ಕಡುಬು
ಭಾರತದ ಅನೇಕ ರಾಜ್ಯಗಳಲ್ಲಿ ಗಣೇಶ ಚತುರ್ಥಿ ಹಬ್ಬದ ದಿನದಂದು ಮಾಡುವ ಸಿಹಿ ತಿಂಡಿ.
ಬೇಕಾಗುವ ಪದಾರ್ಥಗಳು[ಬದಲಾಯಿಸಿ]
- ಮೈದಾ ಹಿಟ್ಟು ೧/೨ ಕಿಲೋ
- ಕಡಲೆ ಬೇಳೆ ೧/೨ ಕಿಲೋ
- ಬೆಲ್ಲ
- ಎಣ್ಣೆ (ಕರಿಯಲು ಉಪಯೋಗಿಸಬಹುದಾದ ಖಾದ್ಯತೈಲ)
- ಏಲಕ್ಕಿ
ಮಾಡುವ ವಿಧಾನ[ಬದಲಾಯಿಸಿ]
ಮಾಡುವ ವಿಧಾನ : ಮೈದಾ ಹಿಟ್ಟನ್ನು ಚಪಾತಿ ಹಿಟ್ಟಿನಂತೆ ತಯಾರಿಸಿಕೊಳ್ಳಬೇಕು. ಇನ್ನೊಂದೆಡೆ ಕಡಲೆ ಬೇಳೆಯನ್ನು ಒಂದು ಪಾತ್ರೆಯಲ್ಲಿ ನೀರು ಹಾಕಿ ಚೆನ್ನಾಗಿ ಬೇಯಿಸಿಕೊಂಡು, ನೀರನ್ನು ಬಸಿಯಬೇಕು. ಅನಂತರ ಅದಕ್ಕೆ ಬೆಲ್ಲವನ್ನು ಹಾಕಿ ೫ ನಿಮಿಷಗಳವರೆಗೂ ಒಲೆಯ ಮೇಲಿಟ್ಟು ಬೆರೆಸಿಕೊಳ್ಳಬೇಕು. ಬೇಳೆ- ಬೆಲ್ಲದ ಈ ಮಿಶ್ರಣವನ್ನು ಮಿಕ್ಸಿಯಲ್ಲಿ ಹಾಕಿ ಹೂರಣ ಮಾಡಿಕೊಳ್ಳಬೇಕು.
ನಾದಿಟ್ಟ ಮೈದಾ ಹಿಟ್ಟನ್ನು ತೆಗೆದುಕೊಂಡು, ಚಿಕ್ಕ ಚಿಕ್ಕ ಹಪ್ಪಳದ ಗಾತ್ರದಲ್ಲಿ ಲಟ್ಟಿಸಿ ಅದರೊಳಗೆ ಈ ಹೂರಣವನ್ನು ತುಂಬಿ ಮುಚ್ಚಬೇಕು. ನಂತರ ಕಾಯ್ದ ಎಣ್ಣೆಯಲ್ಲಿ ಒಂದೊಂದೇ ಕರಿದು, ಅವು ಕೆಂಪು ಬಣ್ಣಕ್ಕೆ ತಿರುಗಿದ ನಂತರ ಕೆಳಗಿಳಿಸಬೇಕು.
ಕೊಬ್ಬರಿ ಕಡುಬು (ಕರ್ಜಿಕಾಯಿ)[ಬದಲಾಯಿಸಿ]
ಇದನ್ನು ಉತ್ತರ ಕರ್ನಾಟಕದಲ್ಲಿ ಹೆಚ್ಚಾಗಿ ತಯಾರಿಸಲಾಗುತ್ತದೆ. ಇದನ್ನು ಕೂಡ ಮೇಲೆ ಹೇಳಿದ ರೀತಿಯಲ್ಲೇ ಮಾಡಬೇಕು. ಆದರೆ ಇದರಲ್ಲಿ ಬೇಳೆ ಹೂರಣದ ಬದಲು, ತುರಿದ ಕೊಬ್ಬರಿಯನ್ನು, ಸಕ್ಕರೆ ಮತ್ತು ಏಲಕ್ಕಿಯನ್ನು ಮಿಕ್ಸಿಯಲ್ಲಿ ಹಾಕಿ ಪುಡಿ ಮಾಡಿ, ಕಡುಬಿನ ಒಳಗೆ ತುಂಬಿಲಾಗಿರುತ್ತದೆ.