ಅಪ್ಫೆಲ್‌ವೈನ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಬೆಂಬೆಲ್ ಒಂದಿಗೆ ಅಪ್ಫೆಲ್‌ವೈನ್

ಅಪ್ಫೆಲ್‌ವೈನ್ (ಜರ್ಮನ್, ಆಪಲ್ ವೈನ್ ) ಎಂದರೆ ಒಂದು ರೀತಿಯ ಜರ್ಮನ್ ಸೇಬುಮದ್ಯವಾಗಿದೆ. ಇದನ್ನು ಸ್ಥಳೀಯವಾಗಿ ಎಬ್ಬೆಲ್ವೋಯ್ , ಆಪ್ಲರ್ , ಸ್ಟೋಫ್ಶಿ , ಅಪ್ಫೆಲ್‌ಮೋಸ್ಟ್ (ಆಪಲ್ ಮಸ್ಟ್), ವೈಜ್ (ಲ್ಯಾಟಿನ್‌ನ ವೈಸ್ ‌ನಿಂದ, ಎರಡನೇ ಅಥವಾ ಪರ್ಯಾಯ ವೈನ್) ಮತ್ತು ಸಾರರ್ ಮೋಸ್ಟ್ (ಸೋರ್ ಮಸ್ಟ್) ಎಂದೆಲ್ಲಾ ಕರೆಯುತ್ತಾರೆ. ಇದು ೫.೫%–೭% ನಷ್ಟು ಅಲ್ಕೋಹಾಲ್ ಅಂಶವನ್ನು ಮತ್ತು ಹುಳಿ ರುಚಿಯನ್ನು ಹೊಂದಿದೆ. ಮುಖ್ಯವಾಗಿ ದೊಡ್ಡ ಉತ್ಪಾದಕರು ಹರಡಿದ ಆಪ್ಲರ್ ಹೆಸರನ್ನು ಸಾಮಾನ್ಯವಾಗಿ ರೆಸ್ಟಾರೆಂಟ್‌ಗಳಲ್ಲಿ ಅಥವಾ ಸಣ್ಣ ತಯಾರಕರು ಬಳಸುವುದಿಲ್ಲ. ಅದರ ಬದಲಿಗೆ ಅವರು ಸ್ಕೋಪ್ಪೆನ್ ಅಥವಾ ಸ್ಕೋಪ್ಪೆ ಪಾನೀಯವೆಂದು ಕರೆಯುತ್ತಾರೆ, ಅದು ಲೋಟದ ಮಾಪನವನ್ನು ಸೂಚಿಸುತ್ತದೆ.

ನೀಡುವ ರೀತಿ[ಬದಲಾಯಿಸಿ]

ಸ್ವಲ್ಪ ದಪ್ಪವಾಗಿರುವುದರಿಂದ ಅಪ್ಫೆಲ್‌ವೈನ್ಅನ್ನು ಹೆಚ್ಚಾಗಿ ಬೆಳಕನ್ನು ವಕ್ರೀಕರಿಸುವ ವಜ್ರಾಕೃತಿಯ ಕಚ್ಚುಗಳನ್ನು ಹೊಂದಿರುವ ಒಂದು ರೀತಿಯ ಲೋಟ 'ಗೆರಿಪ್ಟೆಸ್'ನಲ್ಲಿ ನೀಡಲಾಗುತ್ತದೆ.

ಗೆರಿಪ್ಟೆಸ್ ಲೋಟದ ಗಾತ್ರವು ಸಾಮಾನ್ಯವಾಗಿ ೦.೨೫ ಲೀಟರ್ ಆಗಿರುತ್ತದೆ, ಆದರೂ ಇದರಲ್ಲಿ ೦.೩ ಲೀಟರ್ ಗಾತ್ರ ಮಾತ್ರವಲ್ಲದೆ ೦.೫ ಲೀಟರ್‌ಗಳಷ್ಟು ದ್ವಿಗುಣ ಪಟ್ಟು ಹಿಡಿಯುವಷ್ಟು ಗಾತ್ರದ ಲೋಟಗಳೂ ಇರುತ್ತವೆ. ಹಿಂಡಿ-ರಸ-ತೆಗೆಯುವ ಪ್ರಮುಖ ಕೇಂದ್ರಗಳು ೧ ಲೀಟರ್ ಸೀಸೆಗಳಲ್ಲಿ ಮಾರಾಟ ಮಾಡುವ ಅಪ್ಫೆಲ್‌ವೈನ್ಅನ್ನು ಕುಡಿದರೆ ಜೀರ್ಣವಾಗುವುದಿಲ್ಲ ಮತ್ತು ಸೀಸೆಯಾಗಿರಲಿ ಅಥವಾ ಹೂಜಿಯಾಗಿರಲಿ ನೀಡುವ ಪಾತ್ರೆಯಿಂದಲೇ ನೇರವಾಗಿ ಕುಡಿಯಲು ಅದನ್ನು ಸಂಸ್ಕರಿಸಿರುವುದಿಲ್ಲ.

ಸಾಂಪ್ರದಾಯಿಕ ಅಪ್ಫೆಲ್‌ವೈನ್ ರೆಸ್ಟಾರೆಂಟ್‌ಗಳು ಮತ್ತು ಅವುಗಳ ದಿನಂಪ್ರತಿಯ ಅತಿಥಿಗಳು ಸಾಮಾನ್ಯವಾಗಿ ೦.೩-ಲೀಟರ್ ಪ್ರಮಾಣಕವನ್ನು ಹೊಂದಿರುತ್ತಾರೆ. ಆದ್ದರಿಂದ ೦.೨೫l ಲೋಟವನ್ನು ಹೆಚ್ಚಾಗಿ ಬೆಸ್ಕಿಸ್ಸರ್‌ಗ್ಲಾಸ್ (ರಿಫ್-ಆಫ್ ಗ್ಲಾಸ್ ) ಎಂದು ಕರೆಯಲಾಗುತ್ತದೆ ಏಕೆಂದರೆ ಇದು ಅದೇ ಬೆಲೆಗೆ ಕಡಿಮೆ ಅಪ್ಫೆಲ್‌ವೈನ್ಅನ್ನು ಹೊಂದಿರುತ್ತದೆ. ಅಪ್ಫೆಲ್‌ವೈನ್ಅನ್ನು ಬೇರೆ ರೀತಿಯ ಲೋಟಗಳಲ್ಲಿ (ಉದಾಹರಣೆಗಾಗಿ, ದೊಡ್ಡ ಲೋಟಗಳಲ್ಲಿ) ನೀಡುವುದು ತುಂಬಾ ವಿರಳ. ಅಪ್ಫೆಲ್‌ವೈನ್ ತುಂಬಿದ "ಗೆರಿಪ್ಟೆಸ್"ಅನ್ನು "ಸ್ಕೋಪ್ಪೆನ್" ಎಂದೂ ಕರೆಯುತ್ತಾರೆ. ಅಪ್ಫೆಲ್‌ವೈನ್ ಲೋಟಗಳಿಗೆ ಗರಗಸದಂಥ ಅಂಚು ಇರುವುದು ಸಾಮಾನ್ಯ, ಮೇಲೆ ಬೀಳುವ ಬೆಳಕಿನ ಸುಂದರ ವಕ್ರೀಕರಣಕ್ಕಾಗಿ ಮಾತ್ರವಲ್ಲದೆ ಹಿಂದೆ ಹೆಚ್ಚಿನವರು ಯಾವುದೇ ಚಮಚ, ಚಾಕು ಮೊದಲಾದವನ್ನು ಬಳಸದೆ ತಿನ್ನುತ್ತಿದ್ದರಿಂದ, ಗರಗಸದಂಥ ಅಂಚುಗಳುಳ್ಳ ಲೋಟಗಳಿಗಿಂತ ನಯವಾದ ಲೋಟಗಳು ಜಿಡ್ಡುಜಿಡ್ಡಾದ ಕೈಗಳಿಂದ ಸುಲಭವಾಗಿ ಜಾರುವುದರಿಂದ ಲೋಟಗಳು ಹೀಗಿರುತ್ತಿದ್ದವು.

ಅಪ್ಫೆಲ್‌ವೈನ್ ಬೆಂಬೆಲ್‌ನಲ್ಲೂ (ಒಂದು ವಿಶೇಷ ಅಪ್ಫೆಲ್‌ವೈನ್ ಜಗ್) ಲಭ್ಯವಾಗುತ್ತದೆ ಮತ್ತು ಅತಿ ಹೆಚ್ಚು ಬಾಯಾರಿಕೆಯಾಗ ಅಥವಾ ಯಾರಾದರೂ ಜೊತೆಯಿದ್ದಾಗ ಈ ರೀತಿಯಲ್ಲಿ ಆದೇಶಿಸಲಾಗುತ್ತದೆ. ಈ ದೊಡ್ಡಗಾತ್ರದ ಜಾಡಿಯು (ಉಪ್ಪು-ಮೆರುಗಿನ ಜೇಡಿಪಾತ್ರೆಗಳಿಂದ ಮಾಡಲ್ಪಟ್ಟಿರುತ್ತದೆ) ಸಾಮಾನ್ಯವಾಗಿ ನೀಲಿ ಬಿಡಿಭಾಗಗಳೊಂದಿಗೆ ಬೂದು ಬಣ್ಣವನ್ನು ಹೊಂದಿರುತ್ತದೆ. ವಿವಿಧ ಗಾತ್ರಗಳನ್ನು ಸಾಮಾನ್ಯವಾಗಿ ಲೋಟಗಳಲ್ಲಿ ಹಿಡಿಯುವ ಅವುಗಳ ಅಂಶಗಳ ಆಧಾರದಲ್ಲಿ ಸೂಚಿಸಲಾಗುತ್ತದೆ (ಉದಾಹರಣೆಗಾಗಿ, ೪er (ವಿಯರರ್ ) ಅಥವಾ ೮er (ಆಚ್ಟರ್ ) ಬೆಂಬೆಲ್, ಸಣ್ಣ ೦.೨೫ ಲೀಟರ್‌ಗಳ ಅಥವಾ ೦.೩ ಲೀಟರ್‌ಗಳ ಲೋಟಗಳನ್ನು ಬಳಕೆಯ ಸ್ಥಳದ ಆಧಾರದಲ್ಲಿ ಒಂದು ಆಧಾರವಾಗಿ ತೆಗೆದುಕೊಳ್ಳಲಾಗುತ್ತದೆ. ಆದುದರಿಂದ, ೪er ಬೆಂಬೆಲ್ ೧ ಲೀಟರ್ ಅಥವಾ ೧.೨ ಲೀಟರ್‌ಗಳಷ್ಟು ಅಪ್ಫೆಲ್‌ವೈನ್ಅನ್ನು ಹೊಂದಿರಬಹುದು). ಐಫೆಲ್ ಪ್ರದೇಶದಲ್ಲಿ, ಹನ್ಸ್ರಕ್‌ನ ಹತ್ತಿರ, ಮೋಸೆಲ್ಟಾಲ್ ಸುತ್ತಲೂ, ಕೆಳಗಿನ ಸಾರ್‌ನಲ್ಲಿ ಮತ್ತು ಟ್ರಿಯರ್‌ನಲ್ಲಿ, ಪಾನೀಯದ ಧಾರಕವನ್ನು 'ವಿಯಜ್ಪೋರ್ಜ್' ಎಂದು ಕರೆಯುತ್ತಾರೆ ಮತ್ತು ಇದು ಬಿಳಿ ಪೋರ್ಸೆಲೈನ್ ಅಥವಾ ಜೇಡಿಪಾತ್ರೆಯನ್ನು ಒಳಗೊಂಡಿರುತ್ತದೆ.

ಬಿಸಿ ಅಪ್ಫೆಲ್‌ವೈನ್ಅನ್ನು ಸಾಮಾನ್ಯವಾಗಿ ಶೀತಕ್ಕೆ ಹಳೆಯ ಮನೆಮದ್ದಾಗಿ ಅಥವಾ ಚಳಿಗಾಲದಲ್ಲಿ ಬೆಚ್ಚಗಿರಿಸುವ ಪಾನೀಯವಾಗಿ ಬಳಸಲಾಗುತ್ತದೆ. ಅಪ್ಫೆಲ್‌ವೈನ್ಅನ್ನು ಬಿಸಿ ಮಾಡಿ (ಬೇಯಿಸಿ ಅಲ್ಲ!), ದಾಲ್ಚಿನ್ನಿ ಚಕ್ಕೆಯೊಂದಿಗೆ ನೀಡಲಾಗುತ್ತದೆ, ಕೆಲವೊಮ್ಮೆ ಲವಂಗ ಮತ್ತು/ಅಥವಾ ಲಿಂಬೆಹಣ್ಣಿನ ಹೋಳುಗಳೊಂದಿಗೂ ಕೊಡಲಾಗುತ್ತದೆ.

ಕಾಕ್‌ಟೇಲ್[ಬದಲಾಯಿಸಿ]

ವಿದೇಶಿ ಪ್ರದೇಶಗಳ ಟೀಕೆ ಮಾಡುವವರು, ಅಪ್ಫೆಲ್‌ವೈನ್ ಏಳು ಲೋಟ ಕುಡಿದ ನಂತರವೇ ಅದರ ರುಚಿ ತಿಳಿಯುವ ಏಕೈಕ ಪಾನೀಯವಾಗಿದೆಯೆಂದು ಹೇಳುತ್ತಾರೆ. ಕಾಕ್‌ಟೇಲ್‌ಗಳೊಂದಿಗೆ ಅಪ್ಫೆಲ್‌ವೈನ್‌ಅನ್ನು ಹೆಚ್ಚು ಅಥವಾ ಕಡಿಮೆ ಸಾಮಾನ್ಯವಾಗಿ ಮಿಶ್ರಮಾಡಲು ಈ ಕೆಳಗಿನವು ಕಾರಣವಾಗಿರಬಹುದು:

  • ಹೆಚ್ಚು ಸಾಮಾನ್ಯವಾದುದೆಂದರೆ ಸಾಯರ್ಗೆಸ್‌ಪ್ರೈಟ್ಜರ್ , ಇದು ೩೦%ನಷ್ಟು ಖನಿಜ ಜಲದೊಂದಿಗೆ ಹದವಾಗಿ ಮಿಶ್ರಣಮಾಡಿದ ಅಪ್ಫೆಲ್‌ವೈನ್ ಆಗಿದೆ. ಟೈಫ್ಗೆಸ್‌ಪ್ರೈಟ್ಜರ್ ಅಥವಾ ಬ್ಯಾಟ್‌ಸ್ಕ್ನಾಸ್ಸರ್ ಹೆಚ್ಚು ಖನಿಜ ಜಲವನ್ನು ಬಳಸುವ ಪಾನೀಯಗಳಾಗಿವೆ.
  • ಸಾಮಾನ್ಯವಾಗಿರುವ ಮತ್ತೊಂದು ಪಾನೀಯವೆಂದರೆ ಸುಸ್ಸ್ಗೆಸ್‌ಪ್ರೈಟ್ಜರ್ , ಇದು ಲಿಂಬೆ ಸೋಡ, ಕಿತ್ತಳೆ ಸೋಡ ಅಥವಾ ತಾಜಾವಾಗಿ ಹಿಂಡಿದ ಸೇಬು ರಸದೊಂದಿಗೆ ಹದವಾಗಿ ಮಿಶ್ರಮಾಡಿದ ಅಪ್ಫೆಲ್‌ವೈನ್ ಆಗಿದೆ (ಲಿಂಬೆ ಸೋಡವು ಹೆಚ್ಚು ಸಾಮಾನ್ಯವಾಗಿರುತ್ತದೆ).
  • ಕಡಿಮೆ ಸಾಮಾನ್ಯವಾಗಿ, ಅಪ್ಫೆಲ್‌ವೈನ್ಅನ್ನು ಕೋಲಾದೊಂದಿಗೆ ಹದವಾಗಿ ಮಿಶ್ರಮಾಡಲಾಗುತ್ತದೆ. ಈ ಮಿಶ್ರಣವನ್ನು KE (ಕೋಲಾ-ಎಪ್ಲರ್) ಎಂದು ಸೂಚಿಸಲಾಗುತ್ತದೆ; ಫ್ರ್ಯಾಂಕ್‌ಫರ್ಟ್ ಆಮ್ ಮೇನ್‌ನಲ್ಲಿ ಇದನ್ನು ಕೊರಿಯಾ ಎಂದು ಕರೆಯಲಾಗುತ್ತದೆ, ಅದೇ ಫ್ರ್ಯಾಂಕ್‌ಫರ್ಟ್‌ನ ಪೂರ್ವಭಾಗದಲ್ಲಿ ಇದನ್ನು ಪ್ಯಾಂಜರ್ ("ಟ್ಯಾಂಕ್") ಅಥವಾ ಪ್ಯಾಂಜೆರ್‌ಸ್ಪ್ರೈಟ್ ("ಟ್ಯಾಂಕ್ ಇಂಧನ") ಎಂದೆಲ್ಲಾ ಕರೆಯಲಾಗುತ್ತದೆ.
  • ತುಂಬಾ ವಿರಳವಾಗಿ, ಅಪ್ಫೆಲ್‌ವೈನ್ಅನ್ನು ಬೀರ್ ಒಂದಿಗೆ ಮಿಶ್ರ ಮಾಡಲಾಗುತ್ತದೆ. ಈ ಮಿಶ್ರಣವನ್ನು "ಬೆಂಬೆಲ್‌ಸ್ಕ್ಲಾಬ್ಬರ್" ಎಂದು ಕರೆಯಲಾಗುತ್ತದೆ.

ಮಿಶ್ರಣವನ್ನು (ನಿರ್ದಿಷ್ಟವಾಗಿ ಕೋಲಾದೊಂದಿಗೆ) ಹೆಚ್ಚಿನ ಅಪ್ಫೆಲ್‌ವೈನ್ ರಸಿಕರು ಸಂಪ್ರದಾಯಭಂಗವಾದುದೆಂದು ಪರಿಗಣಿಸುತ್ತಾರೆ, ಆದರೂ ಇದು ಫ್ರ್ಯಾಂಕ್‌ಫರ್ಟ್ ಆಮ್ ಮೇನ್‌ನ ಹೊರಗೆ ಹೆಚ್ಚು ಸಾಮಾನ್ಯವಾಗಿದೆ (ಸಾಮಾನ್ಯವಾಗಿ ಇದನ್ನು ಕೋಲಾದೊಂದಿಗೆ ೮೦:೨೦ ಅನುಪಾತದಲ್ಲಿ ಮಿಶ್ರ ಮಾಡಲಾಗುತ್ತದೆ).

ಕೆಲವು ವಸತಿಗೃಹದ ಯಜಮಾನರು ಮತ್ತು ಸ್ಥಳೀಯ ಪಾನಗೃಹಗಳು ಸುಸ್ಸ್ಗೆಸ್‌ಪ್ರೈಟ್ಜರ್ ಅನ್ನು ನೀಡಲು ನಿರಾಕರಿಸುತ್ತವೆ. ಈ ಪಾನಗೃಹಗಳಲ್ಲಿ ಸುಸ್ಸ್ಗೆಸ್‌ಪ್ರೈಟ್ಜರ್ಅನ್ನು ಕೇಳಿದ ಗ್ರಾಹಕರಿಗೆ ಅಪ್ಫೆಲ್‌ವೈನ್ ಮತ್ತು ಲಿಂಬೆ ರಸವನ್ನು ಪ್ರತ್ಯೇಕವಾಗಿ ನೀಡಲಾಗುತ್ತದೆ, ಇದರಿಂದ ಗ್ರಾಹಕರಿಗೆ ಈ ಹಿಡಿಸದ ಕಾರ್ಯವನ್ನು ಮಾಡುವಂತೆ ಪಾನಗೃಹದ ಸಿಬ್ಬಂದಿಗಳನ್ನು ಬಲವಂತ ಪಡಿಸದೆ ಇವೆರಡನ್ನು ಮಿಶ್ರಮಾಡಲು ಸಾಧ್ಯವಾಗುತ್ತದೆ.

ಕಾಡು ಸೇಬು ಎಂದು ಸುಲಭದಲ್ಲಿ ತಪ್ಪಾಗಿ ತಿಳಿಯುವ ಅಳಿವಿನಂಚಿನಲ್ಲಿರುವ ಸ್ಪಿಯರ್ಲಿಂಗ್ (ಸೋರ್ಬಸ್ ಡೊಮೆಸ್ಟಿಕ ) ಅಥವಾ ಸ್ಪೆಯರ್ಲಿಂಗ್ ಎಂಬ ಒಂದು ಜಾತಿಯ ಸಣ್ಣ, ಸ್ಥಳೀಯ ಮರದ ಹಣ್ಣಿನ ಸಂಸ್ಕರಿಸದ ರಸವನ್ನು ಸೇರಿಸಿ ಅಪ್ಫೆಲ್‌ವೈನ್ಅನ್ನು ಹೆಚ್ಚಾಗಿ ತಯಾರಿಸಲಾಗುತ್ತದೆ. ಅಂತಿಮ ಉತ್ಪನ್ನದಲ್ಲಿ ಯಾವುದೇ ವ್ಯತ್ಯಾಸವನ್ನು ಕಂಡುಹಿಡಿಯಲು ತಯಾರು-ಮಾಡದವರಿಗೆ ಕಷ್ಟವಾದರೂ, ಹೆಚ್ಚಿನ ಹೆಸ್ಸಿಯನ್‌ರಿಗೆ ಈ ವಿರಳವಾದ ಪೂರೈಕೆಯು ಈ ಪಾನೀಯ ಬಗ್ಗೆ ಹೆಚ್ಚಿನ ಜ್ಞಾನ ಮತ್ತು ವೃತ್ತಿ-ಕೌಶಲವನ್ನು ನೀಡುತ್ತದೆ.

ಪ್ರಾದೇಶಿಕ ಮೂಲಸ್ಥಾನ[ಬದಲಾಯಿಸಿ]

ಅಪ್ಫೆಲ್‌ವೈನ್ಅನ್ನು ಮುಖ್ಯವಾಗಿ ಹೆಸ್ಸೆಯಲ್ಲಿ (ಅಲ್ಲಿ ಅದು ರಾಜ್ಯ ಪಾನೀಯವಾಗಿದೆ), ನಿರ್ದಿಷ್ಟವಾಗಿ ಫ್ರ್ಯಾಕ್‌ಫರ್ಟ್, ವೆಟ್ಟೆರಾಯ್ ಮತ್ತು ಒಡೆನ್ವಾಲ್ಡ್ ಪ್ರದೇಶಗಳಲ್ಲಿ, ತಯಾರಿಸಲಾಗುತ್ತದೆ ಮತ್ತು ಬಳಸಲಾಗುತ್ತದೆ. ಇದು ಮೋಸೆಲ್‌ಫ್ರ್ಯಾಂಕನ್ , ಮರ್ಜಿಗ್ (ಸಾರ್ಲ್ಯಾಂಡ್) ಮತ್ತು ಟ್ರೈಯರ್ ಪ್ರದೇಶದಲ್ಲೂ ಕಂಡುಬರುತ್ತದೆ; ಅಲ್ಲದೆ ಕೆಳಗಿನ ಸಾರ್ ಪ್ರದೇಶದಲ್ಲಿ ಮತ್ತು ಲುಕ್ಸೆಂಬರ್ಗ್‌ನ ಗಡಿಪ್ರದೇಶದಲ್ಲೂ ಕಂಡುಬರುತ್ತದೆ. ಈ ಪ್ರದೇಶಗಳಲ್ಲಿ ಅನೇಕ ದೊಡ್ಡ ತಯಾರಕರು ಮಾತ್ರವಲ್ಲದೆ ಅಸಂಖ್ಯಾತ ಸಣ್ಣ, ಖಾಸಗಿ ತಯಾರಕೂ ಇದ್ದಾರೆ, ಇವರು ಸಾಂಪ್ರದಾಯಿಕ ತಯಾರಿಕಾ-ವಿಧಾನಗಳನ್ನು ಬಳಸುತ್ತಾರೆ. ಅಪ್ಫೆಲ್‌ವೈನ್ಅನ್ನು ವಿತರಿಸುವ ಕೆಲವು ಸುಪ್ರಸಿದ್ಧ ರೆಸ್ಟಾರೆಂಟ್‌ಗಳು ಸ್ಯಾಚ್ಸೆನ್ಹಾಸನ್(ಫ್ರ್ಯಾಂಕ್‌ಫರ್ಟ್ ಆಮ್ ಮೇನ್)ನಲ್ಲಿವೆ. ಕೆಲವು ಪ್ರದೇಶಗಳಲ್ಲಿ ನಿಯತ ಸೇಬುಮದ್ಯ ಸ್ಪರ್ಧೆಗಳು ಮತ್ತು ಉತ್ಸವಗಳನ್ನು ನಡೆಸಲಾಗುತ್ತದೆ, ಇವುಗಳಲ್ಲಿ ಸಣ್ಣ, ಖಾಸಗಿ ತಯಾರಕರು ಭಾಗವಹಿಸುತ್ತಾರೆ. ಈ ಸಮಾರಂಭಗಳಲ್ಲಿ ಸೇಬುಮದ್ಯ ಹಾಡುಗಳನ್ನು ಸಂಯೋಜಿಸಿ, ಹಾಡಲಾಗುತ್ತದೆ. ಮರ್ಜಿಗ್ ಪ್ರದೇಶವು ಒಬ್ಬ ವೈಜ್ ರಾಣಿಗೆ ಮತ್ತು ಕೆಳಗಿನ ಸಾರ್ ಪ್ರದೇಶವು ಒಬ್ಬ ವೈಜ್ ರಾಜನಿಗೆ ಕಿರೀಟಧಾರಣೆ ಮಾಡಿವೆ.

ಒಂದು ಅನಧಿಕೃತ ವೈಜ್ ರೂಟ್ (ರುಯ್ ಡು ಸಿಡ್ರೆ ) ಸಾರ್‌ಬರ್ಗ್ಅನ್ನು ಲುಕ್ಸೆಂಬರ್ಗ್‌ನ ಗಡಿಪ್ರದೇಶದೊಂದಿಗೆ ಸಂಪರ್ಕಿಸುತ್ತದೆ. ಅಲ್ಲದೆ ಮರ್ಜಿಗ್‌ನಲ್ಲಿ ವಾರ್ಷಿಕ ವೈಜ್ ಫೆಸ್ಟ್ಅನ್ನು ಆಚರಿಸಲಾಗುತ್ತದೆ. ಈ ದಿನವು ಸಾಮಾನ್ಯವಾಗಿ ಅಕ್ಟೋಬರ್ ತಿಂಗಳ ಎರಡನೇ ಶನಿವಾರವಾಗಿರುತ್ತದೆ.

ಉಲ್ಲೇಖಗಳು‌‌[ಬದಲಾಯಿಸಿ]

ಇವನ್ನೂ ಗಮನಿಸಿ‌[ಬದಲಾಯಿಸಿ]

  • ಕಂಟ್ರಿ ವೈನ್