ಆಟೋಕ್ಲೇವ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
  1. REDIRECT Template:Infobox laboratory equipment

ಆಟೋಕ್ಲೇವ್ ಅನ್ನು ಸಾಧನಗಳ ಮತ್ತು ಸಪ್ಲೈಸ್ ಗಳ ಕ್ರಿಮಿನಾಶಕ ವಾಗಿ ಬಳಸುತ್ತಾರೆ.ಇದನ್ನು ಅಧಿಕ ಹಬೆಯಲ್ಲಿ ಅಂದರೆ 121 °C ಇರಿಸಲಾಗುತ್ತದೆ. ವಿಶೇಷವಾಗಿ ಇದನ್ನು 15 ರಿಂದ 20 ನಿಮಿಷಗಳ ಕಾಲ ವಸ್ತುವಿನ ಗಾತ್ರವನ್ನು ಆದರಿಸಿ ಇಡಲಾಗುತ್ತದೆ[೧]. ಚಾರ್ಲ್ಸ್ ಚಾಮ್ಬರ್ ಲ್ಯಾಂಡ್ ಎಂಬುವನು ಇದನ್ನು 1879 ರಲ್ಲಿ ಆವಿಷ್ಕಾರ ಮಾಡಿದನು. ಪೂರ್ವಗಾಮಿ ಎಂದು ಕರೆಯಲ್ಪಡುವ ಹಬೆಯ ಪಾತ್ರೆಯನ್ನು ಡೇನಿಸ್ ಪ್ಯಾಪಿನ್ 1679 ರಲ್ಲಿ ನಿರ್ಮಿಸಿದನು.[೨] [೩] ಈ ಹೆಸರು ಫ್ರೆಂಚ್ ನ ಆಟ್ ಮತ್ತು ಲ್ಯಾಟೀನ್ ನ ಕ್ಲೇವಿಸ್ ಎಂಬ ಪದದಿಂದ ಬಂದಿದೆ.ತನ್ನಷ್ಟಕ್ಕೆ ತಾನೇ ಮುಚ್ಚಿಕೊಳ್ಳುವ ಸಾಧನವೆಂಬುದು ಇದರ ಅರ್ಥವಾಗಿದೆ.[೪]

ವಿಧಗಳು[ಬದಲಾಯಿಸಿ]

ಆಟೋಕ್ಲೇವ್ಸ್ ನಲ್ಲಿ ಎರಡು ಪ್ರಮುಖ ವಿಧಗಳಿವೆ:

  • ವಾಸ್ತವವಾಗಿ ಸ್ಟೋವ್ ಟಾಪ್ ಆಟೋಕ್ಲೇವ್ಸ್ ಕ್ಯೂಲಿನರಿ ಪ್ರೆಷರ್ ಕುಕರ್ ನಂತೆ ಇರುತ್ತವೆ. ಪ್ರತಿ ಘಟಕವು ಸಂಪೂರ್ಣವಾದ ಮುಚ್ಚಳವನ್ನು ಮತ್ತು ಹೊರಗಿನ ಪ್ರೆಷರ್ ಗೇಜ್ ಅನ್ನು ಹೊಂದಿರುತ್ತದೆ. ಈ ಘಟಗಳಿಗೆ ಹೊರಗಿನ ಶಾಖದ ಮೂಲಗಳ ಅವಶ್ಯಕತೆ ಇರುತ್ತದೆ.ಅಲ್ಲದೇ ಇದು ಅನುಭವವಿಲ್ಲದವರ ಕೈಯಲ್ಲಿ ಅತ್ಯಂತ ಅಪಾಯಕಾರಿಯಾಗಿದೆ. ಅವುಗಳನ್ನು ಕೇವಲ ಅನುಭವವಿರುವ ವೃತ್ತಿಪರರು ಮಾತ್ರ ಬಳಸಬಹುದು.
  • ಫ್ರಂಟ್ ಲೋಡಿಂಗ್ ಆಟೋಕ್ಲೇವ್ ಗಳನ್ನು ಅದರ ಅನುಕೂಲಕ್ಕಾಗಿ ಹೆಚ್ಚು ಬಳಸಲಾಗುತ್ತದೆ. ಆದರೆ ಹೆಚ್ಚಿನವನ್ನು ಅತ್ಯಂತ ಜಾಗರೂಕತೆಯಿಂದ ಬಳಸಬೇಕಾಗುತ್ತದೆ. ಈ ಘಟಕಗಳು ಬಾಕ್ಸ್ ನ ಆಕಾರದಲ್ಲಿ ಇವೆ. ಅಲ್ಲದೇ ಅವೇ ಒಳಗಿರುತ್ತವೆ. ಕ್ರಿಮಿ ಶುದ್ಧೀಕರಣಕ್ರಿಯೆಗೆ ನೀರನ್ನು ಆವಿಯಾಗಿಸಲು ಶಾಖವನ್ನು ಉತ್ಪತ್ತಿ ಮಾಡುವ ಘಟಕವನ್ನು ಹೊಂದಿರುತ್ತವೆ. ಆಟೋಕ್ಲೇವ್ಸ್ ನಿಯಂತ್ರಕಗಳು ನಿರ್ವಾಹಕನಿಗೆ ಎಷ್ಟು ಬೇಕೋ ಅಷ್ಟು ತಾಪಮಾನವನ್ನು ಅಳವಡಿಸಿಕೊಳ್ಳಲು ಅವಕಾಶವ ನೀಡುತ್ತವೆ. ಅಲ್ಲದೇ ಎಲ್ಲಿಯವರೆಗೂ ಆ ಯಂತ್ರ ಕಾರ್ಯನಿರ್ವಹಿಸಬೇಕೆಂದು ನಿರ್ಧರಿಸುವಂತಹ ಅವಕಾಶವನ್ನು ಕೂಡ ನೀಡಿರುತ್ತವೆ. ಕೊಠಡಿಯ ತಾಪಮಾನ/ಒತ್ತಡವನ್ನು ಕಂಡುಹಿಡಿಯುವ ಮಾಪಕವೂ ಕೂಡ ಇದೆ.

ಬಳಕೆಗಳು[ಬದಲಾಯಿಸಿ]

ಆಟೋಕ್ಲೇವ್ ಗಳನ್ನು ಸೂಕ್ಷ್ಮ ಜೀವ ವಿಜ್ಞಾನ, ವೈದ್ಯ ಶಾಸ್ತ್ರ, ಹಚ್ಚೆ ಹಾಕುವ, ದೇಹಕ್ಕೆ ಚುಚ್ಚುವ, ಪಶು ವಿಜ್ಞಾನ, ಶೀಲಿಂಧ್ರ ಶಾಸ್ತ್ರ, ದಂತಚಿಕಿತ್ಸಾ ಶಾಸ್ತ್ರ, ಪೊಡಿಯೇಟ್ರಿ ಮತ್ತು ಪೂರಣಚಿಕಿತ್ಸೆ ಸೃಷ್ಟಿಸುವುದರಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ.

ಇದು ಗಾಜಿನ ಸಾಮಾನು , ವೈದ್ಯಕೀಯ ತ್ಯಾಜ್ಯ ,ಉಪಕರಣ, ಪ್ರಾಣಿಗಳನ್ನು ಇರಿಸುವ ಬೋನ್ ಮತ್ತು ಲೈಸೋಜೆನಿ ಬ್ಯಾಕ್ಟೀರಿಯಗಳಿಗೆ ಮಾಧ್ಯಮವಾದ ಮಾಂಸದುಂಡೆಗಳನ್ನು ಒಳಗೊಂಡಿರುತ್ತದೆ.[೫]

ಆಟೋಕ್ಲೇವ್ ಗಳನ್ನು ಚಿಕಿತ್ಸೆಗೆ ಮತ್ತು ತ್ಯಾಜ್ಯಗಳ ಕ್ರಿಮಿನಾಶಕವಾಗಿ ಬಳಸುತ್ತಿರುವುದು ಹೆಚ್ಚುತ್ತಿದೆ.ಉದಾಹರಣೆಗೆ: ರೋಗಕಾರಕ ಆಸ್ಪತ್ರೆಗಳ ತ್ಯಾಜ್ಯಗಳಿಗೆ ಬಳಸಲಾಗುತ್ತದೆ. ಈ ವಿಭಾಗದಲ್ಲಿ ಯಂತ್ರಗಳನ್ನು ಹೆಚ್ಚಾಗಿ ಮೂಲ ಆಟೋಕ್ಲೇವ್ ಹೊಂದಿರುವ ತತ್ವಗಳನ್ನು ಆಧರಿಸಿಯೇ ನಿರ್ವಹಿಸಲಾಗುತ್ತದೆ. ಅದರಲ್ಲಿ ಒತ್ತಡಕ್ಕೇರಿಸಿದ ಹಬೆಯನ್ನು ಬಳಸಿಕೊಂಡು ಮತ್ತು ಹೆಚ್ಚಾಗಿ ಕಾಯಿಸಿದ ನೀರಿನಿಂದ ಅವರು ಸೋಂಕು ಕಾರಕಗಳ ಶಕ್ತಿಯನ್ನು ತಟಸ್ಥ ಗೊಳಿಸಬಹುದು. ಹೊಸ ಪೀಳಿಗೆಯ ತ್ಯಾಜ್ಯ ಪರಿವರ್ತಕಗಳು ಯಾವುದೇ ಹಬೆಯ ಪಾತ್ರೆಗಳನ್ನು ಉಪಯೋಗಿಸದೆ ಕೃಷಿಮಾಧ್ಯಮ, ರಬ್ಬರ್ ವಸ್ತುಗಳು, ನಿಲುವಂಗಿ , ಬಟ್ಟೆ, ಗ್ಲವ್ಸ್ ಗಳಲ್ಲಿರುವ ಕ್ರಿಮಿಗಳನ್ನು ನಾಶಮಾಡುವುದರಲ್ಲಿ ಅದೇ ಪ್ರಭಾವ ಬೀರುವ ಸಾಮರ್ಥ್ಯ ಹೊಂದಿವೆ. ಇದು ವಿಶೇಷವಾಗಿ ಒವನ್ ನ ಅತಿ ಹೆಚ್ಚು ತಾಪಮಾನದ ಬಿಸಿಗಾಳಿಯನ್ನು ತಡೆದುಕೊಳ್ಳಲಾಗದ ವಸ್ತುಗಳಿಗೆ ಹೆಚ್ಚು ಉಪಯುಕ್ತವಾಗಿದೆ. ಎಲ್ಲಾ ಸಿರಿಂಜ್ ಗಳ ಬಿಸಿಗಾಳಿ ಒವನ್ ಉತ್ತಮ ಕ್ರಿಮಿನಾಶಕ ವಿಧಾನವಾಗಿದೆ.

ಗಾಳಿಯನ್ನು ನಿರ್ವಾತಗೊಳಿಸುವುದು[ಬದಲಾಯಿಸಿ]

ಒಳಗಿದ್ದ ಎಲ್ಲಾ ಗಾಳಿಯು ಹೊರಹೋಗಿದೆ ಎಂದು ಖಚಿತ ಪಡಿಸಿಕೊಳ್ಳುವುದು ಬಹು ಮುಖ್ಯವಾಗಿದೆ. ಬಿಸಿ ನೀರಿಗೆ ಶುಷ್ಕತೆಯನ್ನು ಪಡೆಯುವ ಸಾಮರ್ಥ್ಯ ಕಡಿಮೆಯಿರುತ್ತದೆ. ಶುಷ್ಕತೆಯನ್ನು 134 °C ಹಬೆಯಲ್ಲಿ 3 ನಿಮಿಷಗಳಲ್ಲಿ ಪಡೆಯಬಹುದು. ಅದೇ ಶುಷ್ಕತೆಯನ್ನು ಬಿಸಿಗಾಳಿಯಲ್ಲಿ 160 °C ನಲ್ಲಿ ಪಡೆಯಲು ಎರಡು ಗಂಟೆಗಳು ಬೇಕಾಗುತ್ತದೆ.[೬] ಗಾಳಿಯನ್ನು ನಿರ್ವಾತಗೊಳಿಸುವ ವಿಧಾನಗಳು ಈ ಕೆಳಕಂಡವುಗಳನ್ನು ಒಳಗೊಂಡಿದೆ:

ಕೆಳಮುಖವಾದ ಸ್ಥಳಪಲ್ಲಟನ (ಅಥವಾ ಗುರುತ್ವದ ರೀತಿಯಲ್ಲಿ) - ಹಬೆಯು ಕೊಠಡಿಯನ್ನು ಪ್ರವೇಶಿಸಿದಾಗ ಇದು ಮೇಲಿನ ಜಾಗವನ್ನು ಆವರಿಸುತ್ತದೆ. ಇದು ಗಾಳಿಗಿಂತ ಕಡಿಮೆ ಸಾಂದ್ರತೆಯನ್ನು ಹೊಂದಿರುತ್ತದೆ. ಆದಕಾರಣ ಡ್ರೇನ್ ಮೂಲಕ ಇದು ಗಾಳಿಯನ್ನು ಕೆಳಗಿಳಿಯುವಂತೆ ಮಾಡುತ್ತದೆ. ಪುನಃ ತಾಪಮಾನ ಸಂವೇದನ ಸಾಧನವನ್ನು ಡ್ರೇನ್ ನಲ್ಲಿ ಇಡಲಾಗುತ್ತದೆ. ವಿಸರ್ಜನೆ ನಿಂತಾಗ ಮಾತ್ರ ಗಾಳಿ ನಿರ್ವಾತಗೊಳಿಸುವಿಕೆ ಸಂಪೂರ್ಣವಾಗುತ್ತದೆ. ಸ್ಟೀಮ್ ಟ್ರ್ಯಾಪ್ ಅಥವಾ ಸೋಲನಾಯ್ಡ್ ಕವಾಟವನ್ನು ಉಪಯೋಗಿಸಿ ಅದರ ರಭಸವನ್ನು ನಿಯಂತ್ರಿಸಬಹುದು. ಕೆಲವೊಮ್ಮೆ ಸೋರಿಕೆ ಕವಾಟಗಳನ್ನು ಸೋಲನಾಯ್ಡ್ ಕವಾಟಗಳ ಜೊತೆಯಲ್ಲಿ ಸೇರಿಸಿ ಕೂಡ ಉಪಯೋಗಿಸಬಹುದು. ಹಬೆ ಮತ್ತು ಗಾಳಿ ಬೆರೆತಾಗ ಆ ಬೆರಕೆಯನ್ನು ಕೊಠಡಿಯ ಕೆಳಗಿನ ಸ್ಥಳವನ್ನು ಬಿಟ್ಟು ಬೇರೆ ಜಾಗಕ್ಕೆ ನೂಕುವಂತಹ ಸಾಧ್ಯತೆಗಳೂ ಇವೆ.

ಹಬೆಯ ಸ್ಪಂದನ (ಸ್ಟೀಮ್ ಪಲ್ಸಿಂಗ್) -ಹಬೆಯ ಸ್ಪಂದನಗಳ ಬಳಸಿಕೊಂಡು ಗಾಳಿಯನ್ನು ದುರ್ಬಲಗೊಳಿಸುವುದು. ಪರ್ಯಾಯವಾಗಿ ಕೊಠಡಿಯನ್ನು ಒತ್ತಡಕೊಳಪಡಿಸಲಾಗುವುದು, ನಂತರ ವಾಯುಮಂಡಲದ ಒತ್ತಡವನ್ನು ಕಡಿಮೆಗೊಳಿಸಲಾಗುವುದು.

ನಿರ್ವಾತ ಪಂಪ್ಸ್ -ವ್ಯಾಕ್ಯೂಮ್ ಪಂಪ್ ಅನ್ನು ಕೊಠಡಿಯಲ್ಲಿರುವಂತಹ ಆವಿಯ ಮಿಶ್ರಣ/ ಗಾಳಿಯನ್ನು ಎಳೆದುಕೊಳ್ಳಲು ಬಳಸಲಾಗುತ್ತದೆ.

ಸೂಪರ್ ಅಟ್ಮೊಸ್ಫರಿಕ್ - ಈ ರೀತಿಯ ಆವರ್ತವನ್ನು ವ್ಯಾಕ್ಯೂಮ್ ಪಂಪ್ ಗಳಲ್ಲಿ ಬಳಸಲಾಗುತ್ತದೆ. ಇದು ವ್ಯಾಕ್ಯೂಮ್ ನ ಜೊತೆಯಲ್ಲಿ ಪ್ರಾರಂಭವಾಗಿ ಸ್ಟೀಮ್ ಪಲ್ಸ್ ಗಳನ್ನು ಅನುಸರಿಸುತ್ತದೆ. ಅನಂತರ ವ್ಯಾಕ್ಯೂಮ್ ಸ್ಟೀಮ್ ಪಲ್ಸ್ ನಿಂದ ಅನುಸರಿಸಲ್ಪಡುತ್ತದೆ. ಪಲ್ಸ್ ನ ಸಂಖ್ಯೆಗಳು ಆರಿಸಲ್ಪಟ್ಟ ಆಟೋಕ್ಲೇವ್ ಮತ್ತು ಆವರ್ತದ ಮೇಲೆ ಅವಲಂಬಿಸಿರುತ್ತವೆ.

ಸಬ್ ಅಟ್ಮೋಸ್ಫರಿಕ್ -ಇದು ಸೂಪರ್ ಅಟ್ಮೊಸ್ಫರಿಕ್ ಆವರ್ತಗಳಂತೆಯೇ ಇರುವುದು. ಆದರೆ ಕೊಠಡಿಯ ಒತ್ತಡ ಕ್ರಿಮಿನಾಶಕಕ್ಕೆ ಬೇಕಾಗುವಷ್ಟು ತಾಪಮಾನ ಪಡೆಯುವವರೆಗೂ ವಾಯುಮಂಡಲದ ಒತ್ತಡಕಿಂತ ಅಧಿಕವಾಗುವುದಿಲ್ಲ.

ಔಷಧದಲ್ಲಿ ಆಟೋಕ್ಲೇವ್ ಗಳು[ಬದಲಾಯಿಸಿ]

ಸ್ಟವ್ ಟಾಪ್ ಆಟೋಕ್ಲೇವ್ಸ್ -ಆಟೋಕ್ಲೇವ್ಸ್ ಗಳಲ್ಲೇ ಅತ್ಯಂತ ಸರಳವಾಗಿದೆ.

ವೈದ್ಯಕೀಯ ಆಟೋಕ್ಲೇವ್ ಗಳು ಹಬೆಯನ್ನು ಕ್ರಿಮಿನಾಶಕವಾಗಿ ಮತ್ತು ಇತರ ಉದ್ದೇಶಗಳಿಗೆ ಬಳಸುವ ಸಾಧಾನವಾಗಿದೆ. ಇದರ ಅರ್ಥ ಎಲ್ಲಾ ಬ್ಯಾಕ್ಟೀರಿಯ, ವೈರಸ್, ಶೀಲಿಂಧ್ರಗಳು, ಮತ್ತುಬೀಜಕಗಳನ್ನು ನಿಷ್ಕ್ರಿಯ ಗೊಳಿಸುವುದು ಎಂದು. ಆದರೂ, ಕ್ರೂಯೆಟ್ಸ್ ಫೆಲ್ಡ್ಟ್-ಜಾಕೋಬ್ ಕಾಯಿಲೆಗೆ ಸಂಬಂಧಿಸಿರುವ ಪ್ರಿಯಾನ್ ಗಳಂತಹವು ಆಕ್ಟೋಕ್ಲೇವ್ ನ 3 ನಿಮಿಷಕ್ಕೆ 134 °C ತಾಪಮಾನದಲ್ಲಿ ಅಥವಾ 15 ನಿಮಿಷಕ್ಕೆ 121 °C ತಾಪಮಾನದಲ್ಲಿ ನಾಶವಾಗದಿರಬಹುದು. ಅಲ್ಲದೇ ಕೆಲವು ಹೊಸದಾಗಿ ಕಂಡುಹಿಡಿಯಲಾದ ಜೀವಿಗಳು ಉದಾಹರಣೆಗೆ ಸ್ಟ್ರೇನ್ 121ಗಳಂತಹವು 121 °C ಕ್ಕಿಂತ ಹೆಚ್ಚಿನ ತಾಪಮಾನದಲ್ಲೂ ಕೂಡ ಬದುಕಬಲ್ಲವು.

ಆಟೋಕ್ಲೇವ್ ಗಳನ್ನು ಅನೇಕ ವೈದ್ಯಕೀಯ ವ್ಯವಸ್ಥೆಗಳಲ್ಲಿ ಮತ್ತು ಕ್ರಿಮಿನಾಶಕಕ್ರಿಯೆ ಮಾಡಬೇಕಿರುವ ಇತರ ಸ್ಥಳಗಳಲ್ಲಿ ಕಾಣಬಹುದು. ಇಂದು ಕ್ರಿಮಿನಾಶಗೊಳಿಸಿ ಮತ್ತೆ ಬಳಸಬಹುದಾದ ಸಾಮಗ್ರಿಗಳಿಗಿಂತ ಒಮ್ಮೆ ಬಳಸಿದ ಸಾಮಗ್ರಿಗಳನ್ನು ಉಪಯೋಗಿಸಲು ಅನೇಕ ವಿಧಾನಗಳಿವೆ. ಇದನ್ನು ಮೊದಲು ಚರ್ಮದಡಿಯಲ್ಲಿ ಹಾಕುವ ಇಂಜೆಕ್ಷನ್ ಸೂಜಿಗೆ ಬಳಸಲಾಯಿತು, ಆದರೆ ಇಂದು ಅನೇಕ ಶಸ್ತ್ರ ಚಿಕಿತ್ಸೆಯ ಉಪಕರಣಗಳು (ಉದಾಹರಣೆಗೆ:ಸೂಜಿಯನ್ನು ಇಟ್ಟುಕ್ಕೊಳ್ಳುವ, ಇಕ್ಕುಳ , ಚಿಕ್ಕಚಾಕು) ಸಾಮಾನ್ಯವಾಗಿ ಪುನಃ ಬಳಸುವುದಕ್ಕಿಂತ ಒಮ್ಮೆ ಬಳಸುವ ಸಾಮಗ್ರಿಗಳಾಗಿವೆ.

 ತ್ಯಾಜ್ಯ ಆಟೋಕ್ಲೇವ್ಅನ್ನು ನೋಡಿ.

ಆರ್ದ್ರತೆ ಇರುವ ತಾಪವನ್ನು ಬಳಸುವುದರಿಂದ ತಾಪ ಅಸ್ಥಿರ ಉತ್ಪನ್ನಗಳು (ಉದಾಹರಣೆಗೆ ಕೆಲವು ಪ್ಲಾಸ್ಟಿಕ)ಈ ವಿಧಾನದಲ್ಲಿ ಶುಧ್ಧಿಯಾಗುವುದಿಲ್ಲ ಅಥವಾ ಅವು ಕರಗಿ ಹೋಗುತ್ತವೆ. ಕೆಲವು ಪೇಪರ್ ಅಥವಾ ಇತರ ಉತ್ಪನ್ನಗಳು ಹಬೆಯಿಂದ ಹಾಳಾದರೆ ಅವುಗಳನ್ನು ಬೇರೊಂದು ರೀತಿಯಲ್ಲಿ ಕ್ರಿಮಿಶುದ್ಧಗೊಳಿಸಬಹುದು. ಎಲ್ಲಾ ಆಟೋಕ್ಲೇವ್ ಗಳಲ್ಲಿ ಲೋಡ್ ಮತ್ತು ಹಬೆಯನ್ನು ಸರಿ ಸಮನಾಗಿ ಒಳಬಿಡಲು ವಸ್ತುಗಳನ್ನು ಯಾವಾಗಲೂ ಬೇರ್ಪಡಿಸಲಾಗುತ್ತದೆ.

ಪುರಸಭೆಯ ಘನರೂಪದ ತ್ಯಾಜ್ಯಗಳಿಗಿಂತ ಮೊದಲು ಆಟೋಕ್ಲೇವಿಂಗ್ ಅನ್ನು ಯಾವಾಗಲು ವೈದ್ಯಕೀಯ ತ್ಯಾಜ್ಯಗಳ ಕ್ರಿಮಿನಾಶಕ್ಕಾಗಿ ಬಳಸಲಾಗುತ್ತಿತ್ತು. ದಹನಕ್ರಿಯೆಯ ಉಪ ಉತ್ಪನ್ನಗಳನ್ನು ದಹನ ಮಾಡುವವರು ಪರಿಸರ ಮತ್ತು ಆರೋಗ್ಯದ ಮೇಲೆ ತೋರಿಸಿದ ಕಾಳಜಿಯಿಂದ , ವಿಶೇಷವಾಗಿ ಪ್ರತ್ಯೇಕ ಆಸ್ಪತ್ರೆಗಳಲ್ಲಿ ಸಾಮಾನ್ಯವಾಗಿ ಉಪಯೋಗಿಸುವಂತಹ ಸಣ್ಣ ಘಟಕಗಳಿಂದ ಈ ಬಳಕೆಯು ಭಸ್ಮೀಕರಣದ ಪರ್ಯಾಯ ಬಳಕೆಯಾಗಿ ಬೆಳೆಯಿತು. ಭಸ್ಮೀಕರಣ ಅಥವಾ ಅದೇ ರೀತಿಯಾ ಉಷ್ಣದ ಆಕ್ಸೀಡಿಕರಣ ವಿಧಾನವನ್ನು ರೋಗಶಾಸ್ತ್ರಿಯದ ತ್ಯಾಜ್ಯಗಳಿಗೆ ಮತ್ತು ಅತ್ಯಂತ ವಿಷಮಯ ಅಥವಾ ಸೋಂಕು ಹರಡಿರುವ ವೈದ್ಯಕೀಯ ತ್ಯಾಜ್ಯಗಳಿಗೆ ಇಂದಿಗೂ ಕಡ್ಡಾಯಗೊಳಿಸಲಾಗಿದೆ.

ಆಟೋಕ್ಲೇವ್ ನ ಗುಣಮಟ್ಟದ ಖಾತ್ರಿ[ಬದಲಾಯಿಸಿ]

ಆಟೋಕ್ಲೇವ್ ನ ಬಲಭಾಗದ ಯಂತ್ರವನ್ನು ಪ್ರಯೋಗಾಲಯದ ಬೃಹತ್ ಪ್ರಮಾಣದ ಸಲಕರಣೆಗಳ ಮರುಬಳಕೆ ಮಾಡುವ ಮೊದಲು ಬಳಸಲಾಗುತ್ತದೆ . ಅಲ್ಲದೇ ಸೋಂಕು ತಗುಲಿರುವ ವಸ್ತುಗಳನ್ನು ಹೊರಹಾಕುವ ಮೊದಲು ಬಳಸಲಾಗುತ್ತದೆ.(ಮಧ್ಯ ಮತ್ತು ಎಡಗಡೆಯಲ್ಲಿ ಇರುವಂತಹ ಯಂತ್ರಗಳು ವಾಷಿಂಗ್ ಮಷಿನ್ ಗಳಾಗಿವೆ)
ಕ್ರಿಮಿನಾಶಕ ಬ್ಯಾಗ್ ಗಳು ಯಾವಾಗಲೂ ಸ್ತಿರ್ಲೈಸೆಷನ್ ಇಂಡಿಕೇಟರ್ ಮಾರ್ಕ್ ಹೊಂದಿರುತ್ತವೆ. ಬ್ಯಾಗ್ ಗಳು ಕ್ರಿಯೆಗೆ ಒಳಪಟ್ಟಾಗ ಅವು ವಿಶೇಷವಾಗಿ ಕಪ್ಪಾಗುತ್ತವೆ.ಕ್ರಿಯೆಗೆ ಒಳಪಡದ ಬ್ಯಾಗ್ ನ ಮಾರ್ಕ್ (L) ಮತ್ತು ಸರಿಯಾಗಿ ಆವರ್ತವಾದ ಬ್ಯಾಗ್ ನ ಮಾರ್ಕ್ (R) ಅನ್ನು ಹೋಲಿಸಿದಾಗ ಸಾಮಾನ್ಯವಾಗಿ ಕಾಣುವ ವ್ಯತ್ಯಾಸ ತೋರಿಸುತ್ತವೆ.

ಭೌತ , ರಾಸಾಯನಿಕ ಮತ್ತು ಜೀವ ವಿಜ್ಞಾನಸೂಚಕ ಸಾಧನಗಳನ್ನು ಆಟೋಕ್ಲೇವ್ ಸರಿಯಾದ ನಿರ್ದಿಷ್ಟ ಸಮಯಕ್ಕೆ ಸರಿಯಾದ ತಾಪಮಾನವನ್ನು ತಲುಪುತ್ತದೆ ಅಥವಾ ಇಲ್ಲವೆಂಬುದನ್ನು ಖಚಿತ ಪಡಿಸಲು ಬಳಸಲಾಗುತ್ತದೆ.

ರಾಸಾಯನಿಕಸೂಚಕ ಸಾಧನಗಳನ್ನು ವೈದ್ಯಕೀಯ ಪ್ಯಾಕಿಂಗ್ ನಲ್ಲಿ ಆಟೋಕ್ಲೇವ್ ಟೇಪಿನಲ್ಲಿ ನೋಡಬಹುದು. ಸೂಚಕಗಳ ಬಣ್ಣ ಬದಲಾದರೆ ಪ್ರಸ್ತುತದ ಸ್ಥಿತಿ ತಿಳಿಯುತ್ತದೆ. ಈ ಬಣ್ಣ ಬದಲಾವಣೆ ಪ್ಯಾಕೇಜ್ ನ ಒಳಗಿರುವ ವಸ್ತು ಅಥವಾ ಟೇಪ್ ನ ಒಳಗಿನ ವಸ್ತು ಕಾರ್ಯ ನಿರ್ವಹಿಸುತ್ತಿದೆ; ಎಂಬುದನ್ನು ಸೂಚಿಸುತ್ತದೆ. ಜೀವ ವಿಜ್ಞಾನದ ಸೂಚಕ ಸಾಧನಗಳು ಶಾಖವನ್ನು ತಡೆದುಕೊಳ್ಳುವ ಬ್ಯಾಕ್ಟೀರಿಗಳ ಬೀಜಕ ವನ್ನು ಒಳಗೊಡಿರುತ್ತವೆ. ಜಿಯೋ ಬ್ಯಸಿಲಸ್ ಸ್ಟಿಯರೋ ತರ್ಮೊಫಿಲಸ್ . ಒಂದುವೇಳೆ ಆಟೋಕ್ಲೇವ್ ಸರಿಯಾದ ತಾಪಮಾನ ತಲುಪದಿದ್ದರೆ ಬೀಜಕಗಳು ವರ್ಧಿಸುತ್ತವೆ; ಅದಲ್ಲದೇ ಅವುಗಳ ಚಯಾಪಚಯ ಕ್ರಿಯೆ pH- ಸೆನ್ಸಿಟೀವ್ ರಾಸಾಯನಕದ ಬಣ್ಣವನ್ನು ಬದಲಾಯಿಸುತ್ತವೆ. ಕೆಲವು ಭೌತ ಸೂಚಕಗಳು ಮಿಶ್ರ ಲೋಹದ ವಿನ್ಯಾಸವನ್ನು ಹೊಂದಿರುತ್ತವೆ . ಇವನ್ನು ಆಗ ಸ್ಥಿರಪಡಿಸಿರುವಂತಹ ಸಮಯದ ನಂತರವೇ ಕರಗುವಂತೆ ರೂಪಿಸಲಾಗಿರುತ್ತದೆ. ಲೋಹವು ಕರಗಿದರೆ ಬದಲಾವಣೆಯನ್ನು ನೋಡಬಹುದು.

ಕೆಲವು ಕಂಪ್ಯೂಟರ್ ಗಳಿಂದ ನಿಯಂತ್ರಿಸಲ್ಪಡುವ ಆಟೋಕ್ಲೇವ್ ಗಳನ್ನು ಕ್ರಿಮಿನಾಶಕ ಆವರ್ತವನ್ನು ನಿಯಂತ್ರಿಸಲು F0 (F-nought) ವ್ಯಾಲ್ಯುಗಾಗಿ ಬಳಸಲಾಗುತ್ತದೆ. F0 ವ್ಯಾಲ್ಯೂಗಳನ್ನು 15 ನಿಮಿಷಗಳಿಗೆ ಸರಿಸಮನಾದ ಕ್ರಿಮಿನಾಶಗೊಳಿಸುವ 121 °C (250 °F) ನಲ್ಲಿ 15 psi (100 kPa)ಕ್ಕಿಂತ ಹೆಚ್ಚಿನ ವಾಯುಮಂಡಲದ ಒತ್ತಡದಲ್ಲಿ ನಿಮಿಷಗಳ ಸಂಖ್ಯೆಗಳ ರೂಪದಲ್ಲಿ ವ್ಯವಸ್ಥಿತಗೊಳಿಸಿರಲಾಗುತ್ತದೆ. ನಿಖರವಾದ ತಾಪಮಾನ ನಿಯಂತ್ರಿಸಲು ಕಷ್ಟವಾಗುವುದರಿಂದ ಅದನ್ನು ಮಾನಿಟರ್ ಮಾಡಲಾಗುತ್ತದೆ; ಅದಲ್ಲದೇ ಅದಕ್ಕನುಸಾರ ಕ್ರಿಮಿನಾಶಕ ಕ್ರಿಯೆಗೆ ಸಮಯ ಅಳವಡಿಸಲಾಗುತ್ತದೆ.

ಇದನ್ನೂ ನೋಡಿ[ಬದಲಾಯಿಸಿ]

Commons logo
ವಿಕಿಮೀಡಿಯ ಕಣಜದಲ್ಲಿ ಈ ವಿಷಯಕ್ಕೆ ಸಂಬಂಧಿಸಿದ ಮಾಧ್ಯಮಗಳಿವೆ:

ಉಲ್ಲೇಖಗಳು[ಬದಲಾಯಿಸಿ]

  1. ಮೈಕ್ರೋ ಬಯೋಲಜಿ, ಜಾಕ್ವೆಲಿನ್ ಬ್ಲಾಕ್, ಪ್ರಿಂಟೈಸ್ ಹಾಲ್,1993 ಪುಟ 334
  2. "Chronological reference marks - Charles Chamberland (1851–1908)". Pasteur Institute. Retrieved 2007-01-19. 
  3. http://www.merriam-webster.com/dictionary/autoclave
  4. http://www.merriam-webster.com/dictionary/autoclave
  5. "Sterilization Cycles". Consolidated Machine Corporation. Retrieved 2009-06-30. 
  6. AS NZS 4815-2006 P33&P35