ಕಾಳಿಂಗ ಸರ್ಪ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
King Cobra
Conservation status
Scientific classification
ಸಾಮ್ರಾಜ್ಯ:
Animalia
ವಿಭಾಗ:
Chordata
ವರ್ಗ:
ಗಣ:
ಉಪಗಣ:
ಕುಟುಂಬ:
ಕುಲ:
Ophiophagus
ಪ್ರಜಾತಿ:
O. hannah
Binomial name
Ophiophagus hannah
Cantor, 1836
  Distribution of the King Cobra


ಕಾಳಿಂಗ ಸರ್ಪ ವು (ಒಫಿಯೊಫಗಸ್‌ ಹನ್ನಾ ) ೫.೬ ಮೀಟರ್‌ಗಳವರೆಗೆ (೧೮.೫ ಅ) ಬೆಳೆಯುವ ವಿಶ್ವದ ಅತಿ ಉದ್ದದ ವಿಷಪೂರಿತ ಹಾವು ಆಗಿದೆ.[೧] ಈ ಗುಂಪಿಗೆ ಸೇರಿದ ಹಾವುಗಳು ಆಗ್ನೇಯ ಏಷ್ಯಾ ಮತ್ತು ಭಾರತದ ಭಾಗಗಳಲ್ಲಿ ಕಾಣಸಿಗುತ್ತವೆ. ಇವುಗಳು ಅರಣ್ಯ ಪ್ರದೇಶಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ.

ಕಾಳಿಂಗ ಸರ್ಪದ ಬಾಹ್ಯ ಜೀವನ[ಬದಲಾಯಿಸಿ]

  • ಕಾಳಿಂಗ ಸರ್ಪವು ನಾಗರಹಾವಿನ ಗುಂಪಿಗೆ ಸೇರಿಲ್ಲ. ಹಾಗೆಯೇ ಕಾಳಿಂಗ ಸರ್ಪವು ತನ್ನದೇ ಆದ ಜೀವಿ ಕುಲದ ಗುಂಪುನ್ನು ಹೊಂದಿದೆ. ಇದರ ಕುತ್ತಿಗೆಯ ಗಾತ್ರ ಮತ್ತು ಪ್ರಕಾರದಲ್ಲಿನ ವೈವಿಧ್ಯಗಳಿಂದಾಗಿ ನಾಗರಹಾವುಗಳಿಗಿಂತ ಭಿನ್ನವಾಗಿವೆ. ಈ ಲಕ್ಷಣಗಳ ಅರಿವುಗಳ ಮೂಲಕ ಕಾಳಿಂಗ ಸರ್ಪವನ್ನು ಗುರುತಿಸಬಹುದು. ಕಾಳಿಂಗ ಸರ್ಪಗಳು ಇತರ ನಾಗರಹಾವುಗಳಿಗಿಂತ ದೊಡ್ಡದಾಗಿದ್ದು, ಇವುಗಳ ಕುತ್ತಿಗೆಯಲ್ಲಿ "^" ಸಂಕೇತದಂತಹ ಪಟ್ಟೆಯಿರುವುದು. ಆದರೆ ಉಳಿದ ನಾಗರಹಾವುಗಳಲ್ಲಿ ಎರಡು ಅಥವಾ ಒಂದು ಕಣ್ಣಿನಾಕಾರ ಸಂಕೇತಿಸುವ ಪಟ್ಟೆಯಿರುವುದು.
  • ಕಾಳಿಂಗ ಸರ್ಪದ ಜೀವ ಸಂಕುಲದ ಹೆಸರು ಒಫಿಯೊಫಗಸ್‌ ಆಗಿದ್ದು, ಇದರ ಅರ್ಥ "ಹಾವು-ಭಕ್ಷಕ" ಎಂದಾಗಿದೆ. ಇಲಿ ಹಾವು, ತಮ್ಮ ಆಹಾರಕ್ಕೆ ತಕ್ಕಂತಹ ದೊಡ್ಡ ಗಾತ್ರದ ಹೆಬ್ಬಾವುಗಳು ಮತ್ತು ಇತರ ವಿಷಪೂರಿತ ಹಾವುಗಳು (ಬಣ್ಣ,ಬಣ್ಣದ ಪಟ್ಟೆಯುಳ್ಳ(ಬಹುರಂಗಿ) ಹಾವು, ನಾಗರಹಾವು ಮತ್ತು ತನ್ನದೇ ಜಾತಿಯ ಚಿಕ್ಕ ಹಾವುಗಳು) ಸೇರಿದಂತೆ ಇತರ ಹಾವುಗಳು ಕಾಳಿಂಗ ಸರ್ಪದ ಆಹಾರ ಮೂಲವಾಗಿವೆ.
  • ಕಾಳಿಂಗ ಸರ್ಪದ ವಿಷವು ಮೂಲತಃ ನಿರೊಕಾಕ್ಸಿಕ್‌(ನೇರವಾಗಿ ಮಾನವನ ನರಮಂಡಲಕ್ಕೆ ವಿಷ ಸ್ಪ್ರುರಿಸುವ) ಆಗಿದ್ದು, ಒಂದೇ ಕಡಿತಕ್ಕೆ ಒಬ್ಬ ಮನುಷ್ಯನನ್ನು ಕೊಲ್ಲುವ ಸಾಮರ್ಥ್ಯ ಹೊಂದಿದೆ.[೨] ಒಂದು ಕಡಿತದಿಂದ ಸಾವಿನ ಪ್ರಮಾಣ ಅತಿ ಗರಿಷ್ಠ,೭೫%[೨]ರಷ್ಟು [೩][೪] ಎನ್ನಲಾಗಿದ್ದು, ಅಥವಾ ಕಡಿಮೆಯೆಂದರೆ ೩೩%ರಷ್ಟು ಕಾಣಬರುತ್ತದೆ.[೫]ಚಿಕಿತ್ಸೆಯನ್ನಾಧರಿಸಿದಂತೆ ಇದರ ಪ್ರಮಾಣ ಇಳಿಮುಖವಾಗುತ್ತದೆ. ಈ ಹಾವುಗಳು ಏಷ್ಯಾದ ಅತಿ ಹೆಚ್ಚು ಅಪಾಯಕಾರಿ ಹಾವುಗಳಲ್ಲಿ ಒಂದಾಗಿವೆ.

ಬದುಕಿನ ಚಿತ್ರಣದ ಕಿರುಪರಿಚಯ[ಬದಲಾಯಿಸಿ]

ವಯಸ್ಕ ಗಂಡು ಕಾಳಿಂಗ ಸರ್ಪ
  • ಕಾಳಿಂಗ ಸರ್ಪವು ಉದ್ದದ ಮತ್ತು ಬಲಯುತ ಹಾವಾಗಿದೆ. ಇದು ಸರಾಸರಿ ೩.೬–೪ ಮೀಟರ್‌ನಷ್ಟು (೧೨–೧೩ ಅಡಿ) ಉದ್ದವಿದ್ದು, ಸುಮಾರು ೬ ಕಿಲೋಗ್ರಾಮ್‌ನಷ್ಟು (೧೩.೨ ಪೌಂಡ್‌ಗಳು) ತೂಕ ಹೊಂದಿರುವುದು. ವಿವಿಧ ಜಾತಿಯ ಕಾಳಿಂಗ ಸರ್ಪಗಳನ್ನು ಲಂಡನ್‌ ಮೃಗಾಲಯದಲ್ಲಿ ಬಂಧಿಸಿಡಲಾಗಿತ್ತು.ಎರಡನೇ ಮಹಾಯುದ್ಧದ ಕಾರಣದಿಂದ ಅವುಗಳು ಸಾಯುವ ಮೊದಲು ೫.೭ ಮೀಟರ್‌ನಷ್ಟು (೧೮.೮ ಅಡಿ) ಬೆಳೆದಿದ್ದವು ಎಂದು ಪ್ರಾಣಿ ಸಂಗ್ರಹಾಲಯದವರು ಹೇಳುತ್ತಾರೆ.[೬] ಕಾಳಿಂಗ ಸರ್ಪಗಳು ದೊಡ್ಡ ಗಾತ್ರದಲ್ಲಿದ್ದರೂ, ವೇಗವಾಗಿ ಚಲಿಸಬಲ್ಲವಾಗಿದ್ದು, ಚುರುಕಾಗಿರುತ್ತವೆ. ಇವು ಕಡುಹಸಿರು, ಕಂದು ಅಥವಾ ಕಪ್ಪು ಬಣ್ಣದ ಚರ್ಮ ಹೊಂದಿದ್ದು, ದೇಹದ ಕೆಳಭಾಗದಲ್ಲಿ ಮಸುಕಾದ ಹಳದಿ ಬಣ್ಣ ಹೊಂದಿರುತ್ತವೆ. ಹಾವಿನ ಹೊಟ್ಟೆಯ ಭಾಗವು ಕೆನೆಹಾಲಿನ ಬಣ್ಣ ಅಥವಾ ಮಸುಕಾದ ತಿಳಿ ಹಳದಿ ಬಣ್ಣ ಹೊಂದಿರುತ್ತದೆ.
  • ಅಲ್ಲದೇ ಇದು ಮೃದುವಾಗಿರುವುದು. ಒಂದು ಪ್ರೌಢ ಕಾಳಿಂಗ ಸರ್ಪದ ತಲೆಯು ದೊಡ್ಡ ಗಾತ್ರ ಮತ್ತು ತೂಕ ಹೊಂದಿರುವಂತೆ ಕಾಣಿಸುವುದು. ಇತರ ಹಾವುಗಳಂತೆ ಕಾಳಿಂಗ ಸರ್ಪಗಳು ತಮ್ಮ ಬೇಟೆಯನ್ನು ನುಂಗಲು ಬಾಯಿ ಭಾಗದ ದವಡೆ ಅಗಲಿಸುವ ಸಾಮರ್ಥ್ಯ ಹೊಂದಿವೆ. ಇದು ಪ್ರೋಟೆರೊಗ್ಲಿಫ್‌(ಒಂದೇ ಸಮರೂಪದ) ದಂತರಚನೆ ಹೊಂದಿದೆ.
  • ಅಂದರೆ ಇವು ಬಾಯಿಯ ಮುಂಭಾಗದಲ್ಲಿ ಎರಡು ಚಿಕ್ಕ, ಸ್ಥಿರ ವಿಷದ ಹಲ್ಲುಗಳನ್ನು ಹೊಂದಿದೆ. ಇದು ಚರ್ಮದಡಿಯಲ್ಲಿದ್ದು ಪಿಚಕಾರಿಯಂತೆ ಬೇಟೆಯ ಶರೀರದೊಳಗೆ ವಿಷ ಪ್ರವಹಿಸುವಂತೆ ಮಾಡುತ್ತದೆ. ಹೆಣ್ಣು ಹಾವಿಗಿಂತ ಗಂಡು ಹಾವು ಗಾತ್ರದಲ್ಲಿ ದೊಡ್ಡದು ಮತ್ತು ದಪ್ಪನಾಗಿರುವುದು.ವಿಷದ ಹಲ್ಲುಗಳೂ ದೊಡ್ಡದಾಗಿರುತ್ತವೆ. ಕಾಳಿಂಗ ಸರ್ಪದ ಸರಾಸರಿ ಜೀವಿತಾವಧಿ ಸುಮಾರು ೨೦ ವರ್ಷಗಳು.

ಆವಾಸ ಸ್ಥಾನ[ಬದಲಾಯಿಸಿ]

  • ಕಾಳಿಂಗ ಸರ್ಪವು ದಕ್ಷಿಣ ಮತ್ತು ಆಗ್ನೇಯ ಏಷ್ಯಾದಲ್ಲಿ ಕಂಡು ಬರುತ್ತಿದ್ದವು. ಆದರೆ ಅವುಗಳು ಸಾಮಾನ್ಯವಾಗಿ ಕಂಡು ಬರುವುದಿಲ್ಲ. ಇವುಗಳು ಎತ್ತರದ ದಟ್ಟ ಅರಣ್ಯ ಪ್ರದೇಶಗಳಲ್ಲಿ ಕಂಡುಬರುತ್ತದೆ.[೧][೭] ಹೆಚ್ಚಾಗಿ ಸರೋವರ ಮತ್ತು ಹಳ್ಳಗಳು ಆಸುಪಾಸಿನ ಪ್ರದೇಶದಲ್ಲಿ ಹೆಚ್ಚಾಗಿ ವಾಸಿಸುತ್ತವೆ.
  • ಅರಣ್ಯನಾಶದಿಂದಾಗಿ ಕಾಳಿಂಗ ಸರ್ಪದ ಸಂಖ್ಯೆಯು ಕಡಿಮೆಯಾಗುತ್ತಿದೆ. ಆದರೆ ಇದು ಅಳಿವಿನಂಚಿನಲ್ಲಿರುವ ಹಾವುಗಳಂತೆ IUCNನ ಪಟ್ಟಿಯಲ್ಲಿ ದಾಖಲಾಗಿಲ್ಲ. ಇದು ಕೇವಲ ದಾಖಲೆಗಳಲ್ಲಿ ಅನುಬಂಧ II ಪ್ರಾಣಿಗಳ ವರ್ಗದಲ್ಲಿ ದಾಖಲಾಗಿದೆ.[೮]

ಬೇಟೆ[ಬದಲಾಯಿಸಿ]

  • ಇತರ ಹಾವುಗಳಂತೆ ಕಾಳಿಂಗ ಸರ್ಪಗಳು ತಮ್ಮ ಸೀಳು ನಾಲಿಗೆಗಳ ಮೂಲಕ ರಸಾಯನಿಕ ಸಂಕೇತ (“ವಾಸನೆ”) ಪಡೆಯುವವು. ಶರೀರದ ಸೂಕ್ಷ್ಮ ಭಾಗದಿಂದ ವಾಸನೆ ಗ್ರಹಿಸಿ, ತಮ್ಮ ಬಾಯಿಯ ಮೇಲ್ಗಡೆಯಿರುವ ವಿಶೇಷ ಸಂವೇದನ ಗ್ರಹಣ ಶಕ್ತಿಗೆ ಜಕೋಬ್ಸನ್‌ರ (ಎಂಬ)ಅಂಗ)ದ ಮೂಲಕ ಬೇಟೆಯ ಇರುವಿಕೆಯ ಮಾಹಿತಿಯನ್ನು ವರ್ಗಾಯಿಸುತ್ತವೆ.[೧]
  • ಆಹಾರದ ವಾಸನೆ ಪತ್ತೆಯಾದಾಗ, ಬೇಟೆಯ ದಿಕ್ಕು ತಿಳಿಯಲು ಹಾವು ತನ್ನ ನಾಲಿಗೆಯನ್ನು (ಸೀಳು ನಾಲಿಗೆಯು ಸ್ಟೀರಿಯೊದಂತೆ ಕಾರ್ಯನಿರ್ವಹಿಸುವುದು) ಹೊರ ಚಾಚು ವುದು; ಕಾಳಿಂಗ ಸರ್ಪದ ತೀಕ್ಷ್ಣ ದೃಷ್ಟಿ (ಕಾಳಿಂಗ ಸರ್ಪಗಳು ೧೦೦ ಮೀಟರ್‌ [300 ಅಡಿ] ದೂರದಲ್ಲಿ ಚಲಿಸುತ್ತಿರುವ ತನ್ನ ಬೇಟೆಯನ್ನು ಪತ್ತೆ ಹಚ್ಚ ಬಲ್ಲವು), ಬುದ್ಧಿಶಕ್ತಿ[೯] ಮತ್ತು ಬೇಟೆ ಪತ್ತೆಗೆ ಭೂಮಿಯ ಕಂಪನದ ಸಂವೇದನತ್ವ ಗ್ರಹಿಸುವ ಶಕ್ತಿ ಹೊಂದಿವೆ.{1/ ವಿಷಕಾರಿದ ನಂತರ, ಕಾಳಿಂಗ ಸರ್ಪವು ತನ್ನ ಬೇಟೆಯನ್ನು ನುಂಗಲು ಪ್ರಾರಂಭಿಸುವುದು. ಆಗ ಹಾವಿನಲ್ಲಿರುವ ಟಾಕ್ಸಿನ್‌ಗಳು(ವಿಷಕಾರಕ) ನುಂಗಿದ ಆಹಾರದ ಜೀರ್ಣ ಕ್ರಿಯೆಯನ್ನು ಪ್ರಾರಂಭಿಸುವುದು.[೧]
  • ಇತರ ಹಾವುಗಳಂತೆ ಕಾಳಿಂಗ ಸರ್ಪಗಳು ಸುಸ್ಥಿರ ಜೋಡಣೆಯ ದವಡೆಗಳನ್ನು ಹೊಂದಿಲ್ಲ. ಅದರ ಬದಲಿಗೆ, ದವಡೆ ಮೂಳೆಗಳ ಹೆಚ್ಚು ಬಾಗುವಿಕೆಯಿಂದಾಗಿ ಅಸ್ತಿಬಂಧನಿಗಳಿಂದ ಸಂಪರ್ಕಿಸಲ್ಪಟ್ಟಿದೆ. ಹೀಗಾಗಿ ಕೆಳಗಿನ ದವಡೆಯ ಮೂಳೆಗಳು ಸ್ವತಂತ್ರ ಮತ್ತು ಸುಲಭವಾಗಿ ಚಲಿಸಬಲ್ಲವು.[೧] ಇತರ ಹಾವುಗಳಂತೆ ಕಾಳಿಂಗ ಸರ್ಪವು ತನ್ನ ಆಹಾರವನ್ನು ಜಗಿಯದೆ, ಸಂಪೂರ್ಣವಾಗಿ ನುಂಗುವುದು.
  • ದವಡೆ ಅಗಲಿಸುವಿಕೆಯಿಂದಾಗಿ ತನ್ನ ತಲೆಗಿಂತಲೂ ದೊಡ್ಡದಾಗ ಬೇಟೆಯನ್ನು ಅದು ನುಂಗಿ (ಆಹಾರ)ಅರಗಿಸಿಕೊಳ್ಳಬಹುದಾಗಿದೆ[೧]. ರಾತ್ರಿ ಕಡಿಮೆ ಕಾಣಿಸಿಕೊಂಡರೂ, ಕಾಳಿಂಗ ಸರ್ಪಗಳು ಯಾವುದೇ ಸಮಯದಲ್ಲಿ ಬೇಟೆಯನ್ನಾಡಬಹುದಾಗಿದೆ. ಬಹುತೇಕ ಪ್ರಖ್ಯಾತ ಸರೀಸೃಪ ವಿಜ್ಞಾನಿಗಳು ಇದನ್ನು ದಿವಾಚರ (ಹಗಲಿನಲ್ಲಿ ಹೆಚ್ಚಾಗಿ ಕಾರ್ಯನಿರ್ವಹಿಸುವ) ಜಾತಿಯ ಸರಿಸೃಪಗಳಿಗೆ ಹೋಲಿಸುತ್ತಾರೆ.[೧][೨]

ಆಹಾರ ಕ್ರಮ[ಬದಲಾಯಿಸಿ]

  • ಕಾಳಿಂಗ ಸರ್ಪದ ಆಹಾರ ಕ್ರಮವು ಪ್ರಮುಖವಾಗಿ ಇತರ ಹಾವುಗಳನ್ನು ಒಳಗೊಂಡಿದೆ (ಒಫಿಯೊಫಜಿ): ಹೆಬ್ಬಾವುಗಳುನಂತಹ ವಿಷಕಾರಿಯಲ್ಲದ ಹಾವು ಮತ್ತು ತೀಕ್ಷ್ಣ ವಿಷದ ಪಟ್ಟೆ ಹಾವುಗಳನ್ನು ಒಳಗೊಂಡಿರುವ ವಿಷಪೂರಿತ ಹಾವುಗಳು[೨]<refname = "co born"/> ಇದರ ಆಹಾರವಾಗಿದೆ. ಆಹಾರದ ಕೊರತೆಯಾದಾಗ, ಕಾಳಿಂಗ ಸರ್ಪವು ಹಲ್ಲಿಗಳು, ಪಕ್ಷಿಗಳು ಮತ್ತು ಇಲಿ, ಮೊಲದಂತಹ ಚಿಕ್ಕ ಕಶೇರುಕ ಪ್ರಾಣಿಗಳನ್ನು ಸಹ ತಿನ್ನುವುದು.
  • ಕೆಲವು ಸಂದರ್ಭಗಳಲ್ಲಿ ಇದು ಸುಲಭವಾಗಿ ಬಾಗುವ ತನ್ನ ಸ್ನಾಯು ಬಲ ಬಳಸಿ, ಪಕ್ಷಿಗಳು ಮತ್ತು ದೊಡ್ಡ ಗಾತ್ರದ ಕಶೇರುಕಗಳಂತಹವುಗಳ ಗಾತ್ರ “ಕುಗ್ಗಿಸಿ,” ನುಂಗಬಲ್ಲವು. ಆದರೂ ಇದು ಅಪರೂಪವೆನ್ನಬಹುದು.[೧][೧೦] ಕಾಳಿಂಗ ಸರ್ಪದ ನಿಧಾನಗತಿಯ ಚಯಾಪಚಯಿ(ಜೀರ್ಣ) ಕ್ರಿಯೆಯಿಂದಾಗಿ, ಒಂದು ಬಾರಿ ದೊಡ್ಡ ಪ್ರಮಾಣದಲ್ಲಿ ಆಹಾರ ಸೇವಿಸಿದ ನಂತರ, ಹಲವು ತಿಂಗಳವರೆಗೆ ಅದಕ್ಕೆ ಆಹಾರದ ಅಗತ್ಯವಿರು ವುದಿಲ್ಲ.[೧] ಇಲಿ ಹಾವು ಕಾಳಿಂಗ ಸರ್ಪದ ಸಾಮಾನ್ಯ ಆಹಾರವಾಗಿದೆ. ಕಾಳಿಂಗ ಸರ್ಪಗಳು ಇಲಿಗಳ ಆಕರ್ಷಣೆಯಿಂದಾಗಿ ಹುಡುಕಿ ಕೊಂಡು ಮಾನವನ ಆವಾಸ ಸ್ಥಾನಗಳಿಗೆ ಬರುತ್ತವೆ.

ರಕ್ಷಣೆ[ಬದಲಾಯಿಸಿ]

  • ಕಾಳಿಂಗ ಸರ್ಪ ಬೆದರಿಸಿದಾಗ, ತನ್ನ ದೇಹದ ಮೂರನೇ ಒಂದು ಭಾಗದಷ್ಟು ಗೋಣನ್ನು ಮೇಲೆತ್ತಿ, ಕುತ್ತಿಗೆ (ವಯಸ್ಕರ ಮೊಣಕೈಯನ್ನು ಸುತ್ತಬಹುದಾದಷ್ಟು) ನೇರಗೊಳಿಸಿ, ವಿಷದ ಹಲ್ಲುಗಳ ತೋರಿಸುವ ಮೂಲಕ ಜೋರಾಗಿ ಬುಸುಗುಟ್ಟುವುದು.
  • ತೀರಾ ಹತ್ತಿರಕ್ಕೆ ಬರುವ ವಸ್ತು ಅಥವಾ ಜೀವಿಗಳ ಅನೀರಿಕ್ಷಿತ ಚಲನೆಯಿಂದಾಗಿ ಅವು ಹಠಾತ್ತನೆ ಕೆರಳುತ್ತವೆ. ಕಾಳಿಂಗ ಸರ್ಪಗಳು ಬಹಳಷ್ಟು ಬಾರಿ ಹಠಾತ್ ದಾಳಿ ನಡೆಸುವುದಲ್ಲದೇ ಸುಮಾರು ೭ ಅಡಿಯಷ್ಟು ದೂರದಿಂದಲೇ ಅಪ್ಪಳಿಸಿ ಬಲಿ ಹಿಡಿಯುವ ಸಾಮರ್ಥ್ಯ ಹೊಂದಿವೆ.
  • ನಿರೊಟಾಕ್ಸಿಕ್‌ಗಳಿಗೆ(ನರಗಳ ಮೇಲೆ ವಿಷದಿಂದಾಗುವ) ಪ್ರತಿರೋಧ ಹೊಂದಿರುವ ಮುಂಗುಸಿಯಂತಹ ಸ್ವಾಭಾವಿಕ ಪರಭಕ್ಷಕ ಜೀವಿಗಳನ್ನು ಕಾಳಿಂಗ ಸರ್ಪಹೋರಾಟ ಮಾಡಿ ಎದುರಿಸಿದರೆ,[೧೧]
  • ಸಾಮಾನ್ಯವಾಗಿ ಹಾವುಗಳು ಅದರಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸುವವು. ಒಂದು ವೇಳೆ ಅದಕ್ಕೆ ತಪ್ಪಿಸಿಕೊಳ್ಳಲು ಸಾಧ್ಯವಾಗದಿದ್ದರೆ, ಅದು ನಾಗರ ಹಾವಿನ ಮಾದರಿ ಯಲ್ಲಿ ಗಟ್ಟಿಯಾಗಿ ಬುಸುಗುಟ್ಟಿ, ಕೆಲವೊಮ್ಮೆ ಬಾಯಿ ಮುಚ್ಚಿದಂತೆ ನಟಿಸಿ, ಎದುರಿನ ಪ್ರಾಣಿಯ ಮೇಲೆ ಜೋರಾಗಿ ಅಪ್ಪಳಿಸುವುದು. ಆ ಸಂದರ್ಭದಲ್ಲಿ ಕಾಳಿಂಗ ಸರ್ಪದ ಈ ಪ್ರಯತ್ನ ಪರಿಣಾಮಕಾರಿಯಾಗಿ ಫಲಕಾರಿಯಾಗುತ್ತದೆ. ವಿಶೇಷವಾಗಿ ಬೇಟೆ ಯಾಡುವುದರಲ್ಲಿ ಕಾಳಿಂಗ ಸರ್ಪವು ಮುಂಗುಸಿಯಂತಹ ಸಸ್ತನಿಗಳಿಗಿಂತ ಹೆಚ್ಚು ಅಪಾಯಕಾರಿ. ಇದು ಚಿಕ್ಕ ಸಸ್ತನಿಗಳನ್ನು ಸುಲಭವಾಗಿ ಕೊಲ್ಲುವುದು.

ವಿಷ[ಬದಲಾಯಿಸಿ]

  • ಪ್ರೋಟಿನ್‌ಗಳು ಮತ್ತು ಪಾಲಿಪೆಪ್ಟೈಡ್‌(ಅಮೀನೊ ಆಮ್ಲ)ಗಳನ್ನು ಒಳಗೊಂಡಿರುವ ಕಾಳಿಂಗ ಸರ್ಪದ ವಿಷವು ಹಾವಿನ ಕಣ್ಣಿನ (ಇತರ ಹಾವುಗಳಲ್ಲಿ ರುವಂತೆ) ಹಿಂಭಾಗದಲ್ಲಿರುವ ವಿಶೇಷ ಲಾಲಾರಸ ಗ್ರಂಥಿಗಳ ಮೂಲಕ ಉತ್ಪತ್ತಿಯಾಗುವುದು. ಬೇಟೆಯಾಡುವ ಪ್ರಾಣಿಯನ್ನು ಕಚ್ಚಿದಾಗ, ವಿಷವು ಹಾವಿನ ಅರ್ಧ ಅಂಗುಲದ (೧.೨೫ ಸೆ.ಮೀ) ವಿಷದ ಹಲ್ಲುಗಳ ಮೂಲಕ ಗಾಯದೊಳಗೆ ನುಸುಳುವುದು.
  • ಈ ಹಿಂದಿನ ಸಂಶೋಧನೆಯಂತೆ ಕಾಳಿಂಗ ಸರ್ಪದ ವಿಷವು LD/೫೦ ಅಳತೆಯಂತೆ ೧.೭ mg/kg ನಷ್ಟು ಎಂದು ಪರಿಗಣಿಸಲಾಗುತ್ತಿತ್ತು (ಅತಿ ಕಡಿಮೆ ವಿಷಕಾರಿ ಹಾವುಗಳಲ್ಲಿ ಒಂದು ಎಂದು). ಆದರೂ, ಇದು ಯಾವಾಗಲೂ ಸತ್ಯ ಸಂಗತಿಯಾಗಿರುವುದಿಲ್ಲ. ಇತ್ತೀಚಿನ ಟಾಕ್ಸಿನಾಲಜಿ(ಹಾವಿನ ವಿಷದ ಅಧ್ಯಯನ) ಪ್ರಕಾರ, ಚೀನಾದ ಕಾಳಿಂಗ ಸರ್ಪದ LD/೫೦ರಷ್ಟು ಪ್ರಮಾಣಕ್ಕೆ ಹೋಲಿಸಿದರೆ ಇದರ ವಿಷವು ೦.೩೪ mg/kg-೦.೪೬ mg/kgಯಷ್ಟಿರುವುದು.
  • ಅಂದರೆ ಇದು ಚೀನಾದ ನಾಗರಹಾವುಗಳಂತಹ [೫] ಇತರ ಜಾತಿಯಲ್ಲಿರುವ ನಾಗರಹಾವುಗಳ ವಿಷಕ್ಕಿಂತ ಹೆಚ್ಚು ಪ್ರಮಾಣದ್ದಾಗಿದೆ ಎಂದು ತಿಳಿದುಬಂದಿದೆ. ಆದರೂ ಸಹ ಕಾಳಿಂಗ ಸರ್ಪದ ವಿಷದ ಪ್ರಮಾಣವು ಇತರ ಕೆಲವು ವಿಷಕಾರಿ ಹಾವುಗಳಿಗಿಂತ (ಟೈಪ್ಯಾನ್‌,(ಆಸ್ಟ್ರೇಲಿಯಾದಲ್ಲಿನ ದೊಡ್ಡ ವಿಷದ ಹಾವು) ಬಣ್ಣ,ಬಣ್ಣದ ಪಟ್ಟೆಹಾವು,ಗಿಂತ ಇತ್ಯಾದಿಗಳಂತಹ) ದುರ್ಬಲವಾಗಿದೆ.
  • ಕಾಳಿಂಗ ಸರ್ಪಗಳು ಇತರ ಜಾತಿಯ ಹಾವುಗಳಿಗಿಂತ ಹೆಚ್ಚಿನ ಪ್ರಮಾಣದಲ್ಲಿ ವಿಷ ಹೊರಸೂಸುತ್ತವೆ. ಕಾಳಿಂಗ ಸರ್ಪವು ಒಂದು ಬಾರಿಗೆ ೩೮೦-೬೦೦ mgಯಷ್ಟು ವಿಷವನ್ನು (ಇದು ೨೦-೪೦ ವಯಸ್ಕ ಮನುಷ್ಯರನ್ನು ಕೊಲ್ಲಲು ಸಾಕಾಗುವುದು) ಶರೀರದೊಳಗೆ ಸೇರಿಸುವ ಶಕ್ತಿ ಹೊಂದಿವೆ. ಇಷ್ಟೊಂದು ಪ್ರಮಾಣದ ವಿಷವು ಆನೆಯ ನ್ನುಗಂಟೆಗಳೊಳಗೆ ಕೊಲ್ಲಲು ಸಾಕಾಗುವುದೆಂದು ಹೇಳಲಾಗುತ್ತದೆ.
  • ಒಂದು ಬಾರಿ ಕಾಳಿಂಗ ಸರ್ಪ ಕಚ್ಚಿದಲ್ಲಿ, ಅದರ ವಿಷದ ಭೀಕರ ಪ್ರಮಾಣದಿಂದಾಗಿ ಮನುಷ್ಯ ೧೫ ನಿಮಿಷಗಳೊಳಗೆ ಸಾವನ್ನಪ್ಪುವನು. ಆದರೂ, ಬಹುತೇಕ ಸಂದರ್ಭದಲ್ಲಿ ೩೦–೪೫ ನಿಮಿಷಗಳ ತನಕ ಬದುಕಿರುವ ಸಾಧ್ಯತೆ ಇರುತ್ತದೆ.[೫][೧೨][೧೩]
  • ಕಾಳಿಂಗ ಸರ್ಪದ ವಿಷ ಮೂಲತಃ ನರಮಂಡಲದ ಮೇಲಿನ ಭೀಕರ ಪ್ರಭಾವದ್ದಾಗಿದೆ. ಇದು ನ್ಯೂರೋಟಾಕ್ಸಿಕ್ ಆಗಿ ಬಲಿ ಪ್ರಾಣಿಯ ಮೇಲೆ ದುಷ್ಪರಿಣಾಮವನ್ನುಂಟು ಮಾಡುತ್ತದೆ. ಹಾಗಾಗಿ ಕಚ್ಚಿಸಿಕೊಂಡ ಪ್ರಾಣಿಯ ಕೇಂದ್ರ ನರಮಂಡಲ ವ್ಯವಸ್ಥೆಯ ಮೇಲೆ ಪರಿಣಾಮವನ್ನು ಬೀರಿ ತೀವ್ರಗತಿಯ ನೋವು, ದೃಷ್ಟಿ ಮಂದ, ತಲೆತಿರುಗುವಿಕೆ, ಜಡತ್ವ ಮತ್ತು ಪಾರ್ಶ್ವ ವಾಯು ಗೆ ತುತ್ತಾಗುವ ಸಂಭವವಿದೆ.[೧೨]
  • ಈ ವಿಷವು ಹೃದಯ ರಕ್ತನಾಳವನ್ನು ಹಾಳುಮಾಡುವುದರಿಂದ, ಕಡಿತಕ್ಕೊಳಗಾದ ಪ್ರಾಣಿಯು ವಿಸ್ಮೃತಿ ಯ ಸ್ಥಿತಿ ತಲುಪುವುದು. ಹೀಗಾಗಿ ಅನೀರಿಕ್ಷಿತ ಉಸಿರಾಟದ ವೈಫಲ್ಯದಿಂದಾಗಿ ಸಾವು ಸಂಭವಿಸುವುದು.
  • ಕಾಳಿಂಗ ಸರ್ಪ ಕಡಿತದ ಚಿಕಿತ್ಸೆಗಾಗಿ, ವಿಶೇಷವಾಗಿ ತಯಾರಿಸಿದ ಎರಡು ವಿಧದ ವಿಷ ನಿರೋಧಕಗಳು ಸದ್ಯ ಲಭ್ಯವಿವೆ. ಒಂದನ್ನು ಥೈಲ್ಯಾಂಡ್‌ ರೆಡ್‌ ಕ್ರಾಸ್‌ ಸಂಸ್ಥೆಯು ಸಿದ್ದಪಡಿಸಿದರೆ, ಇನ್ನೊಂದನ್ನು ಭಾರತದ ಸೆಂಟ್ರಲ್‌ ರಿಸರ್ಚ್‌ ಇನ್‌ಸ್ಟಿಟ್ಯುಟ್‌ ತಯಾರಿಸುವುದು; ಆದರೂ ಇವುಗಳೆರಡು ಚಿಕ್ಕ ಪ್ರಮಾಣದಲ್ಲಿ ಉತ್ಪಾದನೆಯಾಗುವುದರಿಂದ ಲಭ್ಯತೆ ಕೂಡಾ ತುಂಬಾ ಕಡಿಮೆ.[೧೪]
  • ವಿಷದಲ್ಲಿರುವ ಒಹಾನಿನ್‌ ಎಂಬ ಪ್ರೋಟಿನ್‌ ಅಂಶವು ಸಸ್ತನಿಗಳಲ್ಲಿ ಹೈಪೊಲೊಮೊಷನ್‌ (ಅಸಹನೀಯ ನೋವು)(hypolocomotion) ಮತ್ತು ಹೈಪರಾಲ್ಜೆಸಿಯಾಕ್ಕೆ(ಅತಿಯಾದ ರಕ್ತದ ಹರಿವು) (hyperalgesia) ಕಾರಣವಾಗುತ್ತದೆ.[೧೫] ವಿಷದ ಇತರ ಅಂಶಗಳು ಕಾರ್ಡಿಯೊಟಾಕ್ಸಿಕ್‌,[೧೬] ಸಿಟೊಟಾಕ್ಸಿಕ್‌ ಮತ್ತು ನಿರೊಕಾಕ್ಸಿಕ್‌ ಪ್ರಭಾವ ಬೀರುವ ಅಂಶಗಳನ್ನು ಹೊಂದಿವೆ.[೧೭] ಕಾಳಿಂಗ ಸರ್ಪ ಭಯಾನಕ ಮತ್ತು ಅಪಾಯಕಾರಿಯಾಗಿ ಕಚ್ಚಿ ಕೊಲ್ಲುವ ಹಾವಾಗಿದ್ದರೂ, ಇದು ನಾಚಿಕೆ ಸ್ವಭಾವ ಮತ್ತು ಏಕಾಂಗಿತನ ಬಯಸುವ ಪ್ರಾಣಿಯಾಗಿದೆ.
  • ಆದಷ್ಟು ಮನುಷ್ಯರೊಂದಿಗೆ ಮುಖಾಮುಖಿಯಾಗುವುದನ್ನು ಸಾಧ್ಯವಾದಷ್ಟು ತಪ್ಪಿಸಿಕೊಳ್ಳಲು ಯತ್ನಿಸುವುದು.[೧೦] ಇದೇ ಜಾತಿಗೆ ಸೇರಿದ ಮೊನೊಕಾಲ್ಡ್‌(ಒಂದೇ ಕಣ್ಣಿನ) ನಾಗರಹಾವು ಅಥವಾ ರುಸೆಲ್ಸ್‌ ವೈಪರ್‌ (ಘೋರ ವಿಷದ ಮಂಡಲ)ಹಾವಿನಂತಹ ಇತರ ಹಾವುಗಳು ಕಾಳಿಂಗ ಸರ್ಪಕ್ಕಿಂತ ಹೆಚ್ಚು ಮಾರಕವಾಗಿವೆ ಕಚ್ಚಿವೆ.[೭]
  • ಬರ್ಮಾದಲ್ಲಿ, ಕಾಳಿಂಗ ಸರ್ಪಗಳನ್ನು ಹೆಚ್ಚಾಗಿ ಮಹಿಳಾ ಹಾವಾಡಿಗರು ಬಳಸುವರು.[೧೦] ಸಾಮಾನ್ಯವಾಗಿ ಹಾವಾಡಿಗರು ಹಾವಿನ ವಿಷದ ಮಿಶ್ರಣದ ಶಾಯಿ ಬಳಸಿ, ಮ‌ೂರು ಚಿತ್ರ ಸಂಕೇತಗಳನ್ನು ತಮ್ಮ ಕೈ ಮೇಲೆ ಹಚ್ಚೆ ಹಾಕಿಸಿಕೊಂಡಿರುವರು;
  • ಇದು ಹಾವಿನಿಂದ ಹಾವಾಡಿಗರನ್ನು ರಕ್ಷಿಸುತ್ತದೆ ಎಂಬ ಮೂಢನಂಬಿಕೆ ಇದೆ.[೧೦] ಪ್ರದರ್ಶನದ ಕೊನೆಯಲ್ಲಿ ಹಾವಾಡಿಗರು ಹಾವಿನ ತಲೆಯ ಮೇಲ್ಭಾಗದಲ್ಲಿ ಮುತ್ತಿಕ್ಕಿ ತಮ್ಮ ಕೃತಜ್ಞತೆ ತೋರುವರು.[೧೦]
  • ಕರ್ನಾಟಕದ ಆಗುಂಬೆಯ ಸೋಮೇಶ್ವರ ಕಾಡು ಅತಿ ಹೆಚ್ಚು ಕಾಳಿಂಗ ಸರ್ಪಗಳನ್ನು ಹೊಂದಿದೆ.

ಸಂತಾನೋತ್ಪತ್ತಿ[ಬದಲಾಯಿಸಿ]

  • ಹೆಣ್ಣು ಕಾಳಿಂಗ ಸರ್ಪವು ಉತ್ತಮ ಪೋಷಕನಾಗುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ಮೊಟ್ಟೆಗಳನ್ನಿಡಲು ಸಿದ್ದವಾಗುವ ಮೊದಲು, ತನ್ನ ದೊಡ್ಡ ದೇಹದ ಸುರುಳಿಯನ್ನು ಬಳಸಿ, ದೊಡ್ಡದಾದ ಗೋಲಾಕಾರದ ಎಲೆಹಾಸನ್ನು ರಚಿಸುವುದು. ಹೆಣ್ಣು ಹಾವು ಆ ಹುಲ್ಲುಹಾಸಿನೊಳಗೆ ೨೦-–೪೦ ಮೊಟ್ಟೆಗಳನ್ನು ಹಾಕಿದಾಗ, ಆ ಹಾಸು ಕಾವುಗೂಡಿನಂತೆ ಕಾರ್ಯನಿರ್ವಹಿಸುವುದು.
  • ದೊಡ್ಡ ಪ್ರಾಣಿಗಳು ದಾಳಿ ಮಾಡಬಹುದಾದ ಅಪಾಯ ತಪ್ಪಿಸಲು, ಪಶ್ಚಿಮ ಘಟ್ಟದ ಮಳೆಗಾಲದ ನೆರೆಯಿಂದ ಮೊಟ್ಟೆಗಳನ್ನು ರಕ್ಷಿಸಲು, ಹೆಣ್ಣು ಹಾವು ತನ್ನ ಮೊಟ್ಟೆಗಳೊಂದಿಗಿದ್ದು, ಹುಲ್ಲುಹಾಸನ್ನು ರಕ್ಷಿಸುವುದು.[೧೮]
  • ಮೊಟ್ಟೆಗಳನ್ನು ಇರಿಸಲು ಹೆಣ್ಣು ಹಾವು ಮಾಡಿದ ಹುಲ್ಲುಹಾಸಿನೊಳಗೆ ಅದನ್ನು ಮರಿ ಮಾಡಲು ೨೮℃ರಷ್ಟು ಉಷ್ಣತೆಯಿರಬೇಕು. ಮೊಟ್ಟೆಗಳು ಒಡೆಯಲು ಪ್ರಾರಂಭವಾದಾಗ, ಸಹಜವಾಗಿ ಹೆಣ್ಣು ಹಾವು ಗೂಡನ್ನು ಬಿಟ್ಟು, ಆಹಾರಕ್ಕಾಗಿ ಹೊರಹೋಗುತ್ತದೆ. ಇಲ್ಲದಿದ್ದರೆ ಅದು ತನ್ನ ಮರಿಗಳನ್ನು ತಾನೇ ತಿನ್ನುವುದನ್ನು ಅದು ತಪ್ಪಿಸುತ್ತವೆ.[೧೯] ಕಾಳಿಂಗ ಸರ್ಪಗಳ ಮರಿಯು ೫೫ ಸೆಂಟಿ ಮೀಟರ್‌ನಷ್ಟು ಉದ್ದವಿದ್ದು, ಅವುಗಳು ವಯಸ್ಕ ಹಾವಿನಷ್ಟೆ ಪ್ರಬಲ ಪ್ರಮಾಣದ ವಿಷ ಹೊಂದಿದ್ದು ಇದು ಮಾರಣಾಂತಿಕವಾಗಿರುತ್ತದೆ.

ಇತರ ಇದಕ್ಕೆ ಸಂಬಂಧಿಸಿದ ಜಾತಿ-ಸಂಕುಲ[ಬದಲಾಯಿಸಿ]

  • ಕಾಳಿಂಗ ಸರ್ಪವು ವಿಷಕಾರಿ ಹಾವುಗಳ ಕುಟುಂಬಕ್ಕೆ ಸೇರಿದೆ. ಅಂಟಾರ್ಟಿಕಾ ಮತ್ತು ಯುರೋಪ್‌ ಅನ್ನು ಹೊರತುಪಡಿಸಿ, ವಿಶ್ವದಾದ್ಯಂತ ಸುಮಾರು ೨೦೦ ಜಾತಿಯ ವಿಷಕಾರಿ ಹಾವುಗಳು ಕಾಣಸಿಗುತ್ತವೆ.
  • ಎಲ್ಲವೂ ವಿಷಪೂರಿತ ಹಾವುಗಳಾಗಿದ್ದು, ಚಿಕ್ಕ, ಸ್ಥಿರವಾಗಿ ಜೋಡಿಸಿದ ವಿಷದ ಕೋರೆಹಲ್ಲುಗಳನ್ನು (ಪ್ರೋಟೆರೊಗ್ಲಿಫ್‌ಗಳು) ಹೊಂದಿರುತ್ತವೆ. ಆದರೆ ಇವುಗಳ ನೆಲೆವಾಸ, ಕಾರ್ಯವೈಖರಿ ಮತ್ತು ಚಹರೆಯ ಆಧಾರದಿಂದಾಗಿ ಭಿನ್ನವಾಗಿರುತ್ತವೆ. ವಿಷಕಾರಿ ಹಾವುಗಳಲ್ಲಿ ಪ್ರಸಿದ್ಧ ನಾಲ್ಕು ಜಾತಿಗಳೆಂದರೆ ಹವಳದ ಹಾವು, ಮೃತ್ಯುಸರ್ಪ, ಕಪ್ಪು ಮಾಂಬಾ (ಹಾವು), ಮತ್ತು ಕಾಳಿಂಗ ಸರ್ಪ.

ಹಾವಿನ ಉಪಯೊಗಗಳು[ಬದಲಾಯಿಸಿ]

  • ಹಾವಿನ ಉಪಯೊಗಗಳು೧೨೧೨೧೨೧೨೧೨೧೧೧೧೧೨೩೨ ಟಿನ್‌ಗಳು ಮತ್ತು ಪಾಲಿಪೆಪ್ಟೈಡ್‌(ಅಮೀನೊ ಆಮ್ಲ)ಗಳನ್ನು ಒಳಗೊಂಡಿರುವ ಕಾಳಿಂಗ ಸರ್ಪದ ವಿಷವು ಹಾವಿನ ಕಣ್ಣಿನ (ಇತರ ಹಾವುಗಳಲ್ಲಿರುವಂತೆ) ಹಿಂಭಾಗದಲ್ಲಿರುವ ವಿಶೇಷ ಲಾಲಾರಸ ಗ್ರಂಥಿಗಳ ಮೂಲಕ ಉತ್ಪತ್ತಿಯಾಗುವುದು. ಬೇಟೆಯಾಡುವ ಪ್ರಾಣಿಯನ್ನು ಕಚ್ಚಿದಾಗ, ವಿಷವು ಹಾವಿನ ಅರ್ಧ ಅಂಗುಲದ (೧.೨೫ ಸೆ.ಮೀ) ವಿಷದ ಹಲ್ಲುಗಳ ಮೂಲಕ ಗಾಯದೊಳಗೆ ನುಸುಳುವುದು.
  • ಈ ಹಿಂದಿನ ಸಂಶೋಧನೆಯಂತೆ ಕಾಳಿಂಗ ಸರ್ಪದ ವಿಷವು LD/೫೦ ಅಳತೆಯಂತೆ ೧.೭ mg/kg ನಷ್ಟು ಎಂದು ಪರಿಗಣಿಸಲಾಗುತ್ತಿತ್ತು (ಅತಿ ಕಡಿಮೆ ವಿಷಕಾರಿ ಹಾವುಗಳಲ್ಲಿ ಒಂದು ಎಂದು). ಆದರೂ, ಇದು ಯಾವಾಗಲೂ ಸತ್ಯಸಂಗತಿಯಾಗಿರುವುದಿಲ್ಲ. ಇತ್ತೀಚಿನ ಟಾಕ್ಸಿನಾಲಜಿ(ಹಾವಿನ ವಿಷದ ಅಧ್ಯಯನ) ಪ್ರಕಾರ, ಚೀನಾದ ಕಾಳಿಂಗ ಸರ್ಪದ LD/೫೦ರಷ್ಟು ಪ್ರಮಾಣಕ್ಕೆ ಹೋಲಿಸಿದರೆ ಇದರ ವಿಷವು ೦.೩೪ mg/kg-೦.೪೬ mg/kgಯಷ್ಟಿರುವುದು.
  • ಅಂದರೆ ಇದು ಚೀನಾದ ನಾಗರಹಾವುಗಳಂತಹ [೫] ಇತರ ಜಾತಿಯಲ್ಲಿರುವ ನಾಗರಹಾವುಗಳ ವಿಷಕ್ಕಿಂತ ಹೆಚ್ಚು ಪ್ರಮಾಣದ್ದಾಗಿದೆ ಎಂದು ತಿಳಿದುಬಂದಿದೆ. ಆದರೂ ಸಹ ಕಾಳಿಂಗ ಸರ್ಪದ ವಿಷದ ಪ್ರಮಾಣವು ಇತರ ಕೆಲವು ವಿಷಕಾರಿ ಹಾವುಗಳಿಗಿಂತ (ಟೈಪ್ಯಾನ್‌,(ಆಸ್ಟ್ರೇಲಿಯಾದಲ್ಲಿನ ದೊಡ್ಡ ವಿಷದ ಹಾವು) ಬಣ್ಣ,ಬಣ್ಣದ ಪಟ್ಟೆಹಾವು,ಗಿಂತ ದುರ್ಬಲವಾಗಿದೆ. ಕಾಳಿಂಗ ಸರ್ಪಗಳು ಇತರ ಜಾತಿಯ ಹಾವುಗಳಿಗಿಂತ ಹೆಚ್ಚಿನ ಪ್ರಮಾಣದಲ್ಲಿ ವಿಷ ಹೊರಸೂಸುತ್ತವೆ.
  • ಕಾಳಿಂಗ ಸರ್ಪವು ಒಂದು ಬಾರಿಗೆ ೩೮೦-೬೦೦ mgಯಷ್ಟು ವಿಷವನ್ನು (ಇದು ೨೦-೪೦ ವಯಸ್ಕ ಮನುಷ್ಯರನ್ನು ಕೊಲ್ಲಲು ಸಾಕಾಗುವುದು) ಶರೀರದೊಳಗೆ ಸೇರಿಸುವ ಶಕ್ತಿ ಹೊಂದಿವೆ. ಇಷ್ಟೊಂದು ಪ್ರಮಾಣದ ವಿಷವು ಆನೆಯನ್ನು ೩ ಗಂಟೆಗಳೊಳಗೆ ಕೊಲ್ಲಲು ಸಾಕಾಗುವದೆಂದು ಹೇಳಲಾಗುತ್ತದೆ. ಒಂದು ಬಾರಿ ಕಾಳಿಂಗ ಸರ್ಪ ಕಚ್ಚಿದಲ್ಲಿ, ಅದರ ವಿಷದ ಭೀಕರ ಪ್ರಮಾಣದಿಂದಾಗಿ ಮನುಷ್ಯ ೧೫ ನಿಮಿಷಗಳೊಳಗೆ ಸಾವನ್ನಪ್ಪುವನು.
  • ಆದರೂ, ಬಹುತೇಕ ಸಂದರ್ಭದಲ್ಲಿ ೩೦–೪೫ ನಿಮಿಷಗಳ ತನಕ ಬದುಕಿರುವ ಸಾಧ್ಯತೆ ಇರುತ್ತದೆ.[೫][೧೨][೧೩] ಕಾಳಿಂಗ ಸರ್ಪದ ವಿಷ ಮೂಲತಃ ನರಮಂಡಲದ ಮೇಲಿನ ಭೀಕರ ಪ್ರಭಾವದ್ದಾಗಿದೆ. ಇದು ನಿರೊಕಾಕ್ಸಿಕ್‌ ಆಗಿ ಬಲಿ ಪ್ರಾಣಿಯ ಮೇಲೆ ದುಷ್ಪರಿಣಾಮವನ್ನುಂಟು ಮಾಡುತ್ತದೆ. ಹಾಗಾಗಿ ಕಚ್ಚಿಸಿಕೊಂಡ ಪ್ರಾಣಿಯ ಕೇಂದ್ರ ನರಮಂಡಲ ವ್ಯವಸ್ಥೆಯ ಮೇಲೆ ಪರಿಣಾಮವನ್ನು ಬೀರಿ ತೀವ್ರಗತಿಯ ನೋವು, ದೃಷ್ಟಿ ಮಂದ, ತಲೆತಿರುಗುವಿಕೆ, ಜಡತ್ವ ಮತ್ತು ಪಾರ್ಶ್ವ ವಾಯುವಿಗೆ ತುತ್ತಾಗುವ ಸಂಭವವಿದೆ.
  • [೧೨] ಈ ವಿಷವು ಹೃದಯ ರಕ್ತನಾಳವನ್ನು ಹಾಳುಮಾಡುವುದರಿಂದ, ಕಡಿತಕೊಳಗಾದ ಪ್ರಾಣಿಯು ವಿಸ್ಮೃತಿ ಯ ಸ್ಥಿತಿ ತಲುಪುವುದು. ಹೀಗಾಗಿ ಅನೀರಿಕ್ಷಿತ ಉಸಿರಾಟದ ವೈಫಲ್ಯದಿಂದಾಗಿ ಸಾವು ಸಂಭವಿಸುವುದು. ಕಾಳಿಂಗ ಸರ್ಪ ಕಡಿತದ ಚಿಕಿತ್ಸೆಗಾಗಿ, ವಿಶೇಷವಾಗಿ ತಯಾರಿಸಿದ ಎರಡು ವಿಧದ ವಿಷ ನಿರೋಧಕಗಳು ಸದ್ಯ ಲಭ್ಯವಿವೆ. ಒಂದನ್ನು ಥೈಲ್ಯಾಂಡ್‌ ರೆಡ್‌ ಕ್ರಾಸ್‌ ಸಂಸ್ಥೆಯು ಸಿದ್ದಪಡಿಸಿದರೆ, ಇನ್ನೊಂದನ್ನು ಭಾರತದ ಸೆಂಟ್ರಲ್‌ ರಿಸರ್ಚ್‌ ಇನ್‌ಸ್ಟಿಟ್ಯುಟ್‌ ತಯಾರಿಸುವುದು;
  • ಆದರೂ ಇವುಗಳೆರಡು ಚಿಕ್ಕ ಪ್ರಮಾಣದಲ್ಲಿ ಉತ್ಪದನೆಯಾಗುವುದರಿಂದ ಲಭ್ಯತೆ ಕೂಡಾ ತುಂಬಾ ಕಡಿಮೆ.[೧೪] ವಿಷದಲ್ಲಿರುವ ಒಹಾನಿನ್‌ ಎಂಬ ಪ್ರೋಟಿನ್‌ ಅಂಶವು ಸಸ್ತನಿಗಳಲ್ಲಿ ಹೈಪೊಲೊಮೊಷನ್‌ (ಅಸಹನೀಯ ನೋವು)(hypolocomotion) ಮತ್ತು ಹೈಪರಾಲ್ಜೆಸಿಯಾಕ್ಕೆ(ಅತಿಯಾದ ರಕ್ತದ ಹರಿವು) (hyperalgesia) ಕಾರಣವಾಗುತ್ತದೆ.[೧೫] ವಿಷದ ಇತರ ಅಂಶಗಳು ಕಾರ್ಡಿಯೊಟಾಕ್ಸಿಕ್‌,[೧೬] ಸಿಟೊಟಾಕ್ಸಿಕ್‌ ಮತ್ತು ನಿರೊಕಾಕ್ಸಿಕ್‌ ಪ್ರಭಾವ ಬೀರುವ ಅಂಶಗಳನ್ನು ಹೊಂದಿವೆ.[೧೭]
  • ಕಾಳಿಂಗ ಸರ್ಪ ಭಯಾನಕ ಮತ್ತು ಅಪಾಯಕಾರಿಯಾಗಿ ಹಾವಾಗಿದ್ದರೂ, ಇದು ನಾಚಿಕೆ ಸ್ವಭಾವ ಮತ್ತು ಏಕಾಂಗಿತನ ಬಯಸುವ ಪ್ರಾಣಿಯಾಗಿದೆ. ಮನುಷ್ಯರೊಂದಿಗೆ ಮುಖಾಮುಖಿಯಾಗುವುದನ್ನು ಸಾಧ್ಯವಾದಷ್ಟು ತಪ್ಪಿಸಿಕೊಳ್ಳಲು ಯತ್ನಿಸುವುದು.[೧೦] ಮೊನೊಕಾಲ್ಡ್‌ ನಾಗರಹಾವು ಅಥವಾ ರುಸೆಲ್ಸ್‌ ವೈಪರ್‌ (ಘೋರ ವಿಷದ ಮಂಡಲ) ಹಾವಿನಂತಹ ಇತರ ಹಾವುಗಳು ಕಾಳಿಂಗ ಸರ್ಪಕ್ಕಿಂತ ಹೆಚ್ಚು ಮಾರಕವಾಗಿವೆ. [೭]

ಚಿತ್ರಸಂಪುಟ[ಬದಲಾಯಿಸಿ]

ಕಾಳಿಂಗ ಸರ್ಪಗಳ ಸಂಖ್ಯೆಯಲ್ಲಿ ಇಳಿಕೆ

ಉಲ್ಲೇಖಗಳು[ಬದಲಾಯಿಸಿ]

  1. ೧.೦ ೧.೧ ೧.೨ ೧.೩ ೧.೪ ೧.೫ ೧.೬ ೧.೭ ೧.೮ Mehrtens, John (1987). Living Snakes of the World. New York: Sterling. ISBN 0806964618.
  2. ೨.೦ ೨.೧ ೨.೨ ೨.೩ Capula, Massimo (1989). Simon & Schuster's Guide to Reptiles and Amphibians of the World. New York: Simon & Schuster. ISBN 0671690981. {{cite book}}: Unknown parameter |coauthors= ignored (|author= suggested) (help)
  3. "Ophitoxaemia (venomous snake bite)". Retrieved 2007-09-05.
  4. Sean Thomas. "One most Dangerous Snakes in the World". Retrieved 2007-09-05. mortality varies sharply with amount of venom involved, most bites involve nonfatal amounts
  5. ೫.೦ ೫.೧ ೫.೨ Tun-Pe, Tun-Pe, Warrell DA, Tin-Myint (1995). "King cobra (Ophiophagus hannah) bites in Myanmar: venom antigen levels and development of venom antibodies". Toxicon. 33 (3): 379–82. PMID 7638877. {{cite journal}}: Unknown parameter |month= ignored (help)CS1 maint: multiple names: authors list (link)
    • ವುಡ್‌ರವರ ದಿ ಗಿನ್ನಿಸ್‌ ಬುಕ್‌ ಆಫ್‌ ಎನಿಮಲ್ ಫ್ಯಾಕ್ಟ್ಸ್‌ ಆಂಡ್‌ ಫೀಯಟ್ಸ್‌. ಸ್ಟೆರ್ಲಿಂಗ್‌ ಪಬ್‌ ಕಂ ಇಂಕ್‌ (೧೯೮೩), ISBN ೯೭೮-೦-೮೫೧೧೨-೨೩೫-೯
  6. ೭.೦ ೭.೧ Miller, Harry (September 1970), "The Cobra, India's 'Good Snake'", National Geographic, 20: 393–409{{citation}}: CS1 maint: date and year (link)
  7. "CITES List of animal species used in traditional medicine". Archived from the original on 2007-09-30. Retrieved 2007-09-01.
  8. Reptiles/Lizards-and-Snakes/King-Cobra.htm ಫಿಲಾಡೆಲ್ಫಿಯಾ ಮೃಗಾಲಯ - ಕಾಳಿಂಗ ಸರ್ಪ[ಶಾಶ್ವತವಾಗಿ ಮಡಿದ ಕೊಂಡಿ]
  9. ೧೦.೦ ೧೦.೧ ೧೦.೨ ೧೦.೩ ೧೦.೪ Coborn, John (October 1991). The Atlas of Snakes of the World. New Jersey: TFH Publications. pp. 30, 452. ISBN 978-0866227490.
  10. Dr. Zoltan Takacs. "Why the cobra is resistant to its own venom". Retrieved 2007-09-05.
  11. ೧೨.೦ ೧೨.೧ Freiberg, Dr. Marcos (1984). The World of Venomous Animals. New Jersey: TFH. ISBN 0876665679. {{cite book}}: Unknown parameter |coauthors= ignored (|author= suggested) (help)
  12. "MSN Encarta: King Cobra". MSN Encarta. Archived from the original on 2009-11-01. Retrieved 2007-09-05. {{cite web}}: Unknown parameter |deadurl= ignored (help)
  13. "Munich AntiVenom Index:Ophiophagus hannah". Munich Poison Center. MAVIN (Munich AntiVenom Index). 01/02/2007. Retrieved 2007-09-02. {{cite web}}: Check date values in: |date= (help)
  14. ಪುಂಗ್‌, Y.F., ಕುಮಾರ್‌, S.V., ರಾಜಗೋಪಾಲನ್‌, N., ಫ್ರೈ, B.G., ಕುಮಾರ್‌, P.P., ಕಿಣಿ, R.M. ೨೦೦೬ ಒಹಾನಿನ್‌ವು ಕಾಳಿಂಗ ಸರ್ಪದ ವಿಷದಿಂದ ದೊರೆತ ಹೊಸ ರೂಪದ ಜೀವಸತ್ವವಾಗಿದೆ:
    • ಇದು cDNA ಮತ್ತು ಜೆನೋಮಿಕ್‌ ಸಂಸ್ಥೆ. ಜೆನೆ ೩೭೧ (೨):೨೪೬–೨೫೬
  15. ರಾಜಗೋಪಾಲನ್‌, N., ಪಂಗ್‌, Y.F., ಝು, Y.Z., ವೊಂಗ್‌, P.T.H., ಕುಮಾರ್‌, P.P., ಕಿಣಿ, R.M. ೨೦೦೭ β-ಕಾರ್ಡಿಯೊಟಾಕ್ಸಿನ್‌: ಬೀಟಾ-ಬ್ಲಾಕರ್‌ ಚಟುವಟಿಕೆಯೊಂದಿಗೆ ಒಫಿಯೊಫಗಸ್‌ ಹನ್ನಾ (ಕಾಳಿಂಗ ಸರ್ಪ) ವಿಷದಿಂದ ದೊರೆತ ಹೊಸದಾದ ಮ‌ೂರು-ಬೆರಳಿನಷ್ಟು ಟಾಕ್ಸಿನ್‌. FASEB ಜರ್ನಲ್‌ ೨೧ (೧೩):೩೬೮೫–೩೬೯೫
    • ಚಾಂಗ್‌, L.-S., ಲಿವೂ, J.-C., ಲಿನ್‌, S.-R., ಹಾಂಗ್‌, H.-B. ೨೦೦೨ಒಫಿಯೊಫಗಸ್‌ ಹನ್ನಾದ (ಕಾಳಿಂಗ ಸರ್ಪ) ವಿಷದಿಂದ ನಿರೊಟಾಕ್ಸಿನ್‌ನ ಶುದ್ದೀಕರಣ ಮತ್ತು ಅಧ್ಯಯನ. ಬಯೊಕೆಮಿಕಲ್‌ ಆಂಡ್‌ ಬಯೊಫಿಸಿಕಲ್‌ ರಿಸರ್ಚ್‌ ಕಮ್ಯುನಿಕೇಷನ್ಸ್‌ ೨೯೪ (೩):೫೭೪–೫೭೮
  16. ಪೈಪರ್‌, ರೋಸ್‌ (೨೦೦೭). ಎಕ್ಸ್ಟ್ರಾಡಿನರಿ ಎನಿಮಲ್ಸ್‌: ಆನ್‌ ಎನ್ಸೈಕ್ಲೋಪೆಡಿಯಾ ಆಫ್‌ ಕ್ಯುರಿಯಸ್‌ ಆಂಡ್‌ ಅನ್‌ಯುಸ್ಯುವಲ್‌ ಎನಿಮಲ್ಸ್‌ . ವೆಸ್ಟ್‌ಪೋರ್ಟ್‌, ಕನ್‌.: ಗ್ರೀನ್‌ವುಡ್‌ ಪ್ರೆಸ್‌. ISBN ೦-೭೯೧೦-೬೭೭೨-೬
    • ೨೦೦೯ರ ಮೇ ೧೭ರ ನ್ಯಾಷನಲ್‌ ಜಿಯಾಗ್ರಫಿಕ್‌ ಪ್ರೋಗ್ರಾಮ್‌

ಹೊರಗಿನ ಕೊಂಡಿಗಳು[ಬದಲಾಯಿಸಿ]