿಭಾಗಗಳು Dabur Nepal Pvt Ltd (Nepal),
Dabur Egypt Ltd (Egypt),
Asian Consumer Care (Bangladesh),
Asian Consumer Care (Pakistan),
African Consumer Care (Nigeria),
Naturelle LLC (Ras Al Khaimah-UAE),
Weikfield International (UAE), and
Jaquline Inc. (USA).
ಉಪಾಂಗ ಸಂಸ್ಥೆಗಳು Dabur International,
Fem Care Pharma,
newu
ಅಂತರಜಾಲ ತಾಣ Dabur.com

ಡಾ ಕ್ಟರ್ ಬರ್‌ ಮನ್ ಪದದಿಂದ ಹುಟ್ಟಿದ ಡಾಬರ್ (ದೇವನಾಗರಿ: ಡಾಬರ್) ಭಾರತದ ಬೃಹತ್ ಆಯುರ್ವೇದ ಔಷಧ ತಯಾರಿಕಾ ಕಂಪನಿಯಾಗಿದೆ. ಡಾಬರ್‌ನ ಆಯುರ್ವೈದ್ಯ ವೈಶಿಷ್ಟ್ಯತೆಗಳ ಘಟಕವು ಸಾಮಾನ್ಯ ಶೀತದಿಂದ ಹಿಡಿದು ಗಂಭೀರ ಸ್ವರೂಪದ ಪಕ್ಷವಾತ ಖಾಯಿಲೆ ಮತ್ತು ಇತರ ದೈಹಿಕ ಅಸ್ವಸ್ಥತೆಗಳ ಚಿಕಿತ್ಸೆಗಾಗಿ ಸುಮಾರು ೨೬೦ಕ್ಕೂ ಹೆಚ್ಚಿನ ಔಷಧಗಳನ್ನು ಹೊಂದಿದೆ.

ಇತಿಹಾಸ[ಬದಲಾಯಿಸಿ]

೧೮೮೪ರಲ್ಲಿ ವೈದ್ಯಕೀಯ ಪದವಿ ಪಡೆದು ಜನತೆಯ ಏಳಿಗೆಗಾಗಿ ದುಡಿಯುವ ಉತ್ಕಟ ಬಯಕೆಯನ್ನು ಹೊತ್ತಿದ್ದ ಓರ್ವ ತರುಣ ವೈದ್ಯನಿಂದ ಡಾಬರ್‌ನ ಕಥೆಯು ಆರಂಭಗೊಂಡಿತು. ಈ ತರುಣ, ಡಾಕ್ಟರ್. ಎಸ್.ಕೆ. ಬರ್ಮನ್ ಇಂದು ವಿಶ್ವವಿಖ್ಯಾತಿ ಪಡೆದ ಡಾಬರ್ ಇಂಡಿಯಾ ಲಿಮಿಟೆಡ್‌ ಗೆ ತಳಪಾಯ ಹಾಕಿದ್ದನು. ಬಹುಬೇಡಿಕೆಯ ಮುದ್ರೆ ಹೊಂದಿದ ಈ ಡಾಬರ್ ಕಂಪನಿಯ ಹೆಸರು ಡಾಕ್ಟರ್ ಪದದ "ಡಾ" ಮತ್ತು ಬರ್ಮನ್ ಪದದ "ಬರ್" ಎಂಬ ಎರಡು ಪದಗಳಿಂದ ಹುಟ್ಟಿಕೊಂಡಿತು. ಇಂತಹ ಸಾಮಾನ್ಯಗತಿಯಿಂದ ಆರಂಭ ಹೊಂದಿದ ಈ ಕಂಪನಿಯು ಇಂದು ಬಳಕೆದಾರರ ಆರೋಗ್ಯರಕ್ಷಣೆ, ವೈಯಕ್ತಿಕ ರಕ್ಷಣೆ ಮತ್ತು ಆಹಾರ ಪದಾರ್ಥಗಳ ಭಾರತದ ಪ್ರಧಾನ ತಯಾರಕರಾಗಿ ಬೆಳೆದಿದೆ. ಸ್ಥಾಪನೆಗೊಂಡ ೧೨೫ ವರ್ಷಗಳಲ್ಲಿ ಡಾಬರ್ ಮುದ್ರಾಂಕಿತ ಕಂಪನಿಯು ತನ್ನ ನೈಸರ್ಗಿಕ ಜೀವನವಿಧಾನದ ಬಳಕೆಯಿಂದ "ಉತ್ತಮವಾದದ್ದು" ಎಂಬ ಖ್ಯಾತಿಯನ್ನು ಹೊತ್ತಿದೆ. ಡಾಬರ್ ಎಂಬ ಒಂದೇ ಸೂರಿನಡಿ ಕೇಶರಕ್ಷಣೆಯಿಂದ ಹಿಡಿದು ಜೇನಿನವರೆಗೆ ಹತ್ತು ಹಲವು ಉತ್ಪನ್ನಗಳ ತಯಾರಿಕೆಯನ್ನು ನಡೆಸುತ್ತಿರುವ ಈ ಕಂಪನಿಯು ಭಾರತ ಉತ್ಕೃಷ್ಟ ದರ್ಜೆಯ ಮುದ್ರಾಂಕಿತ ಕಂಪನಿಗಳ ಸಾಲಿನಲ್ಲಿ ಸ್ಥಾನಪಡೆದಿದೆ. ಈ ಮುದ್ರೆಯನ್ನು ಹೊತ್ತ ಉತ್ಪನ್ನಗಳು ಯಾವುದೇ ದೈಹಿಕ ದುಷ್ಪರಿಣಾಮಗಳನ್ನು ಉಂಟುಮಾಡುವುದಿಲ್ಲ ಎಂಬ ಭದ್ರ ನಂಬಿಕೆಯನ್ನೇ ತಳಹದಿಯನ್ನಾಗಿಸಿ ತಯಾರಿಸಲ್ಪಟ್ಟಿದೆ. ಈ ಮುದ್ರಾಂಕಿತ ಕಂಪನಿಯು ಆನಂದಿಸುವ ಈ ನಂಬಿಕೆಯ ಸ್ಥಾನಮಾನಗಳು ತುಂಬಾ ಎತ್ತರದಲ್ಲಿವೆ.

ಔಷಧಿ ತಯಾರಿಕಾ ಸಂಸ್ಥೆ[ಬದಲಾಯಿಸಿ]

ಡಾಬರ್ ಇಂಡಿಯಾ ಲಿಮಿಟೆಡ್ ನಾಲ್ಕನೆಯ ಬೃಹತ್ ಎಫ್‌ಎಮ್‌ಸಿಜಿ ಕಂಪನಿಯಾಗಿದೆ ಮತ್ತು ಅಂದಾಜು ಸುಮಾರು ೭೫೦ ಮಿಲಿಯನ್ ಅಮೇರಿಕನ್ ಡಾಲರ್‌ನಷ್ಟು (ರೂ. ೩೩೯೦.೯ ಕೋಟಿ, ಆರ್ಥಿಕ ವರ್ಷ ೦೯-೧೦) ವ್ಯವಹಾರಗಳನ್ನು ಹೊಂದಿದ್ದು ಡಾಬರ್ ಆಮ್ಲ, ಡಾಬರ್ ಚ್ಯವನಪ್ರಾಶ್, ವಾಟಿಕ, ಹಾಜ್‌ಮೋಲಾ ಮತ್ತು ರಿಯಲ್ ಮುದ್ರಾಂಕಿತ ಉತ್ಪನ್ನಗಳ ಜೊತೆಗೆ ಮಾರುಕಟ್ಟೆಯಲ್ಲಿ ಸುಮಾರು ೩.೫ ಬಿಲಿಯನ್ ಅಮೇರಿಕನ್ ಡಾಲರ್‌ನಷ್ಟು ಬಂಡವಾಳವನ್ನು ಹೊಂದಿದೆ. ಈ ಕಂಪನಿಯು ಹೊಸ ಜನಾಂಗದ ಬಳಕೆದಾರರ ಮೇಲೆಯೂ ತನ್ನ ದೃಷ್ಟಿಯನ್ನಿಟ್ಟಿದ್ದು, ಆಧುನಿಕ ಜೀವನವಿಧಾನಕ್ಕೆ ಅಗತ್ಯವಿರುವ ಉತ್ಪನ್ನಗಳನ್ನು ಹೊರತರುವುದರೊಂದಿಗೆ, ತನ್ನ ನಿಷ್ಠಾವಂತ ಹಳೆಯ ಬಳಕೆದಾರರರಿಗೆ ಯಾವುದೇ ರೀತಿಯಲ್ಲಿ ತೊಂದರೆಯಾಗದಂತೆ ತನ್ನ ಗುಣಮಟ್ಟವನ್ನು ಕಾಯ್ದುಕೊಂಡಿದೆ.

ಆರ್ಥಿಕ ನಿರ್ವಹಣೆಯ ದೃಷ್ಟಿಯಲ್ಲಿ ಡಾಬರ್ ಒಂದು ಬಂಡವಾಳ-ಸ್ನೇಹೀ ಮುದ್ರಾಂಕಿತ ಕಂಪನಿಯಾಗಿದೆ. ಕಂಪನಿಯ ಅಭಿವೃದ್ಧಿಯ ದರವು ಶೇಕಡಾ ೧೦ ರಿಂದ ಶೇಕಡಾ ೪೦ಕ್ಕೆ ಏರಿದೆ. ಎರಡು ವರ್ಷಗಳಲ್ಲಿ ನಿರೀಕ್ಷಿತ ಬೆಳವಣಿಗೆಯ ದರವು ದ್ವಿಗುಣವಾಗಿತ್ತು. ಬಂಡವಾಳಗಾರರಿಗೆ ಭಾರೀ ಪ್ರಮಾಣದ ಮಾಹಿತಿಯು ಲಭ್ಯವಿದ್ದು, ದೈನಂದಿನ ಶೇರು ಬೆಲೆಯೂ ಸೇರಿದಂತೆ, ಕಂಪನಿಯ ಭವಿಷ್ಯಕ್ಕೆ ಸಂಬಂಧಿಸಿದ ಹಲವಾರು ಮಾಹಿತಿಗಳು (ಕೇವಲ ಕೆಲವೇ ಭಾರತೀಯ ಕಂಪನಿಗಳು ಹೊಂದಿರುವಂತಹದು) ಸಹ ಲಭ್ಯವಾಗಿವೆ. ಯಾವುದೇ ದೃಷ್ಟಿಕೋನದಲ್ಲಿ ನೋಡಿದರೂ, ಇಲ್ಲಿ ಬಂಡವಾಳದಾರರ ನಿಧಿಯ ಮೇಲೆ ಹೆಚ್ಚಿನ ಜವಾಬ್ಧಾರಿಯನ್ನೇ ಹೊಂದಿರುವುದು ಕಂಡುಬರುತ್ತದೆ. ಇದು ಡಾಬರ್ ತನ್ನ ಪ್ರತಿಯೊಂದು ಘಟಕಗಳ ಮೇಲೆ ಕೈಗೊಂಡ ಜಾಗೃತಿ ತತ್ವದ ನೇರ, ವಿಸ್ತೃತ ಯೋಜನೆಯಾಗಿದೆ ಮತ್ತು ಇದು ಈ ಬ್ರಾಂಡ್ ಮೇಲಿನ ನಂಬಿಕೆಗೆ ಭದ್ರ ತಳಹದಿಯಾಗಿದೆ.

ಡಾಬರ್ ಫಾರ್ಮಾ ಲಿಮಿಟೆಡ್ ಮೂಲಕ ಡಾಬರ್ ಕಂಪನಿಯು ವಿಷಶಾಸ್ತ್ರದ ವೈಜ್ಞಾನಿಕ ಪರೀಕ್ಷೆಗಳನ್ನೂ ನಡೆಸುತ್ತದೆ ಹಾಗೂ ಆಯುರ್ವೈದ್ಯ ಔಷಧಿಗಳನ್ನು ವೈಜ್ಞಾನಿಕ ವಿಧಾನದಲ್ಲಿ ಮಾರುತ್ತದೆ. ಅಲ್ಲದೇ ಇವರು ಶಸ್ತ್ರಚಿಕಿತ್ಸಾ ಕೊಠಡಿಯಲ್ಲಿ ಬಳಕೆಗೆ ಬರುವಂತಹ ಹೊಸ ಔಷಧಿಗಳನ್ನು ಸಂಶೋಧಿಸಿ ದೇಶದಾದ್ಯಂತ ಹೊಸ ಮಾರುಕಟ್ಟೆಯನ್ನೇ ನಿರ್ಮಿಸಿದ್ದಾರೆ.

ಡಾಬರ್ ಆಹಾರ ಪದಾರ್ಥಗಳು, ಡಾಬರ್ ಇಂಡಿಯಾದ ಸಹ ವಾಣಿಜ್ಯ ಸಂಸ್ಥೆಯು ಸುಮಾರು ೨೫% ದರದಲ್ಲಿ ಬೆಳವಣಿಗೆಯನ್ನು ನಿರೀಕ್ಷಿಸುತ್ತಿದೆ. ಈ ಮುದ್ರೆಯ ಉತ್ಪನ್ನಗಳಾದ ರಿಯಲ್ ಮತ್ತು ಆಕ್ಟೀವ್ ಪಾನೀಯಗಳೆರಡೂ ಹಣ್ಣಿನ ಪಾನೀಯಗಳ ವಿಭಾಗಗಳಲ್ಲಿ ಮಾರುಕಟ್ಟೆಯಲ್ಲಿ ಈ ಕಂಪನಿಯನ್ನು ಅಗ್ರ ಸ್ಥಾನ ಪಡೆಯುವಂತೆ ಮಾಡಿವೆ.

ಘಟನೆಗಳು[ಬದಲಾಯಿಸಿ]

ವರ್ಷ: ಘಟನೆ:
೧೮೮೪ ಡಾಬರ್ ಇಂಡಿಯಾ ಲಿಮಿಟೆಡ್ ಎಂದು ಇಂದು ಕರೆಯಲ್ಪಡುವ ಈ ಕಂಪನಿಗೆ ಡಾ. ಎಸ್. ಕೆ ಬರ್ಮನ್ ಭದ್ರ ಬುನಾದಿ ಹಾಕಿದರು. ಕೋಲ್ಕತಾದಲ್ಲಿ ಪುಟ್ಟ ಅಂಗಡಿಯೊಂದಿಗೆ ಆರಂಭಿಸಿದ ಈತ ತನ್ನ ಔಷಧಗಳನ್ನು ಭಾರತದ ಯಾವುದೇ ಮೂಲೆಯಲ್ಲಿರುವ ಚಿಕ್ಕ ಹಳ್ಳಿಗಳಿಗೂ ಸಹ ಕಳುಹಿಸುವಂತಹ ನೇರ ಅಂಚೆ ವ್ಯವಸ್ಥೆಯನ್ನು ಹೊಂದಿದ್ದನು.
೧೮೯೬ ಡಾಬರ್ ಉತ್ಪನ್ನಗಳ ಬೇಡಿಕೆ ಹೆಚ್ಚಿದಂತೆ ಡಾ. ಎಸ್. ಕೆ ಬರ್ಮನ್ ತನ್ನ ಕೆಲವು ಔಷಧಗಳ ಬೃಹತ್ ಪರಿಮಾಣದ ತಯಾರಿಕೆಯ ಅಗತ್ಯತೆಯನ್ನು ಮನಗಂಡನು. ಹಾಗೆಯೇ, ಕೋಲ್ಕತಾ ಸಮೀಪದ ಗರಿಃಯಾದಲ್ಲಿ ಪುಟ್ಟ ಉತ್ಪಾದನಾ ಘಟಕವನ್ನೂ ಸ್ಥಾಪಿಸಿದನು.
೧೯೦೦ರ ಪ್ರಾರಂಭದಲ್ಲಿ ಬಡ ಭಾರತೀಯರನ್ನು ತಲುಪುವ ಆರೋಗ್ಯರಕ್ಷಣೆಯ ಅಗತ್ಯತೆಗಳನ್ನು ಪೂರೈಸಲು ಆಯುರ್ವೈದ್ಯ ಔಷಧಿಗಳೇ ಸೂಕ್ತ ಎಂದು ನಂಬಿದ ಬರ್ಮನ್‌ನ ನಂತರದ ತಲೆಮಾರಿನವರು ಆಯುರ್ವೈದ್ಯ ಔಷಧೀಯ ಮಾರುಕಟ್ಟೆಯನ್ನು ಪ್ರವೇಶಿಸುವ ಜಾಗೃತ ನಿರ್ಧಾರವನ್ನು ತಳೆದರು.
೧೯೧೯ ಮೂಲ ಆಯುರ್ವೈದ್ಯ ತತ್ವಗಳಿಗೆ ಲೋಪವಾಗದಂತೆ ಆಯುರ್ವೈದ್ಯ ಔಷಧಗಳನ್ನು ಬೃಹತ್ ಪ್ರಮಾಣದಲ್ಲಿ ಉತ್ಪಾದಿಸುವ ಪ್ರಕ್ರಿಯೆಯ ಸಂಶೋಧನೆಯಿಂದ ಮೊದಲ ಸಂಶೋಧನಾ ಮತ್ತು ಅಭಿವೃದ್ಧಿ ಪ್ರಯೋಗಾಲಯವು ಡಾಬರ್‌ನಲ್ಲಿ ಸ್ಥಾಪನೆಯಾಗಲು ಕಾರಣವಾಯಿತು. ಇದರಿಂದ, ಹಳೆಯ ಗ್ರಂಥಗಳಲ್ಲಿ ನಮೂದಿಸಲಾಗಿರುವ ಆಯುರ್ವೈದ್ಯ ಔಷಧಿಗಳು, ಅವುಗಳನ್ನು ತಯಾರಿಸುವ ವಿಧಾನ, ಮತ್ತು ಈ ಔಷಧ ವಸ್ತುಗಳ ಫಲದಾಯಕತೆ ಕಡಿಮೆಯಾಗದಂತೆ ಇವುಗಳನ್ನು ತಯಾರಿಸುವಲ್ಲಿ ಆಧುನಿಕ ಉಪಕರಣಗಳನ್ನು ಬಳಸುವ ಪ್ರಯತ್ನಗಳ ಬಗ್ಗೆ ಸಮಗ್ರ ಅಧ್ಯಯನ ನಡೆಸುವ ಕಷ್ಟ ಬಂದೊದಗಿತು.
೧೯೨೦ ನರೇಂದ್ರಪುರ್ ಮತ್ತು ಡಾಬರ್‌ಗ್ರಾಂಗಳಲ್ಲಿ ಆಯುರ್ವೈದ್ಯ ಔಷಧಗಳಿಗೆ ಬೇಕಾದ ಉತ್ಪಾದನಾ ಸೌಲಭ್ಯಗಳನ್ನು ಒದಗಿಸಿತು. ಡಾಬರ್ ತನ್ನ ವಿತರಣಾ ಜಾಲವನ್ನು ಬಿಹಾರ್ ಮತ್ತು ಈಶಾನ್ಯ ಭಾಗಗಳಿಗೆ ವಿಸ್ತರಿಸಿತು.
೧೯೩೬ ಡಾಬರ್ ಇಂಡಿಯಾ (ಡಾ. ಎಸ್.ಕೆ. ಬರ್ಮನ್) ಪ್ರೈವೇಟ್ ಲಿಮಿಟೆಡ್ ಸಂಘಟನೆಯಾಯಿತು.
೧೯೪೦ ಡಾಬರ್ ವೈಯಕ್ತಿಕ ರಕ್ಷಣೆಯ ಉತ್ಪನ್ನಗಳಾದ ಡಾಬರ್ ಆಮ್ಲ ಹೇರ್ ಆಯಿಲ್‌ನ್ನು ಮಾರುಕಟ್ಟೆಗೆ ಹೊರತಂದು ಯಶಸ್ವಿಯಾಗಿ ವಿಭಿನ್ನ ರೂಪದಲ್ಲಿ ತನ್ನನ್ನು ಗುರುತಿಸಿಕೊಂಡಿತು. ಈ ಸುವಾಸನಾಯುಕ್ತ ಸಮೃದ್ಧ ಕೂದಲಿನ ಎಣ್ಣೆಯು ಸಾಮಾನ್ಯ ಜನರೊಡನೆ ಚಿತ್ರತಾರೆಗಳನ್ನೂ ಆಕರ್ಷಿಸಿ ಭಾರತದ ಅತೀದೊಡ್ಡ ಕೂದಲಿಗೆ ಬಳಸುವ ಎಣ್ಣೆಯ ವ್ಯಾಪಾರ ಮುದ್ರೆಯಾಯಿತು.
೧೯೪೯ ಡಾಬರ್ ಚ್ಯವನ್‌ಪ್ರಾಶ್‍ನ್ನು ತುಂಬಿದ ಡಬ್ಬದಲ್ಲಿ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದ್ದು ಇದು ಭಾರತದ ಪ್ರಪ್ರಥಮ ಚ್ಯವನಪ್ರಾಶ್ ಎಂಬ ಖ್ಯಾತಿಪಡೆಯಿತು.
೧೯೫೬ ಡಾಬರ್ ತನ್ನ ಪ್ರಥಮ ಗಣಕಯಂತ್ರವನ್ನು ಖರೀದಿಸಿತು. ಖರ್ಚು-ವೆಚ್ಚಗಳ ಲೆಕ್ಕಾಚಾರಗಳು ಮತ್ತು ದಾಸ್ತಾನು ಸಂಗ್ರಹಗಳ ನಿರ್ವಹಣೆಯು ಗಣಕೀಕೃತಗೊಳಿಸಿದ ಮೊದಲ ಕ್ರಿಯೆಗಳು.
೧೯೭೦ ಬಾಯಿಯ ಆರೋಗ್ಯ ರಕ್ಷಣೆಯ ಉತ್ಪನ್ನಗಳನ್ನು ತಯಾರಿಸುವ ಮೂಲಕ ವೈಯಕ್ತಿಕ ರಕ್ಷಣೆಯ ಉತ್ಪನ್ನಗಳನ್ನು ತಯಾರಿಸುವ ತನ್ನ ಮಿತಿಯನ್ನು ವಿಸ್ತೃತಗೊಳಿಸಿತು. ಡಾಬರ್ ಲಾಲ್ ದಂತ ಮಂಜನ್ ಹೊರಬಂದು ಭಾರತದ ಗ್ರಾಮೀಣ ಮಾರುಕಟ್ಟೆಯನ್ನು ಬಹುವಾಗಿ ಆಕರ್ಷಿಸಿತು.
೧೯೭೨ ಡಾಬರ್ ತನ್ನ ಕೇಂದ್ರ ಕಾರ್ಯಸ್ಥಾನವನ್ನು ಕೋಲ್ಕತಾದಿಂದ ದೆಹಲಿಗೆ ವರ್ಗಾಯಿಸಿತು. ಉತ್ಪಾದನಾ ಸೌಲಭ್ಯಗಳನ್ನು ಬಾಡಿಗೆಗೆ ಖರೀದಿಸಿ ಫರಿದಾಬಾದ್‌ನಲ್ಲಿ ತನ್ನ ಉತ್ಪಾದನೆಯನ್ನು ಆರಂಭಿಸಿತು.
೧೯೭೮ ಡಾಬರ್ ಹಾಜ್‌ಮೋಲಾ ಗುಳಿಗೆಯನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿತು. ಶಾಸ್ತ್ರೀಯ ಆಯುರ್ವೈದ್ಯ ಔಷಧಿಯು ಮಾರುಕಟ್ಟೆಯಲ್ಲಿ ಮುದ್ರಾಂಕಿತಗೊಂಡಿದುದು ಇದೇ ಪ್ರಪ್ರಥಮ ಭಾರಿಗೆ. ಅದು "ಶುಧಾಬರ್ಧಕ್ ಬಾಟಿ" ಯು "ಹಾಜ್‌ಮೋಲಾ ಗುಳಿಗೆ" ಎಂಬ ಹೆಸರಿನಲ್ಲಿ ಮುದ್ರಾಂಕಿತಗೊಂಡಿತು.
೧೯೭೯ ಡಾಬರ್ ಸಂಶೋಧನಾ ಪ್ರತಿಷ್ಟಾನ (ಡಾಬರ್ ರಿಸರ್ಚ್ ಫೌಂಡೇಶನ್-ಡಿಆರ್‌ಎಫ್), ಸ್ವಾಯತ್ತ ಕಂಪನಿ ಸ್ಥಾಪನೆಗೊಂಡು ಮುಂಚೂಣಿ ಸ್ಥಾನ ಪಡೆದ ಡಾಬರ್‌ನ ಬಹುಮುಖ ಸಂಶೋಧನೆಗಳ ಕೇಂದ್ರವಾಯಿತು.
೧೯೭೯ ವಾಣಿಜ್ಯ ಉತ್ಪಾದನೆಗಳು ಸಹಿಬಾಬಾದ್‌ನಲ್ಲಿ ಆರಂಭಗೊಂಡಿತು. ಇದು ಆ ಕಾಲದ ಭಾರತದ ಆಯುರ್ವೈದ್ಯ ಔಷಧಿಗಳಿಗಾಗಿ ಒದಗಿಸಿದ ಬೃಹತ್ ಹಾಗೂ ಅತ್ಯಾಧುನಿಕ ಸೌಲಭ್ಯಗಳಲ್ಲಿ ಒಂದು. (ಮತ್ತು ಈಗಲೂ ಸಹ)
೧೯೮೪ ಡಾಬರ್ ಮುದ್ರಾಂಕಿತ ಉತ್ಪನ್ನಗಳು ನೂರರ ಗಡಿ ದಾಟಿದರೂ ಮಾರುಕಟ್ಟೆಯಲ್ಲಿ ಹೊಸ ಉತ್ಪನ್ನಗಳನ್ನು ಕಾಣಿಕೆಯನ್ನಾಗಿ ಕೊಟ್ಟು ಯಶಸ್ವಿಯಾಗುವ ಪರೀಕ್ಷೆಯನ್ನೆದುರಿಸುವಲ್ಲಿ ಡಾಬರ್ ಇನ್ನೂ ಕಿರಿಯ ಸ್ಥಾನದಲ್ಲಿದೆ.
೧೯೮೬ ವಿಡೋಗಮ್ ಸೀಮಿತಹೊಣೆ ಕಂಪನಿಯೊಂದಿಗೆ ವಿಲೀನಗೊಳ್ಳುವುದರ ಮೂಲಕ ಡಾಬರ್ ಒಂದು ಸಾರ್ವಜನಿಕ ಸೀಮಿತಹೊಣೆ ಕಂಪನಿಯಾಗಿ ರೂಪುಗೊಂಡಿತು ಮತ್ತು ಡಾಬರ್ ಇಂಡಿಯಾ ಕಂಪನಿ ಎಂದು ಪುನರ್ನಾಮಕರಣಗೊಂಡಿತು.
೧೯೮೯ ಹಾಜ್‌ಮೋಲಾ ಕ್ಯಾಂಡಿ ಮಾರುಕಟ್ಟೆಗೆ ಬಂದು ಮಕ್ಕಳ ಮನಸ್ಸನ್ನಾವರಿಸಿ ಮಾರುಕಟ್ಟೆಯ ಬೃಹತ್ ಪ್ರಮಾಣದ ಶೇರುದರವನ್ನು ಭದ್ರಪಡಿಸಿಕೊಂಡಿತು.
೧೯೯೨ ಸ್ಪೈನ್‌ನ ಆಗ್ರೋಲಿಮೆನ್ ಕಂಪನಿಯೊಂದಿಗೆ ಸಹಯೋಗತ್ವವನ್ನು ಪಡೆಯುವುದರೊಂದಿಗೆ ಭಾರತದಲ್ಲಿ ಬಬಲ್‌ಗಮ್‌ನಂತಹ ಮಿಠಾಯಿ ತಯಾರಿಕೆ ಮತ್ತು ಅದರ ವ್ಯಾಪಾರೋದ್ಯಮ ಕ್ಷೇತ್ರವನ್ನು ಪ್ರವೇಶಿಸಿತು.
೧೯೯೩ ಡಾಬರ್ ಕ್ಯಾನ್ಸರ್ ರೋಗನಿವಾರಣಾ ಸೂತ್ರಗಳನ್ನು ಹೊಂದಿರುವ ಸ್ಥಾವರಗಳನ್ನು ಬಡ್ಡಿ, ಹಿಮಾಚಲ ಪ್ರದೇಶಗಳಲ್ಲಿ ಸ್ಥಾಪನೆಗೊಳಿಸಿತು.
೧೯೯೪ ಡಾಬರ್ ಇಂಡಿಯಾ ಲಿಮಿಟೆಡ್ ತನ್ನ ಸಾರ್ವಜನಿಕ ವಿಚಾರದಲ್ಲಿ ಪ್ರಪ್ರಥಮವಾಗಿ ಗುರುತಿಸಲ್ಪಟ್ಟಿತು. ೧೦ರೂಗಳ ಶೇರು ಬಂಡವಾಳಕ್ಕೆ ಪ್ರತೀಶೇರಿಗೆ ರೂ.೮೫ರಂತೆ ಅಧಿಕ ಮೌಲ್ಯದಲ್ಲಿ ಮಾರಾಟವಾಯಿತು. ಈ ಘಟನೆಯು ಸುಮಾರು ೨೧ ಭಾರಿ ಆವರ್ತಿಸಿದ್ದು ಪ್ರತೀ ಭಾರಿ ನಿಗಧಿತ ಚಂದಾಹಣಕ್ಕಿಂತ ಹೆಚ್ಚಿನ ಚಂದಾಹಣ ಸಂಗ್ರಹವಾಯಿತು.
೧೯೯೪ ಮಾರಾಟ ಮತ್ತು ಮಾರುಕಟ್ಟೆ ಪ್ರಕ್ರಿಯೆಗಳನ್ನು ಮೂರು ಪ್ರತ್ಯೇಕ ವಿಭಾಗಗಳಾಗಿ ವಿಭಜಿಸುವ ಮೂಲಕ ತನ್ನ ವ್ಯವಹಾರವನ್ನು ಡಾಬರ್ ಗುರುತಿಸಿಕೊಂಡಿದೆ.
೧೯೯೪ ಇಂಟಾಕ್ಸೆಲ್ (ಪಾಕ್ಲಿಟಾಕ್ಸೆಲ್)ನ್ನು ಮಾರುಕಟ್ಟೆಗೆ ಹೊರತರುವ ಮೂಲಕ ಡಾಬರು ಕ್ಯಾನ್ಸರ್ ವಿರೋಧಿ ಮಾರುಕಟ್ಟೆಯನ್ನು ಪ್ರವೇಶಿಸಿತು. ಈ ಉತ್ಪನ್ನವನ್ನು ಜಾರಿಗೊಳಿಸಿದ ವಿಶ್ವದ ಕೇವಲ ಎರಡೇ ಕಂಪನಿಗಳಲ್ಲಿ ಡಾಬರ್ ಎರಡನೇಯದು. ಡಾಬರ್ ಸಂಶೋಧನಾ ಪ್ರತಿಷ್ಟಾನವು ಏಷಿಯದ "ಯೂ" ಮರದ ಎಲೆಗಳಿಂದ ಲಭ್ಯವಾಗುವ ಔಷಧೀಯ ವಸ್ತುಗಳನ್ನು ಪ್ರತ್ಯೇಕಿಸುವ ಏಕಮಾತ್ರ ಪರಿಸರಸ್ನೇಹಿ ಕಾರ್ಯವಿಧಾನವನ್ನು ಅಭಿವೃದ್ಧಿಗೊಳಿಸಿತು.
೧೯೯೫ ಆಹಾರೋತ್ಪನ್ನಗಳಿಗಾಗಿ ಅಸ್ಸಾಮಿನ ಓಸಿಯಂ ಮತ್ತು ಬೆಣ್ಣೆ ಹಾಗೂ ಇತರ ಕ್ಷೀರೋತ್ಪನಗಳಿಗೆ ಫ್ರಾನ್ಸ್‌ನ ಬಾಂಗ್ರೈನ್ ಕಂಪನಿಗಳೊಂದಿಗೆ ಪಾಲುದಾರಿಕೆಯನ್ನು ಪಡೆದುಕೊಂಡಿತು.
೧೯೯೬ ಡಾಬರ್ ತಾಜಾ ಹಣ್ಣಿನ ಪಾನೀಯಗಳ ತಯಾರಿಕೆಯನ್ನು ಆರಂಭಿಸಿ ಇದರಿಂದ ಸಂಸ್ಕರಿಸಿದ ಆಹಾರಪದಾರ್ಥಗಳ ತಯಾರಿಕೆಯ ಕ್ಷೇತ್ರಕ್ಕೆ ಕಂಪನಿಯು ಪ್ರವೇಶವಾಯಿತು. ಪ್ರಮುಖ ತಂಡವು ಮೂರು ಜನರನ್ನೊಳಗೊಂಡಿದ್ದು ಕಾರ್ತಿಕ್ ರೈನಾ, ಟ್ರೆಮ್ಯಾನ್ ಅಹ್ಲುವಾಲಿಯ ಮತ್ತು ರಾಜೀವ್ ಜೋಗ್ಟೆ ಇವರು ಈ ಮುದ್ರಾಂಕಿತ ಉತ್ಪನ್ನಗಳನ್ನು ಹೊರತಂದರು. ಡಾಬರ್‌ನ ಇತಿಹಾಸದಲ್ಲೇ ಈ ಮುದ್ರೆಯನ್ನು ಹೊಂದಿದ ಉತ್ಪನ್ನವು ಡಾಬರ್ ಪಡೆದ ಹಲವು ಬೃಹತ್ ಯಶಸ್ಸುಗಳಲ್ಲಿ ಒಂದು.
೧೯೯೭ ಆಹಾರ ಪದಾರ್ಥಗಳ ವಿಭಾಗವು ನಿರ್ಮಾಣಗೊಂಡು ರಿಯಲ್ ಹಣ್ಣಿನ ಪಾನೀಯಗಳು ಮತ್ತು ಹೊಮ್ಮಾಡೆ ಅಡುಗೆ ಮಿಶ್ರಣಗಳು ಈ ವಿಭಾಗದ ಪ್ರಮುಖ ಉತ್ಪನ್ನಗಳು.
೧೯೯೭ ಮುಂದಿನ ವರ್ಷಗಳಲ್ಲಿ ತ್ವರಿತ ಗತಿಯ ಅಭಿವೃದ್ಧಿಯ ಗುರಿಯನ್ನು ಹೊಂದಿದ ಕಂಪನಿಯು ಸ್ಟಾರ್ಸ್ (ಸ್ಟ್ರೈವ್ ಟೊ ಅಚೀವ್ ರೆಕೋರ್ಡ್ ಸಕ್ಸೆಸ್) ಯೋಜನೆಯನ್ನು ಆರಂಭಿಸಿತು. ಈ ಯೋಜನೆಯು ಅಭಿವೃದ್ಧಿಯ ದರವನ್ನು ಹೆಚ್ಚಿಸಲು ಮತ್ತು ಫಲದಾಯಕತೆಯನ್ನು ವೃದ್ಧಿಸಲು ಭವಿಷ್ಯೋದ್ದೇಶ, ರಚನಾವಿನ್ಯಾಸ ಮತ್ತು ಕಾರ್ಯನಿರ್ವಹಣೆಯಲ್ಲಿನ ಬದಲಾವಣೆಗಳನ್ನು ಉದ್ದೇಶಗಳನ್ನು ಹೊಂದಿದೆ.
೧೯೯೯–೨೦೦೦ ಡಾಬರ್ ರೂ.೧೦೦೦ ಕೋಟಿ ವ್ಯವಹಾರದ ತನ್ನ ಗಡಿಯನ್ನು ಸಾಧಿಸಿತು.

ವಿಸ್ತರಣೆ ಮತ್ತು ಹೂಡಿಕೆ[ಬದಲಾಯಿಸಿ]

  • ಭಾರತದ ಹೊರಗಿನ ದೇಶಗಳಲ್ಲಿನ ಸಂಪಾದನೆ ಮತ್ತು ಮೈತ್ರಿಯನ್ನು ಗಮನದಲ್ಲಿರಿಸಿಕೊಂಡು ಇದು ಮುಂದಿನ ನಾಲ್ಕು ವರ್ಷಗಳಲ್ಲಿ ವಿದೇಶೀ ವ್ಯಾಪಾರವನ್ನು ೧೧.೪% ರಿಂದ ೧೫% ರಷ್ಟು ಅಭಿವೃದ್ಧಿಗೊಳಿಸುವ ಗುರಿಯನ್ನು ಹೊತ್ತಿರುವ ಡಾಬರ್ ದೇಶ ವಿದೇಶಗಳ ಮಾರುಕಟ್ಟೆಗಳಲ್ಲೂ ತನ್ನ ವಿಸ್ತರಣಾ ಯೋಜನೆಯನ್ನು ಹಮ್ಮಿಕೊಳ್ಳುವ ಕಾರ್ಯತಂತ್ರವನ್ನು ಡಾಬರ್ ರೂಪಿಸುತ್ತಿದೆ.
  • ಪೆಪ್ಸಿ ಯ ಟ್ರೋಪಿಕಾನ ಮತ್ತು ಇತರ ಪಾನೀಯ ತಯಾರಿಕಾ ಬ್ರಾಂಡ್‌ಗಳ ಜೊತೆ ಸ್ಪರ್ಧಿಸುತ್ತಿರುವ ಡಾಬರ್ ೧೦೦ಕೋಟಿ ರೂಪಾಯಿಗಳನ್ನು ಸಂಸ್ಕರಣೆ ಮತ್ತು ಸಂಗ್ರಹಣೆಯಲ್ಲಿ ವಿನಿಯೋಗಿಸಿಕೊಳ್ಳುತ್ತಿದೆ.

ಡಾಬರ್ ಐಪಿಎಲ್ ತಂಡ ಕಿಂಗ್ಸ್ XI ಪಂಜಾಬ್‌ನ ಸಹ-ಮಾಲೀಕರು.

ಉಲ್ಲೇಖಗಳು[ಬದಲಾಯಿಸಿ]

ಬಾಹ್ಯ ಕೊಂಡಿಗಳು[ಬದಲಾಯಿಸಿ]

डाबर

"http://kn.wikipedia.org/w/index.php?title=ಡಾಬರ್&oldid=321622" ಇಂದ ಪಡೆಯಲ್ಪಟ್ಟಿದೆ