ಆಲೂಗೆಡ್ಡೆ ಚಿಪ್ಸ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
Potato chip
Potato-Chips.jpg
Potato chips
ಮೂಲ
ಮೂಲ ಸ್ಥಳ Saratoga Springs, New York, United States
ವಿವರಗಳು
Course Snack, side dish
ಬಡಿಸುವಾಗ ಬೇಕಾದ ಉಷ್ಣತೆ Room temperature

ಆಲೂಗೆಡ್ಡೆ ಚಿಪ್ಸ್ (ಅಮೇರಿಕನ್, ಆಸ್ಟ್ರೇಲಿಯನ್, ದಕ್ಷಿಣ ನ್ಯೂಜಿಲೆಂಡ್, ಕೆನಡಿಯನ್, ಸಿಂಗಾಪೂರ್, ದಕ್ಷಿಣ ಆಫ್ರಿಕಾ, ಹವಾಯಿಯನ್ ಇಂಗ್ಲಿಷ್, ಭಾರತೀಯ ಇಂಗ್ಲಿಷ್ ಮತ್ತು ಜಮೈಕನ್ ಇಂಗ್ಲಿಷ್ ಮಾತ್ರವಲ್ಲದೆ ಹೆಚ್ಚಿನ ಯುರೋಪಿಯನ್ ಭಾಷೆಗಳಲ್ಲಿ ಚಿಪ್ಸ್ ಎಂದು ಕರೆಯುತ್ತಾರೆ; ಬ್ರಿಟಿಷ್ ಮತ್ತು ಐರಿಷ್ ಇಂಗ್ಲಿಷ್‌ನಲ್ಲಿ ಕ್ರಿಸ್ಪ್ಸ್ , ಉತ್ತರ ನ್ಯೂಜಿಲೆಂಡ್‌ನಲ್ಲಿ ಚಿಪ್ಪೀಸ್ ಎನ್ನುತ್ತಾರೆ) ಎಂದರೆ ಚೆನ್ನಾಗಿ ಕರಿದ ಆಲೂಗೆಡ್ಡೆಯ ತೆಳುವಾದ ಬಿಲ್ಲೆಗಳಾಗಿವೆ. ಆಲೂಗೆಡ್ಡೆ ಚಿಪ್ಸ್ಅನ್ನು ಸಾಮಾನ್ಯವಾಗಿ ರುಚಿಕಾರಕವಾಗಿ, ಹೆಚ್ಚುವರಿ ಭಕ್ಷ್ಯವಾಗಿ ಅಥವಾ ತಿಂಡಿಯಾಗಿ ನೀಡಲಾಗುತ್ತದೆ. ಮೂಲ ಚಿಪ್ಸ್‌ಅನ್ನು ಬೇಯಿಸಿ, ಉಪ್ಪಿನಿಂದ ಪಕ್ವಗೊಳಿಸಿ ಸಿದ್ಧಗೊಳಿಸಲಾಗುತ್ತದೆ; ಹೆಚ್ಚುವರಿ ವೈವಿಧ್ಯಗಳನ್ನು ವಿವಿಧ ಪರಿಮಳ ನೀಡುವ ಪದಾರ್ಥಗಳನ್ನು (ಹೆಚ್ಚಾಗಿ ಉಪ್ಪು ಮತ್ತು ವಿನಿಗರ್, ಚೀಸ್ ಮತ್ತು ಈರುಳ್ಳಿ, BBQ ಸಾಸ್ ಅಥವಾ ಉಪ್ಪು) ಹಾಗೂ ಮಸಾಲೆ, ಮೂಲಿಕೆಗಳು, ಸಂಬಾರ ಪದಾರ್ಥಗಳು, ಚೀಸ್ ಮತ್ತು ಕೃತಕ ಬಣ್ಣ, ರುಚಿ, ವಾಸನೆ ನೀಡುವ ಪದಾರ್ಥಗಳಂತಹ ಘಟಕಾಂಶಗಳನ್ನು ಬಳಸಿಕೊಂಡು ತಯಾರಿಸಲಾಗುತ್ತದೆ. ಕ್ರಿಸ್ಪ್ಸ್ ಎಂಬುದು UK ಮತ್ತು ಐರ್ಲೆಂಡ್‌ನಲ್ಲಿ ವಿವಿಧ ರೀತಿಯ ಉಪಾಹಾರ ಪದಾರ್ಥಗಳನ್ನು ಸೂಚಿಸುತ್ತದೆ, ಕೆಲವನ್ನು ಆಲೂಗೆಡ್ಡೆಯಿಂದ ತಯಾರಿಸಲಾಗುತ್ತದೆ, ಆದರೆ ಇವನ್ನು ಮುಸುಕಿನ ಜೋಳ, ಜೋಳ ಮತ್ತು ಟ್ಯಾಪಿಯೋಕದಿಂದಲೂ ತಯಾರಿಸಲಾಗುತ್ತದೆ. ಈ ರೀತಿಯ ಕ್ರಿಸ್ಪ್ಸ್‌ಗೆ ಒಂದು ಉದಾಹರಣೆಯೆಂದರೆ ಮೋಂಸ್ಟರ್ ಮಂಚ್.[೧] ಕ್ರಿಸ್ಪ್ಸ್ಅನ್ನು ಉತ್ತರ ಅಮೇರಿಕಾದಲ್ಲಿ ಒಣಗಿದ ಆಲೂಗೆಡ್ಡೆಯ ತೆಳುವಾದ ಬಿಲ್ಲೆಗಳು ಮತ್ತು ಇತರೆ ಭರ್ತಿಸಾಮಗ್ರಿಗಳಿಂದ ತಯಾರಿಸಿದ ಆಲೂಗೆಡ್ಡೆ ತಿಂಡಿಗಳನ್ನು ಸೂಚಿಸಲು ಬಳಸಲಾಗುತ್ತದೆ,[citation needed] ಉದಾ, "ಬೇಯಿಸಿದ ಲೇಸ್" ಮತ್ತು ಪ್ರಿಂಗಲ್ಸ್ ‌. ಆದರೂ ಪ್ರಿಂಗಲ್ಸ್ ಎಣ್ಣೆಯಲ್ಲಿ 'ವೇಗವಾಗಿ-ಕರಿದ' ಪದಾರ್ಥಗಳಾಗಿವೆ.

ಆಲೂಗೆಡ್ಡೆ ಚಿಪ್ಸ್ ಇಂಗ್ಲಿಷ್-ಮಾತನಾಡುವ ರಾಷ್ಟ್ರಗಳ ಮತ್ತು ಅಸಂಖ್ಯಾತ ಇತರ ಪಾಶ್ಚಿಮಾತ್ಯ ರಾಷ್ಟ್ರಗಳ ಲಘು ಆಹಾರ ಮಾರುಕಟ್ಟೆಯಲ್ಲಿನ ಒಂದು ಪ್ರಧಾನ ಭಾಗವಾಗಿವೆ. ಜಾಗತಿಕ ಆಲೂಗೆಡ್ಡೆ ಚಿಪ್ ಮಾರುಕಟ್ಟೆಯು ೨೦೦೫ರಲ್ಲಿ US$೧೬.೪ ಶತಕೋಟಿಯಷ್ಟು ಒಟ್ಟು ಆದಾಯವನ್ನು ಉಂಟುಮಾಡಿತು. ಇದು ಆ ವರ್ಷದ ಖಾರದ ತಿನಿಸುಗಳ ಒಟ್ಟು ವ್ಯಾಪಾರದ ೩೫.೫%ನಷ್ಟಾಗಿತ್ತು (US$೪೬.೧ ಶತಕೋಟಿ).[೨]

ಇತಿಹಾಸ[ಬದಲಾಯಿಸಿ]

ಒಂದು ಸಾಂಪ್ರದಾಯಿಕ ಕಥೆಯ ಪ್ರಕಾರ, ಮೂಲ ಆಲೂಗೆಡ್ಡೆ ಚಿಪ್ ತಯಾರಿಕಾ ವಿಧಾನವನ್ನು ೧೮೫೩ರ ಆಗಸ್ಟ್ ೨೪ರಂದು ನ್ಯೂಯಾರ್ಕ್‌ನ ಸಾರಟೋಗ ಸ್ಪ್ರಿಂಗ್ಸ್‌ನಲ್ಲಿ ರಚಿಸಲಾಯಿತು. ತುಂಬಾ ದಪ್ಪವಾಗಿ, ಸಪ್ಪೆಯಾಗಿ, ಚೆನ್ನಾಗಿ ಬೇಯದೆ ಇದ್ದುದರಿಂದ ಕರಿದ ಆಲೂಗೆಡ್ಡೆಗಳನ್ನು ಯಾವಾಗಲೂ ಹಿಂದಕ್ಕೆ ಕಳುಹಿಸುತ್ತಿದ್ದ ಕಾಯಂ ಗಿರಾಕಿಯಿಂದ ಚಿಂತೆಗೊಳಗಾದ ರೆಸಾರ್ಟ್ ಹೋಟೆಲ್‌ನ ಮುಖ್ಯ ಬಾಣಸಿಗ ಜಾರ್ಜ್ ಕ್ರಮ್ ಆಲೂಗೆಡ್ಡೆಗಳನ್ನು ಸಾಧ್ಯವಾದಷ್ಟು ತೆಳ್ಳಗೆ ಕೊಯ್ದು, ಗರಿಗರಿಯಾಗುವವರೆಗೆ ಅವನ್ನು ಕರಿದು, ಹೆಚ್ಚುವರಿ ಉಪ್ಪಿನಲ್ಲಿ ಹದಗೊಳಿಸಲು ನಿರ್ಧರಿಸಿದರು. ಕ್ರಮ್‌ರ ನಿರೀಕ್ಷೆಗೆ ವಿರುದ್ಧವಾಗಿ, ಆ ಗಿರಾಕಿಯು (ಕೆಲವೊಮ್ಮೆ ಕಾರ್ನೆಲಿಯಸ್ ವ್ಯಾಂಡರ್ಬಿಲ್ಟ್ ಎಂದು ಸೂಚಿಸಲಾಗಿದೆ) ಈ ಹೊಸ ಚಿಪ್ಸ್ಅನ್ನು ಇಷ್ಟಪಟ್ಟರು[೩]. ನಂತರ ಅವು ಶೀಘ್ರದಲ್ಲಿ "ಸಾರಗೋಟ ಚಿಪ್ಸ್" ಎಂಬ ಹೆಸರಿನಲ್ಲಿ ಲಾಡ್ಜ್‌ನ ಮೆನುವಿನಲ್ಲಿ ಒಂದು ನಿಯತ ಪದಾರ್ಥವಾದವು.[೪]

೨೦ನೇ ಶತಮಾನದಲ್ಲಿ, ಆಲೂಗೆಡ್ಡೆ ಚಿಪ್ಸ್ ಬಾಣಸಿಗ-ತಯಾರಿಸುವ ರೆಸ್ಟಾರೆಂಟ್ ತಿಂಡಿಯನ್ನು ಮೀರಿ ವ್ಯಾಪಿಸಿತು ಮತ್ತು ಮನೆ ಬಳಕೆಗಾಗಿ ಭಾರಿ ಪ್ರಮಾಣದಲ್ಲಿ ತಯಾರಾಗಲು ಆರಂಭವಾಯಿತು. ಓಹಿಯೊದ ಡೇಟನ್-ಆಧಾರಿತ ಮೈಕ್ ಸೆಲ್ಸ್ ಪೊಟಾಟೊ ಚಿಪ್ ಕಂಪನಿಯು ೧೯೧೦ರಲ್ಲಿ ಸ್ಥಾಪನೆಯಾಯಿತು, ಇದನ್ನು ಅಮೇರಿಕಾ ಸಂಯುಕ್ತ ಸಂಸ್ಥಾನದಲ್ಲೇ ಅತಿ ಹಳೆಯ ಆಲೂಗೆಡ್ಡೆ ಚಿಪ್ ಕಂಪನಿಯೆಂದು ಕರೆಯಲಾಗುತ್ತದೆ.[೫] ನ್ಯೂ ಇಂಗ್ಲೆಂಡ್-ಆಧಾರಿತ ಟ್ರಿ-ಸಮ್ ಪೊಟಾಟೊ ಚಿಪ್ಸ್ ಮೂಲತಃ ೧೯೦೮ರಲ್ಲಿ ಲಿಯೊಮಿಂಸ್ಟರ್ ಪೊಟಾಟೊ ಚಿಪ್ ಕಂಪನಿಯಾಗಿ ಮಸ್ಸಾಚ್ಯುಸೆಟ್ಸ್‌ನ ಲಿಯೊಮಿಂಸ್ಟರ್‌ನಲ್ಲಿ ಸ್ಥಾಪನೆಯಾಯಿತು, ಇದು ಅಮೇರಿಕಾದ ಮೊದಲ ಆಲೂಗೆಡ್ಡೆ ಚಿಪ್ ಕಂಪನಿಯೆಂಬ ಹೆಸರು ಪಡೆದಿತ್ತು.[೬] ಮಾರುಕಟ್ಟೆಗಳನ್ನು ಮಾರಾಟ ಮಾಡುತ್ತಿದ್ದ ಚಿಪ್ಸ್ಅನ್ನು ಸಾಮಾನ್ಯವಾಗಿ ಟಬ್ಬಿಗಳಲ್ಲಿ ಅಥವಾ ಅಂಗಡಿಯ ಮುಂಭಾಗದ ಗಾಜಿನ ತೊಟ್ಟಿಗಳಲ್ಲಿ ಮಾರಲಾಗುತ್ತಿತ್ತು ಹಾಗೂ ಕುದುರೆ ಮತ್ತು ಹೇರುಬಂಡಿಗಳಿಂದ ವಿತರಣೆ ಮಾಡಲಾಗುತ್ತಿತ್ತು. ಆರಂಭಿಕ ಆಲೂಗೆಡ್ಡೆ ಚಿಪ್ ಚೀಲವನ್ನು ಮೇಣದ ಕಾಗದಿಂದ ಮಾಡಲಾಗಿತ್ತು, ಅವುಗಳ ಕೊನೆಗಳನ್ನು ಒಟ್ಟಿಗೆ ಬಿಗಿಯಾಗಿ ಕಟ್ಟಲಾಗುತ್ತಿತ್ತು. ಮೊದಲು, ಆಲೂಗೆಡ್ಡೆ ಚಿಪ್ಸ್ಅನ್ನು ಪೀಪಾಯಿ ಅಥವಾ ಡಬ್ಬಿಗಳಲ್ಲಿ ಪ್ಯಾಕಿಂಗ್ ಮಾಡಲಾಗುತ್ತಿತ್ತು, ಅವುಗಳ ತಳಭಾಗದ ಚಿಪ್ಸ್ ಹಳಸಲಾಗುತ್ತಿತ್ತು ಮತ್ತು ಪುಡಿಪುಡಿಯಾಗುತ್ತಿತ್ತು. ಕ್ಯಾಲಿಫೋರ್ನಿಯಾದ ಮಾಂಟೆರಿ ಪಾರ್ಕ್‌ನ ವಾಣಿಜ್ಯೋದ್ಯಮಿ ಲಾರ ಸ್ಕಡ್ಡರ್[೭] ತನ್ನ ಕಾರ್ಮಿಕರಿಗೆ ಮೇಣದ ಕಾಗದದ ಹಾಳೆಗಳನ್ನು ಮನೆಗೆ ತೆಗೆದುಕೊಂಡು ಹೋಗಿ ಚೀಲಗಳ ರೂಪದಲ್ಲಿ ಸರಿಪಡಿಸುವಂತೆ ಹೇಳುತ್ತಿದ್ದರು, ನಂತರ ಮರುದಿನ ಕಾರ್ಖಾನೆಯಲ್ಲಿ ಆ ಚೀಲಗಳಿಗೆ ಚಿಪ್ಸ್ಅನ್ನು ತುಂಬಿಸಲಾಗುತ್ತಿತ್ತು. ಈ ಹೊಸ ವಿಧಾನವು ಪುಡಿಯಾಗುವುದನ್ನು ಕಡಿಮೆ ಮಾಡಿತು ಮತ್ತು ಚಿಪ್ಸ್ ದೀರ್ಘಕಾಲ ತಾಜಾ ಮತ್ತು ಗರಿಗರಿಯಾಗಿ ಉಳಿಯುವಂತೆ ಮಾಡಿತು. ಸೆಲೋಫೇನ್‌ನ ಆವಿಷ್ಕಾರದೊಂದಿಗೆ ಈ ಹೊಸ ಬದಲಾವಣೆಯು ಆಲೂಗೆಡ್ಡೆ ಚಿಪ್ಸ್ ಒಂದು ಭಾರೀ ಮಾರುಕಟ್ಟೆ ಉತ್ಪನ್ನವಾಗುವಂತೆ ಮಾಡಿತು ಹಾಗೂ ಲಾರ ಸ್ಕಡ್ಡರ್ ಹೆಸರನ್ನು ಮನೆಮಾತಾಗಿಸಿತು. ಇಂದು, ಚಿಪ್ಸ್ಅನ್ನು ಪ್ಲ್ಯಾಸ್ಟಿಕ್ ಚೀಲಗಳಲ್ಲಿ ಪ್ಯಾಕಿಂಗ್ ಮಾಡಲಾಗುತ್ತಿದೆ, ಶೇಖರಿಸಿಟ್ಟ ಸ್ಥಳದಲ್ಲಿ ಬಳಸಬಹುದಾದ ಸ್ಥಿತಿಯಲ್ಲೇ ದೀರ್ಘಕಾಲ ಉಳಿಯಲು ಬಿಗಿಯಾಗಿ ಮುಚ್ಚುವುದಕ್ಕಿಂತ ಮೊದಲು ಚೀಲದೊಳಗೆ ನೈಟ್ರೋಜನ್ ಅನಿಲವನ್ನು ಸೇರಿಸಲಾಗುತ್ತದೆ ಮತ್ತು ಪುಡಿಯಾಗದಂತೆ ತಡೆಯಲು ರಕ್ಷಣೆಯನ್ನು ಒದಗಿಸಲಾಗುತ್ತದೆ.[೮]

ಮಸಾಲೆ ಹಾಕಿದ ಚಿಪ್ಸ್[ಬದಲಾಯಿಸಿ]

೧೯೨೦ರಲ್ಲಿ ಸ್ಥಾಪಿತವಾದ ಸ್ಮಿತ್ಸ್ ಪೊಟಾಟೊ ಕ್ರಿಸ್ಪ್ಸ್ ಕಂಪನಿ ಲಿಮಿಟೆಡ್‌ನಿಂದ ಹುಟ್ಟಿಕೊಂಡ ಯೋಚನೆಯಲ್ಲಿ,[೯] ಫ್ರ್ಯಾಂಕ್ ಸ್ಮಿತ್ ಮೂಲತಃ ಜಿಡ್ಡು-ನಿರೋಧ ಕಾಗದ ಚೀಲಗಳಲ್ಲಿ ಕ್ರಿಸ್ಪ್ಸ್ ಒಂದಿಗೆ ಉಪ್ಪಿನ ಮಿಶ್ರಣವನ್ನು ಪ್ಯಾಕಿಂಗ್ ಮಾಡಿದರು, ನಂತರ ಅವನ್ನು ಲಂಡನ್‌ನಾದ್ಯಂತ ಮಾರಾಟ ಮಾಡಿದರು.

ಟಾಯ್ಟೊ ಎಂಬ ಐರಿಷ್ ಕ್ರಿಸ್ಪ್ ಕಂಪನಿಯ ಮಾಲೀಕ ಜೋಯ್ "ಸ್ಪಡ್ " ಮರ್ಫಿ (೧೯೨೩–೨೦೦೧)[೧೦] ತಯಾರಿಕೆಯ ಸಂದರ್ಭದಲ್ಲಿ ಮಸಾಲೆ ಹಾಕುವ ತಂತ್ರಜ್ಞಾನವೊಂದನ್ನು ೧೯೫೦ರಲ್ಲಿ ಅಭಿವೃದ್ಧಿ ಪಡಿಸುವವರೆಗೆ ಆಲೂಗೆಡ್ಡೆ ಚಿಪ್ಸ್‌ಗೆ ಮಸಾಲೆ ಹಾಕಲಾಗುತ್ತಿರಲಿಲ್ಲ. ಹೆಚ್ಚುಕಡಿಮೆ ಸಂಪೂರ್ಣವಾಗಿ ತನ್ನ ಅತಿ ಸಮೀಪದ ಬಂಧುಗಳನ್ನೊಳಗೊಂಡ ಸಣ್ಣ ಕಂಪನಿಯನ್ನು ಹೊಂದಿದ್ದರೂ, ಆತ ಈ ಹೊಸ ವಿಧಾನಗಳ ಪ್ರವರ್ತಕನೆಂಬುದನ್ನು ಸಾಬೀತುಪಡಿಸುವಲ್ಲಿ ಯಶಸ್ವಿಯಾದರು. ಕೆಲವು ಪರೀಕ್ಷೆಗಳನಂತರ, ಮರ್ಫಿ ಮತ್ತು ಆತನ ನೌಕರ ಸೀಮಸ್ ಬರ್ಕೆ[೧೧] ಪ್ರಪಂಚದ ಮೊದಲ ಮಸಾಲೆ ಹಾಕಿದ ಕ್ರಿಸ್ಪ್ಸ್, ಚೀಸ್ ಮತ್ತು ಈರುಳ್ಳಿ ಹಾಗೂ ಉಪ್ಪು ಮತ್ತು ವಿನಿಗರ್ಅನ್ನು ತಯಾರಿಸಿದರು.

ಈ ಹೊಸ ಬದಲಾವಣೆಯು ಆಹಾರ ಉದ್ಯಮದಲ್ಲಿ ಅತಿ ಶೀಘ್ರದಲ್ಲಿ ಸಂವೇದನೆಯೊಂದನ್ನು ಉಂಟುಮಾಡಿತು, ಅಮೇರಿಕಾ ಸಂಯುಕ್ತ ಸಂಸ್ಥಾನದಲ್ಲಿ ಕೆಲವು ದೊಡ್ಡ ಆಲೂಗೆಡ್ಡೆ ಚಿಪ್ ಕಂಪನಿಗಳ ಪ್ರಮುಖ ವ್ಯಕ್ತಿಗಳು ಸಣ್ಣ ಟಾಯ್ಟೊ ಕಂಪನಿಯತ್ತ ಸಾಗಿದರು, ಐರ್ಲೆಂಡ್‌ನಲ್ಲಿ ಆ ಉತ್ಪನ್ನವನ್ನು ಪರಿಶೀಲಿಸಲು ಮತ್ತು ಹೊಸ ತಂತ್ರಜ್ಞಾನವನ್ನು ಬಳಸುವ ಹಕ್ಕುಗಳನ್ನು ಪಡೆಯಲು ಪ್ರಯತ್ನಿಸಿದರು. ಪ್ರಪಂಚದಾದ್ಯಂತದ ಕಂಪನಿಗಳು ಟಾಯ್ಟೊದ ತಂತ್ರಜ್ಞಾನದ ಹಕ್ಕುಗಳನ್ನು ಖರೀದಿಸಲು ಪ್ರಯತ್ನಿಸಿದವು. ಟಾಯ್ಟೊ ಕಂಪನಿಯ ಮಾರಾಟವು ಅದರ ಮಾಲೀಕ ಮತ್ತು ಆಲೂಗೆಡ್ಡೆ ಚಿಪ್ ತಯಾರಿಕಾ ವಿಧಾನವನ್ನು ಬದಲಾಯಿಸಿದ ಸಣ್ಣ ಕುಟುಂಬವನ್ನು ಅತೀವ ಶ್ರೀಮಂತರನ್ನಾಗಿಸಿತು.

ಸ್ಮಿತ್ಸ್ ಪೊಟಾಟೊ ಕ್ರಿಸ್ಪ್ಸ್‌ನ ಜಾಹೀರಾತು.

ಟಾಯ್ಟೊದ ಹೊಸ ಬದಲಾವಣೆಯು ಆಲೂಗೆಡ್ಡೆ ಚಿಪ್‌ ತಯಾರಿಕಾ ರೀತಿಯನ್ನೇ ಬದಲಾಯಿಸಿತು ಮತ್ತು ಸ್ಮಿತ್‌ನ ಉಪ್ಪಿನ ಬಳಕೆಯನ್ನು ಕೊನೆಗೊಳಿಸಿತು. (ಸ್ಮಿತ್‌ನ (UK) ವಿಧಾನವನ್ನು ೧೯೭೯ರಲ್ಲಿ ಬಿಟ್ಟುಬಿಟ್ಟ ನಂತರ, ಸಾಲ್ಟ್ ಆಂಡ್ ಶೇಕ್ ಆಲೂಗೆಡ್ಡೆ ಕ್ರಿಸ್ಪ್ಸ್‌ನೊಂದಿಗೆ ವಾಕರ್ಸ್ 'ಸಾಲ್ಟ್ ಇನ್ ಎ ಬ್ಯಾಗ್' ಯೋಚನೆಯನ್ನು ಮಾಡಿತು).[೧೨]) ನಂತರ ಚಿಪ್ಸ್ ತಯಾರಕರು ಆಲೂಗೆಡ್ಡೆ ಚಿಪ್ಸ್‌ಗೆ ನೈಸರ್ಗಿಕ ಮತ್ತು ಕೃತಕ ಮಸಾಲೆ ಪದಾರ್ಥಗಳನ್ನು ಸೇರಿಸಿದರು, ಇದರಿಂದ ಅವರು ವಿವಿಧ ಮಟ್ಟದಲ್ಲಿ ಯಶಸ್ಸು ಕಂಡರು. ಒಂದು ಮಸಾಲೆ ಪದಾರ್ಥದ ಆಧಾರದಲ್ಲಿ ಸೀಮಿತ ಮಾರುಕಟ್ಟೆಗೆ ಭಾರೀ ಬೇಡಿಕೆಯನ್ನು ಹೊಂದಿದ್ದ ಉತ್ಪನ್ನವೊಂದು ಈಗ ಹಲವಾರು ಮಸಾಲೆ ಪದಾರ್ಥಗಳ ಮೂಲಕ ಮಾರುಕಟ್ಟೆ ಭೇದನ ಪರಿಮಿತಿಯನ್ನು ಹೊಂದಿದೆ. ಟಾಯ್ಟೊದಿಂದ ತಯಾರಿಸಲ್ಪಟ್ಟ ಮೂಲತಃ 'ಚೀಸ್ ಮತ್ತು ಈರುಳ್ಳಿ'ಯನ್ನೂ ಒಳಗೊಂಡಂತೆ ಚಿಪ್ಸ್‌ನ ಅನೇಕ ಇತರ ಮಸಾಲೆ ಪದಾರ್ಥಗಳನ್ನು ವಿವಿಧ ಸ್ಥಳಗಳಲ್ಲಿ ಮಾರಾಟ ಮಾಡಲಾಗುತ್ತದೆ, ಟಾಯ್ಟೊ ಬಹುಮಟ್ಟಿಗೆ ಐರ್ಲೆಂಡ್‌ನ ಅತಿ ದೊಡ್ಡ ಕ್ರಿಸ್ಪ್ಸ್ ತಯಾರಕ ಸಂಸ್ಥೆಯಾಗಿದೆ.

ಪರಿಭಾಷೆ[ಬದಲಾಯಿಸಿ]

ಬಾಂಗ್ಲಾದೇಶಿ ಆಲೂಗೆಡ್ಡೆ ಚಿಪ್ಸ್

ಇಂಗ್ಲಿಷ್ ಮಾತನಾಡುವ ರಾಷ್ಟ್ರಗಳಲ್ಲಿ ಕರಿದ ಆಲೂಗೆಡ್ಡೆ ಚೂರುಗಳ ಹೆಸರುಗಳಿಗೆ ದೃಢತೆಯಿಲ್ಲ. ಅಮೇರಿಕನ್ ಮತ್ತು ಕೆನಡಿಯನ್ ಇಂಗ್ಲಿಷ್ 'ಚಿಪ್ಸ್'ಅನ್ನು ಮೇಲೆ ಸೂಚಿಸಿದ ಪದಾರ್ಥಕ್ಕೆ ಬಳಸುತ್ತದೆ - ಈ ಪದವನ್ನು ಅಮೇರಿಕನ್ ಸಂಸ್ಕೃತಿಯ ಪ್ರಭಾವದಿಂದಾಗಿ ಪ್ರಪಂಚದ ಇತರ ಭಾಗಗಳಲ್ಲೂ ಬಳಸಲಾಗುತ್ತದೆ (ಆದರೆ ಸಾರ್ವತ್ರಿಕವಾಗಿ ಅಲ್ಲ). ಕೆಲವೊಮ್ಮೆ ಬ್ಯಾಟರ್‌ನಿಂದ ತಯಾರಿಸಿದ ಪದಾರ್ಥಕ್ಕೂ "ಕ್ರಿಸ್ಪ್ಸ್" ಎಂದೂ ಕರೆಯಲಾಗುತ್ತದೆ.

ಯುನೈಟೆಡ್ ಕಿಂಗ್ಡಮ್ ಮತ್ತು ಐರ್ಲೆಂಡ್‌ನಲ್ಲಿ ಕ್ರಿಸ್ಪ್ಸ್ ಎಂದು ಆಲೂಗೆಡ್ಡೆ ಚಿಪ್ಸ್‌ಗೆ ಹೇಳುತ್ತಾರೆ, ಅದೇ ಚಿಪ್ಸ್ ಎಂಬುದು ಫ್ರೆಂಚ್ ಫ್ರೈ‌ಗಳಂತೆಯೇ ("ಮೀನು ಮತ್ತು ಚಿಪ್ಸ್"ನಲ್ಲಿರುವಂತೆ) ಇರುವ ದಪ್ಪನೆಯ ಚೂರುಗಳನ್ನು ಸೂಚಿಸುತ್ತದೆ ಮತ್ತು ಇದನ್ನು ಬಿಸಿಯಿರುವಾಗಲೇ ತಿನ್ನುತ್ತಾರೆ. ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾದ ಕೆಲವು ಭಾಗಗಳು, ದಕ್ಷಿಣ ನ್ಯೂಜಿಲೆಂಡ್, ಭಾರತ, ವೆಸ್ಟ್ ಇಂಡೀಸ್‌ನಲ್ಲಿ ವಿಶೇಷವಾಗಿ ಬಾರ್ಬಡೋಸ್‌ ಮೊದಲಾದೆಡೆಗಳಲ್ಲಿ ಎರಡೂ ರೀತಿಯ ಆಲೂಗೆಡ್ಡೆ ಉತ್ಪನ್ನಗಳನ್ನು 'ಚಿಪ್ಸ್' ಎಂದು ಕರೆಯಲಾಗುತ್ತದೆ, ಏಕೆಂದರೆ ಅವು ದೊಡ್ಡ 'ಮನೆ-ಶೈಲಿಯ' ಆಲೂಗೆಡ್ಡೆ ಕ್ರಿಸ್ಪ್ಸ್ ಆಗಿವೆ. ನ್ಯೂಜಿಲೆಂಡ್‌ನ ಉತ್ತರದಲ್ಲಿ ಅವನ್ನು 'ಚಿಪ್ಪೀಸ್' ಎಂದು ಕರೆಯಲಾಗುತ್ತದೆ, ಆದರೆ ರಾಷ್ಟ್ರದಾದ್ಯಂತ ಅವನ್ನು 'ಚಿಪ್ಸ್' ಆಗಿ ಮಾರಾಟ ಮಾಡಲಾಗುತ್ತದೆ. ಕೆಲವೊಮ್ಮೆ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ನಲ್ಲಿ 'ಹಾಟ್ ಚಿಪ್ಸ್' (ಕರಿದ ಆಲೂಗೆಡ್ಡೆಗಳು) ಮತ್ತು "ಆಲೂಗೆಡ್ಡೆ ಚಿಪ್ಸ್" ನಡುವೆ ವ್ಯತ್ಯಾಸ ಮಾಡಲಾಗುತ್ತದೆ. ಬಾಂಗ್ಲಾದೇಶದಲ್ಲಿ, ಅವನ್ನು ಸಾಮಾನ್ಯಾಗಿ ಚಿಪ್, ಚಿಪ್ಸ್, ಕ್ರಿಸ್ಪ್ಸ್ ("ಕಿರಿಸ್" ಎಂದು ಉಚ್ಚರಿಸಲಾಗುತ್ತದೆ) ಮತ್ತು ಸ್ಥಳೀಯವಾಗಿ ಅಲುರ್ ಪಾಪರ್ ಎಂದು ಕರೆಯಲಾಗುತ್ತದೆ.

ಆರೋಗ್ಯ ಹಿತಾಸಕ್ತಿಗಳು[ಬದಲಾಯಿಸಿ]

ಆಲೂಗೆಡ್ಡೆ ಚಿಪ್ಸ್ಅನ್ನು ಆರಂಭದಲ್ಲಿ ಟ್ರಾನ್ಸ್ ಕೊಬ್ಬು, ಸೋಡಿಯಂ, ಸಕ್ಕರೆ ಅಥವಾ ಇತರ ಪೌಷ್ಟಿಕಾಂಶಗಳ ಪ್ರಮಾಣದ ಬಗ್ಗೆ ಹೆಚ್ಚು ಗಮನ ಕೊಡದೆ ಕರಿಯಲಾಗುತ್ತಿತ್ತು ಮತ್ತು ಮಸಾಲೆ ಹಾಕಲಾಗುತ್ತಿತ್ತು. ವಿವಿಧ ರಾಷ್ಟ್ರಗಳಲ್ಲಿ ಪೌಷ್ಟಿಕಾಂಶ ಸೇವನೆ ಮಾರ್ಗದರ್ಶನಗಳನ್ನು ರಚಿಸಿದರಿಂದ ಮತ್ತು ಪೌಷ್ಟಿಕಾಂಶ ಆಧಾರ ಲೇಬಲ್‌ಗಳು ಸರ್ವೇಸಾಮಾನ್ಯವಾದುದರಿಂದ, ಗ್ರಾಹಕರು, ಸಮರ್ಥನೆ ಗುಂಪುಗಳು ಮತ್ತು ಆರೋಗ್ಯ ಸಂಘಟನೆಗಳು ಆಲೂಗೆಡ್ಡೆ ಚಿಪ್ಸ್ಅನ್ನೂ ಒಳಗೊಂಡಂತೆ ಕಡಿಮೆ ಪೌಷ್ಟಿಕಾಂಶವುಳ್ಳ ಆಹಾರದ ಪೌಷ್ಟಿಕಾಂಶ ಮೌಲ್ಯದ ಬಗ್ಗೆ ಹೆಚ್ಚು ಗಮನ ಹರಿಸಲು ಆರಂಭಿಸಿದರು.[೧೩]

ಕೆಲವು ಆಲೂಗೆಡ್ಡೆ ಚಿಪ್ ಕಂಪನಿಗಳು ಬಳಕೆಯಲ್ಲಿರುವ ಪಾಕವಿಧಾನಗಳನ್ನು ಬದಲಾಯಿಸಲು ಮತ್ತು ಆರೋಗ್ಯ-ಪ್ರಜ್ಞೆಯುಳ್ಳ ಉತ್ಪನ್ನಗಳನ್ನು ತಯಾರಿಸಲು ಸಂಶೋಧನೆ ಮತ್ತು ಅಭಿವೃದ್ಧಿಯಲ್ಲಿ ಹಣತೊಡಗಿಸುವ ಮೂಲಕ ಅನೌಪಚಾರಿಕ ಮತ್ತು ಕಾನೂನು ಆಧರಿಸಿದ ಎರಡೂ ರೀತಿ ಟೀಕೆಗಳಿಗೆ ಪ್ರತಿಕ್ರಿಯಿಸಿದವು. ಕೆಟಲ್ ಫುಡ್ಸ್ ೧೯೭೮ರಲ್ಲಿ ಸ್ಥಾಪಿತವಾಯಿತು ಮತ್ತು ಪ್ರಸ್ತುತ ಇದು ಆಲೂಗೆಡ್ಡೆ ಚಿಪ್ಸ್ಅನ್ನೂ ಒಳಗೊಂಡಂತೆ ಕೇವಲ ಟ್ರಾನ್ಸ್ ಕೊಬ್ಬು-ರಹಿತ ಉತ್ಪನ್ನಗಳನ್ನು ಮಾತ್ರ ಮಾರಾಟ ಮಾಡುತ್ತದೆ. ಚಿಪ್ಸ್‌ಅನ್ನು ನುಂಗುವುದಕ್ಕಿಂತ ಮೊದಲು ಅದರ ಮೇಲಿನ ಸರಿಸುಮಾರು ೮೦%ನಷ್ಟು ಉಪ್ಪನ್ನು ನಾಲಗೆಯು ರುಚಿನೋಡುವುದಿಲ್ಲವೆಂದು ಪೆಪ್ಸಿಕೊ ಸಂಶೋಧನೆಯು ತೋರಿಸಿದೆ. ರುಚಿಪರಿಮಳದ ಮೇಲೆ ಯಾವುದೇ ಪ್ರತಿಕೂಲ ಪ್ರಭಾವವನ್ನು ಬೀರದೆ ಲೇಸ್‌ ಆಲೂಗೆಡ್ಡೆ ಚಿಪ್ಸ್‌ನ ಉಪ್ಪಿನಾಂಶವನ್ನು ಕಡಿಮೆ ಮಾಡುವ ಉಪ್ಪಿನ ಹರಳುಗಳನ್ನು ಬಳಸಲು ಆರಂಭಿಸುವುದರೊಂದಿಗೆ ಉತ್ಪನದ ಅಭಿವೃದ್ಧಿಗಾಗಿ ಫ್ರೈಟೊ-ಲೇ ೨೦೦೯ರಲ್ಲಿ ಸುಮಾರು $೪೧೪ ದಶಲಕ್ಷದಷ್ಟು ಹಣವನ್ನು ಖರ್ಚುಮಾಡಿತು.[೧೩]

ಸ್ಥಳೀಯ ವೈವಿಧ್ಯತೆಗಳಿಗೆ ಉದಾಹರಣೆಗಳು[ಬದಲಾಯಿಸಿ]

ಚಿತ್ರ:HEDGEHOG CRISPS.jpg
ಹೆಡ್ಗೆಹಾಗ್ ಬ್ರ್ಯಾಂಡ್ ರುಚಿಯ ಕ್ರಿಸ್ಪ್ಸ್
  • ಆಸ್ಟ್ರೇಲಿಯಾದಲ್ಲಿ, ಸಾದಾ (ಉಪ್ಪುಹಾಕಿದ), ಹುರಿದ ಕೋಳಿಮಾಂಸ, ಬಾರ್ಬೆಕ್ಯೂ ಹಾಗೂ ಉಪ್ಪು ಮತ್ತು ವಿನಿಗರ್ ಮೊದಲಾದವು ಜನಪ್ರಿಯ ವಿಶಿಷ್ಟ-ರುಚಿಗಳಾಗಿವೆ. ಇತ್ತೀಚೆಗೆ ಇತರ ರುಚಿಗಳೂ ಸಹ ಜನಪ್ರಿಯವಾಗಿವೆ, ಅವುಗಳೆಂದರೆ ನಿಂಬೆಹಣ್ಣು ಮತ್ತು ಕರಿಮೆಣಸು, ಮೆಣಸಿನಕಾಯಿ, ಹುಳಿ ಕ್ರೀಮ್ ಮತ್ತು ಚೈವ್, ಸಿಹಿ ಮೆಣಸಿನಕಾಯಿ ಸಾಸ್ ಮತ್ತು ಹುಳಿ ಕ್ರೀಮ್, ಜೇನು-ಸಾಯ್-ಕೋಳಿಮಾಂಸ ಮತ್ತು ಕೇಸರ್ ಸಲಾಡ್. ಇತ್ತೀಚಿನವರೆಗೆ ಅರ್ನಾಟ್ಸ್ ಡೋನರ್ ಕಬಾಬ್ ರುಚಿಯನ್ನು ತಯಾರಿಸುತ್ತಿತ್ತು.
  • ಆಸ್ಟ್ರಿಯಾದಲ್ಲಿ, ಬೆಳ್ಳುಳ್ಳಿ ರುಚಿಯ ಆಲೂಗೆಡ್ಡೆ ಚಿಪ್ಸ್ ಲಭ್ಯಯಿದೆ.
  • ಬಲ್ಗೇರಿಯಾದಲ್ಲಿ, ಸಾದಾ ಉಪ್ಪುಹಾಕಿದ, ಕೆಂಪುಮೆಣಸು, ಹುಳಿ ಕ್ರೀಮ್ ಮತ್ತು ಈರುಳ್ಳಿ ಹಾಗೂ ಚೀಸ್ ಮತ್ತು ಖಾರಾ ಮೆಣಸು ಜನಪ್ರಿಯ ರುಚಿಗಳಾಗಿವೆ. ಬಾರ್ಬೆಕ್ಯೂ ಮತ್ತು ಕೆಚಪ್ ರುಚಿಯ ಚಿಪ್ಸ್ ಸಹ ಇಲ್ಲಿ ಲಭ್ಯಯಿವೆ.
  • ಕೆನಡಾದಲ್ಲಿ ಚಿಪ್ಸ್‌ಗೆ ಸೇರಿಸುವ ಮಸಾಲೆ ಪದಾರ್ಥಗಳೆಂದರೆ - ಸಬ್ಬಿಸಿಗೆ ಉಪ್ಪಿನಕಾಯಿ, ಕೆಚಪ್, ಬಾರ್ಬೆಕ್ಯೂ, ಬಾಲ್‌ಪಾರ್ಕ್ ಹಾಟ್‌ಡಾಗ್, ಬಫೆಲೊ ವಿಂಗ್ಸ್ ಮತ್ತು ಬ್ಲೂ ಚೀಸ್, ಈರುಳ್ಳಿ ಮತ್ತು ಬೆಳ್ಳುಳ್ಳಿ, ಜಾಲಪೆನೊ ಮತ್ತು ಚೆಡ್ಡರ್, ಉಪ್ಪು ಮತ್ತು ವಿನಿಗರ್, ಉಪ್ಪು ಮತ್ತು ಕರಿಮೆಣಸು, ಹುಳಿ ಕ್ರೀಮ್ ಮತ್ತು ಬೇಕನ್, ಹುಳಿ ಕ್ರೀಮ್ ಮತ್ತು ಚೆಡ್ಡರ್, ಹುಳಿ ಕ್ರೀಮ್ ಮತ್ತು ಈರುಳ್ಳಿ, ಹುರಿದ ಕೋಳಿಮಾಂಸ, ಕರಿದ ಮಾಂಸ ಮತ್ತು ಮಾಂಸರಸ ಹಾಗೂ ಕರಿ. ಟೊರೊಂಟೊ ಮತ್ತು ವ್ಯಾನ್ಕವರ್‌ನಲ್ಲಿ, ಲೇಸ್ ವಾಸಬಿ ಚಿಪ್ಸ್ಅನ್ನು ಒದಗಿಸುತ್ತದೆ.[೧೪]
  • ಪ್ರಧಾನ ಭೂಭಾಗ ಚೀನಾದಲ್ಲಿ, ಲೇಸ್ ಚೈನೀಸ್ ಪಾಕಪದ್ಧತಿ, ಪ್ರಪಂಚದ ಪಾಕವಿಧಾನ ಮತ್ತು ಸೌತೆಕಾಯಿಯಂತಹ ರುಚಿಯ ಆಲೂಗೆಡ್ಡೆ ಚಿಪ್ಸ್ಅನ್ನು ಬಳಕೆಗೆ ತಂದಿತು.
  • ಕೊಲಂಬಿಯಾದಲ್ಲಿ ಐದು ಪ್ರಮುಖ ರುಚಿಯ ಚಿಪ್ಸ್ ಲಭ್ಯವಾಗುತ್ತದೆ, ಅವುಗಳೆಂದರೆ ಸಹಜ (ಉಪ್ಪುಹಾಕಿದ), ಬಾರ್ಬೆಕ್ಯೂ, ಕೋಳಿಮಾಂಸ, ಮೇಯನೇಸ್ ಮತ್ತು ಲಿಮನ್.
  • ಈಜಿಪ್ಟ್‌ನಲ್ಲಿ, ಚಿಪ್ಸಿ ಎಂಬುದು ಆಲೂಗೆಡ್ಡೆ ಚಿಪ್ಸ್‌ನ ಹೆಚ್ಚು ಪ್ರಸಿದ್ಧ ಬ್ರ್ಯಾಂಡ್ ಆಗಿದೆ. ಇದು ಸ್ಥಳೀಯ ಪಾಕವಿಧಾನದ ಕೆಲವು ರುಚಿಗಳನ್ನು ಹೊಂದಿದೆ, ಉದಾ, ಕಬಾಬ್, ಮಸಾಲೆ ಹಾಕಿದ ದ್ರಾಕ್ಷಿ ಎಲೆಗಳು ಇತ್ಯಾದಿ.
  • ಹೆಚ್ಚಿನ ಭೂಖಂಡದ EU ರಾಷ್ಟ್ರಗಳಲ್ಲಿ, ಮಾರಾಟವಾಗುವ ಹೆಚ್ಚಿನ ಪ್ರಮಾಣದ ಚಿಪ್ಸ್ ಕೆಂಪು ಮೆಣಸು ರುಚಿಯದಾಗಿದೆ.
  • ಫಿನ್‌ಲ್ಯಾಂಡ್‌ನಲ್ಲಿ, ಆಲೂಗೆಡ್ಡೆ ಚಿಪ್ಸ್ ವ್ಯವಹಾರದಲ್ಲಿ ಮುಖ್ಯ ಸ್ಥಾನದಲ್ಲಿರುವುದು ಅಲ್ಯಾಂಡ್ ಆಧಾರಿತ ಟ್ಯಾಫೆಲ್ (ಡೆನ್ಮಾರ್ಕ್ ಮತ್ತು ನಾರ್ವೆಯಲ್ಲಿ ಕಿಮ್ಸ್ ಎಂದು ಕರೆಯಲಾಗುತ್ತದೆ ಮತ್ತು ಸ್ವೀಡನ್‌ನಲ್ಲಿ OLW ಎಂಬ ಹೆಸರಿನಡಿಯಲ್ಲಿ ಮಾರಾಟವಾಗುತ್ತದೆ). ಇದರ ಪ್ರಸಿದ್ಧ ಉತ್ಪನ್ನಗಳೆಂದರೆ ಚೀಸ್ ರುಚಿಯ ಜುಸ್ಟೊ ಸ್ನ್ಯಾಕ್ಸ್, ಉಪ್ಪಿನ ರುಚಿಯ ಚಿಪ್ಸ್, ಹುಳಿ ಕ್ರಾಮ್ ಮತ್ತು ಈರುಳ್ಳಿ ರುಚಿಯ ಬ್ರಾಡ್‌ವೇ ಮತ್ತು ಬಾರ್ಬೆಕ್ಯೂ ರುಚಿಯ ಗ್ರಿಲ್ ಚಿಪ್ಸ್. ತಯಾರಕರು, ಎಸ್ಟ್ರೆಲ್ಲಾ ಮತ್ತು ಪ್ರಿಂಗಲ್ಸ್ ಮೊದಲಾದ ಕೆಲವು ವಿದೇಶಿ ಬ್ರ್ಯಾಂಡ್‍‌ಗಳನ್ನೂ ಒಳಗೊಂಡಂತೆ ಪ್ರಸಿದ್ಧ ಬ್ರ್ಯಾಂಡ್‌ಗಳನ್ನು ಲೆಕ್ಕಿಸದೆ ಸಾಮಾನ್ಯವಾಗಿ ಹುಳಿ ಕ್ರೀಮ್ ಮತ್ತು ಈರುಳ್ಳಿ ಹಾಗೂ ಬಾರ್ಬೆಕ್ಯೂ ರುಚಿಯ ಆಲೂಗೆಡ್ಡೆ ಚಿಪ್ಸ್ ಹೆಚ್ಚು ಜನಪ್ರಿಯ ರುಚಿಗಳಾಗಿವೆ.
  • ಜರ್ಮನಿಯಲ್ಲಿ, ಹೆಚ್ಚು ಸಾಮಾನ್ಯವಾದ ರುಚಿಯೆಂದರೆ ಕರಿಮೆಣಸು. ಹೆಚ್ಚು ವಿಲಕ್ಷಣ ವೈವಿಧ್ಯಗಳೂ ಕಂಡುಬರಲು ಆರಂಭವಾದವು, ಅವುಗಳೆಂದರೆ ಉಪ್ಪು ಮತ್ತು ವಿನಿಗರ್ ಹಾಗೂ ಏಷ್ಯನ್ ರುಚಿಗಳು. ತೀರ ಇತ್ತೀಚಿನ ಬೆಳವಣಿಗೆಯೆಂದರೆ ಉಪ್ಪು ಮತ್ತು ಕರಿಮೆಣಸು-ರುಚಿ ಹಾಗೂ ಜೈವಿಕ ಕೃಷಿಯ ಉತ್ಪನ್ನಗಳು. ಪೌರಾಣಿಕ ಬೀರ್ ರುಚಿಯ ಚಿಪ್ಸ್ ವ್ಯಾಪಕವಾಗಿ ನಂಬಲಾಗಿದ್ದ ಮಿಥ್ಯಾಕಲ್ಪನೆಯಾಗಿತ್ತು, ಬೀರ್ ರುಚಿಯ ಚಿಪ್ಸ್ ಬಗ್ಗೆ ತೀರ ಇತ್ತೀಚಿಗೆ ಲಾರೆನ್ಜ್ ಸ್ನ್ಯಾಕ್-ವರ್ಲ್ಡ್‌ನ ೨೦೦೬ರ ಸಾಕರ್ ವಿಶ್ವ ಕಪ್ ವಿಶೇಷ ಆವೃತ್ತಿಯಲ್ಲಿ ಸೂಚಿಸಲಾಗಿತ್ತು. ಪ್ರಬಲ ಬ್ರ್ಯಾಂಡ್‌ಗಳೆಂದರೆ ಇಂಟರ್‌ಸ್ನ್ಯಾಕ್‌ನಿಂದ ತಯಾರಿಸಲ್ಪಡುವ ಚಿಯೊ ಚಿಪ್ಸ್ ಮತ್ತು ಫನ್ನಿ ಫ್ರಿಸ್ಚ್, ಲಾರೆನ್ಜ್ ಸ್ನ್ಯಾಕ್-ವರ್ಲ್ಡ್‌ನಿಂದ ತಯಾರಿಸಲ್ಪಡುವ ಕ್ರಂಚಿಪ್ಸ್ ಮತ್ತು ಪ್ರಿಂಗಲ್ಸ್. ಲೇಸ್ ಅಥವಾ ಕೆಟಲ್‌ನಂತಹ ಇತರ ವಿದೇಶ ಬ್ರ್ಯಾಂಡ್‌ಗಳು ವಿರಳವಾಗಿ ಲಭ್ಯವಾಗುತ್ತವೆ, ಆದರೆ ಅವು ಸಾಮಾನ್ಯವಾಗಿ ಪ್ರಮುಖ ಪಾತ್ರವಹಿಸುವುದಿಲ್ಲ.
  • ಗ್ರೀಸ್‌ನಲ್ಲಿ, ಆರಿಗಾನೊ ರುಚಿಯ ಚಿಪ್ಸ್ ತುಂಬಾ ಜನಪ್ರಿಯವಾಗಿವೆ.
  • ಹಾಂಗ್ ಕಾಂಗ್‌ನಲ್ಲಿರುವ ಎರಡು ಪ್ರಮುಖ ಆಲೂಗೆಡ್ಡೆ ಚಿಪ್ಸ್ ಎಂದರೆ ಕ್ಯಾಲ್ಬಿಯ ಖಾರದ 'ಎತ್ನಿಕನ್' ವೈವಿಧ್ಯ[೧೫] ಮತ್ತು ಜ್ಯಾಕನ್ ಜಿಲ್‌ನ ಬಾರ್ಬೆಕ್ಯೂ. ಲೇಸ್ ಕೂಡ ಹಾಂಗ್ ಕಾಂಗ್‌ನಲ್ಲಿ ಜನಪ್ರಿಯವಾಗಿದೆ. (ಹೆಚ್ಚು ಜನಪ್ರಿಯವಾದವೆಂದರೆ BBQ ಹಾಗೂ ಹುಳಿ ಕ್ರೀಮ್ ಮತ್ತು ಈರುಳ್ಳಿ.)
  • ಭಾರತ ಮತ್ತು ಪಾಕಿಸ್ತಾನದಲ್ಲಿ, ಸ್ಥಳೀಯವಾಗಿ ತಯಾರಿಸಿದುದರಲ್ಲಿ ಮತ್ತು ಲೇಸ್‌ನಂತಹ ಬಹು-ರಾಷ್ಟ್ರೀಯ ಬ್ರ್ಯಾಂಡ್‌ಗಳೆರಡರಲ್ಲೂ ಹಲವಾರು ರುಚಿಯ ವೈವಿಧ್ಯಗಳಿವೆ. ಅಂತಹ ಕೆಲವು ರುಚಿಗಳೆಂದರೆ ಟೊಮಾಟೊ, ಪುದೀನ, ಮಸಾಲೆ, ಕೊತ್ತಂಬರಿ, ಉಪ್ಪು ಮತ್ತು ಕರಿಮೆಣಸು ಹಾಗೂ ಕೆಂಪು ಮೆಣಸು ಹುಡಿ. ಹೆಚ್ಚು ಜನಪ್ರಿಯ ಚಿಪ್ ವೈವಿಧ್ಯಗಳೆಂದರೆ ಆಲೂಗೆಡ್ಡೆ, ಟ್ಯಾಪಿಯೋಕ ಮತ್ತು ಬಾಳೆ ಹಣ್ಣು (ಹಳದಿ ಅಥವಾ ಹಸಿರು, ಪ್ರತಿಯೊಂದು ಅದರದೇ ಆದ ರುಚಿಯನ್ನು ಹೊಂದಿರುತ್ತದೆ).
  • ಇಂಡೋನೇಷಿಯಾದಲ್ಲಿ, ಬಾರ್ಬೆಕ್ಯೂ, ಮುಸುಕಿನ ಜೋಳ ಮತ್ತು ಕರಿದ ಕೋಳಿಮಾಂಸ ರುಚಿಗಳು ಎಲ್ಲರ ಅಚ್ಚುಮೆಚ್ಚಿನವುಗಳಾಗಿವೆ. ಚಿಪ್ಸ್‌ನ ಮತ್ತೊಂದು ವೈವಿಧ್ಯವೆಂದರೆ ಕಸ್ಸಾವ ಚಿಪ್ಸ್.
  • ಐರ್ಲೆಂಡ್‌ನಲ್ಲಿ, ಕ್ರಿಸ್ಪ್ಸ್‌ನ ಸಾಮಾನ್ಯ ವೈವಿಧ್ಯಗಳು UK ಯಲ್ಲಿ ಮಾರಾಟವಾಗುವ ಉತ್ಪನ್ನಗಳೇ ಆಗಿವೆ. ಆದರೆ ಐರ್ಲೆಂಡ್‌ನಲ್ಲಿ, ಟಾಯ್ಟೊ ಪದವನ್ನು ಟಾಯ್ಟೊ ಬ್ರ್ಯಾಂಡ್‌ನ ನಂತರ ಕ್ರಿಸ್ಪ್ಸ್‌ಗೆ ಸಮಾನಾರ್ಥಕ ಪದವಾಗಿ ಬಳಸಲಾಗುತ್ತಿದೆ ಮತ್ತು ಇದನ್ನು ಟಾಯ್ಟೊದಿಂದ ತಯಾರಿಸಲ್ಪಡದ ಉತ್ಪನ್ನಗಳನ್ನೂ ಒಳಗೊಂಡಂತೆ ಎಲ್ಲಾ ರೀತಿಯ ಕ್ರಿಸ್ಪ್‌ಗಳನ್ನು ಸೂಚಿಸಲು ಉಪಯೋಗಿಸಲಾಗುತ್ತದೆ. ಐರಿಷ್ ಮಾರುಕಟ್ಟೆಯಲ್ಲಿ ಟಾಯ್ಟೊದ ಪ್ರಾಬಲ್ಯತೆಯಿಂದಾಗಿ, ಈ ಪದವು ಒಂದು ಜಾತಿವಿಶಿಷ್ಟವಾದ ಹೆಗ್ಗುರುತಾಯಿತು. ವಾಕರ್ಸ್ ಕ್ರಿಸ್ಪ್ಸ್ಅನ್ನು ಕೆಲವು ವರ್ಷಗಳ ಹಿಂದೆ ಅಲ್ಲಿ ಬಿಡುಗಡೆ ಮಾಡಲಾಯಿತು, ಆದರೆ ಅದು ಮಾರಕಟ್ಟೆಯಲ್ಲಿ ಪ್ರಾಬಲ್ಯತೆ ಗಳಿಸಲು ವಿಫಲಗೊಂಡಿತು. ಹಂಕಿ ಡೋರಿಸ್ ಮತ್ತು ಕಿಂಗ್ ಕ್ರಿಸ್ಪ್ಸ್ ಇತರ ಜನಪ್ರಿಯ ಐರಿಷ್ ಬ್ರ್ಯಾಂಡ್‌ಗಳಾಗಿವೆ. ಐರಿಷ್‌ನಲ್ಲಿ, ಕ್ರಿಸ್ಪ್ಸ್ಅನ್ನು ಕ್ರಿಯೋಸ್ಪೈ ಎಂದು ಕರೆಯಲಾಗುತ್ತದೆ. ವಾಕರ್ಸ್ ಪ್ರಸ್ತುತ ಮೀನು ಮತ್ತು ಚಿಪ್ಸ್‌ನಂತಹ ಹೊಸ ರುಚಿಗಳನ್ನು ಪರೀಕ್ಷಿಸುತ್ತಿದೆ ಹಾಗೂ ಜನಪ್ರಿಯತೆಯ ಆಧಾರದಲ್ಲಿ ಅದು ಅವನ್ನು ಭಾರೀ ಪ್ರಮಾಣದಲ್ಲಿ ತಯಾರಿಸಲು ಆರಂಭಿಸಬಹುದು.
  • ಜಪಾನ್‌ನಲ್ಲಿ ಬಳಸುವ ರುಚಿಗಳೆಂದರೆ ನೋರಿ ಮತ್ತು ಉಪ್ಪು, ಕಾನ್ಸೊಮ್ಮೆ, ವಾಸಬಿ, ಸಾಯ್ ಸಾಸ್ ಮತ್ತು ಬೆಣ್ಣೆ, ಟಾಕೊಯಾಕಿ, ಕಿಮ್ಚಿ, ಬೆಳ್ಳುಳ್ಳಿ, ಮೆಣಸಿನಕಾಯಿ, ಬೆಣ್ಣಯೊಂದಿಗೆ ಸ್ಕ್ಯಾಲಪ್ , ಉಮೆ, ಮೇಯೊನೇಸೆ, ಯಾಕಿಟೋರಿ ಮತ್ತು ರಾಮೆನ್. ಇಲ್ಲಿರುವ ಪ್ರಮುಖ ತಯಾರಕರೆಂದರೆ ಕ್ಯಾಲ್ಬೀ,[೧೬] ಕೋಯ್ಕೆಯ[೧೭] ಮತ್ತು ಯಾಮಯೋಶಿ.
  • ಮೆಕ್ಸಿಕೊದಲ್ಲಿ, ಹೆಚ್ಚಿನ ರುಚಿಗಳು ಖಾರವಾಗಿರುತ್ತವೆ. ಜನಪ್ರಿಯ ರುಚಿಗಳೆಂದರೆ ಉಪ್ಪು, ಲಿಂಬೆ, ಹಾಬನೆರೊ, ಚಿಲಿ ವೈ ಲಿಮನ್ ಮತ್ತು ಚೀಸ್.
  • ಕೆಲವು ಮಧ್ಯ ಪ್ರಾಚ್ಯ ರಾಷ್ಟ್ರಗಳಲ್ಲಿ,[clarification needed] ಅನೇಕ ಜನಪ್ರಿಯ ಅಮೇರಿಕನ್ ರುಚಿಗಳು ಮತ್ತು ಕೋಳಿಮಾಂಸ-ರುಚಿಯ ಚಿಪ್ಸ್ ಲಭಿಸುತ್ತವೆ. ಅವಲ್ಲದೆ, ಉಪ್ಪು ಹಾಗೂ ಉಪ್ಪು ಮತ್ತು ಕರಿಮೆಣಸು ವೈವಿಧ್ಯಗಳು ಹೆಚ್ಚು ಜನಪ್ರಿಯವಾಗಿವೆ.
  • ನೆದರ್ಲೆಂಡ್ಸ್‌ನಲ್ಲಿ ಈ ಮಾರುಕಟ್ಟೆಯನ್ನು ಲೇಸ್ ವ್ಯಾಪಿಸಿಕೊಂಡಿದೆ; ಅದು ಹಲವಾರು ರುಚಿಗಳನ್ನು ನೀಡುತ್ತದೆ, ಅವುಗಳೆಂದರೆ ಸಹಜ (ಉಪ್ಪುಹಾಕಿದ), ಕೆಂಪುಮೆಣಸು, ಬೋಲೋಗ್ನೆಸೆ (ಇಟಾಲಿಯನ್ ಮೂಲಿಕೆಗಳು ಮತ್ತು ಟೊಮಾಟೊ), ಬಾರ್ಬೆಕ್ಯೂಡ್ ಹ್ಯಾಮ್, ಚೀಸ್ ಮತ್ತು ಈರುಳ್ಳಿ, ಮೆಕ್ಸಿಕನ್ ಮೂಲಿಕೆಗಳು, ಹೈನ್ಜ್ ಟೊಮಾಟೊ ಕೆಚಪ್, ಮೆಣಸಿನಕಾಯಿ, ಸ್ಪಾರೆರಿಬ್ಸ್, ಮೆಡಿಟರೇನಿಯನ್ ಮೂಲಿಕೆಗಳು, ಥೈ ಸಿಹಿ ಮೆಣಸು, ಓರಿಯಂಟಲ್ ಸಂಬಾರ ಪದಾರ್ಥಗಳು, ಕರಿಮೆಣಸು ಮತ್ತು ಕ್ರೀಮ್, ಕೋಳಿಮಾಂಸ ಮತ್ತು ಟೈಮ್ ಹಾಗೂ ಸಂಬಾರ ಪದಾರ್ಥಗಳು ಮತ್ತು ಲಿಂಬೆ. ಸಹಜ (ಉಪ್ಪುಹಾಕಿದ) ಮತ್ತು ಕೆಂಪುಮೆಣಸು ಕ್ರಿಸ್ಪ್ಸ್ ಹೆಚ್ಚು ಜನಪ್ರಿಯವಾದವು.
  • ನ್ಯೂಜಿಲೆಂಡ್‌ನಲ್ಲಿ, ಸಿದ್ಧ ಉಪ್ಪುಹಾಕಿದ, ಉಪ್ಪು ಮತ್ತು ವಿನಿಗರ್ ಹಾಗೂ ಕೋಳಿಮಾಂಸ ರುಚಿಗಳು ಹೆಚ್ಚು ಜನಪ್ರಿಯ ಆಲೂಗೆಡ್ಡೆ ಚಿಪ್ಸ್‌ನ ವೈವಿಧ್ಯಗಳಾಗಿವೆ. ೨೦೦೯ರಲ್ಲಿ, ಬ್ಲ್ಯೂಬರ್ಡ್ ಫುಡ್ಸ್ ಲಿಮಿಟೆಡ್ 'ಮೀಚ್ ಪೈ ಮತ್ತು ಕೆಚಪ್' ಹಾಗೂ 'ಹದಗೊಳಿಸಿದ ಕ್ರೀಮ್ ಮತ್ತು ಈರುಳ್ಳಿ ಸೂಪ್ ಗೊಜ್ಜು' ಮೊದಲಾದ ಪ್ರಾಚೀನ ನ್ಯೂಜಿಲೆಂಡ್ ರುಚಿಗಳಿಂದ ತಯಾರಿಸಿದ ಭಿನ್ನ ರೀತಿ ಚಿಪ್ಸ್ಅನ್ನು ಬಿಡುಗಡೆ ಮಾಡಿತು. ಅದಕ್ಕೆ 'ಕಿವಿ ಆಸ್' ಎಂದು ಹೆಸರಿಡಲಾಯಿತು.
  • ನಾರ್ವೆಯಲ್ಲಿ, ಹೆಚ್ಚು ಚಿಪ್ಸ್‌ಗೆ ಉಪ್ಪು, ಉಪ್ಪು ಮತ್ತು ಕರಿಮೆಣಸು ಅಥವಾ ಕೆಂಪುಮೆಣಸಿನ ರುಚಿಗಳನ್ನು ನೀಡಲಾಗುತ್ತದೆ. ಮಶ್ರೂಮ್ ಮತ್ತು ಮೂಲಂಗಿ ಮೊದಲಾದ ಹೆಚ್ಚು ವಿಲಕ್ಷಣ ರುಚಿಗಳೂ ಸಹ ಲಭಿಸುತ್ತವೆ. ಇಲ್ಲಿರುವ ಪ್ರಮುಖ ಬ್ರ್ಯಾಂಡ್‌ಗಳೆಂದರೆ ಕಿಮ್ಸ್, ಮಾರಡ್ ಮತ್ತು HOFF.
  • ಫಿಲಿಪೈನ್ಸ್‌ನಲ್ಲಿ, ಚೀಸ್, ಬಾರ್ಬೆಕ್ಯೂ ಹಾಗೂ ಹುಳಿ ಕ್ರೀಮ್ ಮತ್ತು ಈರುಳ್ಳಿ ಮೊದಲಾದವು ಎಲ್ಲರ ಅಚ್ಚುಮೆಚ್ಚಿನ ರುಚಿಗಳಾಗಿವೆ.
  • ರಷ್ಯಾದಲ್ಲಿರುವ ಜನಪ್ರಿಯ ರುಚಿಗಳೆಂದರೆ ಸಾದಾ (ಉಪ್ಪುಹಾಕಿದ), ಈರುಳ್ಳಿ, ಕೆಂಪುಮೆಣಸು, ಕರಿಮೆಣಸು ಮತ್ತು ಹುಳಿ ಕ್ರೀಮ್. ಇಲ್ಲಿರು ಹೆಚ್ಚು ಅಸಾಮಾನ್ಯ ವೈವಿಧ್ಯಗಳೆಂದರೆ ಬೇಕನ್, ಶಾಶ್ಲಿಕ್, ಏಡಿ ಮತ್ತು ಕೇವಿಯರ್. ಲೇಸ್ ಮತ್ತು ಪ್ರಿಂಗಲ್ಸ್ ಬ್ರ್ಯಾಂಡ್‌ಗಳೆರಡೂ ಇಲ್ಲಿ ವ್ಯಾಪಕವಾಗಿ ಹರಡಿವೆ. ಪೆರೆಕ್ರೆಸ್ಟಾಕ್‌ನಂತಹ ರಷ್ಯನ್ ಕಂಪನಿಗಳೂ ಸಹ ಅವುಗಳ ಸ್ವಂತ ಚಿಪ್ಸ್ಅನ್ನು ತಯಾರಿಸುತ್ತವೆ.
  • ಸಿಂಗಾಪೂರ್‌ನಲ್ಲಿರುವ ಪ್ರಸಿದ್ಧ ಬ್ರ್ಯಾಂಡ್‌ಗಳೆಂದರೆ ಬಾರ್ಬೆಕ್ಯೂ ರುಚಿಯ ಜ್ಯಾಕ್ ಆಂಡ್ ಜಿಲ್ ಪೊಟಾಟೊ ಚಿಪ್ಸ್, ಸೋರ್ ಕ್ರೀಮ್ ಆಂಡ್ ಆನಿಯನ್ ಲೇಸ್, ಚಿಪ್‌ಸ್ಟರ್ ಮತ್ತು ಲೇಸ್ ಕೆಟಲ್ ಕುಕ್ಡ್ ಚಿಪ್ಸ್.
  • ಸರ್ಬಿಯಾದಲ್ಲಿರುವ ಸಾದಾ (ಉಪ್ಪುಹಾಕಿದ), ಪಿಜಾ, ಗ್ರಿಲ್ ಮತ್ತು ಕೆಚಪ್ ರುಚಿಯ ಆಲೂಗೆಡ್ಡೆ ಚಿಪ್ಸ್ ಹೆಚ್ಚು ಜನಪ್ರಿಯವಾಗಿವೆ. ಚಿಪ್ಸಿ ಕಂಪನಿಯು ಸರ್ಬಿಯನ್ ಆಲೂಗೆಡ್ಡೆ ಚಿಪ್ ಮಾರುಕಟ್ಟೆಯಲ್ಲಿ ಹೆಚ್ಚಿನ ಭಾಗವನ್ನು ವ್ಯಾಪಿಸಿದೆ.
  • ದಕ್ಷಿಣ ಆಫ್ರಿಕಾ ಅನೇಕ ಆಲೂಗೆಡ್ಡೆ ಚಿಪ್ ರುಚಿಗಳನ್ನು ಹೊಂದಿದೆ, ಅವುಗಳೆಂದರೆ 'ಫ್ರೂಟ್ ಚಟ್ನಿ', 'ಬಿಲ್ಟಾಂಗ್' (ಬೀಫ್ ಜರ್ಕಿ), 'ಸಾಸ್', 'ವೊರ್ಸೆಸ್ಟೆರ್ಶೈರ್ ಸಾಸ್', 'ಪೆರಿ ಪೆರಿ' (ಮೊಜಾಂಬಿಕನ್/ಪೋರ್ಚುಗೀಸ್ ಹಾಟ್ ಸಾಸ್ ರುಚಿ) ಹಾಗೂ ಟೊಮಾಟೊ ಸಾಸ್ (ಕೆಚಪ್ ರುಚಿ).
  • ಸ್ಪೇನ್‌ನಲ್ಲಿರುವ ಜನಪ್ರಿಯ ರುಚಿಗಳೆಂದರೆ ಸಾದಾ (ಆಲೀವ್ ಎಣ್ಣೆಯಲ್ಲಿ ಕರಿದು ಉಪ್ಪುಹಾಕಿ) ಮತ್ತು ಹ್ಯಾಮ್.
  • ಸ್ವೀಡನ್‌ನಲ್ಲಿರುವ ಎರಡು ಪ್ರಮುಖ ಕಂಪನಿಗಳೆಂದರೆ ಎಸ್ಟ್ರೆಲ್ಲಾ (ಕ್ರಾಫ್ಟ್ ಫುಡ್ಸ್‌ ಸ್ವಂತವಾಗಿ ಪಡೆದ) ಮತ್ತು OLW. ಉಪ್ಪುಹಾಕಿದ, ಗ್ರಿಲ್ (ಈರುಳ್ಳಿ ರುಚಿಯ), ಹುಳಿ ಕ್ರೀಮ್ ಮತ್ತು ಈರುಳ್ಳಿ ಹಾಗೂ ಸಬ್ಬಸಿಗೆ ಮೊದಲಾದವು ಇಲ್ಲಿರುವ ಜನಪ್ರಿಯ ರುಚಿಗಳಾಗಿವೆ. ಇಲ್ಲಿರುವ ವಿಲಕ್ಷಣ ರುಚಿಗಳೆಂದರೆ ಹುಳಿ ಕ್ರೀಮ್ ಮತ್ತು ಬೇರ್‌ನೇಸ್ ಹಾಗೂ ಹಾಟ್ ಸಿಹಿ ಮೆಣಸು. ಲ್ಯಾಂಟ್‌ಚಿಪ್ಸ್ ಎಂದು ಕರೆಯುವ ಸಿಪ್ಪೆಸುಲಿಯದ ಆಲೂಗೆಡ್ಡೆಗಳಿಂದ ತಯಾರಿಸಿದ ಚಿಪ್ಸ್ ಸಹ ಇಲ್ಲಿ ಸಾಮಾನ್ಯವಾಗಿದೆ.
  • ಯುನೈಟೆಡ್ ಕಿಂಗ್ಡಮ್‌ನಲ್ಲಿನ ಮಾರುಕಟ್ಟೆಯು ವಾಕರ್ಸ್‌ನಿಂದ (ಲೇಸ್‌ನ ಸ್ಥಳೀಯ ಬ್ರ್ಯಾಂಡ್) ಪ್ರಭಾವಿತವಾಗಿದೆ, ಇದು ವ್ಯಾಪಕ ಭಿನ್ನ ರೀತಿಯ ಕ್ರಿಸ್ಪ್ಸ್‌ಗೆ ಜನಪ್ರಿಯವಾಗಿದೆ. ಇಲ್ಲಿರುವ ಪ್ರಮುಖ ಮೂರು ರುಚಿಗಳೆಂದರೆ ಸಿದ್ಧ ಉಪ್ಪುಹಾಕಿದ, ಚೀಸ್ ಮತ್ತು ಈರುಳ್ಳಿ ಹಾಗೂ ಉಪ್ಪು ಮತ್ತು ವಿನಿಗರ್; ಇತರ ಉದಾಹರಣೆಗಳೆಂದರೆ ಪ್ರಾನ್ ಕಾಕ್ಟೇಲ್, ವೊರ್ಸೆಸ್ಟೆರ್ಶೈರ್ ಸಾಸ್ (ವಾಕರ್ಸ್ ಇದನ್ನು ವೊರ್ಸೆಸ್ಟರ್ ಸಾಸ್ ಎಂದು ಕರೆಯುತ್ತದೆ), ಹುರಿದ ಕೋಳಿಮಾಂಸ, ಸ್ಟೀಕ್ ಮತ್ತು ಈರುಳ್ಳಿ, ಹೊಗೆಯಾಡಿಸಿದ ಬೇಕನ್, ಕುರಿಮಾಂಸ ಮತ್ತು ಮಿಂಟ್, ಹ್ಯಾಮ್ ಮತ್ತು ಸಾಸಿವೆ, ಬಾರ್ಬೆಕ್ಯೂ, BBQ ರಿಬ್, ಟೊಮಾಟೊ ಕೆಚಪ್, ಸಾಸ್ ಮತ್ತು ಕೆಚಪ್, ಊರಿಟ್ಟ ಈರುಳ್ಳಿ, ಬ್ರ್ಯಾನ್‌ಸ್ಟನ್ ಉಪ್ಪಿನಕಾಯಿ ಮತ್ತು ಮಾರ್ಮೈಟ್. ಹೆಚ್ಚು ವಿಲಕ್ಷಣ ರುಚಿಗಳೆಂದರೆ ಥೈ ಸಿಹಿ ಮೆಣಸು, ಹುರಿದ ಪೋರ್ಕ್ ಮತ್ತು ಕೆನೆಯಂತಿರುವ ಸಾಸಿವೆ ಸಾಸ್, ಲಿಂಬೆ ಮತ್ತು ಥೈ ಸಾಂಬಾರ ಪದಾರ್ಥಗಳು, ಇಟಲಿಯನ್ ಮೂಲಕೆಗಳೊಂದಿಗೆ ಕೋಳಿಮಾಂಸ, ಸಮುದ್ರ ಉಪ್ಪು ಮತ್ತು ಕರಿಮೆಣಸು, ಟರ್ಕಿ ಮತ್ತು ಬೇಕನ್, ಕ್ಯಾರಮೆಲ್ ಮಾಡಿದ ಈರುಳ್ಳಿ ಮತ್ತು ಸಿಹಿ ಸುವಾಸನೆಯ ವಿನಿಗರ್, ಗಿಣ್ಣು ಮತ್ತು ಕ್ರ್ಯಾನ್‌ಬರಿ, ಮಾವಿನಕಾಯಿ ಮೆಣಸು. ವಿಶೇಷ ರುಚಿಗಳೆಂದರೆ ಅಮೇರಿಕನ್ ಚೀಸ್‍‌ಬರ್ಗರ್ ಮತ್ತು ಇಂಗ್ಲಿಷ್ ಹುರಿದ ಬೀಫ್ ಮತ್ತು ಯೋರ್ಕ್ಶೈರ್ ಪಡ್.[೧೮] ಕೆಟಲ್ ಫುಡ್ಸ್ ಲಿಮಿಟೆಡ್‌ನ ದಪ್ಪನೆಯ ಗರಿಗರಿ ಕ್ರಿಸ್ಪ್ಸ್ ಭೋಜನರಸಿಕರ ರುಚಿಗಳನ್ನು ಒಳಗೊಳ್ಳುತ್ತದೆ: ಮೆಣಸಿನಕಾಯಿಯ ಮಿಶ್ರಣದೊಂದಿಗೆ ಮೆಕ್ಸಿಕನ್ ಲಿಂಬೆ, ಮೆಸ್ಕ್ವೈಟ್ ಒಂದಿಗೆ ಸಾಲ್ಸ, ಬಫೆಲೊ ಮೊಜ್ಜಾರೆಲ್ಲಾ ಟೊಮಾಟೊ ಮತ್ತು ಬೇಸಿಲ್, ಆಡ್ನಾಮ್ಸ್ ಬ್ರಾಡ್‌ಸೈಡ್ ಬೀರ್ ಒಂದಿಗೆ ಬೆಳೆದ ಚೆಡ್ಡರ್, ಸೋಲ್ಮೇಟ್ ಚೀಸ್ ಮತ್ತು ಈರುಳ್ಳಿ ಹಾಗೂ ಹಿಂದೆ ಪಟ್ಟಿಮಾಡಿದ ಇತರ ರುಚಿಗಳು. ಹೆಚ್ಚಿನ ಮಸಾಲೆ ಪದಾರ್ಥಗಳು ಕೇವಲ ಸಸ್ಯಾಹಾರಿ ಘಟಕಾಂಶಗಳನ್ನು ಒಳಗೊಂಡಿದ್ದರೂ, ಲ್ಯಾಂಬ್ ಮತ್ತು ಮಿಂಟ್ ಸಾಸ್ ಮೊದಲಾದ ಕೆಲವು ಇತ್ತೀಚಿನ ಮಸಾಲೆಗಳು ಮಾಂಸದ ಸಾರಗಳನ್ನೂ ಒಳಗೊಂಡಿರುತ್ತವೆ. ೧೯೮೦ರ ದಶಕದ ಆರಂಭದಲ್ಲಿ, ಹೆಡ್ಗೆಹಾಗ್ ಬ್ರ್ಯಾಂಡ್ ರುಚಿಯ ಕ್ರಿಸ್ಪ್ಸ್ ವ್ಯಾಪಕವಾಗಿ ಮಾರಾಟವಾಗುತ್ತಿದ್ದವು ಮತ್ತು ಅವು ಹೆಚ್ಚಿನ ಜನಪ್ರಿಯತೆಯನ್ನು ಗಳಿಸಿದವು. ಮ್ಯಾಕ್‌ಕಾಯ್ಸ್ ಕ್ರಿಸ್ಪ್ಸ್ ಸಹ UK ಯಲ್ಲಿ ಜನಪ್ರಿಯವಾಗಿವೆ. ಉತ್ತರ ಐರ್ಲೆಂಡ್‌ನಲ್ಲಿ ಟಾಯ್ಟೊ (NI) ಲಿಮಿಟೆಡ್ ಮಾರುಕಟ್ಟೆಯಲ್ಲಿ ಹೆಚ್ಚಿನ ಪ್ರಭಾವವನ್ನು ಹೊಂದಿದೆ.[citation needed] ಈ ಕಂಪನಿಯು ರಿಪಬ್ಲಿಕ್ ಆಫ್ ಐರ್ಲೆಂಡ್‌ನಲ್ಲಿರುವ ಟಾಯ್ಟೊ ಕಂಪನಿಯೊಂದಿಗೆ ಸಂಬಂಧಿಸಿಲ್ಲ. ಇಂಗ್ಲೆಂಡ್‌ನ ಉತ್ತರದಲ್ಲಿ, ಸೀಬ್ರೂಕ್ ಆಲೂಗೆಡ್ಡೆ ಕ್ರಿಸ್ಪ್ಸ್ ಹೆಚ್ಚು ಜನಪ್ರಿಯವಾಗಿವೆ, ಆದರೆ ಅವು ದಕ್ಷಿಣದಲ್ಲಿ ತುಂಬಾ ಕಡಿಮೆ ಸಾಮಾನ್ಯವಾಗಿವೆ.
  • ಅಮೇರಿಕಾ ಸಂಯುಕ್ತ ಸಂಸ್ಥಾನದಲ್ಲಿರುವ ಜನಪ್ರಿಯ ಆಲೂಗೆಡ್ಡೆ ಚಿಪ್ಸ್ ರುಚಿಗಳೆಂದರೆ ಹುಳಿ ಕ್ರೀಮ್ ಮತ್ತು ಈರುಳ್ಳಿ, ಬಾರ್ಬೆಕ್ಯೂ, ರಾಂಚ್ ಡ್ರೆಸ್ಸಿಂಗ್ ಹಾಗೂ ಉಪ್ಪು ಮತ್ತು ವಿನಿಗರ್. ಜ್ಯಾಪ್ಸ್‌ನ ಉತ್ಪನ್ನಗಳೆಂದರೆ ಕಾಜುನ್ ಕ್ರಾವ್ಟೇಟರ್ ಚಿಪ್ಸ್ (ಮಸಾಲೆ ಪದಾರ್ಥಗಳೊಂದಿಗೆ ಬೇಯಿಸಿದ ಏಡಿಮೀನಿನ ರುಚಿಯನ್ನು ಹೊಂದಿದೆ) ಮತ್ತು ಕ್ರಿಯೋಲ್ ಟೊಮಾಟೊ ಚಿಪ್ಸ್ (ಟಬಾಸ್ಕೊ ಕರಿಮೆಣಸು ಸಾಸ್‌ನ ರುಚಿಯನ್ನು ಹೊಂದಿದೆ). ಗಮನಾರ್ಹ ಹಿಸ್ಪಾನಿಕ್ ಜನರನ್ನು ಹೊಂದಿರುವ ರಾಜ್ಯಗಳ ಅಂಗಡಿಗಳು ಲಿಮನ್ ಎಂಬ ಮೆಕ್ಸಿಕನ್ ಹೆಸರನ್ನು ಬಳಸಿಕೊಂಡು ಲಿಂಬೆ ರುಚಿಯ ಚಿಪ್ಸ್ಅನ್ನು ಮಾರಾಟ ಮಾಡುತ್ತವೆ.[೧೯]

ಅಂತಹುದೇ ಆಹಾರ ಪದಾರ್ಥಗಳು[ಬದಲಾಯಿಸಿ]

ಮತ್ತೊಂದು ರೀತಿಯ ಆಲೂಗೆಡ್ಡೆ ಚಿಪ್‌ಅನ್ನು, ಮುಖ್ಯವಾಗಿ ಪ್ರಿಂಗಲ್ಸ್ ಮತ್ತು ಲೇಸ್ ಸ್ಟ್ಯಾಕ್ಸ್ ಬ್ರ್ಯಾಂಡ್‌ಗಳು, ಕಚ್ಚಾ ಆಲೂಗೆಡ್ಡೆಗಳಿಂದ ಮಾಡಿದ ಕಣಕವನ್ನು ಕರಿಯುವುದಕ್ಕಿಂತ ಮೊದಲು ನಿಸ್ಸರಿಸಿ ಅಥವಾ ಒತ್ತಿ ಬೇಕಾದ ಆಕಾರವನ್ನು ಕೊಟ್ಟು ತಯಾರಿಸಲಾಗುತ್ತದೆ. ಇದು ಚಿಪ್ಸ್ ಗಾತ್ರ ಮತ್ತು ಆಕಾರದಲ್ಲಿ ಒಂದೇ ರೀತಿಯಿರುವಂತೆ ಮಾಡುತ್ತದೆ, ಇದು ಅವನ್ನು ಬಾಗದ ಕೊಳವೆಗಳಲ್ಲಿ ಸಂಗ್ರಹಿಸಲು ಮತ್ತು ಪ್ಯಾಕಿಂಗ್ ಮಾಡಲು ಅವಕಾಶ ಮಾಡಿಕೊಡುತ್ತದೆ. ಅಮೇರಿಕಾದಲ್ಲಿ, ಪ್ರಿಂಗಲ್ಸ್‌ಗಿರುವ ಅಧಿಕೃತ ಪದವೆಂದರೆ "ಆಲೂಗೆಡ್ಡೆ ಕ್ರಿಸ್ಪ್ಸ್", ಆದರೆ ಅವನ್ನು ವಿರಳವಾಗಿ ಆ ರೀತಿ ಕರೆಯಲಾಗುತ್ತದೆ. ಅದಕ್ಕೆ ವಿರುದ್ಧವಾಗಿ, ಬ್ರಿಟನ್‌ನಲ್ಲಿ ಪ್ರಿಂಗಲ್ಸ್ಅನ್ನು ಸಾಂಪ್ರದಾಯಿಕ "ಕ್ರಿಸ್ಪ್ಸ್"ನಿಂದ ಬೇರ್ಪಡಿಸಲು ಅವನ್ನು "ಆಲೂಗೆಡ್ಡೆ ಚಿಪ್ಸ್" ಎಂದು ಕರೆಯಲಾಗುತ್ತದೆ.

ಆಲೂಗೆಡ್ಡೆ ಚಿಪ್ಸ್‌ನ ಒಂದು ಹೆಚ್ಚುವರಿ ರೂಪಾಂತರವು 'ಆಲೂಗೆಡ್ಡೆ ಸ್ಟಿಕ್ಸ್'ನ ರೂಪದಲ್ಲಿ ಕಂಡುಬರುತ್ತದೆ, ಇವನ್ನು 'ಶೂಸ್ಟ್ರಿಂಗ್ ಆಲೂಗೆಡ್ಡೆ'ಗಳೆಂದೂ ಕರೆಯುತ್ತಾರೆ. ಇವನ್ನು ಫ್ರೆಂಚ್ ಫ್ರೈಗಳಂತೆ ತುಂಬಾ ತೆಳ್ಳಗೆ (೨-೩ ಮಿಮೀ) ತಯಾರಿಸಲಾಗುತ್ತದೆ, ಆದರೆ ಅವನ್ನು ಉಪ್ಪುಹಾಕಿದ ಆಲೂಗೆಡ್ಡೆ ಚಿಪ್ಸ್‌ನ ರೀತಿಯಲ್ಲಿ ಕರಿಯಲಾಗುತ್ತದೆ. ಹಿಕರಿ-ಸ್ಮೋಕ್ ರುಚಿಯು ಕೆನಡಾದಲ್ಲಿ ಜನಪ್ರಿಯವಾಗಿದೆ, ಇದು 'ಹಿಕರಿ ಸ್ಟಿಕ್ಸ್' ಹೆಸರಿನಲ್ಲಿ ಮಾರಾಟವಾಗುತ್ತದೆ. ಆಲೂಗೆಡ್ಡೆ ಸ್ಟಿಕ್ಸ್ಅನ್ನು ವಿಶಿಷ್ಟವಾಗಿ ಬಾಗದ ಧಾರಕಗಳಲ್ಲಿ ಪ್ಯಾಕಿಂಗ್ ಮಾಡಲಾಗುತ್ತದೆ, ಆದರೂ ಕೆಲವು ತಯಾರಕರು ಆಲೂಗೆಡ್ಡೆ ಚಿಪ್ ಚೀಲಗಳಂತಹ ಬಗ್ಗುವ ಸಣ್ಣಚೀಲಗಳನ್ನು ಬಳಸುತ್ತಾರೆ. ಆಲೂಗೆಡ್ಡೆ ಸ್ಟಿಕ್ಸ್ಅನ್ನು ಆರಂಭದಲ್ಲಿ ಗಾಳಿ ಒಳಗೆ ಹೋಗದಂತೆ ಭದ್ರವಾಗಿ ಬಿಗಿದ ಉಕ್ಕಿನ ಡಬ್ಬಿಗಳಲ್ಲಿ ಪ್ಯಾಕಿಂಗ್ ಮಾಡಲಾಗುತ್ತಿತ್ತು. ೧೯೬೦ರ ದಶಕದಲ್ಲಿ, ತಯಾರಕರು ಕಡಿಮೆ ಖರ್ಚಿನ ಸಂಯುಕ್ತ ಸಣ್ಣಡಬ್ಬಿಗಳನ್ನು (ಪ್ರಿಂಗಲ್‌ನ ಧಾರಕಗಳಂತಹುದೇ) ಬಳಸಲು ಆರಂಭಿಸಿದರು. ರೆಕಿಟ್ ಬೆಂಕೈಸರ್ ಡರ್ಕೀ ಪೊಟಾಟೊ ಸ್ಟಿಕ್ ಮತ್ತು ಫ್ರೆಂಚ್ಸ್ ಪೊಟಾಟೊ ಸ್ಟಿಕ್ಸ್ ಹೆಸರುಗಳಡಿಯಲ್ಲಿ ಈ ವರ್ಗದಲ್ಲಿ ಮಾರುಕಟ್ಟೆ ಮುಖಂಡವಾಗಿತ್ತು, ಆದರೆ ಈ ವ್ಯವಹಾರವು ೨೦೦೮ರಲ್ಲಿ ಕೊನೆಗೊಂಡಿತು. UK ಯಲ್ಲಿ, ವಾಕರ್ಸ್ 'ಫ್ರೆಂಚ್ ಫ್ರೈಸ್' ಎಂಬ ಆಲೂಗೆಡ್ಡೆ ಸ್ಟಿಕ್‌ನ ಒಂದು ಬ್ರ್ಯಾಂಡ್ಅನ್ನು ಮಾಡಿದೆ, ಇವು ಸಿದ್ಧ ಉಪ್ಪುಹಾಕಿದ, ಉಪ್ಪು ಮತ್ತು ವಿನಿಗರ್, ಚೀಸ್ ಮತ್ತು ಈರುಳ್ಳಿ ಅಥವಾ ವೊರ್ಸೆಸ್ಟರ್ ಸಾಸ್ ಮೊದಲಾದ ರುಚಿಗಳಲ್ಲಿ ಲಭ್ಯವಾಗುತ್ತವೆ.

ಒಣಗಿಸಿದ ಆಲೂಗೆಡ್ಡೆಗಳಿಂದ ತಯಾರಿಸಿದ ಒಂದು ದೊಡ್ಡ ಆಲೂಗೆಡ್ಡೆ-ಉತ್ಪನ್ನವನ್ನು (ಸರಿಸುಮಾರು ೧ ಸೆಂಟಿಮೀಟರ್ ದಪ್ಪದ) ದೀರ್ಘಕಾಲವಿದ್ದ ಬ್ರಿಟಿಷ್ ಕಾಮಿಕ್ ಸ್ಟ್ರಿಪ್‌ನ ಅಂಶವನ್ನು ಬಳಸಿಕೊಂಡು ಆಂಡಿ ಕ್ಯಾಪ್ಸ್ ಪಬ್ ಫ್ರೈಸ್ ಎಂಬುದಾಗಿ ಮಾರಾಟ ಮಾಡಲಾಗುತ್ತದೆ, ಅವನ್ನು ಬೇಯಿಸಲಾಗುತ್ತದೆ ಮತ್ತು ಅವು ವಿವಿಧ ರುಚಿಗಳಲ್ಲಿ ಮಾರುಕಟ್ಟೆಗೆ ಬಂದಿವೆ. ವಾಕರ್ಸ್ ಉಪ್ಪು ಮತ್ತು ವಿನಿಗರ್ ರುಚಿಯ 'ಚಿಪ್‌ಸ್ಟಿಕ್ಸ್' ಎಂಬ ಅಂತಹುದೇ ಒಂದು ಉತ್ಪನ್ನವನ್ನು ತಯಾರಿಸುತ್ತದೆ. ಸಿದ್ಧ ಉಪ್ಪು ಹಾಕಿದ ರುಚಿಯ ಮಾರಾಟವು ನಿಂತುಹೋಗಿದೆ.

ಕೆಲವು ಕಂಪನಿಗಳು ಕಡಿಮೆ ಕೊಬ್ಬಿನಾಂಶವನ್ನು ಹೊಂದಿರುವ ಬೇಯಿಸಿದ ಆಲೂಗೆಡ್ಡೆ ಚಿಪ್ಸ್ಅನ್ನೂ ಮಾರಾಟ ಮಾಡುತ್ತವೆ. ಇದಕ್ಕೆ ಹೆಚ್ಚುವರಿಯಾಗಿ, ಕೆಲವು ರೀತಿಯ ಕೊಬ್ಬು-ರಹಿತ ಚಿಪ್ಸ್ಅನ್ನು ಕೃತಕ ಮತ್ತು ಅರಗದ, ಕೊಬ್ಬಿನ ಬದಲಿ ಪದಾರ್ಥಗಳನ್ನು ಬಳಸಿಕೊಂಡು ತಯಾರಿಸಲಾಗುತ್ತದೆ. ಒಲೆಸ್ಟ್ರಾವನ್ನು ಹೊಂದಿದ ಘಟಕಾಂಶವೊಂದು ಉದರದ ಅಸ್ವಸ್ಥತೆ ಮತ್ತು ಭೇದಿಯನ್ನು ಉಂಟುಮಾಡಿದಾಗ ಇವು ಮಾಧ್ಯಮದಲ್ಲಿ ಹೆಚ್ಚು ಪ್ರಚಾರಕ್ಕೆ ಬಂದವು.[೨೦]

ಗರಿಗರಿಯಾದ ಕರಿದ ಆಲೂಗೆಡ್ಡೆ ಚಿಪ್ಸ್‌ನ ಯಶಸ್ಸು ಕರಿದ ಜೋಳದ ಚಿಪ್ಸ್ ಮಾರುಕಟ್ಟೆಗೆ ಬರುವಂತೆ ಮಾಡಿತು, ಫ್ರಿಟೋಸ್, CC ಮತ್ತು ಡೋರಿಟೋಸ್ ಮೊದಲಾದ ಬ್ರ್ಯಾಂಡ್‌ಗಳು ಮಾರುಕಟ್ಟೆಯಲ್ಲಿ ಹೆಚ್ಚಿನ ಪ್ರಭಾವ ಬೀರಿದವು. 'ಸ್ವ್ಯಾಂಪ್ ಚಿಪ್ಸ್'ಅನ್ನು ಭಿನ್ನ ರೀತಿಯ ಗೆಡ್ಡೆ-ತರಕಾರಿಗಳಿಂದ ತಯಾರಿಸಲಾಗುತ್ತದೆ, ಉದಾ, ಪಾರ್ಸ್‌ನಿಪ್‌ಗಳು, ರೂಟಬಾಗಗಳು ಮತ್ತು ಕ್ಯಾರೆಟ್‌ಗಳು. ಜಪಾನೀಸ್-ಶೈಲಿಯ ಉತ್ಪನ್ನಗಳು ಅಕ್ಕಿ ಅಥವಾ ಮರಗೆಣಸಿನಿಂದ ತಯಾರಿಸಿದ ಉತ್ಪನ್ನಗಳಂತಹ ನಿಸ್ಸರಿಸಿದ ಚಿಪ್ಸ್ಅನ್ನು ಒಳಗೊಳ್ಳುತ್ತವೆ. ದಕ್ಷಿಣ ಭಾರತದ ತಿಂಡಿ ಪಾಕವಿಧಾನದಲ್ಲಿ, ಕನ್ನಡದಲ್ಲಿ ಹಪ್ಪಳ /ತಮಿಳಿನಲ್ಲಿ ವಡಮ್ ಎಂದು ಕರೆಯುವ ಒಂದು ತಿಂಡಿ ಇದೆ. ಇದನ್ನು ನಿಸ್ಸರಿಸಿದ ಅಕ್ಕಿ/ಸಬ್ಬಕ್ಕಿ ಹಿಟ್ಟು ಅಥವಾ ಹಲವಾರು ಧಾನ್ಯಗಳ ಹಿಟ್ಟಿನಿಂದ ಮಾಡಲಾಗುತ್ತದೆ. ಇದು ಹಲವಾರು ಶತಮಾನಗಳಿಂದ ಬಳಕೆಯಲ್ಲಿದೆ.

ಬ್ರಿಟನ್‌ನಲ್ಲಿ "ಕ್ರಿಸ್ಪ್ಸ್" ಎಂದು ಕರೆಯುವ ಹಲವಾರು ಇತರ ಉತ್ಪನ್ನಗಳಿವೆ, ಆದರೆ ಅವನ್ನು "ಆಲೂಗೆಡ್ಡೆ ಚಿಪ್ಸ್" ಎಂಬುದಾಗಿ ವರ್ಗೀಕರಿಸಲಾಗುವುದಿಲ್ಲ ಏಕೆಂದರೆ ಅವನ್ನು ಆಲೂಗೆಡ್ಡೆಯಿಂದ ಮತ್ತು/ಅಥವಾ ಬಿಲ್ಲೆಗಳಾಗಿ ಕತ್ತರಿಸಿ ತಯಾರಿಸಲಾಗುವುದಿಲ್ಲ (ಉದಾಹರಣೆಗಾಗಿ, ವೋಟ್ಸಿಟ್ಸ್, ಕ್ವೇವರ್ಸ್, ಸ್ಕಿಪ್ಸ್, ಹುಲಾ ಹೂಪ್ಸ್ ಮತ್ತು ಮೋಂಸ್ಟರ್ ಮಂಚ್).

ಕೆಟಲ್-ಶೈಲಿಯ ಚಿಪ್ಸ್ಅನ್ನು (UK/ಯುರೋಪಿನಲ್ಲಿ ಕೈಯಿಂದ-ತಯಾರಿಸಿದ ಚಿಪ್ಸ್ ಎಂದು ಕರೆಯುತ್ತಾರೆ) ಸಾಂಪ್ರದಾಯಿಕವಾಗಿ 'ಬ್ಯಾಚ್-ಶೈಲಿ'ಯ ಕ್ರಿಯೆಯಿಂದ ತಯಾರಿಸಲಾಗುತ್ತದೆ, ಈ ಕ್ರಿಯೆಯಲ್ಲಿ ಎಲ್ಲಾ ಚಿಪ್ಸ್ಅನ್ನು ಒಮ್ಮೆಲೆ ಕಡಿಮೆ ತಾಪದಲ್ಲಿ ಕರಿಯಲಾಗುತ್ತದೆ ಮತ್ತು ಒಂದಕ್ಕೊಂದು ಅಂಟದಂತೆ ತಡೆಯಲು ಅವನ್ನು ನಿರಂತರವಾಗಿ ಕೆದಕಲಾಗುತ್ತದೆ. ಇತ್ತೀಚೆಗೆ ಸ್ವಲ್ಪ ಅಭಿವೃದ್ಧಿಯನ್ನು ಮಾಡಿ, ಕೆಟಲ್-ಶೈಲಿಯ ಚಿಪ್ಸ್ಅನ್ನು 'ನಿರಂತರ-ಶೈಲಿ' ಕ್ರಿಯೆಯಿಂದ (ಉದ್ದ ಸಾಗಣೆ-ಬೆಲ್ಲಿನಂತೆ) ತಯಾರಿಸಲಾಗುತ್ತಿದೆ, ಇದು ಕೆಟಲ್-ಬೇಯಿಸಿದ ಚಿಪ್‌ನ ಹಳೆಯ-ಶೈಲಿಯ ರೂಪ ಮತ್ತು ರುಚಿಯನ್ನು ಕೊಡುತ್ತದೆ.

ಆಲೂಗೆಡ್ಡೆಯಿಂದಲ್ಲದೆ ಬೇರೆಯದರಿಂದ ತಯಾರಿಸಿದ ಚಿಪ್ಸ್ ಸಹ ಇವೆ. ಕುಮಾರ (ಸಿಹಿ ಆಲೂಗೆಡ್ಡೆ) ಚಿಪ್ಸ್ಅನ್ನು ಕೊರಿಯಾ, ನ್ಯೂಜಿಲೆಂಡ್ ಮತ್ತು ಜಪಾನ್‌ನಲ್ಲಿ ತಿನ್ನುತ್ತಾರೆ; ಪಾರ್ಸ್‌ನಿಪ್, ಬೀಟ್‌ರೂಟ್ ಮತ್ತು ಕ್ಯಾರೆಟ್ ಚಿಪ್ಸ್ ಯುನೈಟೆಡ್ ಕಿಂಗ್ಡಮ್‌ನಲ್ಲಿ ಲಭಿಸುತ್ತವೆ. ಭಾರತವು ಅಸಂಖ್ಯಾತ ಸ್ಥಳೀಯ 'ಚಿಪ್ಸ್ ಅಂಗಡಿ'ಗಳಿಗೆ ಪ್ರಸಿದ್ಧವಾಗಿದೆ, ಇವು ಆಲೂಗೆಡ್ಡೆ ಚಿಪ್ಸ್ ಮಾತ್ರವಲ್ಲದೆ ಬಾಳೆ ಚಿಪ್ಸ್, ಟ್ಯಾಪಿಯೋಕ ಚಿಪ್ಸ್, ಸಿಹಿ ಗೆಣಸು ಮತ್ತು ಕ್ಯಾರೆಟ್ ಚಿಪ್ಸ್ ಮೊದಲಾದ ಇತರ ವಿವಿಧ ರೀತಿಯ ಚಿಪ್ಸ್ಅನ್ನೂ ಮಾರಾಟಮಾಡುತ್ತವೆ. ಚಿಫಲ್ಸ್ ಅಥವಾ ಟೋಸ್ಟೋನ್ಸ್ ಎಂದೂ ಕರೆಯುವ ಬಾಳೆ ಚಿಪ್ಸ್ ಅಮೇರಿಕಾ ಸಂಯುಕ್ತ ಸಂಸ್ಥಾನದಿಂದ ಚಿಲಿಯವರೆಗೆ ಪಶ್ಚಿಮಾರ್ಧಗೋಳದಲ್ಲೂ ಮಾರಾಟವಾಗುತ್ತದೆ. ಫಿಲಿಪೈನ್ಸ್‌ನಲ್ಲಿ, ಬಾಳೆ ಚಿಪ್ಸ್ ಸ್ಥಳೀಯ ಅಂಗಡಿಗಳಲ್ಲಿ ಮಾರಾಟವಾಗುವುದನ್ನು ಕಾಣಬಹುದು. ಕೀನ್ಯಾದಲ್ಲಿ, ಚಿಪ್ಸ್ಅನ್ನು ಕೂವೆಗಿಡ ಮತ್ತು ಮರಗೆಣಸಿನಿಂದಲೂ ತಯಾರಿಸಲಾಗುತ್ತದೆ. ಯುನೈಟೆಡ್ ಕಿಂಗ್ಡಮ್, ಸ್ವೀಡನ್, ಫಿನ್‌ಲ್ಯಾಂಡ್ ಮತ್ತು ಆಸ್ಟ್ರೇಲಿಯಾದಲ್ಲಿ, ಅಕ್ಕಿಯಿಂದ ತಯಾರಿಸಿದ ಒಂದು ಹೊಸ ರೀತಿಯ ಪ್ರಿಂಗಲ್ಸ್ಅನ್ನು ಆಲೂಗೆಡ್ಡೆಯಿಂದ ತಯಾರಿಸಿದ ಉತ್ಪನ್ನಗಳಿಗಿಂತ ಕಡಿಮೆ ಕೊಬ್ಬಿನಾಂಶವಿರುವಂತೆ ತಯಾರಿಸಿ ಮಾರಾಟ ಮಾಡಲಾಗುತ್ತದೆ. ಇತ್ತೀಚೆಗೆ, ಆಸ್ಟ್ರೇಲಿಯನ್ ಕಂಪನಿ ಆಬ್ಸೊಲ್ಯೂಟ್ ಆರ್ಗ್ಯಾನಿಕ್ ಬೀಟ್‌ರೂಟ್‌ನಿಂದ ತಯಾರಿಸಿದ ಚಿಪ್ಸ್ಅನ್ನೂ ಬಿಡುಗಡೆ ಮಾಡಿದೆ.

ಟಿಪ್ಪಣಿಗಳು[ಬದಲಾಯಿಸಿ]

  1. "Walkers Crisps". Pepsico. Retrieved 2010-08-09. 
  2. "PotatoPro/Datamonitor". Potatopro.com. Retrieved 2009-05-26. 
  3. "How potato chip is made - used, processing, product, machine, Raw Materials, The Manufacturing Process, Quality Control, Byproducts/Waste, The Future". Madehow.com. 1915-01-06. Retrieved 2010-08-03. 
  4. ಸಿವಿಲ್ ವಾರ್ ರೆಸಿಪೀಸ್ ಆಂಡ್ ಫುಡ್ ಹಿಸ್ಟರಿ - ದಿ ಪೊಟಾಟೊ ಡ್ಯೂರಿಂಗ್ ದಿ ಸಿವಿಲ್ ವಾರ್
  5. "Mike Sells Chipper Shipper Online Store". Mike-sells.com. Retrieved 2009-05-26. 
  6. "Potato Chips". Atlas of Popular Culture in the Northeastern US. Retrieved 2010-03-30. 
  7. [೧]
  8. "The History and Origin of Potato Chips". Students.cup.edu. Retrieved 2010-08-03. 
  9. "BBC h2g2 Potato Crisps - A History". Bbc.co.uk. Retrieved 2009-05-26. 
  10. "Joe 'Spud' Murphy". Daily Telegraph. 2001-11-22. Retrieved 2007-08-23. 
  11. "Joe 'Spud' Murphy". Telegraph. 2001-11-05. Retrieved 2010-08-03. 
  12. "BBC h2g2 - Smiths Salt 'n' Shake Crisps". Bbc.co.uk. Retrieved 2009-05-26. 
  13. ೧೩.೦ ೧೩.೧ McKay, Betsy (2010-03-22). "PepsiCo Develops 'Designer Salt' to Chip Away at Sodium Intake". Wall Street Journal. Retrieved 2010-03-22. 
  14. "Lay's website". Retrieved 2008-08-24. 
  15. "Calbee Four Seas Co. Ltd.". Retrieved 2008-08-24. 
  16. "Calbee カルビー株式会社". Calbee.co.jp. Retrieved 2009-05-26. 
  17. "株式会社湖池屋|総合スナックメーカーのコイケヤ". Koikeya.co.jp. Retrieved 2009-05-26. 
  18. "Walkers Flavour Cup". Retrieved 2010-10-15. 
  19. "LAY'S®". Frito-Lay. Retrieved 2010-08-03. 
  20. "NIDDK...WIN Notes". Win.niddk.nih.gov. 1998-02-21. Retrieved 2009-05-26. 

ಉಲ್ಲೇಖಗಳು‌‌[ಬದಲಾಯಿಸಿ]

  • ಬ್ಯಾನ್‌ಹ್ಯಾಮ್, ರೇನರ್ (೧೯೭೭) "ದಿ ಕ್ರಿಸ್ಪ್ ಅಟ್ ದಿ ಕ್ರಾಸ್‌ರೋಡ್ಸ್", ಪಿ. ಬಾರ್ಕರ್ (ಸಂಪಾದಕರು) ಆರ್ಟ್ಸ್ ಇನ್ ಸೊಸೈಟಿ . ಲಂಡನ್: ಫೊಂಟಾನ.
  • Jones, Charlotte Foltz (1991). Mistakes That Worked. Doubleday. ISBN 0-385-26246-9.  – ಆಲೂಗೆಡ್ಡೆ ಚಿಪ್ಸ್‌ನ ಮೂಲಗಳು

ಬಾಹ್ಯ ಕೊಂಡಿಗಳು‌‌[ಬದಲಾಯಿಸಿ]